Connect with us

Հայաստան

Աշնանային շրջանի հայկական պրեմիերաները

Հրապարակվել է

Գախտնիք չէ, որ Հայաստանում կինոթատրոնները լեփ-լեցուն են, երբ էկրաններին բարձրանում են հայկական ֆիլմեր: Հիմնական հարվածը գալիս է աշնանը, և այս տարին բացառուցություն չէ: ԿինոՊրեսը ներկայացնում է հայկական ֆիլմերը, որոնք մեծ էկրան կբարձրանան սեպտեմբեր-հոկտեմբեր ամիսներին:

Անհայտ բաժանորդ

սեպտեմբերի 5-ից

Արշո Հարությունյանի ֆիլմը 2016 թվականին թողարկված հանրահայտ իտալական «Կատարյալ անծանոթները» / “Perfetti sconosciuti” կատակերգության հայկական ռիմեյքն է: 7 մտերիմ ընկերներ հավաքվում են միասին հաճելի ժամանակ անցկացնելու նպատակով: Նրանք որոշում են խաղալ անսովոր խաղ, ըստ որի կանոնների բոլորը պարտավոր են սեղանին դնել իրենց բջջային հեռախոսները, այդ ընթացքում բարձրաձայն ընթերցել մուտքային հաղորդագրությունները և պատասխանել մուտքային զանգերին բացառապես բարձրախոսի միջոցով: Համերաշխ ընկերները նույնիսկ չէին էլ կարող պատկերացնել, թե ինչ կործանիչ գաղտնիքներ են բացահայտվելու այդ խաղի ընթացքում:


Ազնիվ գողեր

սեպտեմբերի 19-ից

Գոռ Կիրակոսյանը վերադառնում է իր նոր «Ազնիվ գողեր» կատակերգությունով: Պատմության կենտրոնում են հինգ անհաջողակներ, որոնք փորցում են գողանալ թանգարժեք իր, որպեսզի այն հանձնելով ոստիկանությանը ստանան դրամական պարգև: Հերոսներին մարմնավորում են Արամ MP3 Սարգսյանը, Դավիթ Թովմասյանը, Ռաֆայել Երանոսյանը, Լեվոն Տեր-Պետրոսյանը, Մեգգի Գրիգորյանը:


Իմ խաչը

հոկտեմբերի 4-ից

Շավարշ Վարդանյանի «Երկար վերադարձ» աշխատանքային անունի տակ նկարահանվող «Իմ խաչը» ֆիլմը այս տարվա հոկտեմբերին կբարձրանա մեծ էկրան: Ֆիլմը սիրո և հավատի, նվիրվածության, մարդկային խղճի ու առաքինության, ազատագրական պայքարի ու հայրենիքի նկատմամբ պարտքի կատարման մասին է:

1991-92 թվականներին՝ Արցախյան ազատագրական շարժման տարիներին, պատերազմական իրավիճակում, խաչվում են բժշկական առաքելությամբ Բաքու գործուղված ֆրանսիացի բժիշկ Ժակի և որդեկորույս հայ կնոջ՝ Սոնայի ճակատագրերը: Հանդիպելով և միասին անցնելով բազում փորձությունների միջով՝ նրանք փոխում են մեկմեկու կյանքն ու իրենց անձնական դրաման հաղթահարում մեկը մյուսի հանդեպ անհատակ նվիրումով:

Մինչդեռ հանգամանքների բերումով, նրանք ստիպված են լինում բաժանվել: Սոնայի համար կյանքի շարժիչ ուժը մեկն է՝ վրեժխնդիր լինել մահացած երեխաների համար, իսկ Ժակի առաքելությունն էլ՝ փրկել Սոնայի ոչ միայն վիրավոր մարմինը, այլ նաև վիրավոր հոգին:


Դրախտի դարպասը

հոկտեմբերի 25-ից

Աշնան այս ամսին մեծ էկրան կբարձրանա նաև Ջիվան Ավետիսյանի միջազգային դերասանական կազմ ունեցող «Դրախտի դարպասը» ֆիլմը: Ֆիլմը նկարահանման համար բյուջեի մի մասը հավաքել է քրաոդֆանդինգի միջոցով: Հոկտեմբբերի 17-ից ֆիլմը կմեկնարկի Երևանի ԿինոՊարկ կինոթատրոնում իսկ հոկտեմբերի 25-ից կցուցադրվի Հայաստանի բոլոր կինոթատրոններում:

Ֆիլմը պատմելու է Արցախի մասին՝ գոյամարտի տարիներին մոռացված մի դրվագի, որը բացահայտվում է ապրիլյան առճակատման օրերին:


Մաղթում ենք մեր ֆիլմերին հաջողություն վարձույթում և թող Ուժը լինի ձեր հետ:

Միացեք մեր Telegram ալիքին և առաջինը ստացեք մեր նորությունները
Շարունակել ընթերցումը
Գովազդ
Մեկնաբանություններ

Հայաստան

Շանթը մեկնարկում է հայալեզու «Շանթ Քիդս» մանկական հեռուստաալիքը

Հրապարակվել է

«Շանթ Kids»-ը հանդիսանում է առաջին հայալեզու շուրջօրյա մանկական հեռուստաալիքը, որը հնարավորություն է ընձեռում դիտելու բոլոր ժամանակների լավագույն մուլտֆիլմերն ու հեքիաթները միմիայն հայերեն թարգմանությամբ։ Այն սպասված հեռուստաալիք է՝ գունեղ, տպավորիչ, ապահով, ուսուցողական բովանդակությամբ:

«Շանթ Kids» հեռուստաալիքով հեռարձակվելու են՝

  • հայկական սիրված մուլտֆիլմեր,
  • մրցութային հեռուստաշոուներ,
  • մանկապատանեկան գեղարվեստական ֆիլմեր,
  • հանրահայտ լիամետրաժ և կարճամետրաժ մուլտֆիլմեր,
  • Սոյուզմուլտֆիլմի ողջ տեսադարանը։

Այսպիսով, «Շանթ Kids» հեռուստաալիքի շնորհիվ հին ու բարի հեքիաթային հերոսները մանուկների հետ հեռուստաէկրանից կխոսեն հայերեն լեզվով։ Հեռուստաալիքը հասանելի է «Ռոստելեկոմ»-ի բոլոր փաթեթային առաջարկներում։

Շարունակել ընթերցումը

Կինոարտադրություն

Academy Films-ը աջակցում է ուսանողական նախագծերին. մանրամասներ

Հրապարակվել է

Academy Films («Աքեդեմի Ֆիլմզ») ֆիլմարտադրող ընկերությունը «Դեպի կինո» երիտասարդական ծրագրի շրջանակում ընդունում է Երեվանի Թատրոնի եվ Կինոյի Պետական Ինստիտուտի ուսանողների կողմից իրականացվող խաղարկային եւ վավերագրական նախագծերի գաղափարներ։

Ընտրված նախագծերի հեղինակներին ընկերությունն աջակցում է դրամաշնորհների միջոցով ֆինանսավորում գտնելու գործընթացում։

Նախագծերն ընտրվելու են հետևյալ փուլերով՝

  1. -ին փուլի համար հետաքրքրված ուսանողները ինքնակենսագրականը եւ նախագծի կարճ նկարագրությունն ուղարկել info@academyfilms.tv հասցեին,
  2. -րդ փուլում ընտրված մասնակիցներն աշխատելու ֆիլմ փաթեթի զարգացման վրա,
  3. -րդ փուլում ներկայացնելու են նախագծերը փիթչինգի տեսքով,
  4. -րդ փուլում դիմելու են համապատասխան դրամաշնորհի:

Դիմելու վերջնաժամկետն է փետրվարի 20-ը: Հիշեցնենցք, որ Academy Films-ը մեկնարկում է կինոդրամատուրգիայի դասերի շարք, որը կվարի սցենարիստ, պրոդյուսեր Արմեն Գրիգորյանը։

Շարունակել ընթերցումը

Կրթություն

Academy Films-ը մեկնարկում է կինոդրամատուրգիայի դասերի շարք

Հրապարակվել է

Academy Films-ը մեկնարկում է կինոդրամատուրգիայի դասերի շարք, որը կվարի սցենարիստ, պրոդյուսեր Արմեն Գրիգորյանը։

Արմեն Գրիգորյանը սցենարիստ է և պրոդյուսեր։ Նա «Ռոբ Սահակյանց․ վարդագույն քաղաքի վերջին հիփին» վավերագրականի գլխավոր պրոդյուսերն է։ Որպես գործադիր պրոդյուսեր հանդես է եկել «Ես մնում եմ» լիամետրաժում, «Անավարտ թռիչք» ֆիլմում, «Տոմս դեպի Vegas» կատակերգությունում, ինչպես նաև մի շարք հեռուստասերիալներում՝ թե հայաստանյան, թե ռուսաստանյան հեռուստատեսության համար։

Մասնակցության համար տարիքային սահմանափակումներ չկան։ Մասնակիցներն ընտրվելու են հարցազրույցի միջոցով։

ԻՆՉՊԵ՞Ս ԴԻՄԵԼ

Գրանցվելու համար, անհրաժեշտ է մինչեւ սյուն թվականի հունվարի 25-ը ուղարկել ձեր մասին հակիրճ տեղեկատվություն եւ կոնտակտային տվյալներ info@academyfilms.tv էլ. հասցեին։

ԸՆԴՀԱՆՈՒՐ ՏԵՂԵԿՈՒԹՅՈՒՆ

  • Դասընթացի սկիզբը` փետրվարի 3,
  • Տևողությունը` 3 ամիս,
  • Լեզուն՝ հայերեն,
  • Արժեք՝ անվճար
  • Հաճախականությունը` շաբաթական 2 օր:

Շարունակել ընթերցումը
Գովազդ

Թրենդային

Գովազդ

Հարցում

Հունվարի ո՞ր ֆիլմն եք սպասում:

View Results

Loading ... Loading ...

Թրենդային

Copyright © 2019 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: