Connect with us

Կինոարտադրություն

«Կոչի՛ր ինձ քո անունով» դրամայի ռեժիսորը հայտարարել է սիքվելի մասին

Հրապարակվել է

«Կոչի՛ր ինձ քո անունով» (Call Me by Your Name) դրաման կունենա շարունակություն: Ինչպես հաղորդում է իտալական GAY.IT! պարբերականը, նման հայտարարություն է արել ֆիլմի ռեժիսոր Լուկա Գուադանյինոն: Ավելին, ռեժիսորի խոսքով, գլխավոր դերերի կատարողներ Թիմոթի Շալամեն ու Արմի Համերը, ինչպես նաեւ այլ դերասաններ արդեն համաձայնել են նկարահանվել շարունակության մեջ: Բեմադրիչը նաեւ խոստովանել է, որ ֆիլմի վրա աշխատանքը ստիպված է եղել ժամանակավորապես դադարեցնել կորոնավիրուսի պանդեմիայի պատճառով:

«Ես պատրաստվում էի գնալ Ամերիկա հանդիպելու սցենարիստի հետ, որին ես պաշտում եմ եւ ում անունը չեմ ուզում նշել, որպեսզի քննարկեմ երկրորդ մասը, — ասում է Գուադանյինոն: — Դժբախտաբար, ամեն ինչ չեղարկվեց: Իհարկե, դա մեծ հաճույք է աշխատել Թիմոթի Շալամեի, Արմի Համերի, Մայքլ Սթուլբարգի, Էսթեր Գարելի եւ այլ դերասանների հետ: Նրանք բոլորը կլինեն նոր ֆիլմում»:

Օսկարակիս ֆիլմի շարունակության սյուժեի մասին դեռ ոչինչ հայտնի չէ, որն, ամենայն հավանականությամբ, հիմնված կլինի այս շարքի երկրորդ՝ «Գտիր ինձ» գրքի վրա, որի գործողությունը տեղի է ունենում առաջին վեպի իրադարձություններից տասը տարի անց:

2020 թ. պետք է լույս տեսներ Գուադանյինոյի մեկ այլ նախագիծ՝ «We Are Who We Are» սերիալը, որը ռեժիսորը մշակել է HBO-ի համար: Պրեմիերայի ամսաթիվը չի հաղորդվում:

Շարունակել ընթերցումը
Գովազդ
Մեկնաբանություններ

Կինոարտադրություն

«Տրանսֆորմերներ» ֆրանշիզայի նոր ֆիլմը կթողարկվի 2022 թվականի ամռանը

Հրապարակվել է

Հայտնի է դարձել Paramount Pictures ստուդիայի «Տրանսֆորմերներ» ֆրանշիզայի նոր ֆիլմի պրեմիերայի ամսաթիվը: Առայժմ պաշտոնական անուն չունեցող բլոկբաստերը կթողարկվի 2022 թվականի հունիսի 24-ին:

Այս պահին մշակման մեջ են գտնվում տրանսֆորմատորների մասին միանգամից երեք նախագիծ: Նրանցից մեկը անիմացիոն փրիքվել է: Ռեժիսորի պաշտոնը կստանձնի «Խաղալիքների պատմություն 4» նկարահանած Ջոշ Կուլին: Սցենարը գրում են Էնդրյու Բարերը և Գաբրիել Ֆերարին։ Նախկինում այս դուետը աշխատել է Մրջյուն մարդու մասին ֆիլմերի վրա: Ենթադրվում է, որ մուլտֆիլմում պատմվելու է Մեգաթրոնի ծագման եւ Ավտոբոտների եւ Դեսեպտիկոնների միջեւ հակամարտության ծագման պատմությունը:

Անկախ աշխատանք է տարվում նաեւ երկու խաղարկային ֆիլմերի վրա, որոնցից մեկը կթողարկվի 2022 թվականի հունիսի 24-ին: Առաջին նախագծի ղեկավարն է «Ջոն Ուիք 3» մարտաֆիլմի գործադիր պրոդյուսեր եւ Զակ Սնայդերի «Մեռյալների բանակը» ֆիլմի սցենարիստ Ջոբի Հարոլդը: Երկրորդի վրա աշխատում է «Խորհրդավոր սպանություն» դետեկտիվ կատակերգության սցենարիստ եւ պրոդյուսեր Ջեյմս Վանդերբիլտը: Ենթադրվում է, որ դա կլինի սպին-օֆֆ՝ անցյալում հայտնի «Գազանների մարտեր» անիմացիոն սերիալի հիման վրա:

Paramount Pictures կինոստուդիան մի փոքր շտկեց «Չիկագոյի յոթնյակի գործը» («The Trial of the Chicago 7») դրամայի թողարկման ռազմավարությունը: Աարոն Սորկինի ֆիլմը սահմանափակ վարձույթ դուրս կգա սեպտեմբերի 25-ին եւ հոկտեմբերի 16-ին: Սյուժեի կենտրոնում 7 մարդու պատմություն է, որոնք դաշնային կառավարության կողմից մեղադրվում են 1968 թվականին դեմոկրատական կուսակցության կոնվենցիայի ժամանակ Չիկագոյում զանգվածային անկարգություններ կազմակերպելու մեջ:

Շարունակել ընթերցումը

Ինտերնետ

«Գնացք դեպի Բուսան» ֆիլմի ռեժիսորը ֆանտաստիկ սերիալ կնկարահանի Netflix-ի համար

Հրապարակվել է

Յոնգ Սանգ Հոն, որը հայտնի է «Գնացք դեպի Բուսան» զոմբի-հորորով, Netflix-ի հետ կաշխատի նոր սերիալի վրա, որը ստացել է Hellbound անվանումը: Որպես հիմք կընկնի կորեական «Դժոխք» վեբտունը: Դեռեւս հայտնի չէ, թե արդյոք նախագիծը կթողարկվի անիմացիոն կամ խաղային ձեւաչափով:

«Դժոխքը» պատմում է սոցիալական քաոսի մասին, որում մարդկությունն հայտնվել է այն բանից հետո, երբ գերբնական էակների մի խումբ մարդկանց դատաստան է կազմակերպում եւ սկսում նրանց ուղարկել դժոխք:

Ռեժիսորը ծրագրում է աշխատանքի ներգրավել նկարազարդող Չվե Գյու Սոկին, որն ավելի վաղ էկրանին կոմիքսներ է ադապտացրել: Արտադրության համար պատասխանատու է կորեական Lezhin ստուդիան, որը հայտնի է վեբտունների էկրանավորմամբ:

Շարունակել ընթերցումը

Կինոարտադրություն

Daft Punk դուետը երաժշտություն կգրի Դարիո Արջենտոյի նոր ֆիլմի համար

Հրապարակվել է

Daft Punk երաժշտական դուետը «ԹՐՈՆ. Ժառանգություն»-ի թողարկումից 10 տարի անց պատրաստ է վերադառնալ կինոերաժշտությանը: Այս անգամ բախտը բերել է իտալացի լեգենդար ռեժիսոր Դարիո Արջենտոյին, ով պատրաստվում է նկարահանել Black Glasses ժապավենը:

Գլխավոր բեմադրիչի խոսքով՝ Daft Punk-ը նրա ստեղծագործության մեծ երկրպագուներ են, եւ հենց որ լսեցին իրենց ֆրանսիացի բարեկամներից նոր նախագծի մասին, անմիջապես կապի մեջ մտան համատեղ աշխատանքի առաջարկով:

Daft Punk-ն արդեն սկսել է գրել թրեքերը եւ այն բանից հետո, երբ տեղաշարժման սահմանափակումները կհանվեն, անմիջապես կժամանեն Հռոմ՝ ռեժիսորի հետ զրուցելու համար:

Black Glasses-ը կդառնա Արջենտոյի վերադարձը քրեական թրիլերի ժանր. գլխավոր հերոսները՝ չինացի աղջիկն ու երեխան, փախչում են գիշերային Հռոմի արկածներից: Սյուժեի մանրամասները չեն բացահայտում, բայց սցենարն արդեն գրված է: Նկարահանումները նախատեսվում է սկսել սեպտեմբերին:

Շարունակել ընթերցումը

Միացեք մեզ

Գովազդ
Գովազդ

Հարցում

Թրենդային

Copyright © 2019-2020 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: