Կինոիրադարձություններ

Համաշխարհային կինոարտադրողները պատրաստում են Կաննի կինոշուկայի վիրտուալ անալոգը

Սա պահեստային ծրագիր է՝ իրական Marché du Film-ի չեղյալ հայտարարելու դեպքում:

Հրապարակվել է

3 շաբաթ առաջ 18.03.2020

Առաջատար անկախ դիստրիբյուտորներն ու գործակալությունները միավորվում են այլընտրանքային վիրտուալ կինոշուկայի ստեղծման համար, եթե Կաննի կինոփառատոնն ու Marché du Film շուկան չեղյալ հայտարարվեն կորոնավիրուսի պատճառով: Այս մասին հայտնում է Deadline-ը՝ վկայակոչելով իր աղբյուրները։ Նախաձեռնությունը գլխավորում է հոլիվուդյան CAA գործակալությունը: Վիրտուալ կինոշուկային մասնակցելու համարմիացել են 30West, AGC Studios, Altitude, Anton, Cornerstone, Endeavor Content, FilmNation, IMR, Lionsgate International, Miramax, Mister Smith, Protagonist, Rocket Science, Sierra/Affinity, Solstice Studios, STX Entertainment, Voltage Pictures եւ Wild Bunch ընկերությունները, այսինքն շուկայի բոլոր հիմնական անկախ խաղացողները: Ցուցակը վերջնական չէ:

Վիրտուալ կինոշուկան կանցնի միայն իրական շուկայի չեղարկման դեպքում: Այն նախատեսված է անցկացնել մայիսի սկզբին: Սպասվում է, որ այստեղ կկազմակերպվեն ֆիլմերի համակարգված ցուցադրություններ, վաճառողների, գնորդների, աստղերի եւ նախագծերի շնորհանդեսներ: Նախատեսվում են տեսակոնֆերանսներ, ինչպես նաեւ պրոմո-բովանդակության եւ գովազդային հոլովակների ցուցադրություններ: Ընդ որում՝ վիրտուալ շուկայի աշխատանքին մասնակցելու համար ոչ մի մուտքավճար չի նախատեսվում: Այստեղ կարող են կազմակերպվել ֆիլմերի ցուցադրություններ, որոնք կընտրվեն չեղյալ հայտարարված փառատոնին մասնակցելու համար:

Նման վիրտուալ շուկայի գաղափարը կարող է ապահովագրել արդյունաբերությունը այն դեպքում, եթե կորոնավիրուսի հետ կապված խնդիրը հետագայում էլ չլուծվի: Ընդ որում, նրա գաղափարախոսները նշում են, որ ոչ մի դեպքում չեն պատրաստվում փոխարինել իրական շուկան, եթե այն կայանա: Կաննի փառատոնն ու Marché du Film-ի կազմակերպիչները հույս ունեն, որ այդպես էլ կլինի: Փառատոնի կազմակերպիչները պետք է վերջնական որոշում կայացնեն այս հարցի վերաբերյալ ապրիլի կեսերին:

Ընդ որում, ակնհայտ է, որ ֆորս-մաժորի դեպքում կազմակերպիչներն իրենք կառաջարկեն շուկան տեղափոխել օնլայն տիրույթ: Սակայն այս վիրտուալ կինոշուկան, ենթադրաբար, կներառի գրանցման վճարը: Նման ձեւաչափով, օրինակ, որոշվել է SeriesMania սերիալների փառատոնն անցկացնել: Մասնակցությունը թվային ֆորումին, որը փոխարինում է չեղյալ հայտարարված փառատոնը, արժե €90 ($100):

Միացեք մեր Telegram ալիքին և առաջինը ստացեք մեր նորությունները

Բանալիներ:Marché du Film լրահոս Կանն Կանն-2020 Կաննի կինոշուկա Կաննի կինոփառատոն կինոշուկա Ֆրանսիա

Հաջորդ

Կաննի կինոփառատոնը հետաձգվել է համաճարակի պատճառով

Նախորդ

Մոսկվայի Միջազգային Կինոփառատոնը հետաձգում է փառատոնի անցկացման ժամկետները

Շարունակել ընթերցումը

Գովազդ

Մեկնաբանություններ

Կինոիրադարձություններ

Ոսկե Գլոբուսը փոխում է ֆիլմերի ընտրության կանոնները

Մարտի 26-ին Արտասահմանյան մամուլի հոլիվուդյան ասոցիացիան (HFPA) հայտարարել է, որ Ոսկե գլոբուսի ֆիլմերի ընտրության կանոնները կփոխվեն:

Հրապարակվել է

1 շաբաթ առաջ 27.03.2020

Սերգեյ Հովսեփյան

Ժամանակավորապես կասեցվում է այն կանոնի գործողությունը, որի համաձայն՝ HFPA-ի բոլոր անդամները, որոնք ձայնի իրավունք ունեն, պետք է Լոս Անջելեսում պաշտոնական ցուցադրությանը հրավիրվեն ոչ ուշ, քան վարձույթի մեջ ֆիլմի թողարկումից մեկ շաբաթ անց: Այժմ դիստրիբյուտորները պետք է կապվեն HFPA-ի հետ Լոս Անջելեսում թողարկման մեկ շաբաթվա ընթացքում, որպեսզի պայմանավորվեն ցուցադրման ամսաթվի մասին: Այդ պահին HFPA-ի բոլոր անդամներին պետք է ուղարկվեն ֆիլմի փակ հղումը կամ դրա DVD պատճենը, որպեսզի փորձագետները կարողանան դիտել այն տանը: Այդ կանոնները գործում են 2020 թվականի մարտի 15-ից ապրիլի 30-ը, այդ մասին տեղեկացվում ենք Ոսկե Գլոբուսի կայքից:

Բացի այդ, այս տարի առաջին անգամ անվանակարգորդներ կարող են դառնալ այն ֆիլմերը, որոնք թողարկվել են հեռուստատեսությամբ, մալուխային ալիքներում կամ հոսքային ծառայություններում: Դրա համար պրոդյուսերները եւ ստուդիաները պետք է ապացուցեն, որ «իրական կինոթատրոնային թողարկումն», այնուամենայնիվ պլանավորվում էր 2020 թվականի մարտի 15-ից մինչեւ ապրիլի 30-ը:

«Արտասահմանյան մամուլի հոլիվուդյան ասոցիացիան կշարունակի հետևել COVID-19 համաճարակի ազդեցությանը կինո — և հեռուստատեսային ֆիլմերի տարածման վրա և կարող է երկարաձգել Ոսկե Գլոբուս մրցանակի շնորհման փոփոխված կանոնների գործելու ժամկետը և/կամ այլ ժամանակավոր փոփոխություններ կատարել այդ կանոններում, եթե դա նպատակահարմար համարի», — ասվում է HFPA-ի հաղորդագրության մեջ:

Սպասվում է, որ մյուս կինոմրցանակներն, օրինակ, Օսկարը, նույնպես կարձագանքեն արդյունաբերության փոփոխություններին՝ կապված կորոնավիրուսի համաճարակի հետ, եւ բացառություններ կանեն նաեւ իրենց կանոններում:

Շարունակել ընթերցումը

Կինոիրադարձություններ

CineEurope ֆորումը տեղափոխվել է ամռան վերջ:

Եվրոպական համաժողովը նախատեսված է անցկացնել Բարսելոնայում

Հրապարակվել է

2 շաբաթ առաջ 25.03.2020

Սերգեյ Հովսեփյան

Մարտի 24-ին հայտարարվել էր, որ CineEurope ֆորումը տեղափոխվել է և կայանալու է օգոստոս ամսին կորոնավիրուսի համաճարակի պատճառով: Ամենամյա միջոցառումը, որտեղ հոլիվուդյան ստուդիաները ներկայացնում են եվրոպական դիստրիբյուտորներին նոր նախագծերը, նախապես պլանավորված Էր հունիսի 22-25-ին Բարսելոնայում:

Քանի որ Իսպանիան ամենաշատ տուժած երկրներից մեկն է եւ շարունակում է պայքարել համաճարակի դեմ, միջոցառման կազմակերպիչները համաժողովը տեղափոխել են 2020 թվականի օգոստոսի 3-6-ը: Դրանք նախնական ամսաթվերն են, ամեն ինչ կհստակեցվի հունիսի 19-ից ոչ ուշ:

«Իհարկե, մենք կհրաժարվենք CineEurope 2020-ի անցկացումից, եթե վստահ չլինենք մեր հյուրերի անվտանգության եւ այն մասին, որ համաժողովը հաջողությամբ կանցնի: Եթե այս ընթացքում իրավիճակը չկարգավորվի, եւ արտասահմանյան ուղեւորությունների սահմանափակումները չեն վերացվի, մենք միջոցառումը կտեղափոխենք հաջորդ տարի», — նշվում է կազմակերպիչների հայտարարության մեջ:

Իսպանիան դարձել է պանդեմիայից առավել տուժած եվրոպական երկրներից մեկը: Մարտի 14-ին երկրում արտակարգ դրություն Է հայտարարվել:

Շարունակել ընթերցումը

Կինոիրադարձություններ

MIPTV մեդիա շուկան օնլայն ծառայություն է գործարկում

Հրապարակվել է

2 շաբաթ առաջ 23.03.2020

Սերգեյ Հովսեփյան

Մարտի 30-ին կգործարկվի MIPTV Online+ անվճար օնլայն ծառայությունը: Նրանով կկարողանան օգտվել MIPTV-ի, MIPDoc-ի եւ MIPFormats 2020-ի բոլոր գրանցված մասնակիցները:

Նոր ծառայությունը առաջարկում է հեռավար մուտք դեպի բացառիկ բովանդակություն, որն ի սկզբանե պատրաստվել է 57 MIPTV-ի համար, որը MIPDoc-ի եւ MIPFormats-ի հետ միասին պետք է անցներ մարտի 28-ից մինչեւ ապրիլի 2-ը Կաննում, իսկ հետո չեղյալ հայտարարվեց կորոնավիրուսի պատճառով:

MIPTV Online+ գնորդներին թույլ կտա դիտել MIPTV Drama Buyers Summit-ի եւ MIPDoc Screenings Library-ի համար հավաքված դիստրիբյուտորների ծրագրերը: Բացի այդ, առցանց ծառայությունը կհեռարձակվի In Development-ի, MIPDoc-ի եւ MIPFormats-ի համար ստեղծված նախագծերի շնորհանդեսները, ինչպես նաեւ MIPTV-ի բացառիկ նյութերը, որոնք նվիրված են շուկայի վերլուծությանը, Fresh TV-ին, նորություններ եւ մանկական բովանդակություն:

«Մեր հաճախորդները չեն կարող այցելել MIPTV Կաննում, այնպես որ MIPTV-ն կգա նրանց մոտ: Մարտի 30-ից սկսած 94 երկրների պատվիրակները կկարողանան միմյանց հետ շփվել առցանց եւ տեսնել MIP-ի պլանավորված ծրագրերը առանց տնից կամ գրասենյակից դուրս գալու: Ոչինչ չի փոխարինի անձնական հանդիպումներին, սակայն MIPTV Online+ բովանդակությունը եւ ժամանցի ոլորտի միջազգային գործարար համայնքի հետ շփվելու հնարավորությունը բացարձակապես եզակի է», — ասել է Reed MIDEM հեռուստատեսության բաժնի փոխտնօրեն Լյուսի Սմիթը:

Բացի այդ, MIPTV-ի տվյալների բազան, որը գտնվում է MIPTV-ի պաշտոնական կայքում, հասանելի կլինի առաջիկա ամիսներին, ինչը թույլ կտա օգտվողներին միանալ եւ համագործակցել MIPTV համայնքի հետ:

Շարունակել ընթերցումը