Connect with us

Հրապարակվել է

Բիլլի Այլիշը «No Time To Die» անվանումով երգ է ձայնագրել Ջեյմս Բոնդի մասին «Մահանալու ժամանակ չկա» նոր ֆիլմի համար: Ստեղծագործությունը տեղադրված է Այլիշի պաշտոնական YouTube ալիքում: 18-ամյա երգչուհին դարձել է բոնդիանայի գլխավոր երգի ամենաերիտասարդ կատարողը ֆրանշիզայի ողջ պատմության ընթացքում:

Տարբեր տարիներին շատ հայտնի կատարողներ Բոնդի մասին ֆիլմերի համար ստեղծագործություններ են ձայնագրել: Այդ երգերից շատերը հիթ են դարձել, օրինակ՝ «Live And Let Die» (Փոլ Մաքքարթնին, 1973), «Golden Eye» (Թինա Թըրներ, 1995), «Tomorrow Never Dies» (Շերիլ Քրոու, 1997), Skyfall (Ադել, 2012) եւ շատ ուրիշներ:

Բիլլի Այլիշին ժողովրդականություն է վայելում 2016 թվականին Ocean Eyes դեբյուտային սինգլի թողարկումից հետո: 2020 թվականին երգչուհին դարձել է Grammy երաժշտական մրցանակի տրիումֆատոր՝ հաղթելով հինգ անվանակարգերում, այդ թվում՝ հիմնական: Վերջերս Օսկարի արարողության ժամանակ Բիլլի Այլիշը սրտանց եւ հուզիչ կատարել է Բիթլս խմբի լեգենդար «Yesterday» երգը: Այս կոմպոզիցիայի ներքո հարգել են անցյալ տարի կյանքից հեռացած գործընկերների հիշատակը:

Բոնդիանայի «Մահանալու ժամանակ չկա» 25-րդ ֆիլմը հայկական վարձույթում կհայտնվի 2020 թվականի ապրիլի 9-ից: Դենիել Քրեյգը կմարմնավորի 007 գործակալին վերջին անգամ:

Միացեք մեր Telegram ալիքին և առաջինը ստացեք մեր նորությունները
Շարունակել ընթերցումը
Գովազդ
Մեկնաբանություններ

Հայաստան

Կայացավ Մարինե Զաքարյանի «Փասիանի Որսորդը» ֆիլմի համացանցային պրեմիերան

Հրապարակվել է

Մարտի 28-ին Մարինե Զաքարյանը ներկայացրեց իր դեբյուտային՝ «Փասիանի Որսորդը» կարճամետրաժ ֆիլմը:

Ռեժիսորի խոսքերով իր ֆիլմը տարբերվում է Սարոյանի գործերի նախկինում արված էկրանավորումներից: Այն ունի խոցելի տեղեր, սակայն այնպիսին է, ինչպիսին ցանկացել է տեսնել ռեժիսորը: «Փասիանի որսորդը», որի բյուջեն կազմում է 2 մլն դրամ, նկարահանվել է 4 օրում: Այն արժանացել է «Հայակ» Ազգային կինոյի «Լավագույն դեբյուտ 2013» մրցանակին: Այժմ ռեժիսորը սպասում է նաև հանդիսատեսի գնահատականին:

Ֆիլմը պատմում է 14-ամյա Հովհաննեսի մասին, ով ցանկանում է փասիանի որս անել, և վերջապես հորից ստանում է հրացանը:

Ֆիլմն արտադրել է «Պարալլելս ֆիլմ» կինոընկերությունը: Պրեմիերան կայացել է 2012 թվականին: «Փասյանի Որսորդը» հանդիսանում է «Կիսալուսնի Ծովածոցը» լիամետրաժ ֆիլմի նովել:

Շարունակել ընթերցումը

Հայաստան

Նաիրա Մուրադյանը հանրության դատին է ներկայացրել «Ֆիրդուս» անիմացիոն ֆիլմը

Հրապարակվել է

Նկարազարդող և անիմատոր Նաիրա Մուրադյանը, ով նաև «Ֆիրդուս. տեղի հիշողությունը» գրքի հեղինակներից է և մանկությունն անցկացրել է Ֆիրդուսում, ոգեշնչվելով իր հիշողություններից՝ ստեղծել է այս կարճամետրաժ անիմացիոն ֆիլմը:

Ռեժիսորը ֆիլմի նկարագրությունում գրել է «իմ Երևանի մի կտորը»: «Ֆիրդուսը» անիմացիոն թարմ նկար է. արտադրությունը ավարտվել է 2020 թվականին: Նաիրա Մուրադյանը այն տեղադրել է հետևյալ մեկնաբանությամբ՝ «քանի որ փառատոները հերթով չեղարկվում են, Ֆիրդուսն էլ քանդում են նոր ֆիլմս դնում եմ օնլայն»:

2017 թվականին Հետքին տված իր հարցազրույցում անիմատորը ասել էր՝ «Ֆիրդուսի փողոցն է իմը։ Երբ շուկան հավաքում էին, հիշու՞մ ես՝ բորբոքումներ եղան, իսկ ինձ համար այդ շուկան միշտ ատելի է եղել, որովհետեւ «զավթել» էր իմ տարածքը։ Այդ տունը դեռ կա եւ երեւի շուտով կքանդվի, ափսոսում եմ, բայց հասկանում եմ, որ քաղաքն օրգանիկ է, փոփոխությունների է ենթարկվում։»

Նաիրա Մուրադյանը ավարտել է Երևանի Փանոս Թերլեմեզյանի անվան գեղարվեստի ուսումնարանը։ 1980 թվականից աշխատանքի է անցել «Հայֆիլմ» ստուդիայի անիմացիայի բաժնում՝ որպես բեմադրող նկարիչ։

Շարունակել ընթերցումը

Թրեյլեր

Հրապարակվել է Սեգ Կիրակոսյանի «Մաքրագործում» վավերագրական ֆիլմի թրեյլերը

Ֆիլմը նկարահանվել է շուրջ 10 տարի 15-ից ավելի երկրներում:

Հրապարակվել է

Կինոռեժիսոր Սեգ Կիրակոսյանի «Մաքրագործում» պոետիկ վավերագրական ֆիլմը պատմում է մարդ-բնություն հարաբերությունների, ներդաշնակության ու հակասությունների մասին: Նկարի գլխավոր հերոսը մարդկության հավաքական կերպարն է, իսկ գործուղությունները կատարվում են այլաբանորեն ներկայացված մարդկության զարգացման տարբեր փուլերում: Ֆիլմի հիմնական ասելիքն է՝ տեխնոլոգիական և ստեղծագործական զարգացումն օգտակար է, քանի դեռ ագահությունը գերիշխող չէ մարդկանց մեջ: Ֆիլմն ունի սցենարական հստակ գիծ. 7 հիմնական գլուխներն են՝ Արարչագործություն, Հայտնություն, Աշխատանք, Հանգիստ, Ագահություն, Անհետացում, Վերածնունդ և Մաքրագործում:

Չնայած ֆիլմում արծարծվում են խնդրահարույց թեմաներ, սակայն այն իր բնույթով ինտելեկտուալ ատրակցիոն է, քանի որ դիտողին ստիպելու է և ուրախանալ, և տխրել, և հրճվել, զմայլվել և զզվել, վախենալ, պրովոկացիայի ենթարկվել, խորհել:

Լիամետրաժ «Մաքրագործում» պոետիկ վավերագրական ֆիլմի տեսանյութերն ամբողջովին հեղինակային են՝ Սեգ Կիրակոսյանն անձամբ է դրանք նկարահանել Շվեյցարիայում, Լատվիայում, Լյուքսեմբուրգում, Ուկրաինայում, Շվեդիայում, Թուրքիայում, Մալթայում, Պորտուգալիայում, Չեխիայում, Անգլիայում, Բուլղարիայում և այլ երկրներում: Նկարահանված նյութն ամբողջությամբ վավերագրական է՝ չկան բեմադրված, տեսախցիկի համար կրկնված գործուղություններ, սակայն մոնտաժի ընթացքում կադրերը հեռանալով իրենց փաստագրականությունից ձեռք են բերել նոր իմաստ և կերպարայնություն:

Այժմ ֆիլմը հետարտադրական փուլում է. պրեմիերան նախատեսվում է 2021թ. երկրորդ կեսին: Ֆիլմի բյուջեն շուրջ 500.000 եվրո է։ Բյուջեի զգալի մասը ծախսվել է արտադրական փուլում: Մնացած հատվածի ֆինանսավորման համար նախատեսվում է դիմել կինոհիմնադրամների, գործարարների, միջազգային կազմակերպությունների, ինչպես նաև արվեստասեր հանրությանը: Ստեղծագործական խումբը բաց է արվեստով ոգեշնչվող ցանկացած անձի մասնակցության համար՝ կամավորական աշխատանքի, նյութատեխնիկական աջակցության և առաջիկայում կազմակերպվելիք դրամահավաքների միջոցով:

Միջազգային դիստրիբյուցիայի փորձ ունեցող պրոդյուսեր և ռեժիսոր Դավիթ Սաֆարյանը, որն ուսումնասիրել է ֆիլմի սցենարն ու նկարահանված նյութերը, համոզմունք է հայտնում, որ «Մաքրագործումը» լուրջ հայտ է հանդիսանալու հայկական կինոն ըստ արժանվույն ներկայացնելու համաշխարհային կինոյի համատեքստում. «Այս ֆիլմի մասին դեռևս շատ ենք լսելու աշխարհի տարբեր ծայրերից, քանի որ հանդիսատեսը ցանկություն է ունենալու նորից դիտել այն, նոր շերտեր բացահայտել իր համար, ինչպես նաև խորհուրդ տալ ընկերներին գնալ ու տեսնել ֆիլմը. դա է կինոյի գովազդի հին, ստուգված ու արդյունավետ ձևը»:

Շարունակել ընթերցումը
Գովազդ
Գովազդ

Հարցում

Հունվարի ո՞ր ֆիլմն եք սպասում:

View Results

Loading ... Loading ...

Թրենդային

Copyright © 2019-2020 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: