Connect with us

Կինոարտադրություն

Արա Խզմալյանը պարզաբանում է «Մել» ֆիլմի ֆինանսավորման մասին

Հրապարակվել է

«Մել» ֆիլմի ֆինանսավորման համար 20 մլն դրամ հատկացնելու որոշումը  մեծ աղմուկ է բարձրացրել համացանցում, ինչը պայմանավորված էր մարզիկի սեռափոխության փաստով, որին ևս անդրադարձ կա ֆիլմում: Այդ ֆիլմը հաստատվել է և նախարարի, և իմ նշանակումից առաջ, թեպետ դա էական չէ:

Այս մասին ArmDaily.am-ի հետ զրույցում ասաց ԿԳՄՍ նախարարի տեղակալ Արա Խզմալյանը:

«Երբ նախարարությունները միավորվեցին, այդ պայմանագիրն արդեն հաստատված է եղել, բայց նույնիսկ եթե մեր ժամանակ լիներ, միևնույն է, որևէ բան դա չէր փոխելու: Նախորդ պաշտոնակատարը իրավունք չուներ չհաստատել, քանի որ մասնագիտական հանձնաժողովը դրական եզրակացություն էր տվել: Երբ ասում ենք պետությունը գումարը տվել է, պետք է խոսենք նաև գումարի տրամադրման մեխանիզմների մասին: Այնպես չէ, որ նախարարը վերևում նստած որոշում է, թե ով պետք է դրամաշնորհներից օգտվի: Նախարարությունը կինոյին հատկացրած տարեկան բյուջեն տրամադրում է ազգային կինոկենտրոնին։ Ազգային կինոկենտրոնը ձևավորում է մասնագիտական հանձնաժողովներ, որտեղ անկախ փորձագետներ են և նրանց գործունեությանը մենք սկզբունքորեն միջամտություն չենք ունենում: Եթե մենք ստեղծում ենք անկախ ստեղծագործական մարմիններ և շարունակում ենք վերահսկել և միջամտել այդ գործին, մենք սովետական տրամաբանությամբ մտնում ենք 21-րդ դար։ Որոշողները տվյալ ոլորտի փորձագետներն են»:

Խզմալյանն ասում է՝ ֆիլմի պրեմիերան դեռ չի եղել, մենք չգիտենք՝ ինչի մասին ենք խոսում, բայց արդեն քննադատում ենք:

«Հայաստանի հանրապետությունը ազատ պետություն է, և ազատ ստեղծագործելու, կարծիք հայտնելու իրավունքն ամրագրված է երկրի հիմնական օրենքով՝ սահմանադրությամբ: Եթե որևէ մեկի իրավունքը չի խախտվել և օրենք չի շրջանցվել, ապա իրավունք չունենք բացասական վերաբերմունք և արձագանք ձևավորելու երևույթի մասին»,-նշում է Խզմալյանը:

Դիտարկմանը, որ ֆիլմի ռեժիսորը հարցազրույցներից մեկում նշել է, որ «Մել»-ի առանցքային թեման սիրող զույգի պատմություն է՝ սեռական փոքրամասնությունների իրավունքների պաշտպանելու նրանց պայքարն ու միասին անցած ճանապարհը, և հենց դա էլ հասարակության կողմից քննադատության պատճառ է դարձել, Արա Խզմալյանն ասաց. 

«Ֆիլմը չեմ տեսել որ կարողանամ ասել, թե ինչի մասին է այն: Մեր ֆինանսական ռեսուրսները շատ փոքր են մեծ տեմպերով կինոարտադրությունը զարգացնելու համար: Մեր կինոյի ոլորտի մարդկանց համառ ջանքերի ու նվիրումի շնորհիվ մենք քայլ առ քայլ մտնում ենք միջազգային կինոշուկա: Մեր դրսի գործընկերները երբ տեսնեն, որ մեր հասարակությունում ֆիլմը դեռ պրոցեսում հասարակության մեջ բացասական վերաբերմունք է ձևավորում ֆիլմի հանդեպ, մեզ կնայեն որպես խավարամիտների, հետամնացների: Դրա համար աղմուկից առաջ պետք է հարցին նայել բոլոր կողմերից: Եթե պիտի թեմայով կողմնորոշվենք, այդ տրամաբանությամբ մտածենք, ապա պիտի մերժենք համաշխարհային արվեստի 80 տոկոսը»:

Նշենք, որ Մել Դալուզյանի մասին պատմող «Մել» լիամետրաժ ֆիլմը Հայաստանի ազգային կինոկենտրոն էր ներկայացվել և դարձել 65 հայտերից երկրորդ փուլ անցած նախագծերից մեկը: Ֆիլմարտադրող ընկերությունը «Բարս Մեդիա»-ն է, պրոդյուսերները՝ Իննա Սահակյանը և Վարդան Հովհաննիսյանը: Իննա Սահակյանը նաև ֆիլմի սցենարիսն ու ռեժիսորն է:

Շարունակել ընթերցումը
Գովազդ
Մեկնաբանություններ

Կինոարտադրություն

«Տրանսֆորմերներ» ֆրանշիզայի նոր ֆիլմը կթողարկվի 2022 թվականի ամռանը

Հրապարակվել է

Հայտնի է դարձել Paramount Pictures ստուդիայի «Տրանսֆորմերներ» ֆրանշիզայի նոր ֆիլմի պրեմիերայի ամսաթիվը: Առայժմ պաշտոնական անուն չունեցող բլոկբաստերը կթողարկվի 2022 թվականի հունիսի 24-ին:

Այս պահին մշակման մեջ են գտնվում տրանսֆորմատորների մասին միանգամից երեք նախագիծ: Նրանցից մեկը անիմացիոն փրիքվել է: Ռեժիսորի պաշտոնը կստանձնի «Խաղալիքների պատմություն 4» նկարահանած Ջոշ Կուլին: Սցենարը գրում են Էնդրյու Բարերը և Գաբրիել Ֆերարին։ Նախկինում այս դուետը աշխատել է Մրջյուն մարդու մասին ֆիլմերի վրա: Ենթադրվում է, որ մուլտֆիլմում պատմվելու է Մեգաթրոնի ծագման եւ Ավտոբոտների եւ Դեսեպտիկոնների միջեւ հակամարտության ծագման պատմությունը:

Անկախ աշխատանք է տարվում նաեւ երկու խաղարկային ֆիլմերի վրա, որոնցից մեկը կթողարկվի 2022 թվականի հունիսի 24-ին: Առաջին նախագծի ղեկավարն է «Ջոն Ուիք 3» մարտաֆիլմի գործադիր պրոդյուսեր եւ Զակ Սնայդերի «Մեռյալների բանակը» ֆիլմի սցենարիստ Ջոբի Հարոլդը: Երկրորդի վրա աշխատում է «Խորհրդավոր սպանություն» դետեկտիվ կատակերգության սցենարիստ եւ պրոդյուսեր Ջեյմս Վանդերբիլտը: Ենթադրվում է, որ դա կլինի սպին-օֆֆ՝ անցյալում հայտնի «Գազանների մարտեր» անիմացիոն սերիալի հիման վրա:

Paramount Pictures կինոստուդիան մի փոքր շտկեց «Չիկագոյի յոթնյակի գործը» («The Trial of the Chicago 7») դրամայի թողարկման ռազմավարությունը: Աարոն Սորկինի ֆիլմը սահմանափակ վարձույթ դուրս կգա սեպտեմբերի 25-ին եւ հոկտեմբերի 16-ին: Սյուժեի կենտրոնում 7 մարդու պատմություն է, որոնք դաշնային կառավարության կողմից մեղադրվում են 1968 թվականին դեմոկրատական կուսակցության կոնվենցիայի ժամանակ Չիկագոյում զանգվածային անկարգություններ կազմակերպելու մեջ:

Շարունակել ընթերցումը

Ինտերնետ

«Գնացք դեպի Բուսան» ֆիլմի ռեժիսորը ֆանտաստիկ սերիալ կնկարահանի Netflix-ի համար

Հրապարակվել է

Յոնգ Սանգ Հոն, որը հայտնի է «Գնացք դեպի Բուսան» զոմբի-հորորով, Netflix-ի հետ կաշխատի նոր սերիալի վրա, որը ստացել է Hellbound անվանումը: Որպես հիմք կընկնի կորեական «Դժոխք» վեբտունը: Դեռեւս հայտնի չէ, թե արդյոք նախագիծը կթողարկվի անիմացիոն կամ խաղային ձեւաչափով:

«Դժոխքը» պատմում է սոցիալական քաոսի մասին, որում մարդկությունն հայտնվել է այն բանից հետո, երբ գերբնական էակների մի խումբ մարդկանց դատաստան է կազմակերպում եւ սկսում նրանց ուղարկել դժոխք:

Ռեժիսորը ծրագրում է աշխատանքի ներգրավել նկարազարդող Չվե Գյու Սոկին, որն ավելի վաղ էկրանին կոմիքսներ է ադապտացրել: Արտադրության համար պատասխանատու է կորեական Lezhin ստուդիան, որը հայտնի է վեբտունների էկրանավորմամբ:

Շարունակել ընթերցումը

Կինոարտադրություն

Daft Punk դուետը երաժշտություն կգրի Դարիո Արջենտոյի նոր ֆիլմի համար

Հրապարակվել է

Daft Punk երաժշտական դուետը «ԹՐՈՆ. Ժառանգություն»-ի թողարկումից 10 տարի անց պատրաստ է վերադառնալ կինոերաժշտությանը: Այս անգամ բախտը բերել է իտալացի լեգենդար ռեժիսոր Դարիո Արջենտոյին, ով պատրաստվում է նկարահանել Black Glasses ժապավենը:

Գլխավոր բեմադրիչի խոսքով՝ Daft Punk-ը նրա ստեղծագործության մեծ երկրպագուներ են, եւ հենց որ լսեցին իրենց ֆրանսիացի բարեկամներից նոր նախագծի մասին, անմիջապես կապի մեջ մտան համատեղ աշխատանքի առաջարկով:

Daft Punk-ն արդեն սկսել է գրել թրեքերը եւ այն բանից հետո, երբ տեղաշարժման սահմանափակումները կհանվեն, անմիջապես կժամանեն Հռոմ՝ ռեժիսորի հետ զրուցելու համար:

Black Glasses-ը կդառնա Արջենտոյի վերադարձը քրեական թրիլերի ժանր. գլխավոր հերոսները՝ չինացի աղջիկն ու երեխան, փախչում են գիշերային Հռոմի արկածներից: Սյուժեի մանրամասները չեն բացահայտում, բայց սցենարն արդեն գրված է: Նկարահանումները նախատեսվում է սկսել սեպտեմբերին:

Շարունակել ընթերցումը

Միացեք մեզ

Գովազդ
Գովազդ

Հարցում

Թրենդային

Copyright © 2019-2020 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: