Connect with us

Կրթություն

Հայաստանի կինոդպրոցները

Ուսումնական հաստատությունների բազա, որտեղ պատրաստում են կինոարտադրության մասնագետներ

Հրապարակվել է

«ԿինոՊրես»-ը ուսումնասիրել է Հայաստանի ուսումնական հաստատությունները, որոնցում պատրաստում են (կամ ձևացնում են որ պատրաստում են) կինոարդյունաբերության մասնագետների:

Ոչ մի ամերիկացի, որը կենտրոնացած է հեղինակային, անկախ կինոյի վրա, փաստաթղթեր չի ներկայացնի Tisch School of the Arts, որտեղ սովորեցնում են նկարահանել Հոլիվուդի նոր դասականը. ավելի շուտ, նա կնախընտրի Columbia University School of the Arts: Ի դեպ, ինչպիսին էլ լինեն ամերիկացի կինեմատոգրաֆիստի ստեղծագործական նախասիրությունները, նա հնարավորություն կունենա խորհել տարբերակների շուրջ եւ ընտրություն կատարել առաջնորդվելով, օրինակ, Թոմ Էդգարի եւ Կարին Քելիի Film School Confidential: The Insider’s Guide To Film Schools հայտնի գրքից:

Հաշվի առնելով հայկական կինոարդյունաբերության իրավիճակը՝ Հայաստանի կինոդպրոցների վերաբերյալ մանրամասն տեղեկատուի գոյությունը աբսուրդ կլիներ: «ԿինոՊրես»-ը որոշել է օգնել սկսնակ մասնագետին, որին անհրաժեշտ է հասկանալ սակավ առաջարկը, եւ փորձել է հավաքել եւ համակարգել 2019 թվականին գործող Հայաստանիի կինոդպրոցների եւ կինոբուհերի վերաբերյալ առավել կարեւոր տվյալները: Մեզ հետաքրքրում էին բոլոր առաջարկները. կարճաժամկետ դասընթացներից մինչև բարձրագույն կրթության և մասնագիտական վերապատրաստման ծրագրեր: Միակ պայմանն այն էր, որ մասնագիտությունների եւ առարկաների նկարագրության մեջ հանդիպեն «կինո» եւ «ռեժիսուրա» կամ «պրոդյուսերական» բառերը: Կինոդպրոցները ստորեւ թվարկված են պատահական կարգով:

Հարգելի կինոդպրոցներ, եթե դուք ունեք թարմացված տեղեկատվություն կամ նկատել եք անճշտություններ, խնդրում ենք գրել press@kinopress.am հասցեյին, թեմայում նշելով «Կինոդպրոց»

Երևանի թատրոնի և կինոյի պետական ինստիտուտ (ԵԹԿՊԻ)

Հիմնադրվել է 1944 թվականին

Հավանաբար, կինոկրթությամբ հետաքրքրվող մարդկանց ճնշող մեծամասնությունը շատ լավ գիտեն ԵԹԿՊԻ-ի մասին, բայց մենք, այնուամենայնիվ, կներկայացնենք հիմնական տեղեկատվությունը: Եվ այսպես, մեզ հետաքրքրում են «Կինոյի և հեռուստատեսության ռեժիսուրա» (մասնագիտացում «Խաղային կինոյի և հեռուստաֆիլմի ռեժիսոր» և «Ոչ խաղարկային կինոյի և հեռուստաֆիլմի ռեժիսոր») և «պրոդյուսերություն» մասնագիտությունները: Ամենուր կան բյուջետային տեղեր եւ գրեթե ամեն տարի տեղերի քանակը փոխվում է: Իհարկե, անվճար տեղ ստանալը բավականին դժվար է. բացի հայոց լեզվի և գրականության հանրակրթական քննություններից, դիմորդները պետք է ներկայացնեն գրավոր աշխատանքներ, որոնք թեմատիկորեն կապված են ընտրած մասնագիտության հետ, ապա անցնեն ստեղծագործական և մասնագիտական փորձություններ, որոնք մի քանի փուլերով են անցկացվում:

Նաև այստեղ պատրաստում են օպերատորներին, սցենարիստներին, դերասանների, կինոգետներին, կինոյի և հեռուստատեսության նկարիչներին, համակարգչային գեղարվեստական նախագծողներին:

Թեստերի ամբողջ համակարգը ցանկացողները կարող են ինքնուրույն ուսումնասիրել անցնելով հետեւյալ հղումներով՝

Տեւողությունը եւ ուսուցման տարբերակները

  • Առկա է նախապատրաստական բաժին:
  • Բարձրագույն կրթություն ռեժիսորներն ու պրոդյուսերները ԵԹԿՊԻ-ում ստանում են 4 տարվա ընթացքում (հեռակա՝ 5 տարի):
  • Առկա է մագիստրատուրա և ասպիրանտուրա:
  • ԵԹԿՊԻ-ն ունի մասնաճյուղեր Գյումրիում, Վանաձորում, Գորիսում:

Կոնտակտային տվյալներ

Երևան
Հասցեն` Ամիրյան փող., 26 շենք
Հեռախոս` (+374 60) 27-10-20
էլ․Հասցե` info@ysitc.am

Գյումրի
Հասցեն` Անկախության հրպ., 1 շենք
Հեռախոս` (+374 312) 5-65-82
էլ․Հասցե` info@ysitc.am

Վանաձոր
Հասցեն` Վարդանանց փող., 96 շենք
Հեռախոս` (+374 322) 4-11-70, (+374 322) 4-11-80
էլ․Հասցե` info@ysitc.am

Գորիս
Հասցեն` Ավանգարդի փող., 3/1 շենք
Հեռախոս` (+374 284) 2-40-96
էլ․Հասցե` info@ysitc.am

Խաչատուր Աբովյանի անվան հայկական պետական մանկավարժական համալսարան (ՀՊՄՀ)

Հիմնադրվել է 1922 թվականին

Կուլտուրայի ֆակուլտետը ձևավորվել է 1970 թվականին: Հայ կինոկրթության ճանաչված և բազմամյա առաջնորդներից մեկը, ճանաչելիությամբ, թերևս, զիջում է միայն ԵԹԿՊԻին: ՀՊՄՀ-ի դասախոսները ուսուցում են անցկացնում «Ռեժիսուրա», «Օպերատորություն», «Կառավարում (ըստ ոլորտի)» և «Արվեստի տեսություն, պատմություն և կառավարում» ուղղություններով, ընդ որում ընտրության գործընթացի բարդությունը ոչինչով չի զիճում ԵԹԿՊԻ-ին:

Տեւողությունը եւ ուսուցման տարբերակները

  • Բարձրագույն կրթություն ՀՊՄՀ-ում ստանում են 4 տարվա ընթացքում:
  • Առկա է մագիստրատուրա:

Կոնտակտային տվյալներ

Երևան
Հասցեն՝ Տիգրան Մեծի 17
Հեռախոս՝ (+374 10) 59-70-49
Էլ. փոստ` aspu.am@aspu.am

Հայ-Ռուսական Համալսարան

Հիմնադրվել է 1997 թվականի

«Կինոյի և հեռուստատեսության ռեժիսոր» մասնագիտության դասավանդումը մեկնարկել է 2011 թվականին, 2012 թվականին հիմնվել է Մեդիայի, գովազդի և կինոյի ինստիտուտը:

Տեւողությունը եւ ուսուցման տարբերակները

  • Ռեժիսորները սովորում են 5 տարի:

Կոնտակտային տվյալներ

Երևան
Հասցեն՝ Հովսեփ Էմինի փողոց 123
Հեռախոս՝ (+374 10) 27-24-90
Էլ. փոստ` imrk@rau.am

Պանարմենիան մեդիա դպրոց

Հիմնադրվել է 2016 թվականին

Պանարմենիան մեդիա դպրոցը 2016 թվականից պատրաստում է ժամանակակից հեռուստատեսային մասնագետների: Դասընթացներին զուգահեռ անցակցվում են վարպետության դասեր, կինոդիտում-քննարկումներ, տարբեր ուսուցողական հանդիպումներ: Ուսումնառության ընթացքում կարող եք ձեռք բերել հետևյալ մասնագիտությունները՝ «Հեռուստածրագրերի ռեժիսուրա», «Պրոդյոսերական աշխատանք», «Օպերատորական արվեստ», «Մոնտաժ», «Ձայնային ռեժիսուրա», «Սցենարական աշխատանք», «Դերասանական արվեստ»

Պանարմենիան մեդիա դպրոցը ինտերակտիվ հարթակ է «նորեկների» և պրոֆեսիոնալների շփման համար: Այն պատրաստում է մեդիա ոլորտի կադրեր, որոնք հեռուստաշուկա կբերեն թարմ և նոր գաղափարներ: Թրեյնինգներ, մաստեր-կլասեր, գործնական դասեր վարում են հեռուստաշուկայի ամենապահանջված մասնագետները:

Տեւողությունը եւ ուսուցման տարբերակները

  • Ուսման տևողությունը 6 ամիս է:

Կոնտակտային տվյալներ

Երևան
Հասցեն` Եղվարդի խճուղի 1
Հեռախոս` (+374 10) 36-93-44
Էլ. փոստ` info@pamg.am

Թումո

Հիմնադրվել է 2011 թվականին:

Թումոն նորարարական կրթական ծրագիր է դիզայնի և տեխնոլոգիաների միջակայքում: Թումոն բաց է ներկայիս չորս կենտրոններ հաճախելու 12-ից 18 տարեկան ՀՀ և ԱՀ ռեզիդենտ բոլոր պատանիների համար: Թումոյում պատանիները սովորում են, որովհետև ունեն դրա ցանկությունը: Նրանց տրվում են անհրաժեշտ բոլոր գործիքները սեփական ներուժը առավելագույնս իրացնելու համար։ Ուսանողներն իրենք են նախագծում սեփական կրթական շավիղը գործնական վարժանքների, դասընթացների ու աշխատարանների միջոցով: Թումոյում գործում է «Ֆիլմերի ստեղծում» ծրագիրը:

Կոնտակտային տվյալներ

Երևան
Հասցեն` Հալաբյան փող., 16 շենք
Հեռախոս` (+374 10) 39-84-13
Էլ. փոստ` info@tumo.org

Երևանի մշակույթի պետական քոլեջ

Հիմնադրվել է 1929 թվականին:

Երևանի մշակույթի պետական քոլեջը պատրաստում է կինոյի, թատրոնի, հեռուստատեսության և միջոցառումների ռեժիսորների և դերասանների:

Տեւողությունը եւ ուսուցման տարբերակները

  • Հիմնական, ընդհանուր կրթությամբ (9-ամյա կրթություն) 4 տարի, միջնակարգ կրթությամբ՝ (12 — ամյա կրթություն) 3 տարի:

Կոնտակտային տվյալներ

Երևան
Հասցեն` Բագրատունյաց 37
Հեռախոս` (+374 10) 48-05-81
Էլ. փոստ` yscc@mail.ru

Երևանի տարածաշրջանային №1 պետական քոլեջ

Հիմնադրվել է 2007 թվականին:

Երևանի տարածաշրջանային №1 պետական քոլեջը պատրաստում է ռեժիսորների և դերասանների:

Տեւողությունը եւ ուսուցման տարբերակները

  • Հիմնական, ընդհանուր կրթությամբ (9-ամյա կրթություն) 4 տարի, միջնակարգ կրթությամբ՝ (12 — ամյա կրթություն) 3 տարի:

Կոնտակտային տվյալներ

Երևան
Հասցեն` Թբիլիսյան խճուղի 3/1
Հեռախոս` (+374 10) 28-57-82, (+374 10) 28-56-12
Էլ. փոստ` yerevancollege@gmail.com

«Աբելյան Արտ Սքուլ» կինոյի և հեռուստատեսության դպրոց

Հիմնադրվել է 2007 թվականին

2007 թվականին հիմնված Աբելյան Արվեստի Դպրոցում դասավանդվում է ռեժիսուրա, օպերատորական արվեստ, սցենար, դերասանական արվեստ: Դպրոցը նախատեսված է 12-ից բարձր անձանց համար:

Տեւողությունը եւ ուսուցման տարբերակները

  • Կուրսը տևում է 1 տարի

Կոնտակտային տվյալներ

Երևան
Հասցեն` Երվանդ Քոչարի փող., 17/1 շենք
Հեռախոս` (+374 98) 37-88-08, (+374 99) 37-88-08
Էլ. փոստ` abelyanartschool@gmail.com

Արմավիր
Հասցեն` Հաշումյան փող., 50/4 շենք
Հեռախոս` (+374 98) 44-89-93, (+374 99) 44-89-92
Էլ. փոստ` abelyanartschool@gmail.com

Միացեք մեր Telegram ալիքին և առաջինը ստացեք մեր նորությունները

Կրթություն

Կինոյի պատմության դասեր հայտնի դպրոցներից առցանց անվճար

Հրապարակվել է

Կորոնավիրուսը ստիպել է մարդկությանը մեկուսանալ տանը և տարբեր ուսումնական հաստատություններ իրենց առցանց դասերը անվճար հասանելի են դարձրել:

Փենսիլվանիայի համալսարան

Հոլիվուդ. պատմություն, արդյունաբերություն, արվեստ

Այս դասընթացում դուք կսովորեք Հոլիվուդի պատմությունը և կիմանաք ինչպես է այն դարձել համաշխարհային տերություն: Այստեղ քննարկվում է բարդ հոլիվուդյան արդյունաբերությունը և այն, թե ինչպես է բիզնեսը և քաղաքականությունը վերափոխվել արվեստի, կինոյի, հեռուստատեսության եւ նոր մեդիայի:

Այս դասընթացը կներկայացնի Հոլիվուդի աճի ժամանակագրությունը՝

  • Ինչպես է Հոլիվուդը արձագանքել նոր տեխնոլոգիաներին, ինչպիսիք են սինխրոն ձայնը, գունավոր կինեմատոգրաֆիան, հեռուստատեսությունը, տնային տեսանյութը, համակարգչային գրաֆիկան եւ ինտերնետը
  • Ինչպես է Հոլիվուդի գլոբալ տարածումը 1920-ականներից փոխել կինոարտադրությունը
  • Անկախ կինոյի և Հոլիվուդի հարաբերությունները
  • Հոլիվուդի արձագանքը ամերիկյան քաղաքականության ճգնաժամերին (օրինակ՝ Համաշխարհային պատերազմներ, սառը պատերազմ, 1960-ականների հակահետախուզություն, 9/11)

Միանալ դասընթացին

Սինխրոնիզացիա

Կինոյի պատմությունը 10 ֆիլմերով

Պարզեք, թե ինչպես է 100 տարվա ընթացքում կինեմատոգրաֆը ճանապարհ անցել բալագանի զվարճանքից մինչև ամենազանգվածային ու ազդեցիկ արվեստ: Դասընթացը ուսումնասիրում է կինոյի պատմությունը տասը նկարների օրինակով` մեկ ժապավեն յուրաքանչյուր տասնամյակի համար: Յուրաքանչյուր ֆիլմ արտահայտում է դարաշրջանի ոգին եւ արտացոլում է ինչպես հեղինակային, այնպես էլ զանգվածային կինոյի միտումները:

Միանալ դասընթացին

Շարունակել ընթերցումը

Կրթություն

Vuulr. առցանց համաշխարհային շուկա, որտեղ հայկական կոնտենտը կարող է գտնել իր գնորդին

Տեղադրիր, բանակցիր, վաճառիր:

Հրապարակվել է

Մենք աշխատում ենք, որպեսզի մեր կրթական բաժինը ոչ միայն հետաքրքիր լինի արտադրողների համար, այլեւ օգտակար լինի իրական կյանքում: Հաճախ ենք նկատում, որ հայկակն ֆիլմերի կյանքը ավարտվում է YouTube-ում անվճար տեղադրելուց հետո: Սա բարեգործությո՞ւն է, թե՞՝ անտեղյակություն: Մի մոռացեք, որ բովանդակությունը անհրաժեշտ է փակի տակ պահպանել այնքան երկար, մինչև չհաջղվի այն վաճառել:

ԿինոՊրեսը ներկայացնում է Vuulr իրավունքների առցանց շուկան: Սինգապուրյան Vuulr ֆիլմերի եւ հեռուստատեսության իրավունքների առցանց բովանդակության շուկան հունվարին ընդլայնվել է և դարձել է գլոբալ:

Vuulr պլատֆորմը անվճար է գնորդների եւ դիստրիբյուտորների օգտագործման համար՝ իրենց կատալոգները ցուցակելու համար: Ընկերությունը ստանում է իր եկամուտը միջնորդավճարների ձեւով, որը վճարվում է վաճառողը հաջող գործարքից հետո:

Այսօր Vuulr-ում ներկայացված միակ հայկական և հայալեզու ֆիլմն է Ջիվան Ավետիսյանի «Թևանիկը», բացի այդ ներկայացված է հայ-ամերիկյան արտադրության «Կորած մոլորվածը Հայաստանում» կինոնկարը՝ անգլերեն լեզվով:

2019 թվականի հունվարին Ասիայում գործարկված Vuulr-ը իր գրադարանում պարունակում է Sony, Picture Tree International, Banijay Rights, Warner Media, CNN եւ Toonz Media Group ընկերությունների իրավունքները, ներկայացնում է 30 000 ժամ բովանդակություն ավելի քան 60 ժանրերի եւ 70 լեզուներով:

Գրանցված գնորդներից են Walt Disney Co-ն, Viacom International Media Networks-ը, Turner International Asia Pacific-ը, Super RTL-ը, ինչպես նաեւ հոսքային iflix-ը եւ HOOQ-ը:

Ընկերությունը համագործակցում է արդյունաբերության առեւտրային մարմինների հետ Entertainment Id Registrar (EIDR), MovieLabs եւ Entertainment Merchants Association (EMA), իրավունքների թվային գործարքը ապահովելու համար՝ գոյություն ունեցող գլոբալ ոլորտի ստանդարտների ներդրման, յուրահատուկ ID-ների, իրավունքների կառավարման, մետատվյալների եւ avails-ի բնութագրերի համար:

Շարունակել ընթերցումը

Կրթություն

«Ինչպես ես վաճառեցի իմ վեբ սերիալը Netflix-ին»: «Իստսայդերների» ռեժիսորի հինգ կանոնները

Սցենարիստ, ռեժիսոր եւ դերասան Կիտ Ուիլյամսոնը 4 տարի նկարահանել է «Իստսայդերներ» վեբ-սերիալը եւ տարբեր ալիքներ է փնտրել նրա առաջխաղացման համար, մինչեւ վերջապես նրան չի հաջողվել գործարք կնքել Netflix խոշորագույն հոսքային ծառայության հետ: Ուիլյամսոնը Indiewire պորտալի համար հոդված է գրել, որում պատմել է, թե ինչ սկզբունքներով է առաջնորդվել իր աշխատանքում:

Հրապարակվել է

2016 թվականի հուլիսի 1-ին իմ անկախ ԼԳԲՏ սերիալը՝ «Իստսայդերները» շուտք գորըց Netflix։ Իր գոյության չորս տարիների ընթացքում առաջին անգամ այն միջազգային մակարդակով հասանելի կդառնա ավելի քան տասը լեզուներով: Մենք երկար ճանապարհ ենք անցել YouTube-ից մինչեւ Netflix, եւ ես կարող եմ նշել մի քանի հիմնական լուծումներ, որոնք օգնեցին մեր շոուին առանձնանալ այնպիսի խիտ բնակեցված վեբ տարածքում:

Ես ուզում եմ ասել, որ այս ամենը կանխատեսվում էր ինձ համար, որ դա ինչ-որ պլանի մի մասն էր, բայց ճշմարտությունն այն է, որ ես նույնիսկ պատկերացում չունեի այն մասին, որ սերիալը կարող է այդքան կենդանի լինել: Ես ուզում էի գրել եւ հանել նախագիծ, ինչպես նաեւ խաղալ այն եւ այն ավարտին հասցնել, քանի որ մինչ այդ ես մասնակցել եմ բազմաթիվ միկրոբյուջեթային նախագծերում, որոնք այդպես էլ չեն իրականացվել: Ես նաև ուզում էի ԼԳԲՏ սերիալ ստեղծել, որի ստեղծումից հրաժարվում են հեռուստաալիքներ, սերիալ, որտեղ գլխավոր հերոսները կլինեն ոչ միայն միասեռական, այլև թերի, բարդ անհատներ, որոնք փորձում են իրենց անկանոն կյանքը կառավարել այնպես, ինչպես իրենց հետերոսեքսուալ ընկերները: Երբ ես մտածում եմ, թե ինչ մեծ ճանապարհ ենք անցել YouTube-ում առաջին երկու դրվագների թողարկումից հետո 2012 դեկտեմբերին, ես կարող եմ ազնվորեն ասել, որ այս շոուի ստեղծումը փոխեց իմ կարիերայի եւ իմ կյանքի հետագիծը:

Երբ առաջին երկու դրվագը հայտնի դարձան, մենք սկսեցինք Kickstarter-ի քարոզարշավը, որպեսզի գումար հավաքենք առաջին սեզոնի մնացած դրվագների ֆինանսավորման համար: Այնուհետեւ մեզ վրա դուրս եկավ Viacom Logo կաբելային ԼԳԲՏ ալիքը: Նա առաջարկել է նոր դրվագների պրեմիերան անցկացնել իր թվային հարթակում: Logo-ի դեբյուտից կարճ ժամանակ անց WolfeVideo անկախ ԼԳԲՏ ֆիլմերի դիստրիբյուտորը թողարկել է սերիալի DVD-ին եւ VOD տարբերակը, իսկ Logo-ն ամբողջ սեզոնը հեռարձակել է որպես հեռուստատեսային ֆիլմ: Մենք վերադարձանք Kickstarter, որպեսզի երկրորդ սեզոնի նկարահանումների համար հավաքենք ավելի քան 153 հազար ԱՄՆ դոլար։ Մենք կարողացանք գործարքներ կնքել TVOD-ի համար (Transactional Video On Demand) երկու եթերաշրջանների համար, ներառյալ բացառիկ Video On Demand-ի ցուցադրությունը եւ SVOD (Subscription Video On Demand) առաջին սեզոնի համար: Վերջապես, ես ուրախ եմ, որ երկրորդ սեզոնը բացառիկ հասանելի կլինի Netflix-ում, աշխարհի խոշորագույն SVOD ծառայության հարթակում:

Այս ընթացքում ես շատ բան սովորեցի սերիալների գնման գործընթացի մասին եւ պատրաստ եմ կիսել իմ խորհուրդները նրանց հետ, ովքեր ցանկանում են վաճառել իրենց նախագիծը այդ հարթակներին:

1. Գտեք ճկուն ձեւաչափ

Թեեւ շատերը կարող են հստակ կարծիք ունենալ այս հարցի վերաբերյալ, միեւնույն է, չկա միասնական աշխատող հեռուստասերիալային ձեւաչափ: Մի կրճատեք ձեր բովանդակությունը առանց հատուկ կարիքի, պարզապես այն պատճառով, որ պատրաստվում եք այն թողարկել YouTube-ում: Մտածեք, թե արդյոք դա հարմար է պատմության համար, ինչպես նաեւ, թե արդյոք դուք կարող եք գտնել տարբեր կառույցներ մեկ պատմության համար, միաժամանակ տարբեր ձեւերով տարածելու համար:

«Իստսայդերների» առաջին սեզոնը գրվել է ինչպես 10-ից մինչեւ 20 րոպե տեւողությամբ ինը սերիայի, այնպես էլ լիամետրաժ գեղարվեստական ֆիլմի ձևաչափով, եւ տարածվել է երկու ձեւաչափերով: Երկրորդ սեզոնի ստեղծման ժամանակ ես դեռ չունեի դիստրիբյուտոր, այնպես որ ես ուզում էի, որ շարքը հնարավորինս ճկուն լինի եւ գրեցի միանգամից վեց կես ժամանոց եւ 12 սերիա 10-15 րոպե ձևաչափով: Ես նաեւ հաշվի եմ առել, որ որոշ հեռուստադիտողներ դիտում են սերիալները միանգամից և ամբողջությամբ, այնպես որ ես նկարել եմ երկու կողմնակի սյուժետային գծեր, որոնք զարգացել են սերիայից սերիա: Ես կարող եմ կտրել նրանց, եթե մենք չկարողացանք վաճառել շոուն SVOD տարբերակով:

Նախքան երկրորդ եթերաղրջանի վրա աշխատեսլը ես նկատեցի, որ SVOD-ի գործընկերների մեծ մասը նախընտրում է ավելի երկար տեւողությամբ բովանդակություն, ինչպիսիք են ֆիլմերը եւ կես ժամանոց դրվագները, բայց դա այնքան էլ ճիշտ չէ յուրաքանչյուր կոնկրետ հարթակի դեպքում: Մեծամասնությունը, օրինակ, Fullscreen-ը եւ YouTube Red-ը, ընտրում են տարբեր տեւողության բովանդակություն:

2. Հետաքրքրեք նեղ շրջանակի սպառողներին

Կասկած չկա, որ «Իստսայդերների» հաջողությունը մեծամասամբ տեղի է ունեցել ԼԳԲՏ հանդիսատեսի ուշադրության շնորհիվ՝ քանի որ հեռուստատեսությունը չունի ԼԳԲՏ կերպարներով որակյալ բովանդակություն: «Իստսայդերները» հեռուստադիտողների շրջանում համացանցային սերիալի տեսքով հայտնի են դարձել հենց այն պատճառով, որ նրանք չէին կարող վաճառվել որպես հեռուստատեսային շոու:

Սկզբում շատերը շոուն դիտում էին Վեն Հանսիսի մասնակցության պատճառով, որը շատ հավատարիմ երկրպագուներ ունի «Ինչպես է պտտվում աշխարհը» սերիալի Լյուկ Սնայդերի կերպարի շնորհիվ: Մեր սերիալը հայտնի է դարձել մամուլում նրա հաջողության լուսաբանման, ինչպես նաեւ այն փաստի շնորհիվ, որ շատ կանայք հետաքրքրվում են ԼԳԲՏ պատմություններով: Իսկ երկրորդ սեզոնի համար մենք ներգրավեցինք այլ կարևոր ԼԳԲՏ անձանց, ինչպիսիք են դերասան Սթիվեն Գուարինոն, դրեգ սենսացիաներ Վիլլամ Բելլային և Մանիլա Լուզոնին և «Queer Eye»-ի աստղ Ջեյ Ռոդրիգեսը:

3. Ֆոլովերներ — մամուլ — ճանաչում

Սա, անկասկած, հաջող շարքի գործարկման ամենակարեւոր տարրն է: Ես խորհուրդ եմ տալիս բովանդակության բոլոր ստեղծողներին գրել մամլո հաղորդագրություն, նախքան արտադրության մեկնարկը: Եթե դուք չեք հորինել, թե ինչպես հետաքրքիր է ներկայացնել ձեր նախագիծը ԶԼՄ-ներում, լինի դա իր թեման կամ կենտրոնացվածությունը դերասանների եւ թիմի վրա, որոնց հետ աշխատում եք, ապա ռիսկ կա որոշ ժամանակ անց ամեն ինչ սկսել զրոյից:

YouTube-ի սերիալները կարող են հաջող լինել առանց լրատվամիջոցների, դրանց «վիրուսայնության» փաստը կարող է արժանի ինֆոառիթ լինել, բայց վեբ-սերիալների մեծ մասը, որոնք հասել են դիստրիբյուցիայի շրջան եւ հետո վերածվել են հեռուստանախագծերի, մամուլի ուշադրությունը գրավել են արդեն այն ժամանակ, երբ առաջին անգամ թողարկվել են: Բովանդակության գնորդները եւ հեռուստաբոսերը հեղինակներին գտնում են լրատվամիջոցների հրապարակումների շնորհիվ: Ես գիտեմ, որ Logo-ն դուրս է եկել մեզ վրա, շնորհիվ այն ուշադրության, որը մենք ստացել ենք ԼԳԲՏ մամուլից Kickstarter-ի քարոզարշավի ժամանակ: Մենք նաեւ փորձել ենք ստանալ մրցանակներ եւ փառատոնային փառք, որը կարող է լինել ծախսատար, բայց հաստատ կօգնի սերիալները առանձնանալ ամբոխից: Մենք առաջադրվել ենք Daytime Emmy Award, Satellite Award երկու կատեգորիաներում եւ փառատոնների ժամանակ շահել ենք մի քանի մրցանակ, The Indie Series Awards եւ LA Weekly Awards:

4. Պահպանեք բովանդակությունը, մինչեւ այն վաճառեք:

Այս կետը առավել բարդ է: Հանդիսատեսը կարող է բարկանալ ձեզ վրա, հատկապես այլ երկրների երկրպագուները: Logo Online-ը արգելափակվել է Միացյալ Նահանգներից դուրս, եւ միջազգային հոսքային գործընկերոջ որոնման համար ավելի շատ ժամանակ է պահանջվել, քան մենք ակնկալում էինք: Մենք նաեւ չկարողացանք շարունակել նկարահանել շոուն, քանի որ դեռեւս չենք ստացել DVD-ի թողարկման եւ VOD-ի վաճառքի եկամուտը: Երբ մեր լիցենզիոն համաձայնագրերի ժամկետը լրացել է, և մենք սպասում էինք SVOD-ի հետ բացառիկ պայմանագրի կնքմանը, շատերը չէին կարողանում հասկանալ, թե ինչու մենք ետ չվերադարձանք YouTube: Սակայն փաստն այն է, որ SVOD հարթակները պահանջում են, որ վաճառված բովանդակությունը լինի բացառիկ կամ գոնե մասամբ մատչելի անվճար առցանց դիտելու համար: Եթե մենք մի ամբողջ սեզոն տեղադրեինք YouTube-ում, ապա երբեք չէինք կարողանա վաճառել այն Netflix-ում:

5. Շարունակեք զարգացնել եւ վերակառուցել նախագիծը

Երկրորդ սեզոնում ես ուզում էի ընդլայնել աշխարհը եւ դերասանական կազմը, մասամբ այն պատճառով, որ ես նկատեցի, որ շատ անձնական ԼԳԲՏ սերիալներ սկսեցին հայտնվել հարաբերությունների թեմայով: Որպեսզի մեր նախագիծը առանձնանա մի շարք այլ նախագծերից, ես երկու անգամ ավելացրեցի դրվագների տեւողությունը եւ ընդգրկեցի երեք սյուժետային գիծ։ Ես նաեւ շեշտը դրելցի պատմության կատակերգական տարրերի մեջ: Սերիան միշտ սեւ կատակերգություն էր, բայց երկրորդ սեզոնում կլինեն սեռական ճանապարհով փոխանցվող հիվանդություններ, դրեգ-հերոսներ եւ սեքս խաղալիքներ աղջիշնիկի ժամանակ:

Ես կազմին ավելացրեցի մի քանի հայտնի դերասաններ՝ Բրիաննա Բրաունին, Սաթյա Բաբաին, Լիթա Բերքին եւ Լենոն Պարհեմին, եւ համոզվեցի, որ նա բազմազան է ստացվել — որ կան հետերոսեքսուալ կերպարներ, եւ լեսբուհիներ, եւ տրանսգենդերներ, ինչպես նաեւ տարբեր ցեղերի ներկայացուցիչներ:

Վերջում կարեւոր է հիշեցնել, որ թվային տարածքը մշտապես փոխվում է: Ավելի ու ավելի շատ ընկերություններ գումար են ներդնում SVOD հարթակներում եւ հավելվածներում, ուստի կարեւոր է ամբողջ ժամանակ հետեւել այս ոլորտում հայտնվող նոր հնարավորություններին: Ամեն տարի ավելի ու ավելի շատ վեբ-սերիալների փառատոներ են սկսվում, եւ նրանցից ոմանք սկսում են գրավել արդյունաբերության ուշադրությունը:

2015 թվականին ես դարձա Brooklyn Web Fest-ի և Content Creator Conference-ի հիմնադիրներից մեկը, և առաջին տարում մենք կարողացանք կազմել նախագծերի հրաշալի ծրագիր։ Մեր կոլեգիան այժմ ներառում է IFC-ի, Maker Studios-ի, Fullscreen-Ի, Video-ի, Above Average-ի, Seriously.TV, Black & Sexy TV, Open TV, KollideTV, Tubi TV, Wolfe Video, Scalelab եւ շատ այլ ընկերությունների ղեկավարները, որոնք ցանկանում են գտնել անկախ բովանդակության ստեղծողներին: Ավանդական փառատոները նույնպես սկսել են վեբ-սերիալներ ցուցադրել։ Եթե դուք կարող եք ստիպել հանդիսատեսին եւ արդյունաբերությանը համակրել ձեր պատմությունը, դուք կունենաք ավելի շատ հնարավորություններ, քան երբեւէ վաճառել նախագիծը: Վերջապես, ամենակարեւոր խորհուրդը, որը ես կարող եմ տալ՝ մտածեք, թե ինչպես պետք է սկսել ձեր նախագիծը, որպեսզի այն դառնա ավելի քան մեկ անգամյա իրադարձություն, փնտրեք տարածման ուղիներ, եւ դուք կհասնեց նշանակետին:

Շարունակել ընթերցումը
Գովազդ
Գովազդ

Հարցում

Հունվարի ո՞ր ֆիլմն եք սպասում:

View Results

Loading ... Loading ...

Թրենդային

Copyright © 2019-2020 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: