Connect with us

Կինոիրադարձություններ

Կինոյի խնդիրներով մտահոգ․ Սփյուռքի և Հայաստանի կինոգործիչների երևանյան հավաքը

Տեղի է ունեցել եռօրյա Կինոարտադրողների համահայկական ֆորումը:

Հրապարակվել է

ՀՀ ԿԳՄՍ նախարարության և Հայաստանի ազգային կինոկենտրոնի նախաձեռնած եռօրյա (դեկտեմբերի 13-15-ը) Կինոարտադրողների համահայկական ֆորումին մասնակցելու համար Հայաստան էին հրավիրվել սփյուռքահայ կինոգործիչներ։

Ֆորումի նպատակն էր համախմբել կինոյի համահայկական ներուժը, ի մի բերել այն խնդիրները, որոնք արդեն տևական ժամանակ է գոյություն ունեն հայաստանյան կինոարտադրության մեջ և փորձել համատեղ ուժերով դրանք լուծելու ուղիներ գտնել։

Ֆորումին հրավիրված միջազգային կինոարտադրության ոլորտում փորձառու և անվանի կինոգործիչները Հայաստանում հանդիպեցին կինոոլորտի պատասխանատուների, կինոարտադրողների, կինոգործիչների հետ, մասնակցեցին միջոցառման ծրագրերի քննարկումներին:
Հայազգի պրոդյուսերներ Վիվիեն Ասլանյանը, Կորյուն Ափրիկյանը, Ալեն Գրանժերարը, Ռուբեն Ղազարյանը, Նորիկ Քեշիշյանը, Ռոբեր Քեշիշյանը սիրով աշախտեցին այդ օրերին մասնակցեցին բոլոր քննարկումներին, լսումներին, գաղափարների ներկայացմանն ու դրանք կյանքի կոչելու եղանկներն ու ուղիները գտնելու դիսկուրսներին։

ՀՀ ԿԳՄՍ նախարարի տեղակալ Արա Խզմալյանը ողջունելով ֆորումի հյուրերին, նշեց, որ այս պահին, ամենակառուցողական, ամենահիմնավոր բարեփոխումներն այս ոլորտում են կատարվում։ Փոխնախարարը կարևորեց ֆինանսական քննարկումների մակարդակից օրենսդրական դաշտ տեղափոխվելու գործընթացը։ Նա փաստեց, որ պրոդյուսերական ինստիտուտի կայացման լրջագույն խնդիր ունենք այսօր․ստեղծվում է գեղարվեստական առումով տաղանդավոր, հետաքրքիր արդյունք, որը կարճ կյանք է ունենում։ Մինչդեռ պրոդյուսերական ճիշտ աշխատանքի դեպքում այն կենսունակ կդառնա և ճանապարհ կունենա դեպի միջազգային կինոշուկա։ Արա Խզմալյան հույս հայտնեց, որ այս ֆորումը կդառնա ամենամյա, և անկասկած հաջողելու է Սփյուռքի կինոգործիչների հետ համատեղ աշխատանքը։

Կինոֆորումի հյուրերին ողջունեց նաև Հայաստանի ազգային կինոկենտրոնի տնօրեն Շուշանիկ Միրզախանյանը։ Նրա խոսքով, նախորդ տարիների հետ համեմատած 2019 թվականին Ազգային կինոկենտրոնը 120 կինոնախագծի հայտ է ստացել, մեծ թիվ են կազմել դեբյուտները։ Կինոկենտրոնի ղեկավարը նշեց, որ իրենք կինոհայտի տարբեր փուլեր են ֆինանսավորում՝ նախագծի զարգացումից մինչև արտադրություն, հետարտադրություն և տարածում։ Շատ են կարևորում տարածման ու հանրայնացման փուլերն հատկապես։

ՀՀ ԿԳՄՍ նախարարության ժամանակակից արվեստի վարչության փորձագետ Լուսինե Սարգսյանի գնահտմամբ ,Սփյուռքը հսկայական ներուժ ունի, սփյուռքահայ կինոգործիչները համաշխարհային կինոարտադրության շարժը հրաշալի են պատկերացնում։ Շատերը տևական ժամանակ Հայաստանում չեն եղել կամ ընդհանրապես այստեղ չեն ծնվել, ու նրանց էլ է հետաքրքիր, թե Հայաստանն ինչ ներուժ ունի, ֆիլմերի համար ինչ պատմություններ ու թեմաներ ունենք մենք։ Հայկական պատմություններն աշխարհի համար բացահայտված չեն։ Նա հուսով է, որ այս կինոֆորումը ամուր համգործակցության ու զարգացման հեռանկարներ կունենա։

«Ժամանակակից հայ գրականությունը էկրանին» ծրագրով ներկայացվեցին անկախության տարիներին տպագրված, էկրանավորման ներուժ ունեցող գրական ստեղծագործություններ՝ հայ գրականության հանրահռչակման և միջոլորտային գրականություն-կինոարտադրություն կապերի խթանման նպատակով:

Հեղինակները ներկայացվեցին 7 ստեղծագործություն։

Կազմակերպիչները ֆորումի աշատանքների ավարտին՝ մասնակիցներին ու հյուրերին անակնկալ մատուցեցին․մրցանակներ էին սահմանվել միջոցառման երկու ծրագրերի համար՝«Ժամանակակից հայ գրականությունը էկրանին» և Հայաստանի ազգային կինոկենտրոնի մրցույթում հաղթած լավագույն նախագծի ներկայացման (պրեզենտացիա) համար։

«Ժամանակակից հայ գրականությունը էկրանին» ծրագիր․

Առաջին մրցանակ՝ 500 000 դրամ, տրվեց «ՀՐԵՇՏԱԿ Ց՛ՊԱՀԱՆՋ» ստեղծագործությանը, հեղինակ՝ Կարինե Խոդիկյան։

Երկրորդ մրցանակ՝ 480 000 դրամ տրվեց «ՄԱՀԱՑՈՒ ՀՅՈՒՐԱԽԱՂ» ստեղծագործությանը, հեղինակ՝ Հովհաննես Երանյան։

«Կինոարտադրողների համահայկական ֆորում» ծրագիր․

Մրցանակը՝ 500 000 դրամ, շնորհվել է «Մոտիֆ Ֆիլմլս» ՍՊԸ-ի «ՊԱՅՔԱՐ» ֆիլմի նախագծին. պրոդյուսերներ՝ Ինեսսա Մկրտչյան, Սոնա Մարգարյան, ռեժիսոր՝ Լիլիթ Մովսիսյան։ Մրցանակը տրվել է 2020 թ.-ին Բեռլինի կիոնոշուկային մասնակցելու համար:

Միացեք մեր Telegram ալիքին և առաջինը ստացեք մեր նորությունները
Շարունակել ընթերցումը
Գովազդ
Մեկնաբանություններ

Կինոիրադարձություններ

Ամերիկյան կինոակադեմիան Լոս Անջելեսում հայտարարել է Օսկարի շաբաթ

Հրապարակվել է

«Օսկար» 92-րդ մրցանակաբաշխությանը նախորդող շաբաթ Կինեմատոգրաֆիական արվեստների և գիտությունների ակադեմիան կներկայացնի հանրային ծրագրերի շարք՝ նվիրված այս տարվա անվանակարգորդներին Անիմացիոն գեղարվեստական ֆիլմի, Վավերագրական գեղարվեստական ֆիլմի, Վավերագրական կարճամետրաժ ֆիլմի, Միջազգային գեղարվեստական ֆիլմի, Դիմահարդարման և սանրվածքի, ինչպես նաև Անիմացիոն և Խաղարկային կարճամետրաժ ֆիլմերի անվանակարգորդներին: Բոլոր միջոցառումները տեղի կունենան Բեվերլի Հիլզի Սեմյուել Գոլդվինի ակադեմիական թատրոնում:

Օսկարի շաբաթվա ժամանակացույցը հետեւյալն է՝

OSCAR WEEK: ՎԱՎԵՐԱԳՐԱԿԱՆ

Երեքշաբթի, փետրվարի 4, 19.00
Սեմյուել Գոլդվինի Թատրոն

OSCAR WEEK: ԿԱՐՃԱՄԵՏՐԱԺ

Չորեքշաբթի, փետրվարի 5, 19.00
Սեմյուել Գոլդվինի Թատրոն

OSCAR WEEK: ՄԻԺԱԶԳԱՅԻՆ ԳԵՂԱՐՎԵՍՏԱԿԱՆ ՖԻԼՄ

Հինգշաբթի, փետրվարի 6, 19.00
Սեմյուել Գոլդվինի Թատրոն

OSCAR WEEK: ԱՆԻՄԱՑԻԱ

Շաբաթ, փետրվարի 8, 10.00
Սեմյուել Գոլդվինի Թատրոն

OSCAR WEEK: ԴԻՄԱՀԱՐԴԱՐՄԱՆ և ՍԱՆՐՎԱԾՔԻ ՍԻՄՊՈԶԻՈՒՄ

Շաբաթ, փետրվարի 8, 15.00
Սեմյուել Գոլդվինի Թատրոն

Samuel Goldwyn Theater
8949 Wilshire Blvd.
Beverly Hills, CA 90211

Շարունակել ընթերցումը

Կինոիրադարձություններ

BAFTA. Էնդի Սերքիսը կարժանանա մրցանակի Մեծ Բրիտանիայի կինեմատոգրաֆում ակնառու ավանդի համար

Հրապարակվել է

Բրիտանական կինո եւ հեռուստատեսային արվեստների ակադեմիան (BAFTA) այսօր հայտարարել է, որ հայազգի դերասան, պրոդյուսեր, ռեժիսոր եւ Imaginarium-ի հիմնադիր Էնդի Սերքիսը Բրիտանական կինոմրցանակաբաշխության 73-րդ մրցանակաբաշխության ժամանակ կարժանանա մրցանակի Մեծ Բրիտանիայի կինեմատոգրաֆում ակնառու ավանդի (Outstanding British Contribution to Cinema Award) համար:

BAFTA-ի ամենաբարձր պարգեւներից մեկը, Outstanding British Contribution to Cinema Award, ամեն տարի հանձնվում է Մայքլ Բալկոնի՝ Բրիտանական կինոպրոդյուսերի պատվին, որը հայտնի է իր աշխատանքով Ealing Studios-ում: Նախորդ ստացողներն էին Ռիդլի եւ Թոնի Սքոթը, Film4 Productions-ը, Working Title Films, Անջելա Ալենը, Հարրի Փոթերի ֆիլմաշարը, Ջոն Հերթը, Թեսա Ռոսսը, Պիտեր Գրինուեյը, BBC-ի ֆիլմերը և այլոք:

«Էնդիի աշխատանքը էկրանի վրա եւ նրա սահմաններից դուրս ոչ այլ ինչ է, քան հեղափոխություն, ինչով նա ոգեշնչում էր հանդիսատեսին եւ նրա գործընկերներին, — նշում է BAFTA մրցանակաբաշխության կոմիտեի նախագահ Մարկ Սամուելսոնը: — Նրա նորարարական ազդեցությունը՝ որպես կատարող, ուսուցիչ, առաջատար նորարար և գործատու, օգնեց ձևավորել համաշխարհային կինոարտադրություն, և դրական ազդեցությունը կզգացվի դեռ երկար տարիներ: Նա իսկապես մեր արդյունաբերության հրաշալի դեսպանն է և այս տարվա ակնառու նվաճումների համար մրցանակի վաստակավոր դափնեկիրը»:

«Ես խորապես շոյված եմ եւ ոգեւորված եմ այս մրցանակը ստանալու համար, եւ կարծում եմ, որ ես շատ բախտավոր եմ, որ ես գտնվում եմ տեսողական պատմության մեջ, որը ինձ հնարավորություն տվեց համագործակցել աշխարհի մեծագույն նկարիչներից, տեխնոլոգներից եւ արհեստավորներից շատերի հետ, որոնց հետ ես կցանկանայի կիսվել այս հրաշալի պարգեւը», — մեկնաբանել է Սերքիսը:

2011 թվականին Էնդին հիմնադրել է (կինոպրոդյուսեր Ջոնաթան Քավենդիշի հետ միասին) Imaginarium արտադրական ընկերությունը եւ թվային ստուդիան, որը մասնագիտացած է ճշմարտանման եւ էմոցիոնալ գրավիչ թվային կերպարների ստեղծման վրա, օգտագործելով կատարման գրավման տեխնոլոգիան ֆիլմերում եւ խաղերում:

Նա «Շնչիր» ֆիլմով իր ռեժիսորական դեբյուտը կատարել է 2017 թվականին եւ այդ ժամանակվանից նկարահանել է «Մաուգլի. Ջունգլիների լեգենդ» ֆիլմը: Ներկայումս նա «Վենոմ 2»-ի ռեժիսորն է, որի գլխավոր դերականտարն է Թոմ Հարդին:

Շարունակել ընթերցումը

Կինոիրադարձություններ

Լոնդոնում ցուցադրվել է Արման Մանարյանի «Կարինեն»

Հրապարակվել է

Լոնդոնում գրանցված բրիտանական «Kino Klassika» կազմակերպությունը համակարգում է սովետական, ռուսական և անդրկովկասյան ֆիլմերի կինո-սեզոնները։ Համագործակցելով հեղինակավոր Բրիտանական կինոյի ինստիտուտի հետ՝ երաժշտական (մյուզիքլ) ֆիլմերի ցուցադրության մեծամասշտաբ ծրագրի շրջանակներում, 2020 թվականի հունվարի 21-ին՝ Լոնդոնում, «Cine Lumiere» կինոթատրոնում ցուցադրվել է հայկական կինոժառանգության լավագույն նմուշներից մեկը՝ Արման Մանարյանի «Կարինեն» (1969թ․)՝ առաջին հայկական մյուզիքլը։ Այս մասին հայտնում են Հայաստանի Ազգային Կինոկենտրոնից:

«Cine Lumiere » կինոթատրոնը, որը գործում է Ֆրանսիայի ինստիտուտի ենթակայությամբ, հայտնի է ինչպես արտհաուս և անկախ, այնպես էլ համաշխարհային կինեմատոգրաֆի դասական ֆիլմերի ցուցադրություններով:

«Կարինե»-ն 1967 թվականին «Հայֆիլմ» կինոստուդիայի նկարահանած ֆիլմ է, որի հանդիսանում է Տիգրան Չուխաճյանի «Լեբլեբիջի Հոր-հոր աղա» կոմիկական օպերայի էկրանավորում։ Գործողությունները կատարվում են 19-րդ դարում: Պճնամոլ երիտասարդը, դիմելով խարդավանքների ու խորամանկությունների, կարողանում է իրականացնել ընկերոջ պսակադրությունը սիրած աղջկա հետ՝ հակառակ վերջինիս հոր կամքի։

Արման Մանարյանը ծնվել է 1929 թվականին, Թեհրանում, 1946 թվականին հայրենադարձվել է Հայաստան: Սովորել է Երևանի Ռոմանոս Մելիքյանի անվան երաժշտական ուսումնարանում, ապա Երևանի պետական կոնսերվատորիայում: Այնուհետև ուսումը շարունակել է Համամիութենական կինեմատոգրաֆիայի պետական ինստիտուտում (ՎԳԻԿ): 1961 թվականին նկարահանել է «Տժվժիկ» կարճամետրաժ ֆիլմը, ապա՝ «Կարինե» (1967 թ.), «Մորգանի խնամին» (1970 թ.), «Հեղնար աղբյուր» (1971 թ.), «Վերադարձ» (1972 թ.), «Սպիտակ ափեր» (1975 թ.), «Եվս հինգ օր» (1978 թ.), «Կապիտան Առաքել» (1985 թ.), «Ընկեր Փանջունի» (1992 թ.) խաղարկային ֆիլմերը: Գրել է մի քանի ֆիլմերի սցենարներ: Արման Մանարյանի հեղինակմամբ ստեղծվել են «Հայելու հեքիաթը» (1984 թ.), «Տգետը» (1995 թ.) անիմացիոն ֆիլմերը, ինչպես նաև «Սասնա ծռեր» լիամետրաժ անիմացիոն ֆիլմը (2001-2010 թթ.): Արման Մանարյանը նկարահանելով «Կարինեն» ճանապարհ է հարթել ազգային երաժշտական կինոյի համար։

Շարունակել ընթերցումը
Գովազդ
Գովազդ

Հարցում

Հունվարի ո՞ր ֆիլմն եք սպասում:

View Results

Loading ... Loading ...

Թրենդային