Connect with us

Հայաստան

Անահիտ Աբադի հայ-իրանական «Եվա» ֆիլմը կմտնի ամերիկյան վարձույթ

Հրապարակվել է

Հայտնի է դարձել, որ Անահիտ Աբադի հայ-իրանական «Եվա» ֆիլմը մուտք կգործի ամերիկյան վարձույթ: Ֆիլմի ամերիկյան դիստրիբյուտորն է հանդիսանում Venera Films ընկերությունը: Գլխավոր գրասենյակը գտնվում է Նյու Յորք քաղաքում: Ընկերությունը աներմուծում է հիմնականում Մեծ Մերձավոր Արեւելքի ֆիլմեր: Սա «Եվա» ֆիլմի առաջին թատերական թողարկումն է ԱՄՆ-ում:

Հայաստանի ազգային կինոկենտրոնի և «Ֆարաբի» ֆիլմարտադրության կենտրոն» հիմնադրամի (պետական ֆոնդ) ֆինանսական աջակցությամբ նկարահանված «Եվան» դրամա է։ Ֆիլմը մի կնոջ մասին, որն ուզում է մոռանալ իր կյանքում տարիներ առաջ տեղի ունեցած մութ ու ծանր պատմությունը։ Նա դստեր հետ հեռանում է Երևանից, հաստատվում է Արցախում՝ ծանոթների մոտ։ Սակայն, անցյալը ամենուր հետապնդում է նրան․․․

«Եվա» կինոնկարը Նյու Յորքի կինոթատրոններում կթողարկվի 2019 թվականի հոկտեմբերի 25-ին եւ Լոս Անջելեսում կցուցադրվի 2019 թվականի նոյեմբերի 1-ից: Այս թողարկումներից հետո ժապավենը կցուցադրվե մի շարք այլ խոշոր շուկաներում ներառյալ Սան Ֆրանցիսկոն, Սան Դիեգոն, Բոստոնը, Վաշինգտոնը, Չիկագոն եւ Դալլասը:

«Եվա»-ն Հայաստանի և Իրանի առաջին համատեղ արտադրանքն է, իսկ ֆիլմի ռեժիսոր Անախիդ Աբադը հայ-իրանական առաջին կին ռեժիսորն է: Ֆիլմը Հայաստանի կողմից առաջադրվել էր «Օսկարի» 2018-ին: «Եվան» ցուցադրվել է աշխարհի խոշորագույն կինոփառատոներում, ներառյալ Մոնրեալի համաշխարհային կինոփառատոնը, Միլլ Վելլիի կինոփառատոնը, Ֆաջր կինոփառատոնը, Palm Springs միջազգային կինոփառատոնը եւ շատ ուրիշները:

Ներկայացնում ենք ամերիկյան պաստառը

Միացեք մեր Telegram ալիքին և առաջինը ստացեք մեր նորությունները
Շարունակել ընթերցումը
Գովազդ
Մեկնաբանություններ

Հայաստան

Շանթը մեկնարկում է հայալեզու «Շանթ Քիդս» մանկական հեռուստաալիքը

Հրապարակվել է

«Շանթ Kids»-ը հանդիսանում է առաջին հայալեզու շուրջօրյա մանկական հեռուստաալիքը, որը հնարավորություն է ընձեռում դիտելու բոլոր ժամանակների լավագույն մուլտֆիլմերն ու հեքիաթները միմիայն հայերեն թարգմանությամբ։ Այն սպասված հեռուստաալիք է՝ գունեղ, տպավորիչ, ապահով, ուսուցողական բովանդակությամբ:

«Շանթ Kids» հեռուստաալիքով հեռարձակվելու են՝

  • հայկական սիրված մուլտֆիլմեր,
  • մրցութային հեռուստաշոուներ,
  • մանկապատանեկան գեղարվեստական ֆիլմեր,
  • հանրահայտ լիամետրաժ և կարճամետրաժ մուլտֆիլմեր,
  • Սոյուզմուլտֆիլմի ողջ տեսադարանը։

Այսպիսով, «Շանթ Kids» հեռուստաալիքի շնորհիվ հին ու բարի հեքիաթային հերոսները մանուկների հետ հեռուստաէկրանից կխոսեն հայերեն լեզվով։ Հեռուստաալիքը հասանելի է «Ռոստելեկոմ»-ի բոլոր փաթեթային առաջարկներում։

Շարունակել ընթերցումը

Կինոարտադրություն

Academy Films-ը աջակցում է ուսանողական նախագծերին. մանրամասներ

Հրապարակվել է

Academy Films («Աքեդեմի Ֆիլմզ») ֆիլմարտադրող ընկերությունը «Դեպի կինո» երիտասարդական ծրագրի շրջանակում ընդունում է Երեվանի Թատրոնի եվ Կինոյի Պետական Ինստիտուտի ուսանողների կողմից իրականացվող խաղարկային եւ վավերագրական նախագծերի գաղափարներ։

Ընտրված նախագծերի հեղինակներին ընկերությունն աջակցում է դրամաշնորհների միջոցով ֆինանսավորում գտնելու գործընթացում։

Նախագծերն ընտրվելու են հետևյալ փուլերով՝

  1. -ին փուլի համար հետաքրքրված ուսանողները ինքնակենսագրականը եւ նախագծի կարճ նկարագրությունն ուղարկել info@academyfilms.tv հասցեին,
  2. -րդ փուլում ընտրված մասնակիցներն աշխատելու ֆիլմ փաթեթի զարգացման վրա,
  3. -րդ փուլում ներկայացնելու են նախագծերը փիթչինգի տեսքով,
  4. -րդ փուլում դիմելու են համապատասխան դրամաշնորհի:

Դիմելու վերջնաժամկետն է փետրվարի 20-ը: Հիշեցնենցք, որ Academy Films-ը մեկնարկում է կինոդրամատուրգիայի դասերի շարք, որը կվարի սցենարիստ, պրոդյուսեր Արմեն Գրիգորյանը։

Շարունակել ընթերցումը

Կրթություն

Academy Films-ը մեկնարկում է կինոդրամատուրգիայի դասերի շարք

Հրապարակվել է

Academy Films-ը մեկնարկում է կինոդրամատուրգիայի դասերի շարք, որը կվարի սցենարիստ, պրոդյուսեր Արմեն Գրիգորյանը։

Արմեն Գրիգորյանը սցենարիստ է և պրոդյուսեր։ Նա «Ռոբ Սահակյանց․ վարդագույն քաղաքի վերջին հիփին» վավերագրականի գլխավոր պրոդյուսերն է։ Որպես գործադիր պրոդյուսեր հանդես է եկել «Ես մնում եմ» լիամետրաժում, «Անավարտ թռիչք» ֆիլմում, «Տոմս դեպի Vegas» կատակերգությունում, ինչպես նաև մի շարք հեռուստասերիալներում՝ թե հայաստանյան, թե ռուսաստանյան հեռուստատեսության համար։

Մասնակցության համար տարիքային սահմանափակումներ չկան։ Մասնակիցներն ընտրվելու են հարցազրույցի միջոցով։

ԻՆՉՊԵ՞Ս ԴԻՄԵԼ

Գրանցվելու համար, անհրաժեշտ է մինչեւ սյուն թվականի հունվարի 25-ը ուղարկել ձեր մասին հակիրճ տեղեկատվություն եւ կոնտակտային տվյալներ info@academyfilms.tv էլ. հասցեին։

ԸՆԴՀԱՆՈՒՐ ՏԵՂԵԿՈՒԹՅՈՒՆ

  • Դասընթացի սկիզբը` փետրվարի 3,
  • Տևողությունը` 3 ամիս,
  • Լեզուն՝ հայերեն,
  • Արժեք՝ անվճար
  • Հաճախականությունը` շաբաթական 2 օր:

Շարունակել ընթերցումը
Գովազդ

Թրենդային

Գովազդ

Հարցում

Հունվարի ո՞ր ֆիլմն եք սպասում:

View Results

Loading ... Loading ...

Թրենդային

Copyright © 2019 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: