Connect with us

Գրախոսություն

«Այրվիր, այրվիր պայծառ». մթին Սուպերմենի պատմությունը

«Այրվիր, այրվիր պայծառ» ֆիլմը վաղը դուրս է գալիս հայկական վարձույթ: ԿինոՊրեսը արդեն դիտել է և կիսվում է կարծիքով:

Հրապարակվել է

Ի՞նչ կլինի, եթե Երկրի վրա վթարի ենթարկված այլմոլորակային երեխան, որը գերբնական հատկություններ ունի, փոխարեն հերոս դառնա, պարզվի, որ սարսափելի պատուհաս է մարդկության համար:

BrightBurn

Թորի Բրայերին (Էլիզաբեթ Բենքս) հղիանալու անհաջող փորձերից հետո գրեթե հաշտվել է իր դառը ճակատագրի հետ: Խորհրդավոր կերպով հայտնված նորածինը նրան է վերադարձնում մայրության հույսը: Թվում է, թե Բրենդոնին նման երեխայի մասին Թորին եւ նրա ամուսինը՝ Կայլը (Դեւիդ Դենմանը), կարող էին միայն երազել. տղան խելացի է, տաղանդավոր եւ հետաքրքրությամբ է ճանաչում շրջապատող աշխարհը: Սակայն, երբ Բրենդոնը (Ջեքսոն Ա. Դան) մեծանում է, նրա մեջ սկսում է զարգանալ մութ ուժ, և Թորին կասկածում է, որ այստեղ ինչ-որ բան այնպես չէ: Բրենդոնի տարօրինակ վարքը սպառնում է նրա մտերիմներին, քանի որ հրաշալի դեռահասը վերածվում է արյունռուշտ գիշատչի, որը կարող է անճանաչելիորեն փոխել Կանզասի գավառական քաղաքի հանգիստ կյանքը:

Չնայած, որ ֆիլմը հորրոր ժանրին է պատկանում, այն ցույց է տալիս մայրական անսահման սերը; մի մարդու սեր, ոմ վրա մանուկ հասակում պարզապես «թքած ունեին»: «Այրվիր, այրվիր պայծառ» կատարելապես ցույց է տալիս Սուպերմենի հակառակ կողմը: Այնպիսի տպավորություն է, որ ստեղծողները նույնիսկ չեն փորձել թաքցնել պատմության նմանությունը:

BRIGHTBURN

Պրոդյուսեր Ջեյմս Գանը, ով աշխատել է «Գալակտիկայի պահապանները» և «Սկուբի-Դու» ֆիլմերի վրա, ներկայացնում է արյունը սառեցնող և կարծրատիպերը քայքայող կինոժանր՝ գերհերոսական հորրոր:

Մթին Սուպերմենի պատմություն

Հաշվի առնելով, որ փոփ-մշակույթում գերիշխում են կոմիքսների սուպերհերոսները, «Այրվիր, այրվիր պայծառ» ֆիլմի պրոդյուսերները որոշել են օգտագործել ժանրի ժողովրդականության ալիքը՝ այն միավորելով հորրոր ժանրի հետ՝ ստեղծելով նոր և իսկապես եզակի մի բան: Գաղափարը ծնվել է Բրայան Հան ու Մարկ Գան սցենարիստների դուետի մոտ: Իր գրեթե 20-ամյա կարիերայի ընթացքում Բրայանը, «Գալակտիկայի պահապանները» ֆիլմի ռեժիսոր Ջեյմս Գանի կրտսեր եղբայրը, աշխատել է Մարկի հետ բազմաթիվ ֆիլմերի եւ հեռուստատեսային նախագծերի վրա: Նրանք միասին հորինել են ընտանեկան զույգի մասին սյուժեն, ում աչքերի առաջ իրականանում են ամենասարսափելի մղձավանջները:

«Անհիշելի ժամանակներից մինչև մեր օրերը պատմություններ են հասել անպտուղ ծնողների մասին, որոնք երեխա են գտնում, — պնդում է Բրայան Գանը: — Այդ երեխաները, որպես կանոն, դառնում են ազնիվ հերոսներ: Եվ մենք մտածեցինք, թի ինչ կլինի, եթե նման երեխան դառնա ոչ թե բարի, այլ հակառակը, ինչ-որ սարսափելի արարած»:

Brandon Breyer (Jackson A. Dunn) stars in Screen Gems’ BRIGHTBURN.

Բրենդոնի գերբնական կարողություններն օգնել են կինեմատոգրաֆիստներին վախով գրավել հանդիսատեսին։ Յարովեսկին նշում է, որ այնպիսի ունակությունները, ինչպիսիք են լեւիտացիան, լազերային տեսլականը, անմարդկային ուժը եւ անհավատալի արագությունը, որը տելեպորտացիա է հիշեցնում: «Ես ուզում էի, որ իր շարժումներով նա նմանվեր դաժան ու անկանխատեսելի գիշատիչին», – ասում է նա:

Թե լսում ես՝ փախչիր

Ձայնը, որը արձակում էր թիկնոցը, երբ Բրենդոնը գրոհում էր զոհին, դարձավ սարսափ ֆիլմերի ֆիրմային տարրը: Գործադիր պրոդյուսեր Սայմոն Քաթն ասում է. «Մղձավանջ ծփիների փողոցում» ֆիլմաշարում հանդիսատեսը միշտ իմացել է, երբ է մոտենում Ֆրեդի Կրյուգերը՝ նրան բնորոշ ածելիի ձայնից: Բրենդոնի փողփողուն թիկնոցի ձայնը մենք օգտագործել են որպես ազդանշան, որ ուր որա է տեղի կունենա մի սարսափելի բան: Կարծես ուրվական է թռչում տեսախցիկի առաջ:

Մեծահասակների համար նախատեսված նման անսովոր պատմությունը գրավել է շատ դերասանների ուշադրությունը: Ֆիլմում գլխավոր դերերը խաղացել են դերասանուհի եւ պրոդյուսեր Էլիզաբեթ Բենքսը («Քաղցած խաղեր», «Կատարյալ ձայն 2»), Դեւիդ Դենմանը («Օֆիս» սերիալ), Ջեքսոն Ա. Դաննը («Անամոթները» սերիալ), Մեթ Ջոնսը («Մայրիկ» եւ «Ծովային ոստիկանություն» սերիալներ) եւ Մերիդիթ Հագները («Պատանին» սերիալ): Ռեժիսորական աթոռը զբաղեցրել է Դեւիդ Յարովեսկին («Պարս»), սցենարը գրել են Բրայան եւ Մարկ Գանը («Ճանապարհորդություն 2. Խորհրդավոր կղզի»):

Մեծահասակների համար նախատեսված նման անսովոր պատմությունը գրավել է շատ դերասանների ուշադրությունը: Ֆիլմում գլխավոր դերերը խաղացել են դերասանուհի եւ պրոդյուսեր Էլիզաբեթ Բենքսը («Քաղցած խաղեր», «Կատարյալ ձայն 2»), Դեւիդ Դենմանը («Օֆիս» սերիալ), Ջեքսոն Ա. Դաննը («Անամոթները» սերիալ), Մեթ Ջոնսը («Մայրիկ» եւ «Ծովային ոստիկանություն» սերիալներ) եւ Մերիդիթ Հագները («Պատանին» սերիալ): Ռեժիսորական աթոռը զբաղեցրել է Դեւիդ Յարովեսկին («Պարս»), սցենարը գրել են Բրայան եւ Մարկ Գանը («Ճանապարհորդություն 2. Խորհրդավոր կղզի»):

Ֆիլմը հայկական վարձույթում կհայտնվի 2019 թվականի մայիսի 23-ին:

Միացեք մեր Telegram ալիքին և առաջինը ստացեք մեր նորությունները
Շարունակել ընթերցումը
Գովազդ
Մեկնաբանություններ

Գրախոսություն

«Հորիզոնին այդքան մոտ». բացառիկ պատմություն անհաղթահարելի հանգամանքների հետ բախվող մեծ սիրո մասին

Հրապարակվել է

«Հորիզոնին այդքան մոտ» գեռմանական ֆիլմը հանդիսանում է գերմանացի գրող Ջեսիկա Կոխի «Դենի» ինքնակենսագրական եռագրության առաջին մասը: Սերիայի բոլոր վեպերը բեսթսելեր են դարձել Գերմանիայում, եւ ահա արդեն գրական պատմությունը վերածվել է կինոֆիլմի:

Ռոմկոմի ռեժիսորն է Թիմ Տրախտեն, իսկ Կոխի վեպի սցենարը գրել է Արման Շրյոդերը։ Ֆիլմում գլխավոր դերերը կատարել են Յանիկ Շումանը (Դենի), Լունա Վեդլերը (Ջեսիկա) եւ Լուիզա Բեֆորտը (Թինա):

Նրանք միմյանց հանդիպեցին իրենց չափահաս կյանքի լուսաբացին, երբ զգացմունքները հաղթում էին վախերն ու հաղթահարում ցանկացած խոչընդոտներ։ Երիտասարդ սիրահարներն ամեն վայրկյան միասին էին, սակայն, սերն առաջին հայացքից չի կարող հավերժ տևել։

«Այդ ժամանակ ես չգիտեի, թե ինչ անկանխատեսելի կարող է լինել կյանքը, և որ խորը ցավն ու մեծ երջանկությունը կարող են այդքան մոտ լինել միմյանցից:»

Նկարն, ընդհանուր առմամբ, իրենից ներկայացնում է գեղեցիկ փաթեթավորմամբ եւ նույնատիպ միջուկով կոնֆետ: «Հորիզոնին այդքան մոտ» ֆիլմը իրականությանը մոտ հեքիաթացված ֆիլմ է: Վարդագույն խլիքները ամեն րոպե ծորում են էկրանի հակառակ կողմից: Այս անգամ պատմությունը մի քիչ այլ տեսք ունի՝ հիվանդ է տղան, աղջիկը տեղը չի գտնում:

Վերջերս շատ էին այս տիպի ֆիլմերը, հատկապես «Վոլգա» ընկերության կողմից՝ «Հետո», «Նրանց բաժանում է հինգ քայլ», հիմա «Հորիզոնին այդքան մոտ»: Եթե «Հետոն» անիմաստ ֆիլմ էր, ապա երկրորդը մելոդրամաների շարքում լավ տեղ է ամրագրել: «Հորիզոնին այդքան մոտ» ֆիլմը ավելի շատ նվիրված է վարդագույն խլինքների լղոզմանը… ու հա մի քանի բառով նկարագրում են թե ինչով է տարբերվում ՁԻԱՀ-ը ՄԻԱՎ-ից: Գուցե ֆիլմը ավելի ուժեղ լիներ, եթե ինչ-որ չափով նվիրված լիներ այդ թեմային, սակայն մենք տեսնում ենք երիտասարդների վազվզոցը ու անտեղի հրճվանքը:

Կարող եք գրկել ձեր ընկերուհուն կամ ընկերոջը և փորձել մի կաթիլ արցունք թափել կինոթատրոններում հունվարի 23-ից

Շարունակել ընթերցումը

Գրախոսություն

«Ատլանտիկա». դեբյուտային աշխատանք մահացած աֆրիկյան միգրանտների, սիրո եւ օվկիանոսի մասին

Ուրվականներ-օվկիանոս-աղջիկ, կամ ինչու պետք է դիտել խորհրդավոր Սենեգալի մասին նոր առեղծվածային առակը:

Հրապարակվել է

«Ատլանտիկան» ծագումով սենեգալցի ֆրանսուհի Մաթի Դիոպի դեբյուտային լիամետրաժ ֆիլմն է: Դիոպը հայտնի է իր 2013 թվականի «Հազար արեւ» վավերագրական աշխատանքով, «Տուկի Բուկի» ֆիլմի ծերացած հերոսի մասին, որը նկարահանվել է նրա հարազատ քեռի՝ Ջիբրիլ Դիոպ Մամբեթին: Նա հայտնի է նաեւ Կլեր Դենիի «Ռոմայի 35 ոտնաթաթը» ֆիլմում գլխավոր դերակատարմամբ:

Ֆիլմը Կաննի կինոփառատոնի կարեւորությամբ երկրորդ մրցանակն է ստացել՝ վերցնելով հիմնական մրցույթի գրան պրին: Գլխավոր մրցանակը բաժին է հասել Պոն Ջուն Հոյի «Մակաբույծները» կինոնկարին: Եվ ահա Հարավկորեական նոր հրաշքի հաղթական վարձույթից հետո հերթը հասել է համարձակ կինոռեժիսոր Դիոպին, որը վարձույթ դուրս կգա միայն երեք երկրներում՝ Ֆրանսիայում, Բելգիայում եւ Ռուսաստանում, մնացած տարածքներում տարածմամբ կզբաղվի Netflix-ը:

Դակար քաղաքի արվարձաններից մեկում հսկայական ապակե երկնաքեր է կառուցվում: Բանվորներն արդեն ամիսներ շարունակ չեն ստանում խոստացված գումարը: Շինարարներից մեկը՝ երիտասարդ տղա Սուլեյմանը, սիրահարված է տեղի գեղեցկուհի Ադային, որն արդեն պսակված է հարուստ փեսացուի հետ, սակայն այֆոնին եւ Իսպանիա մեկնելու հեռանկարին գերադասում է երիտասարդ բանվորի սերը: Չնայած դրան, Սուլեյմանը այլ բանվորների հետ կորոշի լքել հայրենի Սենեգալը Հին Աշխարհում ավելի լավ կյանք գտնելու համար:

Եթե «Ատլանտիկան» դիտարկենք Կաննի համար սովորական դարձած մուլտիկուլտուրալիզմի տեսանկյունից, ապա Դիոպի ֆիլմը միայն ընդհանուր գծերով է տեղավորվում այդ օրակարգի մեջ, թեեւ այդ ուղղության հիմնական նշաններն առկա են: Սա սյուժեի նախադրյալն է համատեքստում, որը լավ ծանոթ է ռեժիսորին ներսից, ֆիլմում ոչ պրոֆեսիոնալ դերասանների օգտագործումը, մարդկային արժեքները դուրս մղող բուրժուական արժեքների քննադատությունը: Դրա հետ մեկտեղ, Դիոպն իր ֆիլմը կառուցում է բանաստեղծական ոճով՝ պատմելով դիցաբանական սյուժեն՝ Պենելոպեն, որը սպասում է իր փեսացուին, որը նվաստացնում է եւ հանդիմանում հասարակ տղայի հանդեպ սիրո համար:

«Ատլանտիկայում» կա համաշխարհային առասպելական բանահյուսությանը հատուկ ձգտում՝ արդարությունը վերականգնելու կողմնակի ուժերի միջամտության միջոցով: Իրականում միստիկան, իսկ ավելի ճիշտ, ծովում զոհված միգրանտների հոգիների տեղափոխումն իրենց կանանց մարմին, այստեղ երկակի դեր է կատարում՝ մի կողմից ուրվականները կանանց կերպարի մեջ գալիս են վերցնելու իրավամբ իրենց պատկանող գումարները, որոնք գրպանել է շինարարության տերը, մյուս կողմից, միայն այս առեղծվածային ենթադրություն է հնարավոր դարձնում արդարության վերականգնումը սենեգալցի աշխատողների համար:

«Ատլանտիկայի» գրեթե բոլոր արական կերպարները արտահայտում են իրենց կամ ուրիշների հետ կառուցողական երկխոսություն վարելու անկարողությունը: «Ատլանտիկայի» տղամարդկանց աշխարհը ապարդյուն փորձում է հաստատվել կանանց աշխարհի վրա: «Ատլանտիկան» առանց չափազանցության կանանց կինոնկար է, որը ստեղծվել է հիմնականում կանանց կողմից: Դիոպից բացի, ֆիլմի օպերատոր է հանդես եկել Քլեր Մաթոնը, որը նաեւ նկարահանել է մեկ այլ ֆեմինիստական ֆիլմ՝ «Աղջկա դիմանկարը կրակի մեջ», որն այս տարի ցուցադրվել է Կաննի մրցութային ծրագրում: Ֆաթիմա Ալ Քադրին, որը դակարցի է եւ Դիոպի մտերիմ ընկերուհին, ձայնագրել է անհավանական ազդեցություն սաունդթրեք, որը համարձակորեն արդարացնում է «Ատլանտիկայի» բոլոր մոգական ենթադրությունները:

Ֆիլմում ֆեմինիզմը բացահայտվում է ոչ թե ցույցի միջոցով, որոնք հիմնավորում են խոստումները, ինչպես «այդ կինը կարողացել է», այլ բնական լակոնիկ պատկերավորությամբ: Ֆիլմի բոլոր հերոսուհիները չափազանց բնորոշ են եւ արխետիպիկ են, բայց միեւնույն ժամանակ իրական են եւ ներկայացված են այսօրվա համատեքստում: Կարելի է ասել, որ Դիոպը շարունակում է նույն գիծը, որը հիմնադրել են դեռ նեոռեալիստները, մասնավորապես Վիսկոնտին իր «Երկիրը դողում է» ֆիլմում, որտեղ սիցիլիական Աչիտեցիների եւ այնտեղ ապրող ձկնորսների կոլորիտն ու ֆակտուրան փոխանցում էին ոչ միայն կոնկրետ տեղանքի, այլ նաև արտաքին աշխարհի խնդիրները՝ անձնական կյանքը իր խնդիրներով դարձնելով ընդհանուր սեփականություն:

Հեղինակ՝ Ալեքսեյ Վոլչանսկի
«ԿինոՊրես»

Շարունակել ընթերցումը

Գրախոսություն

«Յուրահատուկները». ոչ թե սահմանափակ կարողություններով, այլ հատուկ կարիքներով

Հրապարակվել է

2020 թվականի հունվարը չի առատելու այն նկարներով, որոնք անհրաժեշտ է տեսնել, սակայն «Յուրահատուկները» ֆիլմի վրա պետք է ուշադրություն դարձնել (ինչպես նաև «Փարոս» և «1917» ֆիլմերի վրա): Օլիվյե Նակաշի եւ Էրիկ Տոլեդանոյի (որոնք մեզ նվիրել են «1+1» կինոնկարը) հուզիչ դրաման ԱՊՀ-ի վարձույթում կհայտնվի հունվարի 16-ին եւ ձեզ կվերադարձնի դաժան իրականությանը՝ բուռն ամանորյա տոներից հետո: Բայց էսկապիզմը ելք չէ, եւ պետք է խոստովանել, որ մենք ապրում ենք յուրահատուկ աշխարհում, որտեղ կան յուրահատուկ մարդիկ ոչ թե սահմանափակ կարողություններով, այլ հատուկ կարիքներով:

Սան Սեբաստյան կինոփառատոնում նկարը արժանացել է հանդիսատեսի համակրանքի մրցանակին: Հուզական, միաժամանակ զվարճալի եւ տխուր, պարզ, բայց միեւնույն ժամանակ ծանր է այն գիտակցությունից, որ գոյություն ունի մարդկանց կաստա, որը երբեք չի ընկնում հսկայական նավի վրա, մնալով փոքրիկ նավակում: Դուրս է մնում լիարժեք կյանքից:

Բայց միշտ կլինեն մարդիկ, ովքեր պատրաստ են ամեն ինչի գնալ ուրիշներին օգնելու համար: «Յուրհատուկները» իրական պատմություն է մարդկության մասին, նրանց մասին, ովքեր օգնում են աուտիզմի ծանր աստիճանով երեխաներին եւ մեծահասակներին: Բրյունոն (Կասել) եւ Մալիկը (Կատեբ), որոնք պատասխանատու են երկու ոչ առեւտրային կազմակերպությունների համար (որոնք նույնիսկ լիցենզիա չունեն), երիտասարդներին սովորեցնում են զբաղվել ծանր դեպքերով: «Յուրահատուկ» մարդկանց հետ շփման ընթացքում իրենք հասկանում են, թե ինչ տեղ են իրենք զբաղեցնում այս աշխարհում: Իսկ հանդիսատեսը գիտակցում է, որ Բրյունոն ու Մալիկը յուրովի յուրահատուկ են:

Ֆիլմը ներծծված է ոգու զարմանալի ուժով: Մենք բոլորս ունենք գոյության իրավունք և ավելի լավ կյանքի հնարավորություն: Պարզապես կան մարդիկ, ովքեր ի վիճակի չեն ինքնուրույն իրականացնել այդ հնարավորությունը: Այնպես որ, ուշադիր եղեք միմյանց նկատմամբ:

Շարունակել ընթերցումը
Գովազդ

Թրենդային

Գովազդ

Հարցում

Հունվարի ո՞ր ֆիլմն եք սպասում:

View Results

Loading ... Loading ...

Թրենդային

Copyright © 2019 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: