Connect with us

Կինովարձույթ

Ամերիկյան կինոթատրոններն օգնության համար դիմել են Կոնգրեսին

Հրապարակվել է

Ամերիկյան կինոարդյունաբերությունը եւ կինոթատրոնների 150 հազար աշխատակիցներ դիմել են ԱՄՆ Կոնգրեսին՝ աջակցության արտակարգ միջոցների խնդրանքով: Կինոթատրոնների սեփականատերերի ազգային ասոցիացիան հանդես է եկել առաջարկությունների փաթեթով, որն այս պահին գտնվում է Կոնգրեսի քննարկման փուլում:

Կինոթատրոնները խնդրում են պետական երաշխիքներ տրամադրել վարկերի համար, որպեսզի նվազեցնեն լիկվիդայնության հետ կապված խնդիրները: Առաջարկվում է նաեւ հարկային արտոնություններ տրամադրել գործատուների կողմից աշխատողների աջակցությունը հեշտացնելու համար, հարկադիր փակման ժամանակ ընթացիկ ծախսերի փոխհատուցումը եւ այլ հարկային միջոցներ, որոնք կօգնեն կինոթատրոններին վերադարձնել կորուստները այն բանից հետո, երբ նրանք նորից աշխատեն լիարժեք հզորությամբ:

«Կինոթատրոնների բիզնես մոդելը յուրահատուկ կերպով խոցելի է ներկայիս ճգնաժամի մեջ: Քանի որ մենք դիմակայում ենք անընդհատ փոփոխվող եւ աննախադեպ այս իրավիճակին, մենք կոչ ենք անում Կոնգրեսին եւ վարչակազմին ապահովել, որ կինոթատրոնների ինդուստրիան եւ նրա տասնյակ հազարավոր աշխատակիցներ ամբողջ երկրում կարողանան հանգիստ լինել իրենց ապագայի համար», — նշվում է Կինոթատրոնների սեփականատերերի ազգային ասոցիացիայի ուղերձում:

Կազմակերպության տնօրենների խորհուրդը նաեւ հավանություն է տվել դրա ռեզերվից մեկ միլիոն դոլար հատկացնելուն՝ որպես օգնություն կորոնավիրուսի պատճառով աշխատանքը կորցրած կինոթատրոնների աշխատակիցներին: Ներկայում Սպիտակ տունը մշակում է ավելի քան տրիլիոն դոլար ընդհանուր արժողությամբ միջոցառումների զանգվածային փաթեթ, որն իր մեջ ներառում է ամերիկացիներին դրամական միջոցների ուղղակի հատկացում եւ վարկեր՝ տնտեսության ներկայիս ճգնաժամի պատճառով հատկապես տուժած ոլորտներին:

Կինովարձույթ

«Ցենտրալ Փարթներշիփը» 194 մլն ռուբլու հայց է ներկայացրել «Սինեմա Պարկ» ռուսական կինոցանցի դեմ

Հրապարակվել է

«Ցենտրալ Փարթներշիփ» ընկերությունը, որը ԱՊՀ խոշորագույն դիստրիբյուտորներից է, դատի է տվել ռուսական «Սինեմա Պարկ» կինոցանցին՝ մտադրվելով նրանից պահանջել գրեթե 200 մլն ռուբլի, հաղորդում է «Պրավո»-ն:

2020թ. հուլիսի 8-ին ռուս մատակարարը Մոսկվայի Արբիտրաժային դատարան հայց է ներկայացրել, որով պահանջում է կինոթատրոնների ցանցից բռնագանձել 194,1 մլն ռուբլի:

Ամենայն հավանականությամբ, քննության պատճառ են դարձել կինոցուցադրության կազմակերպման պարտքերը: Միավորված կինոցանցը, որի մեջ բացի «Սինեմա Պարկից» մտնում են նաև «Կինո Օկկոն» և «Ֆորմուլա Կինոն», տարեսկզբից ի վեր չի վճարում ցուցադրվող նկարների հավաքագրումների տոկոսները:

Հունվար-մարտ ամիսներին ՑՓՇ ընկերությունը կինոցանցին ինը ֆիլմ է տրամադրել, որոնց թվում է Կլիմ Շիպենկոյի «Ճորտը» կատակերգությունը, որը բերել է ավելի քան 3 մլրդ ռուբլի, Ջեֆ Ֆաուլերի «Սոնիկ. կինո» հայտնի տեսախաղի ադապտացումը, որը հավաքել է 635,2 մլն դոլար, և Մարյուս Վայսբերգի «(ոչ)կատարյալ տղամարդ» կատակերգությունը, որը դրամարկղ է բերել 520 մլն ռուբլի:

Մարտի կեսերին Միացյալ կինոցանցը դիստրիբյուտորներին ծանուցմամբ նամակներ է ուղարկել, որ տնտեսական բարդ իրադրության պատճառով նրանց հետ փակվելու է «մնացորդային սկզբունքով»: ՑՓՇ-ի ղեկավարը մեկնաբանել է այդ հայտարարությունը՝ ասելով, որ գործելու է ստորագրված պայմանագրի շրջանակներում և նշել, որ սա ցանցի կողմից վճարումների առաջին հետաձգումը չէ:

Ռուսաստանի խոշորագույն կինոթատրոնային ցանցը, որը պատկանում է գործարար Ալեքսանդր Մամուտին, նույնպես 150 մլն ռուբլի է պարտք «Ազգային մեդիա խմբին» Ֆյոդոր Բոնդարչուկի «Ներխուժումը» և Ժորա Կրիժովնիկովի «Սառույց 2» ժապավենները վարձելու համար:

Շարունակել ընթերցումը

Կինովարձույթ

Ամերիկյան խոշորագույն կինոցանցերը դատի են տվել Նյու Ջերսի նահանգին

Նրանք հստակություն են պահանջում տարածաշրջանում կինոթատրոնների բացման հարցով:

Հրապարակվել է

Երեքշաբթի Կինոթատրոնների սեփականատերերի ազգային ասոցիացիան (NATO), ինչպես նաև AMC և Regal խոշոր ցանցերը հայց են ներկայացրել Նյու Ջերսիի նահանգին և նահանգապետ Ֆիլիպ Մերֆիին: Նրանք իշխանություններին մեղադրել են խտրականության մեջ այն պատճառով, որ նահանգը թույլատրել է եկեղեցիների բացումը, իսկ կինոթատրոններին մինչեւ հիմա արգելվում է աշխատել:

Նյու Ջերսի նահանգը կինոթատրոնների կողմից պատահական ընտրված չէ: Սա կարևոր մաս է երկրի դրամարկղային քարտեզի վրա՝ դրա շուրջ 100 կինոթատրոններ բերում են ԱՄՆ-ի ընդհանուր դրամարկղի մոտ 2,5 տոկոսը, սակայն, միևնույն ժամանակ, այն աշխարհագրորեն և ենթակառուցվածքային կապ ունի վարձույթի համար ամենախոշոր և շահութաբեր տարածաշրջանի՝ Նյու Յորք քաղաքի հետ: Բացի այդ, ասում են, որ տեղի նահանգապետն ավելի ճկուն է, քան Նյու Յորքի իշխանությունները:

ԱՄՆ-ի կինովարձույթի շուկայի շատ խաղացողներ վիրավորված են առողջապահության համակարգի իշխանություններից և պաշտոնյաներից, քանի որ կարծում են, որ արդյունաբերությանը անարդար են վերաբերվում: AMC-ն ու Regal-ը բազմիցս հայտարարել են, որ իրենք ունեն աշխատանքի վերականգնման մտածված սխեմաներ, որոնցում ամրագրված են սանիտարական-համաճարակաբանական բոլոր նորմերն ու կանոնները պահպանելու պարտավորությունները: Սակայն աշխատանքի թույլտվություններ կան ոչ բոլոր նահանգներում:

Եթե կինոթատրոնները կարողանան շահել այդ գործը, այն նախադեպ կստեղծի եւ կնպաստի այլ հինգ նահանգների իշխանությունների կողմից կինոթատրոնների վերաբերյալ որոշումների կայացմանը: Խտրականության տակ ներկայացվող աշխատելու արգելքը ամենաակնհայտ քայլը չէ, բայց ամերիկյան իրավունքի համար այդ «իրավաբանորեն ճշմարտանման փաստարկը» կարող է աշխատել: Սակայն առայժմ ԱՄՆ-ում կինովարձույթի համար հիմնական վտանգ են ներկայացնում ոչ թե իշխանությունների որոշումները, այլ COVID-19 հիվանդացության նվազող ժամանակացույցը: Եթե իրավիճակը չհաջողվի կոտրել, ապա օգոստոսի կեսերին երկրի կինոթատրոնների զանգվածային բացման մասին խոսք լինել չի կարող:

Շարունակել ընթերցումը

Կինոարտադրություն

Ֆիլմը դեռ չկա, բայց այրդեն վաճառած է. Ո՞վ է ներկայացնելու արքայադուստր Դիանայի մասին ֆիլմը Հայաստանում

Արքայադուստր Դիանայի մասին պատմող «Սփենսեր» ֆիլմը վաճառվել է ամբողջ աշխարհում

Հրապարակվել է

Նկարահանումներից շատ առաջ արքայադուստր Դիանայի մասին ֆիլմը Քրիստեն Ստյուարտի մասնակցությամբ վաճառվել է ամբողջ աշխարհում:

Արքայադուստր Դիանայի մասին չիլիացի ռեժիսոր Պաբլո Լարաինի ֆիլմի նկարահանումները կսկսվեն 2021 թվականի առաջին ամսից ոչ շուտ, իսկ «Սփենսեր» անվանումով Կաննի կինոշուկայում մեծ հետաքրքրություն առաջացրած նախագիծն արդեն վաճառվել է աշխարհի գրեթե բոլոր երկրներ:

Ամերիկյան FilmNation ընկերությունը գրեթե ամբողջությամբ վաճառել է նախագիծը՝ գործարքներ կնքելով Մեծ Բրիտանիայի, Ֆրանսիայի, Իտալիայի եւ Բենիլյուքի (STX Entertainment), Գերմանիայի եւ Շվեյցարիայի (DCM), Ավստրալիայի / Նոր Զելանդիայի (Roadshow), Լատինական Ամերիկայի, Իսպանիայի եւ Պորտուգալիայի (Sun), Հարավային Կորեայի (Green Narae) եւ Ճապոնիայի (Tohokushina) հետ:

Բացի այդ ֆիլմը վաճառվել է Սկանդինավիա (Scanbox), Կանադայում (Elevation), ԱՊՀ եւ Բալթյան երկրներում (Ցենտրալ Փարթներշիփ), Արեւելյան Եվրոպայում (Forum), Մերձավոր Արեւելքի (Italia), Պան Ասիա Pay TV (Disney), Սինգապուր (Sho), Հունաստան/Կիպրոս (Spentzos), Hong Kong (Golden Scene), Հնդկաստան/Պակիստան (Impact Films India), Իսրայելը (Lev), Թուրքիան (FilmArti), Հարավային Աֆրիկյան Հանրապետություն (Empire), Թայվան (Moviecloud) եւ Թայլանդ (M Pictures):

ԱՊՀ երկրների համար իրավունքները ձեռք է բերել «Ցենտրալ Փարթներշիփ» կինոընկերությունը, Հայաստանում այն ներկայացված է «Շարմ Փիքչերզի» կողմից, ԱՄՆ-ում ֆիլմը կթողարկեն Neon եւ Topic Studios կինոընկերությունները: Բոլոր խոշոր շուկաներից դեռեւս դիստրիբյուտոր չկա միայն Չինաստանում:

Նկարը ցույց կտա արքայադուստր Դիանայի կյանքը նրա համար վերջին Սուրբ Ծննդյան տոնը թագավորական ընտանիքի հետ հայտնի Սադրինգեմի կալվածքում: Գլխավոր դերը կխաղա Քրիստեն Ստյուարտը, սցենարը գրել է Սթիվեն Նայթը: Որպես պրոդյուսերներ հանդես են եկել Պաբլո Լարաինը, Խուան դե Դիոս Լարաինը, Յոնաս Դորնբախը, Յանինա Յակովսկին եւ Փոլ Ուեբսթերը:

Շարունակել ընթերցումը

Միացեք մեզ

Գովազդ

ԿինոՊրես Telegram

Գովազդ

Հարցում

Թրենդային

Copyright © 2019-2020 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: