Connect with us

Վերլուծություն

Կինոարդյունաբերությունը կորոնավիրուսի պատճառով կարող է 5 մլրդ դոլար կորցնել

Զվարճանքի ոլորտն արդեն զգալի անկում է ապրում

Հրապարակվել է

Կորոնավիրուսը սկսում է ավելի ու ավելի նկատելի կործանարար ազդեցություն ունենալ համաշխարհային կինոաշխարհի վրա: Չինաստանում կինոթատրոնները փակվել են արդեն մի քանի շաբաթ, բայց հիմա կորոնավիրուսը ազդում է Հարավային Կորեաի, Իտալիաի եւ նույնիսկ Ճապոնիաի, աշխարհի երրորդ խոշորագույն կինոշուկայի վրա: Որոշ վերլուծաբաններ կարծում են, որ COVID-19-ը տեսանելի ապագայում կարող է 5 մլրդ դոլարի վնաս հասցնել դրամարկղային մուտքերի նվազման եւ կինոարտադրության կրճատման պատճառով: Եվ այդ գումարը կաճի, եթե այլ շուկաներում, այդ թվում ՝ ԱՄՆ-ում, որտեղ այսօր գրանցվել է հիվանդության 100 հաստատված դեպք եւ վեց մահացու ելքեր, իրադրությունը վատթարանա:

Չինաստանում, դրամարկղային մուտքերով աշխարհի երկրորդ խոշորագույն շուկյում, պրեմիերաների մորատորիումը մեծապես ազդել է ինչպես հոլիվուդյան, այնպես էլ տեղական ստուդիաների եկամուտների վրա: Անցյալ տարի չինական ավանդական Նոր տարվա ընթացքում տեղական կինոթատրոններում դրամարկղային մուտքերը, Artisan Gateway ընկերության տվյալների համաձայն, կազմել են 1,75 մլրդ դոլար: Այս տարի հունվարի 24-ից փետրվարի 23-ն ընկած ժամանակահատվածում տեղական հավաքները կազմել են 4,2 մլն դոլար: Վերլուծաբանները հաշվարկել են, որ փետրվարի վերջին չինական շուկայի կորուստները կարող են կազմել առնվազն 2 մլրդ դոլար: Ներկա մակարդակի վերականգնմանը պետք է սպասել առնվազն մի քանի շաբաթ, կամ նույնիսկ ամիս:

Որքան երկար են փակ մնում չինական կինոթատրոնները, այնքան ավելի են կուտակվում ֆիլմեր, որոնք սպասում են շուկա դուրս գալուն: Եվ առայժմ անհասկանալի է, թե արդյոք հոլիվուդյան խոշոր նախագծերն առանց ցավի կտեղավորվեն այն ժամանակացույցում, երբ կինոթատրոնները վերջապես կբացվեն:

Հանգստյան օրերին Հարավային Կորեայում, աշխարհի հինգերորդ խոշորագույն շուկայում, դրամարկղային մուտքերը նվազել են 80 տոկոսով: Դրամարկղային մուտքերի առաջատար է դարձել Universal / Blumhouse ընկերությունների «Անտեսանելի մարդը» սարսափ ֆիլմը, որը մեկնարկային փուլում հավաքել է համեմատաբար համեստ 1,1 մլն դոլար: Ինչպես նշել է դիստրիբյուտորը. «հարթակները բաց էին, բայց կարող էին եւ չաշխատել, ոչ մի տարբերություն»:

Փետրվարի եկամուտը Հարավային Կորեայում նվազել է գրեթե 70 տոկոսով։ KOBIS-ի տվյալներով՝ դրամարկղային մուտքերի հաշվառման ազգային ծառայությունը պարզել է, որ նախորդ ամսվա ընթացքում բոքս-օֆիսը կազմել է 52 մլն դոլար՝ 7,3 մլն այցելությամբ, իսկ անցյալ տարի նույն ժամանակահատվածում դրամարկղը հասել է 158 մլն դոլարի՝ 22,3 մլն այցելությամբ: CGV-ն, Հարավային Կորեայի խոշորագույն կինոթատրոնների ցանցը, փակել է իր բոլոր ինը հարթակները Հարավային Թեգու քաղաքում, երկրի չորրորդ խոշորագույն քաղաքում, որտեղ գրանցված է հաստատված վարակների գրեթե երկու երրորդը: CGV-ի Տեգուի սահմաններից դուրս գտնվող թատրոնների համար անցկացվող սեանսների ծավալը կրճատվել է մոտ կեսով: Այլ խոշոր ցանցեր, ինչպիսիք են Lotte կինոթատրոնը եւ Megabox-ը, նաեւ կրճատում են սեանսները եւ աշխատող անձնակազմը՝ նվազագույնի հասցնելու անձնական շփումները: Ընդ որում, CGV-ում զեկուցել են, որ ամեն առավոտ ստուգում են բոլոր աշխատակիցների ջերմաստիճանը հենց աշխատավայրում:

Փետրվարի 29-ին Շանհայի եւ Հոնկոնգի այգիներից հետո փակվել է Տոկիոյի Դիսնեյլենդը: Այգին կբացվի մարտի 15-ից ոչ շուտ: Ավելի վաղ հաղորդվել էր, որ Չինաստանում այգիների փակումից Disney-ը ընթացիկ եռամսյակում 280 մլն դոլարի վնաս կկրի:

Իտալիայում արդեն փակվել է երկրի կինոթատրոնների մոտավորապես կեսը, հիմնականում ամենահարուստ հյուսիսային մասում. այնտեղ գրանցվել է 1694 հաստատված վարակ եւ 34 մահացու դեպք: Կորոնավիրուսի դեմ ձեռնարկված միջոցներին ի պատասխան՝ իտալական կինոթատրոնների հասույթը վերջին հանգստյան օրերին նվազել է 76 տոկոսով՝ նախորդ տարվա նույն ցուցանիշի համեմատությամբ: Vue International առաջատար անկախ ցուցադրողը նշել է, որ Իտալիայի հյուսիսում 17 հարթակ է փակել՝ Իտալիայի իշխանությունների ցուցումով:

Իտալիան դարձել է առաջին եվրոպական երկիրը, որտեղ կորոնովիրուսը բռնկվել է նման մասշտաբներով, սակայն հիվանդության դեպքերն այժմ բազմապատկվում են ամբողջ Եվրոպայում՝ Իտալիայի հարեւան Ֆրանսիայից, Գերմանիայից եւ Շվեյցարիայից մինչեւ հեռավոր Հյուսիսային Դանիա, որտեղ TV2 հանրային հեռուստաալիքի գործադիր տնօրենը դրական արդյունք է ստացել վիրուսի նկատմամբ Իտալիայի հյուսիսում լեռնադահուկային հանգստից վերադառնալուց հետո:

Կտրուկ վերաձեւավորվում են տարբեր երկրներում ռելիզների գրաֆիկը: MGM-ը եւ Universal-ը չեղյալ են հայտարարել Ջեյմս Բոնդի մասին հոբելյանական ֆիլմի չինական պրեմիերան եւ հետաձգել են հիմնական պրեմիերայի ամսաթիվը: «Ջուդի» ֆիլմի պրոմո-արշավի շրջանակներում Ռենե Զելվեգերը պետք է Ճապոնիա այցելեր փետրվարին, սակայն արդյունքում նա տեղական ԶԼՄ-ներին հարցազրույցներ է տվել Սկայպի միջոցով:

Շարունակել ընթերցումը
Գովազդ
Մեկնաբանություններ

Ինտերնետ

Netflix-ի բաժանորդների թիվը հասել է 183 միլիոնի

Վերջին եռամսյակը 15,77 մլն նոր օգտատեր է բերել սթրիմինգ հսկային:

Հրապարակվել է

Netflix սթրիմինգային հսկան թողարկել է եռամսյակային հաշվետվություն, որի համաձայն՝ 2020 թվականի առաջին երեք ամիսներն ընկերությունն անցկացրել է ավելի քան հաջող: Ծառայության բաժանորդների թիվն ավելացել է միանգամից 15,77 միլիոնով, ինչը կրկնակի գերազանցում է ընկերության սեփական կանխատեսումը: Ամենամեծ աճը ապահովել են միջազգային շուկաները, մինչդեռ ամերիկյան բաժանորդներն ավելացրել են միայն 2,3 մլն վճարովի բաժանորդներ: Գրեթե 7 մլն նոր բաժանորդ է ավելացել Եվրոպայում եւ Մերձավոր Արեւելքում: Ասիան ավելացրել է 3,6 մլն նոր բաժանորդ, իսկ Լատինական Ամերիկան՝ 2,9 մլն: Netflix-ն այս պահին ունի 182,86 միլիոն բաժանորդ:

Ընկերությունը հաճելիորեն զարմացած է արդյունքներից, սակայն զեկույցում ենթադրում է, որ արագ աճը պայմանավորված է կարանտինի եւ մարդկանց ինքնամեկուսացման հետ կապված արտակարգ իրավիճակով, եւ, որպես հետեւանք, տնային դիտման պահանջարկի աճով: Ընկերության վերլուծաբանները բաժնետերերին նախազգուշացնում են, որ կարանտինի ավարտից հետո օգտատերերի մի մասը ծառայությունը կլըքի: Այնուամենայնիվ, 2020 թվականի երկրորդ եռամսյակում Netflix-ի կանխատեսման մեջ ենթադրվում է նրա համաշխարհային բաժանորդային բազայի աճ 7,5 մլն նոր բաժանորդների համար:

Ամեն դեպքում, Netflix-ի գործերը շատ լավ են ընթանում: 2020 թվականի առաջին եռամսյակում նա վաստակել է 5,77 մլրդ դոլար, ինչը 27 տոկոսով ավելի է, քան մեկ եռամսյակ վաղ: Զուտ եկամուտը կազմել է $709 մլն: Ընկերության բաժնետոմսերն աճել են գնով՝ ցույց տալով արժեքի ռեկորդային արդյունք դրա գոյության ողջ պատմության ընթացքում: Այժմ Netflix-ն ավելի թանկ է, քան Disney-ը:

Շարունակել ընթերցումը

Հեռուստատեսություն

2-ից մինչեւ 13 սերիանոց եթերաշրջանի ձեւաչափը դարձել է առավել տարածված Եվրոպայում:

Հրապարակվել է

Մարտի 25-ին, Series Mania օնլայն ֆորումի մեկնարկին զուգահեռ, Եվրոպական աուդիովիզուալ օբսերվատորիան (European Audiovisual Observatory) հրապարակել է Եվրոպայում հեռուստատեսային եւ հոսքային ծառայությունների համար սերիալների եւ բազմասերիանոց ֆիլմերի արտադրության մասին տվյալներ: 2015-ից մինչեւ 2018 թվականը արտադրողները ավելացրել են սերիալների մասնաբաժինը, որոնց յուրաքանչյուր սեզոնը բաղկացած է 2-13 սերիայից, մեկ քառորդով, եւ նշված ժամանակաշրջանի ավարտին նրանք զբաղեցրել են մեդիա շուկայի այդ հատվածի կեսը:

2018 թվականին Եվրոպական միությունում արտադրվել է ավելի քան 1000 անուն կամ 13 000 ժամ սերիալներ և բազմասերիանոց ֆիլմեր:

Սերիալների մասնաբաժինը, որոնց յուրաքանչյուր եթերաշրջանը բաղկացած է 2-13 սերիայից, ավելացել է, իսկ հեռուստատեսային ֆիլմերի քանակը նվազել է:

2-ից մինչեւ 13 սերիա եթերաշրջանում. լավագույն 10 արտադրողները՝

Մեծ Բրիտանիան, Գերմանիան, Ֆրանսիան, Նիդեռլանդները, Իտալիան եւ Իսպանիան դարձել են սեզոնում 2-ից մինչեւ 13 սերիայի խոշորագույն արտադրողները: Իսկ Գերմանիան, անշուշտ, մնում է բազմասերիանոց ֆիլմերի խոշորագույն արտադրողը:

2-ից մինչեւ 13 սերիանոց հեռուստասերիալների քանակը մեդիա ընկերությունների հեռարձակման ցանցերում՝

Մասնավոր հեռարձակող ընկերությունները հեռուստատեսային կոնտենտ են պատվիրում բոլոր ձեւաչափերով՝ նախընտրելով, սակայն, ավելի տեւական հեռուստասերիալներ: Հանրային հեռարձակողները, իրենց հերթին, ավելի շատ եթերաշրջանում 2-ից մինչեւ 13 սերիայից բաղկացծ սերիալներ են հեռարձակում:

Շարունակել ընթերցումը

Վերլուծություն

Պանդեմիկ ճանաչված կորոնավիրուսը նոր հարված է հասցնում. փակվում են Լեհաստանի, Չեխիայի, Ուկրաինայի եւ շատ այլ երկրների կինոթատրոնները

Հրապարակվել է

Այսօր պանդեմիկ ճանաչված կորոնավիրուսի համաճարակը շարունակում է արտակարգ միջոցառումներ առաջացնել աշխարհի շատ երկրներում: Ամեն օր մեկը մյուսի հետևից վատ լուրեր է բերում կինոարդյունաբերության և համաշխարհային կինովարձույթի համար: Իրադարձությունները զարգանում են այնքան սրընթաց, որ միանգամայն հնարավոր է բարդ որոշումներ շուտով ստիպված կլինեն ընդունել նաեւ Հայաստանում:

Վաղվանից երկու շաբաթով աշխատանքը դադարեցնում են Լեհաստանի բոլոր դպրոցները, համալսարանները, կինոթատրոնները, թատրոնները եւ թանգարանները: Համազգային կարանտին մինչեւ ապրիլի 3-ը հայտարարել է Ուկրաինայի կառավարությունը: Կինոթատրոնների փակման վերաբերյալ որոշումները արդեն ընդունել են Կիեւի և Խարկովի իշխանությունները: Ճիշտ է, այս պահին Կիեւի կինոթատրոնները դեռեւս չեն դադարեցրել տոմսերի վաճառքը՝ հայտարարված միջոցները գնահատելով միայն որպես հանձնարարական:

Մերձավոր Արեւելքում արդեն փակվել են կինոթատրոնները Լիբանանում եւ Քուվեյթում: Վաղը նրանց օրինակին կհետեւի Սաուդյան Արաբիան: Հնդկաստանում արտակարգ միջոցներ են ձեռնարկվել երկրի որոշ շրջաններում: Այսպես, Կերալա նահանգում՝ շուրջ 35 մլն բնակչությամբ, կրթության ոլորտի բոլոր հիմնարկները եւ կինոթատրոնները փակ են մինչեւ մարտի 31-ը:

Երեկվանից Չեխիայում արգելվել են 100-ից ավելի մարդուց բաղկացած բոլոր զանգվածային միջոցառումները: Որոշումը վերաբերում է թատերական, երաժշտական եւ մշակութային այլ ներկայացումներին, կինոյի ցուցադրություններին, ինչպես նաեւ սպորտային ակցիաներին եւ կրոնական հավաքներին, բացառությամբ իշխանության մարմինների եւ դատարանների նիստերի:

Ինչպես արդեն տեղեկացրել ենք, կիրակի օրը դադարեցրել են աշխատանքը բոլոր իտալական կինոթատրոնները: Կինոթատրոնների մասնակի փակումները տեղի են ունենում Հոնկոնգում, Ճապոնիայում, Հարավային Կորեայում: Որոշ կինոթատրոններ դեռեւս անցյալ շաբաթ փակվել էին Ֆրանսիայի հյուսիսում:

Կորոնավիրուսի համաճարակը հարված է հասցրել ոչ միայն կինովարձույթին: Մոլորակի ողջ տարածքում չեղյալ են հայտարարվել կամ հետաձգվել են տասնյակ այլ ավանդական միջոցառումներ: Ամերիկյան կինոարտադրության համար իսկական շոկ է դարձել Տեքսասի նահանգի Օսթին քաղաքում South by Southwest խոշոր կինոփառատոնի չեղարկումը: ԱՄՆ-ում կինոթատրոնների փակմանը գործը դեռ չի հասել, սակայն իրադարձություններն այնքան արագ են զարգանում, որ ոչինչ բացառել չի կարելի: Նախորդ հանգստյան օրերին The Hollywood Reporter ամսագրի պատվերով անցկացված հարցումը ցույց է տվել, որ կորոնավիրուսի համաճարակի պատճառով կինոթատրոնների փակումը պաշտպանում է ամերիկացիների 38 տոկոսը: Հարցվածների 43 տոկոսն առայժմ դեմ է նման քայլին: Մինչդեռ այս ամենից շահում են առցանց կինոթատրոնները: Քանի որ տասնյակ եւ հարյուր միլիոնավոր մարդիկ ստիպված կլինեն մնալ տանը, նրանց լսարանը զգալիորեն կաճի: Իսկ ահա սովորական կինոթատրոններին շատ դժվար է լինելու:

Շարունակել ընթերցումը

Միացեք մեզ

Գովազդ

ԿինոՊրես Telegram

Գովազդ

Հարցում

Թրենդային

Copyright © 2019-2020 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: