Connect with us

Հայաստան

Մեկնարկում է «Կինոարվեստի մասին ՀՀ օրենքի» հանրային քննարկումը

Հրապարակվել է

Այսօր՝ օգոստոսի 12-ին մեկնարկեց «Կինոարվեստի մասին» հանրային քննարկումը: Շուրջ 8-ամսյա ծավալուն աշխատանքներից՝ նյութի և առ այսօր առկա նախագծերի նախնական ուսումնասիրություններ, ֆոկուս-խմբային մի քանի տասնյակ հանդիպումներ, տարբեր ձևաչափերով բազմաթիվ մասնագիտական քննարկումներ, միջազգային փորձագիտական գնահատումներ (այս պահին՝ դեռևս Լեհաստան, Գերմանիա) և այլն, ««Ոսկե Ծիրան» կինոյի զարգացման հիմնադրամի»՝ Եվրոպական միության ֆինանսական աջակցությամբ, հատուկ այս օրինագծի ստեղծման համար ձևավորված իրավաբանական ընկերությունների և փորձագետների աշխատանքային խմբի կողմից մշակվող օրենքի նախագծի առաջին տարբերակը դնում են հանրայնի լայն քննարկման:

Մասնագիտական լուրջ ու սկզբունքային բանավեճերի արդյունքում նախագիծը ստացել է «ՀՀ օրենքը կինոարվեստի մասին» անվանումը:

Նախագիծը վերջնական տարբերակ չէ և դիտողություններն ու առաջարկությունները շատ կարևոր են նախագծի երկրորդ և վերջնական տարբերակներն ունենալու համար: Նախագծի որոշ դրույթներում (օրինակ՝ տոկոսային հարաբերակցություններ և այլն) նույնիսկ նշված չեն աշխատանքային խմբի կողմից ընդունված համամասնությունները, որպեսզի քննարկումներն ընթանան առանց նախնական պատկեր ստեղծելու:

Կոչ ենք անում հանգամանորեն ուսումնասիրել նախագծի բոլոր դրույթները, խորամուխ լինել այն փիլիսոփայության մեջ, որը որդեգրել է աշխատանքային խումբը և լինել ակտիվ, նախանձախնդիր, նախագծին մոտենալ շահագրգռորեն: Վստահ եղեք, որ ներկայացված բոլոր առաջարկություններն ու դիտողությունները մանրակրկիտ քննարկվելու են:

Բոլոր առաջարկություններն ու դիտողություններն անել կամ ուղղակիորեն նախագծի վրա՝ մեկնաբանությունների համար նախատեսված ձևով, կամ ուղարկել գրավոր՝ այն էլեկտրոնային հասցեին, որից ստացել եք՝ armcinemalaw2019@gmail.com, կոնկրետ նշելով հոդվածը, դրույթը, տողը և կոնկրետ տալով Ձեր ձևակերպումը:

Առաջարկություններն ուղարկելու վերջնական ժամկետ է սահմանվում մինչև ս.թ. սեպտեմբերի 15-ը, ժամը 18:00-ն ներառյալ:

«Կինոարվեստի մասին ՀՀ օրենքի» նախագծի առաջին տարբերակը քննարկման, դիտողությունների և առաջարկությունների համար ներկայացված է նաև ՀՀ ԱԺ Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողով, ՀՀ կրթության, գիտության, մշակույթի և սպորտի նախարարություն:

Քննարկելով բոլոր ներկայացված առաջարկություններն ու դիտողությունները, Նախագիծը կներկայացվի նաև շնորհանդեսների ընթացքում, իսկ աշնանը սպասվող մի քանի նոր միջազգային փորձագիտական դիտարկումներից, վերջնական քննարկումներից ու ամփոփումից հետո այն Ազգային Ժողով կներկայացվի հնարավորինս ավարտուն և համաձայնեցված տեսքով:

ԿԱՐԴԱԼ ՆԱԽԱԳԾԻ ԱՌԱՋԻՆ ՏԱՐԲԵՐԱԿԸ

Միացեք մեր Telegram ալիքին և առաջինը ստացեք մեր նորությունները
Շարունակել ընթերցումը
Գովազդ
Մեկնաբանություններ

Հայաստան

Շանթը մեկնարկում է հայալեզու «Շանթ Քիդս» մանկական հեռուստաալիքը

Հրապարակվել է

«Շանթ Kids»-ը հանդիսանում է առաջին հայալեզու շուրջօրյա մանկական հեռուստաալիքը, որը հնարավորություն է ընձեռում դիտելու բոլոր ժամանակների լավագույն մուլտֆիլմերն ու հեքիաթները միմիայն հայերեն թարգմանությամբ։ Այն սպասված հեռուստաալիք է՝ գունեղ, տպավորիչ, ապահով, ուսուցողական բովանդակությամբ:

«Շանթ Kids» հեռուստաալիքով հեռարձակվելու են՝

  • հայկական սիրված մուլտֆիլմեր,
  • մրցութային հեռուստաշոուներ,
  • մանկապատանեկան գեղարվեստական ֆիլմեր,
  • հանրահայտ լիամետրաժ և կարճամետրաժ մուլտֆիլմեր,
  • Սոյուզմուլտֆիլմի ողջ տեսադարանը։

Այսպիսով, «Շանթ Kids» հեռուստաալիքի շնորհիվ հին ու բարի հեքիաթային հերոսները մանուկների հետ հեռուստաէկրանից կխոսեն հայերեն լեզվով։ Հեռուստաալիքը հասանելի է «Ռոստելեկոմ»-ի բոլոր փաթեթային առաջարկներում։

Շարունակել ընթերցումը

Կինոարտադրություն

Academy Films-ը աջակցում է ուսանողական նախագծերին. մանրամասներ

Հրապարակվել է

Academy Films («Աքեդեմի Ֆիլմզ») ֆիլմարտադրող ընկերությունը «Դեպի կինո» երիտասարդական ծրագրի շրջանակում ընդունում է Երեվանի Թատրոնի եվ Կինոյի Պետական Ինստիտուտի ուսանողների կողմից իրականացվող խաղարկային եւ վավերագրական նախագծերի գաղափարներ։

Ընտրված նախագծերի հեղինակներին ընկերությունն աջակցում է դրամաշնորհների միջոցով ֆինանսավորում գտնելու գործընթացում։

Նախագծերն ընտրվելու են հետևյալ փուլերով՝

  1. -ին փուլի համար հետաքրքրված ուսանողները ինքնակենսագրականը եւ նախագծի կարճ նկարագրությունն ուղարկել info@academyfilms.tv հասցեին,
  2. -րդ փուլում ընտրված մասնակիցներն աշխատելու ֆիլմ փաթեթի զարգացման վրա,
  3. -րդ փուլում ներկայացնելու են նախագծերը փիթչինգի տեսքով,
  4. -րդ փուլում դիմելու են համապատասխան դրամաշնորհի:

Դիմելու վերջնաժամկետն է փետրվարի 20-ը: Հիշեցնենցք, որ Academy Films-ը մեկնարկում է կինոդրամատուրգիայի դասերի շարք, որը կվարի սցենարիստ, պրոդյուսեր Արմեն Գրիգորյանը։

Շարունակել ընթերցումը

Կրթություն

Academy Films-ը մեկնարկում է կինոդրամատուրգիայի դասերի շարք

Հրապարակվել է

Academy Films-ը մեկնարկում է կինոդրամատուրգիայի դասերի շարք, որը կվարի սցենարիստ, պրոդյուսեր Արմեն Գրիգորյանը։

Արմեն Գրիգորյանը սցենարիստ է և պրոդյուսեր։ Նա «Ռոբ Սահակյանց․ վարդագույն քաղաքի վերջին հիփին» վավերագրականի գլխավոր պրոդյուսերն է։ Որպես գործադիր պրոդյուսեր հանդես է եկել «Ես մնում եմ» լիամետրաժում, «Անավարտ թռիչք» ֆիլմում, «Տոմս դեպի Vegas» կատակերգությունում, ինչպես նաև մի շարք հեռուստասերիալներում՝ թե հայաստանյան, թե ռուսաստանյան հեռուստատեսության համար։

Մասնակցության համար տարիքային սահմանափակումներ չկան։ Մասնակիցներն ընտրվելու են հարցազրույցի միջոցով։

ԻՆՉՊԵ՞Ս ԴԻՄԵԼ

Գրանցվելու համար, անհրաժեշտ է մինչեւ սյուն թվականի հունվարի 25-ը ուղարկել ձեր մասին հակիրճ տեղեկատվություն եւ կոնտակտային տվյալներ info@academyfilms.tv էլ. հասցեին։

ԸՆԴՀԱՆՈՒՐ ՏԵՂԵԿՈՒԹՅՈՒՆ

  • Դասընթացի սկիզբը` փետրվարի 3,
  • Տևողությունը` 3 ամիս,
  • Լեզուն՝ հայերեն,
  • Արժեք՝ անվճար
  • Հաճախականությունը` շաբաթական 2 օր:

Շարունակել ընթերցումը
Գովազդ

Թրենդային

Գովազդ

Հարցում

Հունվարի ո՞ր ֆիլմն եք սպասում:

View Results

Loading ... Loading ...

Թրենդային

Copyright © 2019 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: