Connect with us

Հայաստան

Դասական համերգների հեռարձակումը հիմնականում գիշերային ժամերին է. Արայիկ Մանուկյան

Հրապարակվել է

Հնչում է որպես նախընտրական կարգախոս՝ «Հանրայինում եւս պետք է իրավիճակ փոխվի»։ Հեղինակը հեռուստառադիոընկերության խորհրդի նախագահի պաշտոնում առաջադրվելու հայտ ներկայացրած թեկնածու Արայիկ Մանուկյանն է՝ 1992-1995 թվականներին «Լրաբեր» ծրագրի տնօրեն, Հայաստանի հեռուստատեսության եւ ռադիոյի պետական կոմիտեի կոլեգիայի նախկին անդամ, «Արմենպրես» լրատվական գործակալության փոխտնօրեն։ ԿինոՊրեսը ներկյացնում է Արայիկ Մանուկյանի հետ «Հրապարակի» զրույցը:

-Ի՞նչ նկատի ունեք՝ ասելով «Հանրայինում»։

Հանրայինում ասելով՝ ես նկատի ունեմ թե՛ Հանրային հեռուստաընկերությունում, թե՛ Հանրային ռադիոյում, թե՛ «Շողակաթ» հոգեւոր-մշակութային հեռուստաընկերությունում, որի մասին չեն հիշում, բայց որը հրաշալի հեռուստաարտադրանք ունի, թե՛ «Շիրակ» հեռուստաընկերությունում, որի խնդրին պետք է վերադառնալ, եւ թե՛, բնականաբար, Հանրային հեռուստառադիոընկերության խորհրդի աշխատանքներում:

Ցավոք, Հանրային հեռուստառադիոխորհրդի նախագահի պաշտոնը տարիներ շարունակ նույնականացվել է Հանրային հեռուստատեսության ղեկավարի պաշտոնի հետ, բայց դա, իրականում, այդպես չէ: Երեւի այն պատճառով, որ հեռուստատեսությունը Հայաստանում դեռեւս մնում է ամենաազդեցիկ մեդիան, եւ իշխանության համար միշտ գերնպատակ է եղել այդ ազդեցիկ մեդիայի միջոցով իր իշխանությունը հանրության վրա պահպանելը: Եվ Հանրային հեռուստառադիոընկերության խորհրդի բուն աշխատանքը մնացել է ստվերում: Այս կառույցը շատ ավելի է նման եղել գաղտնի գործակալության, գաղտնի կառույցի, քան նույնիսկ Ազգային անվտանգության ծառայությունը: Եթե փորձեք google-ում կամ այլ որոնողական համակարգերում տեղեկություններ հավաքել Հանրային հեռուստառադիոընկերության խորհրդի մասին, գրեթե ոչինչ չեք գտնի կամ շատ կցկտուր տեղեկություններ կգտնեք: Այս կառույցը նույնիսկ սոցիալական մեդիաներում ներկայացված չէ, նույնիսկ ֆեյսբուքյան էջ չունի, պաշտոնական կայքն էլ մնացել է նախորդ դարում:

-Բայց հաշվետվությունները Հանրայինի կայքում ներկայացված են, նշանակում է՝ փակ կառույց չէ։

Հանրայինը եւ խորհուրդը, իհարկե, տարբեր են։ Օրենքի ֆորմալ պահանջները, իհարկե, պահպանված են՝ կառույցի հաշվետվությունները հրապարակված են, բայց եթե փորձեք մասնագիտորեն խորանալ այդ հաշվետվությունների մեջ, կնկատեք, որ դրանք այնքան էլ չեն արտացոլում իրական պատկերը: Ասենք, հաշվետվություններում պահպանված է տեղեկատվական, կրթական, մշակութային եւ այլ հաղորդումների բազմազանությունը, ինչն օրենքի պահանջ է։ Եթերացանցում դրանց տոկոսային համամասնությունը՝ ըստ հաշվետվությունների, հրաշալի է, բայց այդ թվերի եւ տոկոսների հետեւում կա իրական պատկեր: Այն է, որ, օրինակ, եթերացանցում դասական համերգների հեռարձակումը հիմնականում գիշերային ժամերին է, իսկ գիշերը մարդիկ սովորաբար քնում են, եւ դժվար թե այս բարդ ռիթմ ունեցող կյանքում մարդը գիշերվա ժամը 4-ին նստի ու դասական երաժշտություն լսի Հանրային հեռուստատեսությամբ: Իսկ փոխարենը եթերի լավագույն ժամերին, որն անվանում են Primetime, մյուս՝ մասնավոր հեռուստաընկերությունների հետ մրցակցող սերիալներ են կամ նմանատիպ բաներ եւ այլն:

-Ի՞նչ նկատի ունեք՝ ասելով, որ իրավիճակ պետք է փոխվի։

Երբ որ ասում եմ՝ պետք է իրավիճակ փոխվի, նկատի ունեմ, որ նախեւառաջ մտածողությունը, փիլիսոփայությունը պետք է փոխվի հենց խորհրդում, որպեսզի այն իր արտացոլանքը գտնի նաեւ Հանրային հեռուստատեսությունում, ռադիոյում եւ այլն:

Նախորդ վեց տարիների ընթացքում, ըստ օրենքի պահանջի, Հանրային հեռուստառադիոընկերության խորհուրդն առնվազն 72 նիստ պետք է արած լինի, բայց նույնիսկ յոթ նիստի մասին է դժվար տեղեկատվություն գտնել: Այս կառույցի աշխատանքը պետք է լինի բացարձակ թափանցիկության մթնոլորտում: Հանրությունը չի կարող տեղեկացված չլինել, թե ինչպես են կառավարվում հանրային միջոցները: Կառավարվում ցանկացած իմաստով՝ քաղաքականությունների, որոշումների, հայեցակարգերի, մոտեցումների եւ այլն:

Եթե մի քիչ խորանանք, կտեսնենք, թե ինչ տխուր իրողություններ են թաքնված այս տարիներին արված փայլփլուն շնորհանդեսների, զեկույցների, տեխնիկական վերազինումների, կառուցված ու նորոգված տարբեր շինությունների, կառավարության պահուստային ֆոնդերից վերցված գումարների տակ եւ այլն:

Տարիներ շարունակ հանրությունն ուզում էր բացատրություններ, օրինակ, թե ինչու ենք մենք հսկայական միջոցներ ծախսում «Եվրատեսիլ» երեւույթի վրա: Ինչու չենք կարող այդ միջոցներն առավել արդյունավետ օգտագործել եւ այլն: Պատասխան չեղավ: Որքան գիտեմ, տարեկան մոտ հարյուր միլիոն դրամ ենք ծախսում, իսկ սա մի գումար է, որով կարելի է շատ լուրջ մշակութային արտադրանք ունենալ, օրինակ՝ մինչեւ 15-16 սերիա ունեցող հեռուստանովել՝ դրամատուրգիական լուրջ հիմքով եւ լավագույն ռեժիսորների մասնակցությամբ: Խոսվեց մասնագետների ներգրավվածության մասին խորհրդի աշխատանքներում, բայց՝ անօգուտ:

Շատ կարեւոր խնդիր է, որ Հանրային հեռուստատեսությունն ու ռադիոն, մյուսները ունենան առաջիկա 6 տարիների համար մշակված քաղաքականություններ: Իմ կարծիքով՝ անթույլատրելի է առանց այդ քաղաքականությունների աշխատելը: Եվ այդ քաղաքականությունները պետք է մշակվեն ողջ պրոֆեսիոնալ, մասնագիտական դաշտի ներգրավվածությամբ: Չեն կարող բոլորը դուրս մնալ, իսկ նույնական մտածողության մի խումբ, հիմնականում՝ «կավէէնային մշակույթի» կրողներ, տարիներ շարունակ ազդեն հասարակական մտածողության վրա:

-Վերջին տարիներին հանրայինում աքսիոմ է դարձել՝ ցույց ենք տալիս այն, ինչ նայում են։ Հանրայինի ղեկավարները, սերիալներ պտտեցնելով, իրենք ռուսական ալիքներ էին նայում, «Կուլտուրա»՝ օրինակ։ Դուք է՞լ եք այդպես անելու։

Իրենք ինչ են նայում՝ չգիտեմ։ «Կուլտուրա» ալիքն էլ այլ խոսակցություն է։ Մենք խոսում ենք Հանրային հեռուստատեսության մասին։ Իսկ Հանրայինի գործառույթները կարգավորվում են օրենքով։ Ինչ վերաբերում է քաղաքականությանը, ապա, այո, պետք է փոխվի մտածողությունը՝ որ հեռարձակում ենք այն, ինչ պահանջում է հասարակությունը:

Հանրային հեռուստառադիոընկերության խորհուրդը պետք է կարողանա մշակված քաղաքականությունների միջոցով պահանջարկ ձեւավորել: Հանրային ռեսուրսները պետք է դուրս լինեն բոլոր կարգի վարկանիշային մանիպուլյացիաներից, մինչեւ այնքան ժամանակ, որքան կպահանջվի պահանջարկ ձեւավորելու միջոցով այլ վարկանիշային սանդղակի հասնել:

Այս տարիների ընթացքում մենք ոչ մի տեղեկություն չենք ունեցել, թե ինչպես են կառավարվել այն ենթակառուցվածքները, որոնք Հանրային հեռուստառադիոընկերության խորհրդի տնօրինության տակ են՝ շենքեր, շինություններ, երաժշտական խմբեր, ստուդիաներ եւ այլն: Ի՞նչ կառավարում է իրականացվել, մարքետինգային ի՞նչ քաղաքականություն, որքա՞ն են դրանք հասանելի եղել հանրային մյուս ռեսուրսների համար, որքա՞ն են փոխկապակցված եղել հանրային բոլոր ռեսուրսների աշխատանքները: Հիմա տարբեր բաներ ենք կարդում, տարբեր տեղեկություններ ենք ստանում, որոնք ուղղակի սարսափելի են:

Այնքան աշխատանք կա անելու, որ ուղղակի թվում է, թե անելիքներին վերջ չի լինելու երկար ժամանակ: Գիտեք, երբ պայթում են բոլոր փչվածքները, դատարկությունն ու տարածությունները երեւակվում են միանգամից:

-Թեկնածուներից պահանջվում է իրենց ծրագիրը ներկայացնել 5 էջի վրա։ Ձեզ դա բավարա՞ր է։

Ես կուզեի, որ մինչեւ 50 կամ 500 էջ պահանջվեր, որովհետեւ, այ, այդքան ասելիք կա ու անելիք: Ի վերջո, անցած տարիների ընթացքում տասնյակ հոդվածներ եմ հրապարակել, որոնցում խոսել եմ հեռուստատեսության ու ընդհանրապես մեր մեդիայի խնդիրների մասին, այդ թվում՝ նաեւ խորհրդի աշխատանքների: Իհարկե, բոլոր ծրագրերի մասին հնարավոր չէ խոսել: Մրցակցության գաղափարախոսությունը պահանջում է նաեւ ծրագրերի մասին շատ չխոսել:

-Երբ դեռ «Լրաբերի» տնօրենն էիք, ասում էիք՝ «Լրաբերը» չի կարող լինել շատ լավը կամ շատ վատը։ Հիմա է՞լ եք այդ կարծիքին։

Փիլիսոփայության առումով, երեւի՝ այո։ Բայց փոխվել են ժամանակները։ Տեղեկատվական տեխնոլոգիաների ժամանակներ են։ Փոխվել է լուրերի մատուցման, ընկալման, ընդհանրապես՝ «լուր» հասկացության կառուցվածքը։ Մեդիան այսօր այլ հասկացություն է աշխարհում։ Եվ այս մոտեցումներից ելնելով էլ՝ պետք է փոխվի հանրային ռեսուրսների լրատվական ողջ քաղաքականությունը, բայց արդեն խոսում ենք ծրագրերից։

Միացեք մեր Telegram ալիքին և առաջինը ստացեք մեր նորությունները
Շարունակել ընթերցումը
Գովազդ
Մեկնաբանություններ

Կինոարտադրություն

Հայաստանի Ազգային Կինոկենտրոնը մեկնարկում է կինոնկարների նախագծերի պետական ֆինանսավորման առաջին մրցույթի վերջնական գնահատման փուլը

2020 թվականի 1-ին մրցույթին մասնակցել են 54 նախագիծ. ընտրվել է 39:

Հրապարակվել է

Նախորդ1-ը 2-ից
Օգտագործեք ← → (սլաքները) շարունակելու համար

Համաձայն «Կինոնկարների նախագծերի մրցույթների անցկացման և ֆինանսավորման» կանոնակարգի՝ Հայաստանի ազգային կինոկենտրոնի հայտարարած (2020.1) մրցույթի Նախնական գնահատման փուլն ավարտվել է: Այդ մասին տեղեկացնում է Հայաստանի Ազգային Կինոկենտրոնը:

Կինոնկարների նախագծերի պեաական ֆինանսավորման 2020 թվականի 1-ին մրցույթին մասնակցել են 54 նախագիծ, որից. լիամետրաժ 28 (Զարգացման փուլի՝ 12, Արտադրական փուլի՝ 11, Հետարտադրակաև փուլի՝ 3 և Տարածման փուլի՝ 2) նախագիծ, կարճամետրաժ 28 (խաղարկային՝ 18, անիմացիոն՝ 8) նախագիծ:

Վերջնական գնահատման փուլ 54 նախագծից անցել է 39 նախագիծ, որից. լիամետրաժ 25 (Զարգացման փուլի՝ 10, Արտադրական փուլի՝ 10, Հետարտադրական փուլի՝ 3 և Տարածման փուլի՝ 2) նախագիծ, կարճամետրաժ 14 (խաղարկային՝ 9, անիմացիոն՝ 5) նախագիծ:

Վերջնական գնահատման փուլ 21 դեբյուտային նախագծից անցել է 14 նախագիծ, որից. լիամետրաժ (Զարգացման փուլի՝ 2, Արտադրական փուլի՝ 3, Հետարտադրական փուլի՝ 1, Տարածման փուլի՝ 1) նախագիծ, կարճամետրաժ (խաղարկային՝ 4, անիմացիոն՝ 3) նախագիծ։

Նախնական գնահատման փուլն անցել են ստորև ներկայացված ցանկերում ընդգրկված նախագծերը:

ԼԻԱՄԵՏՐԱԺ ՖԻԼՄԵՐԻ ՆԱԽԱԳԾԵՐ

ԶԱՐԳԱՑՄԱՆ ՓՈՒԼ

ԱնվանումԱնվանակարգՖիլմարտաղրողՊրողյուսերՍցենարի հեղինակՌեժիսոր
Արարատ-73Խաղ.«ԴիԷմԷյչ ստուդիո» ՍՊԸԱրմեն ՀայրապեայանՀարություն ՂուկասյանԱրշալույս Հարությունյան
Գթության ոսկե շղթաԽաղ./ վավ.«Ման փիկչըրս ստուդիո» ՍՊԸՄանվել ՍարիբեկյանՋեյմս ՌոբինսԱրա Մնացականյան
ԾիտըԽաղ.«Բաղինյան Արտ վիդեո» ՍՊԸԿարեն ԲաղինյանԱրամ Պաչյան,
Գագիկ Ղազարէ
Գագիկ Ղազարէ
Կախարդական թևնոցԽաղ.«ՀայասաՖիլմ» ՍՊԸԱրմեն ՍիմոնյանԲենիամին ԳևորգյանԱրմեն Սիմոնյան
Հերիք է
/դեբյուտ/
Խաղ.«ԱՖՓ»ՍՊԸԱնգինե Իսանյանս, էմիլի ՄխիթարյանՀամբարձում Համբարձումյան, Անգինե ԻսանյանսԱնգինե Իսանյանս
Մթնշաղի ՍոնատԽաղ.«Արշակ Ամիրբեկյան Միքայելի» Ա/ՁԱրշակ Ամիրբեկյան, Հարութ Ակոպյան (ԱՍՆ)Արշակ ԱմիրբեկյանԱրշակ Ամիրբեկյան
Յաշան ու Լեոնիդ ԲրեժնևըԽաղ.«էդգար Բաղդասարյան պրոդակշն» ՍՊԸԿարինե ՍիմոնյանԷդզար ԲաղդասարյանԷդզար Բաղդասարյան
Պարզապես ՎանաձորԽաղ./ վավ.«Գրիգոր Գագիկի Պողոսյան» Ա/ՁԳրիգոր ՊողոսյանԳրիգոր ՊողոսյանԳրիգոր Պողոսյան
ՌեադապտացիաԽաղ.«Աննա Արմենի Բայաթյան» Ա/ՁԱննա ԲայաթյանԿարինե ՋանպջուղազյանԱննա Բայաթյան
Ցեցը
/դեբյուտ/
Խաղ.«Կինոկետ փրոդակշնս» ՍՊԸՕֆելյա Թովմասյան, Վարդան ՀակոբյանԱլեն ՄանուկյանԱլեն Մանուկյան

ԱՐՏԱԴՐԱԿԱՆ ՓՈՒԼ

ԱնվանումԱնվանակարգՖիլմարտաղրողՊրողյուսերՍցենարի հեղինակՌեժիսոր
45 վայրկյանի գինը
/դեբյուտ/
Խաղ./ վավ.«Ռակուրս» ՍՊԸՀրաչյա ՄեսրոպյանՀրաչյա ՄեսրոպյանՀրաչյա Մեսրոպյան
ժամանակի երեք գույներըԽաղ.«Բենիամին Գևորգյան Օնիկի» ԱՁԼուսիան ՔտրրիԲենիամին ԳևորգյանԲենիամին Գևորգյան
ՀամլետԽաղ.Այսօր-Պլյուս Ֆիլմարտադրություն ԱԿԱրսեն Ազատյան,
Նարինե Մկրտչյան,
Արեգ Ազատյան,
Շողիկ Թադևոսյան
Արեգ Ազատյան,
Շողիկ Թադևոսյան
Արեգ Ազատյան,
Շողիկ Թադևոսյան
Հեքիաթ.ՍարյանԽաղ.«ԴՍ ստուդիա» ԱՋԲՀԴավիթ Սաֆարյան,
Գոռ Վարդանյան
Դավիթ ՍաֆարյանԴավիթ Սաֆարյան
Մայր կորցրած տղայի կախարդական փայտիկը՝ Ջիվանի դուդուկըԽաղ.«Վլադիմիր Հայրապետյան» ԱՁ («Այսօր» ստուդիայի իրավահաջորդ)Վլադիմիր ՀայրապետյանՎլադիմիր ՀայրապետյանՎլադիմիր Հայրապետյան
Արամայիս Հայրապետյան
«Մի անգամ դպրոցում»
/դեբյուտ/
Խաղ.«Պերսոնա Գրատա»Տիգրան ՀամբարձումյանՆարեկ ԱվագյանՀարություն Խաlաֆյան
ՄովսեսԽաղ.«էյջ Թու Քեյ» ՍՊԸՀայկ Կբեյան,
Անդրանիկ Իսահակյան
Անդրանիկ Իսահակյան,
Արթուր Սարգսյան
Արթուր Սարգսյան, Հայկ Կբեյան
Ցույց տուր ինձ հրեշտակԽաղ.«Արմեն Պետրոսյան Սուրենի» ԱՁԱրմեն ՊետրոսյանԱրտակ ԳրիգորյանԱրմեն Պետրոսյան
Քո անունով, Մարիամ/
Մարգարտափայլ արցունքներ
Խաղ.«անէվա պրոդակշն» ՍՊԸԱնի ՈրսկանյանԼևոն Մինասյան, էստեր ՄաննԼևոն Մինասյան
Քո երկիրն ավետյաց
/դեբյուտ/
Խաղ./ վավ.«Xֆիլմ կինոստուդիա» Մշակութային ՀԿՂարիբ ՂազարյանՂարիբ Ղազարյան, Անահիտ ԱրփենՂարիբ Ղազարյան

ՀԵՏԱՐՏԱԴՐԱԿԱՆ ՓՈՒԼ

ԱնվանումԱնվանակարգՖիլմարտաղրողՊրողյուսերՍցենարի հեղինակՌեժիսոր
Ամերիկացի երախտւսվորներըԽաղ./ վավ.«Մանփիքչըրս սոտւդիո» ՍՊԸՄանվել ՍարիբեկյանԱմբեր Կարփնս,
Արա Մնացականյանի մասնակցությամբ
Արա Մնացականյան մասնակց.՝
Դիանա Սայացկայայի
Լայվ
/դեբյուտ/
Խաղ./ վավ.«Արա Ճադարյան» ԱՁԱրա Ճաղարյան, Արտաշես ՄաթևոսյանԱրտաշես Մաթևոսյան,
Արա Ճաղարյան
Արտաշես Մաթևոսյան, Արա Ճաղարյան
Նկարչի երեք գերեզմանները. Վահան ԱնանյանԽաղ./ վավ.«Ոսկե ծիրան» կինոյի զարգացման հիմնադրամՎարդան Հակոբյան, Հարություն ԽաչատրյանՀարություն ԽաչատրյանՌուբեն Խաչատրյան

ՏԱՐԱԾՄԱՆ ՓՈՒԼ

ԱնվանումԱնվանակարգՖիլմարտաղրողՊրողյուսերՍցենարի հեղինակՌեժիսոր
ԼակոտըԽաղ.«Պարադիզ» ՍՊԸԳագիկ ՀարությունյանԳագիկ ՀարությունյանԳագիկ Հարությունյան
Սոդոմոնի երգերը
/դեբյուտ/
Խաղ.«Փիփլ օֆ ԱՐ»Արման Նշանյան,
Ասկո Հակոբյան,
Նիք Վալլելոնգա
Արևիկ ԳևորգյանԱրման Նշանյան
Նախորդ1-ը 2-ից
Օգտագործեք ← → (սլաքները) շարունակելու համար

Շարունակել ընթերցումը

Կինոիրադարձություններ

Լոնդոնում ցուցադրվել է Արման Մանարյանի «Կարինեն»

Հրապարակվել է

Լոնդոնում գրանցված բրիտանական «Kino Klassika» կազմակերպությունը համակարգում է սովետական, ռուսական և անդրկովկասյան ֆիլմերի կինո-սեզոնները։ Համագործակցելով հեղինակավոր Բրիտանական կինոյի ինստիտուտի հետ՝ երաժշտական (մյուզիքլ) ֆիլմերի ցուցադրության մեծամասշտաբ ծրագրի շրջանակներում, 2020 թվականի հունվարի 21-ին՝ Լոնդոնում, «Cine Lumiere» կինոթատրոնում ցուցադրվել է հայկական կինոժառանգության լավագույն նմուշներից մեկը՝ Արման Մանարյանի «Կարինեն» (1969թ․)՝ առաջին հայկական մյուզիքլը։ Այս մասին հայտնում են Հայաստանի Ազգային Կինոկենտրոնից:

«Cine Lumiere » կինոթատրոնը, որը գործում է Ֆրանսիայի ինստիտուտի ենթակայությամբ, հայտնի է ինչպես արտհաուս և անկախ, այնպես էլ համաշխարհային կինեմատոգրաֆի դասական ֆիլմերի ցուցադրություններով:

«Կարինե»-ն 1967 թվականին «Հայֆիլմ» կինոստուդիայի նկարահանած ֆիլմ է, որի հանդիսանում է Տիգրան Չուխաճյանի «Լեբլեբիջի Հոր-հոր աղա» կոմիկական օպերայի էկրանավորում։ Գործողությունները կատարվում են 19-րդ դարում: Պճնամոլ երիտասարդը, դիմելով խարդավանքների ու խորամանկությունների, կարողանում է իրականացնել ընկերոջ պսակադրությունը սիրած աղջկա հետ՝ հակառակ վերջինիս հոր կամքի։

Արման Մանարյանը ծնվել է 1929 թվականին, Թեհրանում, 1946 թվականին հայրենադարձվել է Հայաստան: Սովորել է Երևանի Ռոմանոս Մելիքյանի անվան երաժշտական ուսումնարանում, ապա Երևանի պետական կոնսերվատորիայում: Այնուհետև ուսումը շարունակել է Համամիութենական կինեմատոգրաֆիայի պետական ինստիտուտում (ՎԳԻԿ): 1961 թվականին նկարահանել է «Տժվժիկ» կարճամետրաժ ֆիլմը, ապա՝ «Կարինե» (1967 թ.), «Մորգանի խնամին» (1970 թ.), «Հեղնար աղբյուր» (1971 թ.), «Վերադարձ» (1972 թ.), «Սպիտակ ափեր» (1975 թ.), «Եվս հինգ օր» (1978 թ.), «Կապիտան Առաքել» (1985 թ.), «Ընկեր Փանջունի» (1992 թ.) խաղարկային ֆիլմերը: Գրել է մի քանի ֆիլմերի սցենարներ: Արման Մանարյանի հեղինակմամբ ստեղծվել են «Հայելու հեքիաթը» (1984 թ.), «Տգետը» (1995 թ.) անիմացիոն ֆիլմերը, ինչպես նաև «Սասնա ծռեր» լիամետրաժ անիմացիոն ֆիլմը (2001-2010 թթ.): Արման Մանարյանը նկարահանելով «Կարինեն» ճանապարհ է հարթել ազգային երաժշտական կինոյի համար։

Շարունակել ընթերցումը

Հայաստան

Շանթը մեկնարկում է հայալեզու «Շանթ Քիդս» մանկական հեռուստաալիքը

Հրապարակվել է

«Շանթ Kids»-ը հանդիսանում է առաջին հայալեզու շուրջօրյա մանկական հեռուստաալիքը, որը հնարավորություն է ընձեռում դիտելու բոլոր ժամանակների լավագույն մուլտֆիլմերն ու հեքիաթները միմիայն հայերեն թարգմանությամբ։ Այն սպասված հեռուստաալիք է՝ գունեղ, տպավորիչ, ապահով, ուսուցողական բովանդակությամբ:

«Շանթ Kids» հեռուստաալիքով հեռարձակվելու են՝

  • հայկական սիրված մուլտֆիլմեր,
  • մրցութային հեռուստաշոուներ,
  • մանկապատանեկան գեղարվեստական ֆիլմեր,
  • հանրահայտ լիամետրաժ և կարճամետրաժ մուլտֆիլմեր,
  • Սոյուզմուլտֆիլմի ողջ տեսադարանը։

Այսպիսով, «Շանթ Kids» հեռուստաալիքի շնորհիվ հին ու բարի հեքիաթային հերոսները մանուկների հետ հեռուստաէկրանից կխոսեն հայերեն լեզվով։ Հեռուստաալիքը հասանելի է «Ռոստելեկոմ»-ի բոլոր փաթեթային առաջարկներում։

Շարունակել ընթերցումը
Գովազդ
Գովազդ

Հարցում

Հունվարի ո՞ր ֆիլմն եք սպասում:

View Results

Loading ... Loading ...

Թրենդային