Connect with us

Կինոիրադարձություններ

Կանն 2019. Արդյունքներ` «Մակաբույծները» լավագույն ֆիլմ է ճանաչվել

Հրապարակվել է

Մայիսի 25-ին Կաննի 72-րդ կինոփառատոնն ամփոփեց արդյունքները: Հայտնի են դարձել ինչպես հիմնական մրցույթի, այնպես էլ զուգահեռ ծրագրերի հաղթողների անունները: Փառատոնի գլխավոր մրցանակը՝ Ոսկե արմավենու ճյուղը, ստացել է Պոն Ջուն Հոի «Մակաբույծները» ֆիլմը։

Մրցանակակիրներին մեծարել են կինեմատոգրաֆի այնպիսի աստղեր, ինչպիսիք են Կատրին Դենյովը, Մայքլ Մուրը, Վալերի Բրունի-Տեդեսկին, Սիլվեստր Ստալոնեն, Գաել Գարսիա Բերնալը, Կլեր Դենին, Ռեդա Կատեբը, Չան Զիին, Վիգգո Մորտենսենը, Նադին Լաբակին, Ռիթի Պանխը: Բոլոր հաղթողներին հայտարարել է ժյուրիի նախագահ մեքսիկացի ռեժիսոր Ալեխանդրո Գոնսալես Ինյարիտուն:

Պոն Ջուն Հո

«Ներկայումս աշխարհում ժողովրդավարությունը անհետանում է, բայց կարող եմ ձեզ հավաստիացնել, որ ժյուրիի որոշումը, որը դուք կլսեք, բացարձակապես ժողովրդավարական էր: Ոսկե արմավենու ճյուղը շնորհվում է «Մակաբույծներ» ֆիլմին», — Ինյարիտուի այս խոսքերից դահլիճը պարզապես պայթել է ծափահարություններով։

Հարկ է նշել, որ քննադատներն ու ժյուրին վաղուց արդեն այնքան միաձայն չեն եղել փառատոնի լավագույն ֆիլմի ընտրության հարցում:

Նման բուռն ծափահարությունների է առժանացել նաեւ Անտոնիո Բանդերասը, որը Պեդրո Ալմոդովարի «Ցավ եւ փառք» (հունիսի 12-ից կինոթատրոններում) ֆիլմում տղամարդու լավագույն դերի համար մրցանակ է ստացել։

Անտոնիո Բանդերաս

Կաննի փառատոնի կարեւորությամբ երկրորդ մրցանակը՝ Գրան-պրին ստացել է Մատի Դիոպի «Ատլանտիկա» ֆիլմը, որն փառատոնի առաջին սեւամորթ կին դափնեկիրն է։ Հարկ է նշել, որ սա նրա դեբյուտային լիամետրաժ ֆիլմն է։

Այս տարի, ըստ քննադատների ճանաչման, հիմնական մրցույթն ու զուգահեռ ծրագրերը շատ ուժեղ էին։ Գուցե այդ պատճառով ժյուրիի մրցանակը ստացել են միանգամից երկու ֆիլմ ՝ Լուջա Լիի «Թշվառները» և Կլեբեր Մենդոս Ֆիլյոյի և Ջուլիանո Դորնելլեսի «Այծ կթողները»։

Ժան-Պիեռ և Լյուկ Դարդեններ

Դեբյուսի դահլիճում մթնոլորտը, որտեղ գտնվում էին լրագրողները, բավական հանգիստ էր, ավանդական ծաղկեփնջեր ժյուրիի յուրաքանչյուր որոշումից հետո գրեթե չկային։ Անհամաձայնության ալիք է դահլիճում բարձրացել միայն Լավագույն դերասանուհի (Էմիլի Բիչեմ «Փոքրիկ Ջո» ֆիլմի համար) եւ Լավագույն ռեժիսոր (Ժան-Պիեռ և Լյուկ Դարդեններ «Պատանի Ահմեդ» ֆիլմի համար) մրցանակի դափնեկիրների հայտարարման պահին։

Կաննի 72-րդ կինոփառատոնի հաղթողների ամբողջական ցանկը

Ոսկե արմավենու ճյուղ
«Մակաբույծներ», ռեժիսոր` Պոն Ջուն Հո

Գրան-պրի
«Ատլանտիկա», ռեժիսոր` Մաթի Դիոպ

Ժյուրիի մրցանակ
«Թշվառները», ռեժիսոր՝ Լաջ Լի
«Այծ կթողները», ռեժիսորներ Կլեբեր Մենդոս Ֆիլյո և Ջուլիանո Դորնելլես

Լավագույն ռեժիսոր
Ժան Պիեր և Լյուկ Դարդեններ, «Պատանի Ահմեդ»

Լավագույն դերասան
Անտոնիո Բանդերաս, «Ցավ և փառք», ռեժիսոր՝ Պեդրո Ալմոդովար

Լավագույն դերասանուհի
Էմիլի Բիչեմ, «Փոքրիկ Ջո», ռեժիսոր՝ Ջեսիկա Հաուզներ

Լավագույն սցենար
Սելին Սկյամմա, «Աղջկա դիմանկարը կրակի մեջ»

Հատուկ հիշատակում
«Գուցե սա է դրախտը», ռեժիսոր Էլիա Սուլեյման

Ոսկե արմավենու ճյուղ Լավագույն կարճամետրաժ ֆիլմի համար
«Հեռավորությունը մեր և երկնքի միջև», ռեժիսոր Վասիլիս Կեկատոս

Ժյուրիի հատուկ հիշատակումը կարճամետրաժ ֆիլմերի մրցույթում
«Monstruo Dios», ռեժիսոր Ագուստինա Սան Մարտին

Ոսկե տեսախցիկ (Caméra d’or)
«Մեր մայրերը», ռեժիսոր Սեզար Դիազ, «Քնադատության շաբաթ» բաժին

ՖԻՊՐԵՍՍԻ մրցանակ հիմնական մրցույթի լավագույն ֆիլմին
«Գուցե սա է դրախտը», ռեժիսոր Էլիա Սուլեյման

ՖԻՊՐԵՍՍԻ մրցանակը լավագույն ֆիլմի բաժնում հատուկ հայացք
«Լողլողը», ռեժիսոր՝ Քանթեմիր Բալագով

ՖԻՊՐԵՍԻԻ մրցանակը զուգահեռ բաժիններից մեկի առաջին կամ երկրորդ ֆիլմի համար (ռեժիսորների երկշաբաթյա կամ քննադատության շաբաթ):
«Փարոս», ռեժիսոր Ռոբերտ Էգգերս (ռեժիսորների երկշաբաթյա բաժին)

Էկումենիկ ժյուրիի մրցանակ
«Գաղտնի կյանք», ռեժիսոր Թերենս Մալիք

Հատուկ տհայացք բաժին

Գլխավոր մրցանակ
«Էվրիդիկա Գուսմաոյի անտեսանելի կյանքը», ռեժիսոր՝ Քարիմ Այնուզ

Ժյուրիի մրցանակ
«Այն ամենը, ինչ այրվում է», ռեժիսոր՝ Օլիվեր Լաքս

Լավագույն ռեժիսոր
Կանթեմիր Բալագով, «Լողլողը»

Լավագույն դերասանական աշխատանք
Կյարա Մաստրոյաննի, «Սենյակ 212», ռեժիսոր՝ Քրիստոֆ Օնորե

Ժյուրիի հատուկ մրցանակ
«Ազատություն», ռեժիսոր՝ Ալբերտ Սերրա

Coup de Coeur մրցանակ («Սիրտն է ընտրել»)
«Եղբոր սիրելին», ռեժիսոր՝ Մոնյա Շոկրի
«Վերելք», ռեժիսոր՝ Մայքլ Կովինո

Ժյուրիի հատուկ հիշատակում
«Ժաննա», ռեժիսոր՝ Բրյունո Դյումոն

Միացեք մեր Telegram ալիքին և առաջինը ստացեք մեր նորությունները

Կինոիրադարձություններ

Ամերիկյան կինոակադեմիան Լոս Անջելեսում հայտարարել է Օսկարի շաբաթ

Հրապարակվել է

«Օսկար» 92-րդ մրցանակաբաշխությանը նախորդող շաբաթ Կինեմատոգրաֆիական արվեստների և գիտությունների ակադեմիան կներկայացնի հանրային ծրագրերի շարք՝ նվիրված այս տարվա անվանակարգորդներին Անիմացիոն գեղարվեստական ֆիլմի, Վավերագրական գեղարվեստական ֆիլմի, Վավերագրական կարճամետրաժ ֆիլմի, Միջազգային գեղարվեստական ֆիլմի, Դիմահարդարման և սանրվածքի, ինչպես նաև Անիմացիոն և Խաղարկային կարճամետրաժ ֆիլմերի անվանակարգորդներին: Բոլոր միջոցառումները տեղի կունենան Բեվերլի Հիլզի Սեմյուել Գոլդվինի ակադեմիական թատրոնում:

Օսկարի շաբաթվա ժամանակացույցը հետեւյալն է՝

OSCAR WEEK: ՎԱՎԵՐԱԳՐԱԿԱՆ

Երեքշաբթի, փետրվարի 4, 19.00
Սեմյուել Գոլդվինի Թատրոն

OSCAR WEEK: ԿԱՐՃԱՄԵՏՐԱԺ

Չորեքշաբթի, փետրվարի 5, 19.00
Սեմյուել Գոլդվինի Թատրոն

OSCAR WEEK: ՄԻԺԱԶԳԱՅԻՆ ԳԵՂԱՐՎԵՍՏԱԿԱՆ ՖԻԼՄ

Հինգշաբթի, փետրվարի 6, 19.00
Սեմյուել Գոլդվինի Թատրոն

OSCAR WEEK: ԱՆԻՄԱՑԻԱ

Շաբաթ, փետրվարի 8, 10.00
Սեմյուել Գոլդվինի Թատրոն

OSCAR WEEK: ԴԻՄԱՀԱՐԴԱՐՄԱՆ և ՍԱՆՐՎԱԾՔԻ ՍԻՄՊՈԶԻՈՒՄ

Շաբաթ, փետրվարի 8, 15.00
Սեմյուել Գոլդվինի Թատրոն

Samuel Goldwyn Theater
8949 Wilshire Blvd.
Beverly Hills, CA 90211

Շարունակել ընթերցումը

Կինոիրադարձություններ

BAFTA. Էնդի Սերքիսը կարժանանա մրցանակի Մեծ Բրիտանիայի կինեմատոգրաֆում ակնառու ավանդի համար

Հրապարակվել է

Բրիտանական կինո եւ հեռուստատեսային արվեստների ակադեմիան (BAFTA) այսօր հայտարարել է, որ հայազգի դերասան, պրոդյուսեր, ռեժիսոր եւ Imaginarium-ի հիմնադիր Էնդի Սերքիսը Բրիտանական կինոմրցանակաբաշխության 73-րդ մրցանակաբաշխության ժամանակ կարժանանա մրցանակի Մեծ Բրիտանիայի կինեմատոգրաֆում ակնառու ավանդի (Outstanding British Contribution to Cinema Award) համար:

BAFTA-ի ամենաբարձր պարգեւներից մեկը, Outstanding British Contribution to Cinema Award, ամեն տարի հանձնվում է Մայքլ Բալկոնի՝ Բրիտանական կինոպրոդյուսերի պատվին, որը հայտնի է իր աշխատանքով Ealing Studios-ում: Նախորդ ստացողներն էին Ռիդլի եւ Թոնի Սքոթը, Film4 Productions-ը, Working Title Films, Անջելա Ալենը, Հարրի Փոթերի ֆիլմաշարը, Ջոն Հերթը, Թեսա Ռոսսը, Պիտեր Գրինուեյը, BBC-ի ֆիլմերը և այլոք:

«Էնդիի աշխատանքը էկրանի վրա եւ նրա սահմաններից դուրս ոչ այլ ինչ է, քան հեղափոխություն, ինչով նա ոգեշնչում էր հանդիսատեսին եւ նրա գործընկերներին, — նշում է BAFTA մրցանակաբաշխության կոմիտեի նախագահ Մարկ Սամուելսոնը: — Նրա նորարարական ազդեցությունը՝ որպես կատարող, ուսուցիչ, առաջատար նորարար և գործատու, օգնեց ձևավորել համաշխարհային կինոարտադրություն, և դրական ազդեցությունը կզգացվի դեռ երկար տարիներ: Նա իսկապես մեր արդյունաբերության հրաշալի դեսպանն է և այս տարվա ակնառու նվաճումների համար մրցանակի վաստակավոր դափնեկիրը»:

«Ես խորապես շոյված եմ եւ ոգեւորված եմ այս մրցանակը ստանալու համար, եւ կարծում եմ, որ ես շատ բախտավոր եմ, որ ես գտնվում եմ տեսողական պատմության մեջ, որը ինձ հնարավորություն տվեց համագործակցել աշխարհի մեծագույն նկարիչներից, տեխնոլոգներից եւ արհեստավորներից շատերի հետ, որոնց հետ ես կցանկանայի կիսվել այս հրաշալի պարգեւը», — մեկնաբանել է Սերքիսը:

2011 թվականին Էնդին հիմնադրել է (կինոպրոդյուսեր Ջոնաթան Քավենդիշի հետ միասին) Imaginarium արտադրական ընկերությունը եւ թվային ստուդիան, որը մասնագիտացած է ճշմարտանման եւ էմոցիոնալ գրավիչ թվային կերպարների ստեղծման վրա, օգտագործելով կատարման գրավման տեխնոլոգիան ֆիլմերում եւ խաղերում:

Նա «Շնչիր» ֆիլմով իր ռեժիսորական դեբյուտը կատարել է 2017 թվականին եւ այդ ժամանակվանից նկարահանել է «Մաուգլի. Ջունգլիների լեգենդ» ֆիլմը: Ներկայումս նա «Վենոմ 2»-ի ռեժիսորն է, որի գլխավոր դերականտարն է Թոմ Հարդին:

Շարունակել ընթերցումը

Կինոիրադարձություններ

Լոնդոնում ցուցադրվել է Արման Մանարյանի «Կարինեն»

Հրապարակվել է

Լոնդոնում գրանցված բրիտանական «Kino Klassika» կազմակերպությունը համակարգում է սովետական, ռուսական և անդրկովկասյան ֆիլմերի կինո-սեզոնները։ Համագործակցելով հեղինակավոր Բրիտանական կինոյի ինստիտուտի հետ՝ երաժշտական (մյուզիքլ) ֆիլմերի ցուցադրության մեծամասշտաբ ծրագրի շրջանակներում, 2020 թվականի հունվարի 21-ին՝ Լոնդոնում, «Cine Lumiere» կինոթատրոնում ցուցադրվել է հայկական կինոժառանգության լավագույն նմուշներից մեկը՝ Արման Մանարյանի «Կարինեն» (1969թ․)՝ առաջին հայկական մյուզիքլը։ Այս մասին հայտնում են Հայաստանի Ազգային Կինոկենտրոնից:

«Cine Lumiere » կինոթատրոնը, որը գործում է Ֆրանսիայի ինստիտուտի ենթակայությամբ, հայտնի է ինչպես արտհաուս և անկախ, այնպես էլ համաշխարհային կինեմատոգրաֆի դասական ֆիլմերի ցուցադրություններով:

«Կարինե»-ն 1967 թվականին «Հայֆիլմ» կինոստուդիայի նկարահանած ֆիլմ է, որի հանդիսանում է Տիգրան Չուխաճյանի «Լեբլեբիջի Հոր-հոր աղա» կոմիկական օպերայի էկրանավորում։ Գործողությունները կատարվում են 19-րդ դարում: Պճնամոլ երիտասարդը, դիմելով խարդավանքների ու խորամանկությունների, կարողանում է իրականացնել ընկերոջ պսակադրությունը սիրած աղջկա հետ՝ հակառակ վերջինիս հոր կամքի։

Արման Մանարյանը ծնվել է 1929 թվականին, Թեհրանում, 1946 թվականին հայրենադարձվել է Հայաստան: Սովորել է Երևանի Ռոմանոս Մելիքյանի անվան երաժշտական ուսումնարանում, ապա Երևանի պետական կոնսերվատորիայում: Այնուհետև ուսումը շարունակել է Համամիութենական կինեմատոգրաֆիայի պետական ինստիտուտում (ՎԳԻԿ): 1961 թվականին նկարահանել է «Տժվժիկ» կարճամետրաժ ֆիլմը, ապա՝ «Կարինե» (1967 թ.), «Մորգանի խնամին» (1970 թ.), «Հեղնար աղբյուր» (1971 թ.), «Վերադարձ» (1972 թ.), «Սպիտակ ափեր» (1975 թ.), «Եվս հինգ օր» (1978 թ.), «Կապիտան Առաքել» (1985 թ.), «Ընկեր Փանջունի» (1992 թ.) խաղարկային ֆիլմերը: Գրել է մի քանի ֆիլմերի սցենարներ: Արման Մանարյանի հեղինակմամբ ստեղծվել են «Հայելու հեքիաթը» (1984 թ.), «Տգետը» (1995 թ.) անիմացիոն ֆիլմերը, ինչպես նաև «Սասնա ծռեր» լիամետրաժ անիմացիոն ֆիլմը (2001-2010 թթ.): Արման Մանարյանը նկարահանելով «Կարինեն» ճանապարհ է հարթել ազգային երաժշտական կինոյի համար։

Շարունակել ընթերցումը
Գովազդ
Գովազդ

Հարցում

Հունվարի ո՞ր ֆիլմն եք սպասում:

View Results

Loading ... Loading ...

Թրենդային