Connect with us

Նորություններ

Էլթոն Ջոնը քննադատել է ռուսական դիստրիբյուտորին «Ռոքեթմենի» գրաքննության համար

Հրապարակվել է

Մոսկվայի մայիսի 30-ի հնչեղ պրեմիերայից հետո հայտնի է դարձել, որ «Ռոքեթմեն» բայոպիկում տղամարդկանց միջեւ սեքսի, թմրանյութերի օգտագործման եւ այլ տեսարանների ավելի քան հինգ րոպե է հեռացվել: Ֆիլմի հերոս, լեգենդար փոփ եւ ռոք երաժիշտ սըր Էլթոն Ջոնը քննադատել է ռուս դիստրիբյուտորներին նման քայլի համար:

«Այն փաստը, որ տեղական վարձակալը կտրել է որոշ տեսարաններ, մերժելով հանդիսատեսին ֆիլմի լիարժեք դիտումը, ինչպիսին այն մտածված էր, տխուր փաստ է, որը արտացոլում է մեր իրական աշխարհը, որտեղ մենք ապրում ենք, եւ ինչպես այս աշխարհը կարող է դաժանորեն թշնամանալ երկու մարդկանց միջեւ սիրո նկատմամբ: Մենք հավատում ենք կամուրջների կառուցմանը եւ բաց երկխոսությանը, կշարունակենք պնդել արգելքների ոչնչացման վրա, մինչեւ աշխարհի բոլոր մարդիկ հավասարապես լսվեն:»

Նամակը ստորագրել են նաև կինոնկարի ստեղծողները: Բացի գեյ-սեքսի եւ թմրանյութերի օգտագործման տեսարաններից, ժապավենից հանել են եզրափակիչ տիտրերը, որտեղ Ջոնը պատկերված է ամուսնու՝ Դեւիդ Ֆերնիշի հետ (ապրում են միասին ավելի քան 25 տարի): «Ցենտրալ փարթներշիփ» վարձակալը հայտարարել է, որ »ֆիլմում իսկապես փոփոխություններ են կատարվել՝ ՌԴ օրենսդրությանը կինոնկարի համապատասխանության համար»: ՌԴ մշակույթի նախարար Վլադիմիր Մեդինսկին ամբողջ պատասխանատվությունը բարդել է դիստրիբյուտորի վրա, ասելով, որ իր գերատեսչությունում նման բան չեն անում՝ «Մենք այլ ֆունկցիոնալություն և այլ խնդիրներ ունենք»:

«Ռոքեթմենը» հայկական վարձույթ դուրս կգա հունիսի 6-ին (հոնիսի 1-ից կհայտնվի սահմանափակ վարձույթում):

Միացեք մեր Telegram ալիքին և առաջինը ստացեք մեր նորությունները
Շարունակել ընթերցումը
Գովազդ
Մեկնաբանություններ

Կինոարտադրություն

Բրեդլի Քուփերը կխաղա Bee Gees խմբի մասին բայոպիկում

Հրապարակվել է

«Օսկար» մրցանակի թեկնածու Բրեդլի Քուփերը պատրաստվում է մարմնավորել Bee Gees խմբի մենակատար Բարրի Գիբբին: Կենսագրական ժապավենի պրոդյուսերական կազմում է նաև Սթիվեն Սփիլբերգը:

Նախագիծը ղեկավարում է «Օսկարի» դափնեկիր Գրեմ Քինգը («Բոհեմական ռապսոդիա»): Սցենարը կգրի Էնթոնի Մաքքարթենը:

Ֆիլմը կպատմի երեք եղբայրների՝ Բարիի, Մորիսի և Էնդի Գիբբերի պատմությունը, որոնք ձևավորել են Bee Gees խումբը: Միասին նրանք ձայնագրել են պատմության մեջ ամենավաճառվող ալբոմ-սաունդթրեքը՝ Saturday Night Fever-ը, և իրենց գլխավոր երգերից մեկը՝ Stayin Alive-ը:

Վերջերս Քուփերը խաղացել է «Աստղը ծնվել է» երաժշտական դրամայի ռիմեյքում: Զուգահեռաբար դերասանը պատրաստվում է կոմպոզիտոր Լեոնարդ Բերնշտեյնի դերին բայոպիկում, որը նա ինքն է բեմադրում:

Շարունակել ընթերցումը

Կինոարտադրություն

Հայտնի է դարձել, թե ով է խաղալու Էլվիս Փրեսլիի հոր դերը Բազ Լուրմանի բայոպիկում

Հրապարակվել է

Բրիտանացի դերասան Ռուֆուս Սյուելը միացել է Էլվիս Փրեսլիի բայոպիկի դերասանական կազմին, որում նա կկատարի իր հոր՝ Վերնոնի դերը: Ավելի վաղ հայտնի էր դարձել, որ գլխավոր դերը բաժին է հասել Օսթին Բաթլերին, Փրեսլիի մենեջերին կմարմնավորի Թոմ Հենքսը, իսկ գլխավոր հերոսի մորը՝ Մեգգի Ջիլենհոլը:

Ֆիլմի ռեժիսորն է Բազ Լուրմանը («Մուլեն Ռուժ»): Ֆիլմը կպատմի «ռոք-ն-ռոլի արքաի» եւ նրա մենեջեր Թոմ Փարքերի փոխհարաբերությունների մասին: Ենթադրվում է, որ նկարահանումները կմեկնարկեն այս գարնանը, իսկ ֆիլմը կարող է դուրս գալ 2021 թվականի աշնանը:

Շարունակել ընթերցումը

Նորություններ

Ռուսական հեղինակային ընկերությունը Լենֆիլմի նկատմամբ հավակնություններ ունի

Հրապարակվել է

Ռուսական հեղինակային ընկերությունը հայց է ներկայացրել Պետերբուրգի գլխավոր «Լենֆիլմ» կինոստուդիայի դեմ, հաղորդում է «Էքսպերտ Online» — ը: Պարբերականի տեղեկություններով՝ հայցային պահանջների գումարը կազմել է մոտ 100 հազար ռուբլի: Սակայն թե ինչն է հանդիսացել հայցի պատճառ, դեռ հայտնի չէ: Ռուսական հեղինակային ընկերությունը լրագրողների հարցմանը չի պատասխանել, իսկ կինոստուդիայի ներկայացուցիչները հրաժարվել են մեկնաբանություններից:

Այս շաբաթ հայտնի էր դարձել, որ Ինեսսա Յուրչենկոն «Ռոսիմուշեստվո»-ի կողմից հաստատվել է «Լենֆիլմի» գլխավոր տնօրենի ժամանակավոր պաշտոնակատար: Ստուդիայի նոր ղեկավարի առջեւ բարդ խնդիր է դրված՝ ձեռնարկությունը պարտքերից դուրս բերելու համար: Գլխավոր վարկատուի՝ ՎՏԲ բանկի հանդեպ «Լենֆիլմի» պարտքային պարտավորությունները կազմում են շուրջ 2 մլրդ ռուբլի:

Շարունակել ընթերցումը
Գովազդ
Գովազդ

Հարցում

Հունվարի ո՞ր ֆիլմն եք սպասում:

View Results

Loading ... Loading ...

Թրենդային

Copyright © 2019-2020 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: