ամն ,

Կայացավ «Դրախտի դարպասը» ֆիլմի պրեմիերան

Երեկ Երևանում կայացավ «Դրախտի դարպասը» ֆիլմի պրեմիերան: Ջիվան Ավետիսյանն ու նրա ստեղծագործական թիմը «ԿինոՊարկ» կինոթատրոնի բոլոր սրահներում միաժամանակ ներկայացնում էին երկար սպասված կինոնկարը:

Արցախյան թեմայով Ջիվան Ավետիսյանի նոր ֆիլմը՝ ստեղծագործական և արտադրական միջազգային մեծ կազմով, մեծ ճանաչման դերասանական և պրոդյուսերական թիմով, միջազգային համագործակցության լուրջ գործակցությամբ արծարծում է համամարդկային խնդիրներ՝ միաժամանակ ներկայացնելով պատերազմի ու խաղաղության դեմքը:

Գերմանացի լրագրողը 2016-ին վերադառնալով Արցախ՝ լուսաբանելու քսաներկու տարվա ընդմիջումից հետո վերսկսված պատերազմը, հանդիպում է արցախցի երիտասարդ օպերային երգչուհուն և կարծես թե արթնանում են փոխադարձ սիրային զգացմունքներ, մանավանդ, որ հարթ չեն հերոսների անձնական կյանքերը, սակայն պարզվում է, որ երգչուհին անհայտ կորած արցախցի ֆոտոլրագրողի աղջիկն է, ում 1992-ին՝ Թալիշի անկման օրը, գերմանացի լրագրողը թողնում է գյուղում՝ գերության մեջ՝ յուրացնելով նրա մարտի դաշտում արված լուսանկարները…

Ֆիլմի պրեմիերային ներկա էր նաև Հայաստանի վարչապետ Նիկոլ Փաշինյանը, իշխանության այլ ներկայացուցիչներ, կինոհանրությունն ու բազմաթիվ հյուրեր: Հոկտեմբերի 17-ից ֆիլմը ցուցադրվելու է «ԿիոՊարկում», իսկ հոկտեմբերի 25-ից բոլոր կինոթատրոններում:

Ի՞նչ եք կարծում

0 points
Upvote Downvote

Հեղինակ՝ Սերգեյ Հովսեփյան

Գլխավոր խմբագիր: 2017 թվականին ավարտել եմ Սլավոնական համալսարանի ռեժիսուրայի բաժինը: Նույն ժամանակ ընդունվել եմ ՎԳԻԿ-ի պրոդյուսերական ֆակուլտետ: Աշխատել եմ «Նաիրի» կինոթատրոնում և տարբեր ռուսական կնոփառատոններում:

Դիտարկումները

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Բեռնել եւ hellip;

Բեռնել եւ hellip;

0

Comments

0 comments

Հայաստանի ազգային կինոկենտրոնին բյուջեից գումար է հատկացվել իր շենք-շինության վերանորոգման համար

«Զոմբիլենդ. Ստուգիչ կրակոց». 2009 վատ ժամանակ չէր