Համացանցում հայտնվել է Քիմ Քարդաշյանի «Արդարադատություն» (The Justice Project) վավերագրական ֆիլմի թրեյլերը, որը կթողարկվի Oxygen YouTube-ալիքում:

Ֆիլմը տեւելու է երկու ժամ եւ կպատմի ամերիկացի բանտարկյալների մասին, որոնց դատապարտել են երկար ժամկետով: Ֆիլմի ստեղծման համար Քարդաշյանը իրավաբանների հետ այցելել է Ամերիկայի բանտեր, որպեսզի պատմի չորս բանտարկյալների պատմությունները, որոնք, նրանց կարծիքով, ապօրինի են դատապարտվել:

Ֆիլմը նկարահանվել է 2019 թվականին, երբ Քիմն օգնել է ազատ արձակել Էլիս Ջոնսոնին եւ Մոմոլ Ստյուարտին: Վերջինս բանտում է եղել սպանության համար:

«Արդարադատության» պրեմիերան կկայանա ապրիլի 5-ին:

Sony-ն թողարկել է «Մորբիուսի» առաջին թրեյլերը Ջարեդ Լետոյի հետ: Բեթհովենի «Էլիսի համար» երաժշտության ներքո տեսահոլովակը ցույց է տալիս, թե ինչպես է հիվանդ բժիշկ Մայքլ Մորբիուսը փորձարկումների արդյունքում ստացել իր կարողությունները:

«Մորբիուս» կինոնկարը Հայաստանում կթողարկվի 2020 թվականի հուլիսի 30-ին:

Համացանցում հայտնվել է «Վայրի թռչունները. Հարլի Քուինի ցնցող պատմությունը» ֆիլմի երկրորդ թրեյլերը: Գլխավոր դերին է վերադարձել Մարգո Ռոբին:

Ջոքերի հետ բաժանվելուց հետո Հարլի Քուինը (Մարգո Ռոբի) իր շուրջը հավաքում է սուպերհերոսուհիների թիմ, որտեղ ընդգրկված են Բեթգյորլը, Որսորդը, Սեւ դեղձանիկը եւ Ռենե Մոնտոյան: Նրանք միասին ստիպված են պաշտպանել Գոթեմը քրեական հեղինակություն՝ Սեւ դիմակից (Էվան ՄաքԳրեգորը):

Պրեմիերան Հայաստանում նախատեսված է 2020 թվականի փետրվարի 6-ին։