Connect with us

Կինոարտադրություն

Դեյվ Բատիստան և Ստելլան Սկարսգորդը դեր են ստացել Դենի Վիլնյովի «Դյունա» էկրանավորման մեջ

Հրապարակվել է

«Գալակտիկայի պահապանների» աստղ Դեյվ Բատիստան կրկին կաշխատի «Սայրի վրայով վազողը 2049» ֆիլմի ռեժիսոր Դենի Վիլնյուվի հետ և կնկարահանվի նրա նոր նախագծում՝ Ֆրենկ Հերբերտի «Դյունա» վեպի էկրանավորման մեջ:

Ինչպես տեղեկացնում է THR-ը նախագծին միացել է նաև Ստելլան Սկարսգորդը, ով կմարմնավորի բարոն Խարքոլենին

Նախկինում դերասանական կազմին միացել են Թիմոթի Շալամեն («Կոչիր ինձ քո անունով»), նա ստացել է գլխավոր հերոսի՝ Փոլ Ատրեյդեսի դերը, և Ռեբեկա Ֆերգյուսոնը («Առաքելությունն անիրագործելի է. Հետևանքներ»), նախատեսվում է, որ նա կխաղա Փոլի մոր՝ Լեդի Ջեսիկայի դերը:

Ինչպես հայտնում է Variety-ն Բատիստան խաղալու է «Գազան» Ռաբբանի դերը:

2016-ի նոյեմբերին Lygendary-ն գնեց «Դյունայի» ինչպես կինոէկրանավորման, այդպես էլ հեռուստասերիալի ստեղծման իրավունքները: Սցենարի վրա աշխատում է օսկարակիր Էրիկ Ռոթը («Ֆորեսթ Գամփ», «Բենջամին Բաթոնի առեղծվածային պատմությունը», «Մյունխեն», «Յուրայինը»): Վիլնյովը պլանավորում է նկարահանել երկու ֆիլմ, որը արտադրվելու է մեկը մյուսի հետևից երկու տարվա ընթացքում:

Նկարահանման մեկնարկը նախատեսվում է այս տարի: Թողարկման ամսաթիվը և դերասանական կազմի ողջ ցանկը դեռ չի բացահայտվում:

Միացեք մեր Telegram ալիքին և առաջինը ստացեք մեր նորությունները
Շարունակել ընթերցումը
Գովազդ
Մեկնաբանություններ

Կինոարտադրություն

Բրեդլի Քուփերը կխաղա Bee Gees խմբի մասին բայոպիկում

Հրապարակվել է

«Օսկար» մրցանակի թեկնածու Բրեդլի Քուփերը պատրաստվում է մարմնավորել Bee Gees խմբի մենակատար Բարրի Գիբբին: Կենսագրական ժապավենի պրոդյուսերական կազմում է նաև Սթիվեն Սփիլբերգը:

Նախագիծը ղեկավարում է «Օսկարի» դափնեկիր Գրեմ Քինգը («Բոհեմական ռապսոդիա»): Սցենարը կգրի Էնթոնի Մաքքարթենը:

Ֆիլմը կպատմի երեք եղբայրների՝ Բարիի, Մորիսի և Էնդի Գիբբերի պատմությունը, որոնք ձևավորել են Bee Gees խումբը: Միասին նրանք ձայնագրել են պատմության մեջ ամենավաճառվող ալբոմ-սաունդթրեքը՝ Saturday Night Fever-ը, և իրենց գլխավոր երգերից մեկը՝ Stayin Alive-ը:

Վերջերս Քուփերը խաղացել է «Աստղը ծնվել է» երաժշտական դրամայի ռիմեյքում: Զուգահեռաբար դերասանը պատրաստվում է կոմպոզիտոր Լեոնարդ Բերնշտեյնի դերին բայոպիկում, որը նա ինքն է բեմադրում:

Շարունակել ընթերցումը

Կինոարտադրություն

Հայտնի է դարձել, թե ով է խաղալու Էլվիս Փրեսլիի հոր դերը Բազ Լուրմանի բայոպիկում

Հրապարակվել է

Բրիտանացի դերասան Ռուֆուս Սյուելը միացել է Էլվիս Փրեսլիի բայոպիկի դերասանական կազմին, որում նա կկատարի իր հոր՝ Վերնոնի դերը: Ավելի վաղ հայտնի էր դարձել, որ գլխավոր դերը բաժին է հասել Օսթին Բաթլերին, Փրեսլիի մենեջերին կմարմնավորի Թոմ Հենքսը, իսկ գլխավոր հերոսի մորը՝ Մեգգի Ջիլենհոլը:

Ֆիլմի ռեժիսորն է Բազ Լուրմանը («Մուլեն Ռուժ»): Ֆիլմը կպատմի «ռոք-ն-ռոլի արքաի» եւ նրա մենեջեր Թոմ Փարքերի փոխհարաբերությունների մասին: Ենթադրվում է, որ նկարահանումները կմեկնարկեն այս գարնանը, իսկ ֆիլմը կարող է դուրս գալ 2021 թվականի աշնանը:

Շարունակել ընթերցումը

Կինոարտադրություն

Հարիսոն Ֆորդը պատմել է, թե երբ են սկսվելու «Ինդիանա Ջոնս 5» -ի նկարահանումները

Հրապարակվել է

CBS հեռուստաալիքին տված հարցազրույցում դերասան Հարիսոն Ֆորդը պատմել է, որ «Ինդիանա Ջոնսի» հինգերորդ մասի նկարահանումները կմեկնարկեն ապրիլին՝ «Սկսում ենք նկարահանել երկու ամսից… ինձ պատասխանատու եմ զգում, որ ամբողջ մտահղացումը մնա նույնքան հավակնոտ, որքան առաջին ֆիլմերում էր»:

Ֆիլմի պրեմիերան Հայաստանում նախատեսված է 2021 թվականի հուլիսի 8-ին: Ռեժիսորի պաշտոնին կվերադառնա Սթիվեն Սփիլբերգը: Սցենարը վերաշարադրել է Դեւիդ Քեփը («Յուրայի շրջանի աշխարհը»): Օրիգինալ սաունդթրեքը կգրի Ջոն Ուիլյամսը:

Ֆրանշիզայի վերջին ֆիլմը՝ «Ինդիանա Ջոնսը եւ բյուրեղապակյա գանգի թագավորությունը» թողարկվել է 2008 թվականին, աշխարհում հավաքել է շուրջ 800 մլն դոլար, սակայն ստացել է քննադատների ջախջախիչ գնահատականներն ու «Ոսկե ազնվամորի» մրցանակը՝ որպես վատագույն սիքվել:

Շարունակել ընթերցումը
Գովազդ
Գովազդ

Հարցում

Հունվարի ո՞ր ֆիլմն եք սպասում:

View Results

Loading ... Loading ...

Թրենդային

Copyright © 2019-2020 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: