Connect with us

Հայաստան

«Հայաստանում ոլորտը երկար տարիներ կանոնակարգվում է միայն կանոնակարգերով». զրույց կինոյի օրենքի մասին Աննա Կոստանյանի հետ

ԿինոՊրեսը զրուցել է ԱԺ «Լուսավոր Հայաստան» կուսակցության պատգամավոր Աննա Կոստանյանի հետ

Հրապարակվել է

Տարիներ շարունակ «Կինոյի մասին» օրենքի նախագիծը մնում է անավարտ: Հիշեցնենք, որ «Կինոյի մասին» օրենքի նախագծի 3 տարբերակ կա՝ Հայաստանի անկախ կինոգործիչների ակումբի՝ «ԻՖԿԱ»-ի, «Ոսկե ծիրանի» և կինոռեժիսոր, պրոդյուսեր Արմեն Ադիլխանյանի ներկայացրած նախագծերն են։ Այս պահին «Կինոյի մասին» օրենքի ներկայացված նախագծերի ճակատագիրը անհայտ է: Տեղի են ունեցել բազում քննարկումներ, գործը հասել էր երեք նախագծերի միավորմանը և… կրկին մոռացության մատնվեց:

Որպեսզի հասկանանք, թե ինչու չկա «Կինոյի մասին» օրենքի հետ կապված առաջխաղացում ԿինոՊրեսը դիմել է ԱԺ «Լուսավոր Հայաստան» կուսակցության պատգամավոր Աննա Կոստանյանին:

Տիկին Կոստանյան, շնորհակալություն, որ համաձայնվել եք զրուցել «Կինոյի մասին» օրենքի թեմայով: Գործը հասել էր երեք նախագծերի միավորմանը, դրանից հետո բացարձակ լռություն է: Ինչպե՞ս է իրավիճակը այսօր: Ինչ-որ առաջխաղացում նկատվո՞ւմ է:

Ես եմ շնորհակալ՝ հետաքրքրության և լուսաբանման հրավերի համար։ Սա հիրավի կարևոր թեմա է, որն այս բուռն ընթացող քաղաքական պրոցեսներում կարծես թե մամուլի և հանրության հետաքրքրությունից դուրս է մնում, մինչդեռ կարծում եմ, որ մեր երկրի, պետության համար ոչ պակաս առանցքային հարց է՝ կինոյի ոլորտում օրենքի կարգավորմամբ փոփոխություններ բերելու և դաշտը նորոգելու առումով։ Այո, ճիշտ եք, այս պահին մի փոքր հապաղում է օրենքի նախագծի տարբերակների միավորման գործընթացը՝ ելնելով երեք կողմերից մեկի՝ «Ոսկե Ծիրան» կինոյի զարգացման հիմնադրամի կողմից արված քայլից։ Նախ գնանք մի փոքր ավելի խորքը և ներկայացնեմ, թե ինչ փուլում էինք գտնվում։ Կար պայմանավորվածություն, որ այս երեք կողմերը՝ «ԻՖԿԱ» անկախ կինոգործիչների միավորման, «Ոսկե Ծիրան» կինոյի զարգացման հիմնադրամի և անհատ կինոգործիչ Արմեն Ադիլխանյանի կողմից ներկայացված նախագծերի տարբերակները պետք է համադրվեն այս կողմերի ներկայացուցիչ իրավաբանների միջոցով, ինչը փաստացի իմ կոորդինացիայով կայացել է, այսինքն՝ փաստաթղթի իրավական ձևակերպման մասով հանդես են եկել «Ոսկե Ծիրան» կինոյի զարգացման հիմնադրամի և «ԻՖԿԱ»-ի կողմից ներկայացուցիչները։ 

Չեմ ուզում առանձնացնել առանցքային հիմքեր, քանի որ հիմնական երկու նախագծերում էլ ընդունելի դրույթներ կան, առանցքային կամ գաղափարական էական տարբերություն չկա, և ես բոլորովին տեղին և ճիշտ չեմ համարում եզրեր տանել կամ շեշտադրումներ անել նախագծերից որևիցե մեկի առանցքի շուրջ, քանի որ նպատակը ոչ թե հեղինակների առավելությունը կամ պակաս լինելն ընդգծելն է, այլ վերջիվերջո կինոյի մասին օրենք ունենալը։ Սա շատ կարևոր մոտիվացիա եմ համարում և շեշտադրել եմ դեռևս նախորդ տարվա մարտ ամսին, երբ իմ նախաձեռնությամբ սկսեցի քննարկումների և աշխատանքների շարքն Ազգային ժողովում և դրանից դուրս, տարբեր ձևաչափով հանդիպումների ժամանակ։

Նախագծերը գործնականում միավորված են և միայն տեխնիկական լուծելի խնդիրների պատճառով է ձգձգվում նախագծի շրջանառության մեջ դրվելը։ Ես ինքս տրամադրված եմ կառուցողական, սակայն առնվազն ինձ համար անհասկանալի է, թե ի՞նչ առանցքային խնդիրներ կարող են լինել, որ փորձ անեն տապալել նախագիծն ու օրենքի ընդունումը։ Միանշանակ է, որ օրենքն ամեն դեպքում պետք է ընդունվի, սա անխոս, քանի որ օրենքի պահանջը բխում է նաև կինեմատոգրաֆիական համատեղ արտադրության մասին եվրոպական կոնվենցիայի մի շարք պահանջներից։

Ե՞րբ հանրությանը կծանոթացնեն միավորված նախագծի հետ: Կլինե՞ն խորհրդանական լսումներ:

Այս պահին վերջին եզրափակաիչ բանակցություններն են ընթանում կողմերի միջև՝ ի մի բերելու բոլոր սուր անկյուններն ու կոնցեպտուալ տարաձայնությունները, որոնք միանգամայն շտկելի են։ Օրենքի նախագծի միավորված տարբերակը շրջանառության մեջ կդրվի այս ամսվա վերջում, իսկ խորհրդարանական լսումներ լինելու են անպայման, որպեսզի կինոհանրությունը ևս հնարավորություն ունենա մասնակցելու դրա քննարկմանը։

«Կինոյի մասին» օրենքը կարծես դարձել է կրիզիսից դուրս գալու միջոց կինեմատոգրաֆիստների համար: Օրենքի ընդունումից հետո միշտ պահանջվում է ադապտացման ժամանակ:

Համաձայն եմ, քանի որ Հայաստանում ոլորտը երկար տարիներ կանոնակարգվում է միայն կանոնակարգերով, որոնք շատ հաճախակի են փոփոխվում, օրենքի ընդունումն այս պարագայում ավելի լուրջ իրավական կարգավորում կմտցնի դաշտ՝ միևնույն ժամանակ պաշտպանելով ոլորտի գործիչների իրավունքները և ստեղծելով էլ ավելի լայն հնարավորություններ ստեղծագործելու համար։

Ծանոթանալով երեք նախագծերին նկատեցի, որ ոչ մեկում չկա հաշվետվության հետ առընչվող կետ, այսինք բոլորը պատրաստ են պետությունից գումար ստանալ, բայց ծախսերի պահով բացատրություն տալու «հավես չունեն»: Հաջողվե՞լ է այդ բացը լրացնել նախագծի միավորված տարբերակում:

Միավորված նախագիծը պատասխանում է օրենքի պահանջից բխող բոլոր հարցերին, ինչպես նաև պետության հանդեպ հաշվետվողականության պարտադիր բաղադրիչին, քանի որ չի կարող այնպես ստացվել, որ հանրային՝ ՀՀ քաղաքացիների հարկերի հաշվին կուտակված և պետությունից հատկացված գումարները տրամադրվեն ինչ-որ նպատակներով և որևիցե սուբյեկտ, կազմակերպություն, արտադրող կամ գործիչ պատասխանատվություն չկրի դրանց վերաբերյալ հաշվետվություն տալիս։

Ի՞նչ եք կարծում, մեր բարձր տեխնոլգիական երկրում հնարավո՞ր է կիրառել ռուսական հաշվետվական ЕАИС համակարգի նույնօրինակ ծառայություն, որի միջոցով հայ պրոդյուսերները, ի վերջո, կկարողանան հասկանալ երկրի տենդենցները:

Կարծում եմ ժամանակակից աշխարհում նաև հանրության պահանջներից ելնելով՝ նորարարական մոտեցում է ունենալ միացյալ ավտոմատացված տեղեկատվական համակարգ կինոոթատրոններում ֆիլմերի ցուցադրությունների, դրանց վերաբերյալ վերլուծություններ իրականացնելու, ինչպես նաև ազգային կինոյի տենդենցներին հետևելու համար, սակայն պետք է ցավով նշեմ, որ Հայաստանում տեղական կամ ազգային կինոն երկրի ներսում տարածելու խնդիր ունենք, և վերլուծությունն ըստ այդմ այս պահին անտեղի է իրականցնել։ Սա նաև հիանալի հնարավորություն կտա մեզ բոլորիս հետևելու պետության միջոցներով ստեղծվող ֆիլմերին, դրանց զարգացմանն ու տարածմանը, և թե ինչքան են դրանք վայելում հանրության հետաքրքրությունն արդեն հստակ թվերով։

Դուք ավարտել եք Բրյուսովի անվան պետական լեզվահասարակագիտական համալսարանը և շատ հետաքրքիր է լսել ձեր կարծիքը առ այն, որ բրիտանական, արդեն 16-րդ, փառատոնը անցկացվում էր Երևանում, ցուցադրելով ֆիլմեր հասուն մարդկանց համար ռուսերեն ենթագրերով: Խոսքը գնում է հիմնական ծրագրի մասին, որը ցուցադրվել է «Մոսկվա» կինոթատրոնում: Տպավորություն է ստեղծվում, որ Բրիտանական Խորհուրդի հայկական գրասենյակը չի հարգում Հայաստանի պետական լեզուն և անհայտ պատճառներով կիրառում է օտար, ռուսերեն, լեզուն: Այդ մասին տարիներ շարունակ բարձրակոչել է «Լեզվի ժողովրդական տեսչությունը» (www.lezu.am): Արդյո՞ք օրենքը կօգնի լուծել այս խնդիրը: 

Այո, միանշանակ, սա պետական լեզվի հանդեպ անհարգալից վերաբերմունք է և որոշակի կարգավորում պետք է տրվի նաև օրենքով, ինչպես արտասահմանյան արտադրողի, որը մեր երկրում ֆիլմերի ցուցադրություն կիրականացնի, այնպես էլ տեղական արտադրողների համար։

Նոյեմբերին դուք այցելել էիք Տեքսաս նահանգի Austin Studios-ը, որտեղ նկարահանվել են մի շարք հայտնի միջին բյուջեի ֆիլմեր, ինչպիսիք են «Միսս ազգակցությունը», «Լրտեսների երեխաները 3» և այլ. Ինչո՞վ են ձեզ օգնում այդպիսի այցելությունները:

Այսօրինակ ուսումնաճանաչողական այցերը հնարավորություն են ընձեռում հանդես գալ արտերկրի դրական փորձով և լավ գաղափարներ բերել։ Իսկ Տեքսաս նահանգի Austin Studios-ը տիպիկ օրինակ էր ինձ համար, որ ամայի տարածքը կարելի է վերածել կինոարտադրական մեծ կենտրոնի՝ տալով հնարավորություն կինոյի, հեռուստատեսության ոլորտում գործունեություն ծավալող անձանց զարգացնել կինոն և դրան հարակից բոլոր ճյուղերը, այդ թվում նաև թվային տեխնոլոգիաներով ստեղծվող ֆիլմարտադրությունը։

Կարծում եմ բոլորին հետաքրքիր է «Հայֆիլմի» կարգավիճակը: «Եթե այսօր ասում ենք «Հայֆիլմի» վերածնունդ, ապա պետք է հիշել, որ «Հայֆիլմի» վերածնունդը տարածքը չէ, այլ ժառանգությունը, Տերյան 2 հասցեն»: Սա Շուշանիկ Միրզախանյանի խոսքերն են: Տերյան 2-ը մնացել է հասցե և կորցրել է իր պատմականությունը, որպես վայր, իսկ «Հայֆիլմը» կանգուն հուշարձան շենք է, ֆիլմերի գործարան: Հայկական չստացված Հոլիվուդի տարածքը ծառայելո՞ւ է կինեմատոգրաֆին:

«Հայֆիլմ»-ը պատմական ժառանգություն է՝ թե՛ անունը, թե՛ խորհրդային շրջանի կինոժառանգությունը, և թե՛ տարածքը, սա ասել եմ, ասում եմ և կասեմ այնքան, քանի պետությունը հօգուտ ֆիլմարտադրության, ազգային կինոն զարգացնելու և տարածելու ուղղությամբ ռազմավարական, այլ ոչ տակտիկական քայլեր չի ձեռնարկել։ «Հայֆիլմի» վերածնունդը կայանում է հայկական կինոյի երբեմնի փառքը վերականգնելու և տարածելու մեջ, և սա պետք է ուղղված լինի ոչ միայն հայկական կինոն զարգացնելուն, այլև առհասարակ ուղղված երիտասարդ սերնդի համար բարվոք պայմաններ ստեղծելուն, որպեսզի նոր ֆիլմարտադրողները կարողանան իրենց ստեղծարար միտքը հասցնեն նաև Հայաստանի սահմաններից դուրս։

Իսկ ինչ վերաբերում է Կինոկենտրոնի ներկայիս ժամանակավոր պաշտոնակատարի խոսքերին, ով ի դեպ 2017-ից է այդ կարգավիճակում,  պետք է նշեմ, որ նրա ասուլիսը և հայտարարությունը «Հայֆիլմի» վերաբերյալ արվել է հեղափոխությունից հետո՝ 2018-ի օգոստոսին․ ես կուզեի լսել այս համարձակ խոսքերը նաև նախկին իշխանությունների օրոք, երբ ապաշնորհ և կոռուպցիոն մեխանիզմներով պետությունից կորզված հանրային փողերի վատնման արդյունքում հայկական կինոն բառացիորեն դեգրադացիա ապրեց։ Այստեղ իհարկե ինձ շատ հակադարաձողներ կլինեն, որ «արյան գնով» կարողացել են պահել կինոարտադրությունը, գուցե ինչ-որ մարդիկ ինչ-որ բաներ կարողացել են անել, բայց փաստ է, որ պետությունից հատկացված միլիոնավոր դրամներն այսօր էական ժառանգություն չեն թողել։

Վերջերս դուք հրապարակեցիք Հայաստանի Ազգայի Կինոկենտրոնի հրատապ կառուցվածքային փոփոխություններից տուժող անձանց մասին տեղեկություն: Ինչո՞վ կարող եր պայմանավորված լիներ այս հանկարծակի փոփոխությունը:

Ես զրուցել եմ թիրախ դարձած այդ մի քանի անձանց հետ, և ինձ համար պարզ է դառնում, որ ներկայիս գործող ժամանակավոր պատասխանատուն հայեցողական որոծում է կայացրել հեռացնել, իսկ որոշ մարդկանց էլ առաջարկել շարունակել համագործակցել։ Նախ պետք է դեռևս հստակեցնել, թե 2017-ից օրենքի խախտմամբ (6 ամիսց ավելի) ժամանակավոր պատասխանատու մնացած անձն ինչքանով է իրավասու կառուցվածքային փոփոխություններ իրականացնել, բացի այդ այս մասով արվել է վերլուծություն՝ պարզելու նախատեսվող փոփոխությունների մասին փաստաթուղթը կազմող և դրա տակ ստորագրող պաշտոնակատարի իրավասությունները, ինչպես նաև ընթացակարգը, որի միջոցով կայացվել է որոշում, որն էլ իր հերթին բերել է աշխատողների իրավունքների կոպիտ խախտումներով։ Այդ իսկ պատճառով Կինոկենտրոնի կողմից հաստիքների կրճաման ծանուցում ստացած անձինք դիմել են իրավաբանի, որպեսզի պաշտպանեն իրենց աշխատանքային իրավունքները։

Գախնի չէ, որ Հայաստանում տեսահենությունը նոր շունչ է առնում, իսկ հակատեսահենական օրենք մենք չունենք: Մեր «Հեղինակային և հարակից իրավունքների» մասին օրենքը հնացել է մոտ 11 տարով: Նույնիսկ կինոթատրոններից հեղինակային գանձում չի կատարվում: «Կինոյի մասին» օրենքը ծանրաբեռնված էր դրույթներով, որոնք առկա են ՀՀ այլ օրենքներում, որոնցից որոշները արդիականացման անհրաժեշտություն ունեն: Այդ հարցը բարձրացվե՞լ է:

Այս հարցին մենք կարող ենք անադրադառնալ, երբ օրենքի նախագիծը դրվի հանրային քննարկման e-draft պետական իրավական ակտերի նախագծերի հրապարակման միասնական հարթակում, որտեղ մեկնաբանությունների տեսքով առաջարկներ անելու հնարավորություն կա։ Միավորված նախագծում բնականաբար հղում է արվելու «Հեղինակային և հարակից իրավունքների» մասին օրենքին, որտեղ սահմանված է նաև ֆիլմերի մասին հեղինակային իրավունքները, այլ հարց է, որ այո, անհրաժեշտ է նաև փոփոխություններ կամ լրացումներ կատարել հնացած այդ օրենքում, դա արդեն կբխի կինոյի օրենքի ընդունումից։ Կինոյի օրենքի մեր նախագծում նորմատիվ իրավական ակտերի մասին օրենքի պահանջին համապատասխան՝ տրված են պարզ, հասկանալի և հանրամատչելի ձևակերպումներ, որոնք տարընթերցման տեղիք չեն տա հանրության մոտ։

Կինոկրթություն: Ինչպե՞ս կարող եք մեկնաբանել այս երևույթը:

Կինոյի ոլորտի մասնագիտական կրթություն՝ ստեղծագործական և տեխնիկական, երկուսն էլ պարտադիր: Կինոկրթությունը շատ կարևոր է: Սակայն ըստ մասնագետների՝ առանց կինոուսմունքի էլ երկու ճանապարհ կա, մեկը՝  պրակտիկ կինոկրթություն, որն այսօր լրջորեն տարածում ունի Ռումինիայում, Լեհաստանում, ԱՄՆ-ում: Գործնական աշխատանքի միջոցով նվիրյալ մասնագետները սովորեցնում են կինոյի հետ կապված ամեն բան: Մյուս տարբերակը կինոյի ոլորտում ամենացածր պաշտոնից սկսելն ու ողջ ճանապարհն անցնելն է: Թեև դա կինոուսմունքի դժվար ճանապարհ է, սակայն կինոոլորտի շատ մասնագետներ են նման ճանապարհ անցել: Կինոկրթության մեջ կարևոր է, որ լավ կինոռեժիսորը լինի լավ ուսուցիչ և կարողանա ստեղծել  յուրահատուկ մտածողությամբ լսարան։

Հիշեցնենք, որ դեռևս 2015թ.-ի մարտի 3-ին մշակույթի նախարարությունը հայտարարություն էր տարածել «Կինոյի մասին» ՀՀ օրենքի նախագծի մշակման վերաբերյալ, սակայն մինչ օրս «Կինոյի մասին» օրենքը կյանքի չի կոչվել, ինչը հանձն առնվեց Ազգային ժողովի կողմից։

Շարունակել ընթերցումը
Գովազդ
Մեկնաբանություններ

Թրեյլեր

Թողարկվել է «Կատարսիս» անիմացիոն ֆիլմի թրեյլերը

Հրապարակվել է

«Multart+» ընկերությունը ներկայացնում է 2020 թվականին սպասվող «Կատարսիս» անիմացիոն ֆիլմի պաշտոնական թրեյլերը:

Ընկերությունը նախատեսում էր ներկայացնել կարճամետրաժ անիմացիոն ֆիլմը հայկական կինոթատրոների էկրանին հունիսի 1-ից, սակայն պրեմիերան հետաձգվեց կորոնավիրուսային իրավիճակով պայմանավորված: Ֆիլմը «Multart+» անիմացիոն ստուդիայի և Հայաստանի ազգային կինոկենտրոնի համատեղ արտադրանքն է։ Բեմադրող ռեժիսորը՝ Արթուր Միքայելյանն է՝ «Անբան Հուռին» անիմացիոն մյուզիքլի հեղինակը, բեմադրող նկարիչը՝ Գայանե Բաբայանն է, կոմպոզիտորը՝ Գեղայր Խլղաթյանն է:

Կերպարներին հնչունավորել են Անուշիկ Առաքելյանը, Սերգուշ Բաբայանը, Գոռ Մնացականյանը։ Ինչպես նշում են ընկերության ներկայացուցիչները ֆիլմի բյուջեն մեծ չէ, բայց ամեն բան անում են, որ միջազգային շուկայում տեխնիկապես ընդունելի լուծումներով լինի՝ «Մենք ամեն բան անում ենք, որ «Անբան Հուռի» ֆիլմի համեմատ, մեկ քայլ առաջ լինի»: Հայաստանի ազգային կինոկենտրոնը այս նախագծին հատկացրել էր 10 մլն դրամ ֆինանսական աջակցություն:

Այլ մանրամասներ դեռ չեն բացահայտվում:

Շարունակել ընթերցումը

Կինոարտադրություն

Վավերագրական ֆիլմի պատրաստման մրցույթ

«Ընդդեմ կանանց նկատմամբ բռնության կոալիցիան» հայտարարում է վավերագրական ֆիլմերի մրցույթ:

Հրապարակվել է

Ֆիլմի ստեղծման նպատակն է ամփոփել Ընդդեմ կանանց նկատմամբ բռնության կոալիցիայի ստեղծման և տասնամյա գործունեության պատմությունը՝ հանրությանը ներկայացնելով 2010-2020 թթ․ ընթացքում Կոալիցիայի ջանքերի շնորհիվ արձանագրված փոփոխություններն ու ձեռքբերումները` գենդերային բռնության կանխարգելման և կանանց իրավունքների պաշտպանության ոլորտում։

Վավերագրական ֆիլմը կընդգրկի կադրեր Կոալիցիայի հանրային միջոցառումներից, ցույցերից և ակցիաներից, կներառի հարցազրույցներ Կոալիցիայի անդամների, համակիրների և շահառուների հետ, կտեղադրվի կազմակերպության YouTube-յան էջում և կցուցադրվի տարբեր հարթակներում։

Պահանջվող որակավորումը և փորձը

  • Ֆիլմարտադրության կամ թվային արտադրության աշխատանքային փորձ
  • Սցենար գրելու հմտություններ
  • Վիդեո մոնտաժի հմտություններ
  • Մուլտիմեդիա ժուռնալիստիկայի, ռեժիսուրայի  կամ հարակից ոլորտում բարձրագույն կրթություն
  • Գենդերազգայունություն և կանանց հիմնահարցերի առանձնահատկություններին տիրապետելու համապատասխան փորձ։

Տևողությունը

Աշխատանքի տևողությունը երեք ամիս է։ Այն պետք է կատարվի 2020թ․ հուլիսից հոկտեմբեր ընկած ժամանակահատվածում։

Ֆիլմի պահանջները

  1. Տևողությունը՝ մինչև 50 րոպե
  2. Լեզուն՝ հայերեն՝ անգլերեն ենթագրերով
  3. Թեման՝ Ընդդեմ կանանց նկատմամբ բռնության կոալիցիայի տասնամյա գործունեության ամփոփումը

Հայտի/դիմումի պահանջները
Հայտը պետք է ներառի՝

  1. Դիմողի կամ կազմակերպության անունը և հասցեն
  2. Դիմողի/կազմակերպության ինքնակենսագրությունը
  3. Դիմողի/կազմակերպության պորտֆոլիոն
  4. Երկու երաշխավոր անձանց կոնտակտային տվյալներ
  5. Առաջարկվող բյուջե։

Դիմելու կարգը

Խնդրում ենք ձեր հայտն ուղարկել info@coalitionagainstviolence.org էլեկտրոնային հասցերին՝ նամակի վերնագրում նշելով «Վավերագրական ֆիլմի մրցույթի հայտ»։ Դիմումների վերջնաժամկետը՝ հուլիսի 8, 2020թ.։

Շարունակել ընթերցումը

Կինոիրադարձություններ

Հայկական կինոնախագծն մասնակցելու է Կարլովի Վարիի միջազգային կինոփառատոնի արդյունաբերական հարթակում

Հրապարակվել է

Կարլովի Վարիի միջազգային կինոփառատոնն այս տարի չի կայանա. կազմակերպիչները որոշել են ռիսկի չդիմել եւ 55-րդ ստուգատեսը տեղափոխել են 2021 թվականի հուլիսի 2-10-ը: Բայց դա չի նշանակում, որ կինոտոնը չեղյալ է հայտարարվել. հուլիսի 6-8-ը առցանց ձեւաչափով տեղի կունենա KVIFF Eastern Promises ֆորումի արդյունաբերական մասը:

Հունիսի 18-ին ֆորումը հրապարակեց մասնակցության համար ընտրված աշխատանքների ցանկը. ընտրություն անցած 41 նախագծերից մեկ նախագիծը հայկական է:

Արեն Մալաքյանի և Վահագն Խաչատրյանի «5 Երազողները և Ձին» վավերագրական ֆիլմը Հայաստանի և Գերմանիաի համատեղ արտադրություն է: Նախկինում կրում էր «Հայ երազողները» անվանումը: Կինոնկարը ստացել է 21 մլն. դրամ ֆինանսական աջակցություն Հայաստանի ազգային կինոկենտրոնից 2018 և 2019 թվականներին: Ֆիլմը մարդկանց երազանքների մասին է: Չորս հիմնական կերպարները փորձում են իրականացնել իրենց երազանքները:

Eurimages Lab Project բաժնում ութ նախագիծ մեկը հայկական է: Eurimages Lab Project Award մրցանակը տրվում է արտադրական կամ հետպրոդակշենում գտնվող նախագծերին, որոնցից յուրաքանչյուրը ավանդական կինեմատոգրաֆի շրջանակներից դուրս է: Առավել հեռանկարային նախագիծը կընտրեն Eurimages-ի գերմանական ներկայացուցիչ Էլս Հենդրիքսը, ռումինացի ռեժիսոր Ադինա Պինտիլիեն եւ ծրագրավորող Բեռլինալե Մարկ Պերանսոնը: Լավագույն նախագիծը ստանալու է 50,000 եվրո:

Ոլորտի մասնագետներին նախագծի շնորհանդեսը տեղի կունենա հուլիսի 6-ից 8-ը առցանց: Ընդհանուր մրցանակային ֆոնդը կազմում է 165.000 եվրո:

Works in Progress

Absence Ali Mosaffa (Iran/Czech Republic/Slovakia)
Producers: Ali Mosaffa, Jordi Niubo, Filip Remunda, Silvia Panáková,Eric Panák

The Alleys – Bassel Ghandour (Jordan/Qatar/France/Saudi Arabia)
Producer: Rula Nasser

Black Medusa ismaël (Tunisia/Luxembourg)
Producer: ismaël

Field Lasha Tskvitinidze (Georgia)
Producers: Nodar Nozadze, Giorgi Kobalia, Nato Sikharulidze

Snow White Dies at the EndKristijan Risteski (North Macedonia)
Producer: Darko Popov

Stop-ZemliaKataryna Gornostai (Ukraine)
Producers: Vitaliy Sheremetiev, Viktoriia Khomenko, Olga Beskhmelnytsina, Natalia Libet

Troubled Minds Raitis Ābele, Lauris Ābele (Latvia/Norway)Producers: Roberts Vinovskis, Raitis Ābele, Kristele Pudane

Wiarołom Piotr Złotorowicz (Poland)
Producers: Jerzy Kapuściński, Ewa Jastrzębska

First Cut+

Broad PeakLeszek Dawid (Poland/Italy)
Producers: Maciej Rzączyński, Dawid Janicki, Krzysztof Rzączyński, Paweł Rymarz, Pola Łangowska

DeskmateFerit Karahan (Turkey/Romania)
Producer: Kanat Dogramaci

I Am Fine, ThanksErnestas Jankauskas (Lithuania)
Producer: Gabija Siurbytė

ImaculatMonica Stan, George Chiper Lillemark (Romania)
Producer: Marcian Lazar

JanuaryAndrey Paounov (Bulgaria/Portugal/Luxembourg)
Producer: Vanya Rainova

RunnerAndrius Blaževičius (Lithuania/Czech Republic)
Producer: Marija Razgutė

The UsersIvan Ikić (Serbia/Slovenia/Netherlands/Bosnia and Herzegovina/France)
Producers: Milan Stojanović, Marija Stojanović

Wild RootsHajni Kis (Hungary/Slovakia)
Producers: Julie Berkes, Balázs Zachar

Docs in Progress

Every Single MinuteErika Hníková (Czech Republic/Slovakia)
Producer: Jiří Konečný

HomesLaila Pakalniņa (Latvia)
Producer: Laila Pakalniņa

Indoor – TehranAzadi Moghadam (Iran)
Producer: Afsaneh Salari

Intensive Life UnitAdéla Komrzý (Czech Republic)
Producer: Pavla Janoušková Kubečková

The LinesBarbora Sliepková (Slovakia)
Producer: Barbara Janišová Feglová

The PawnshopŁukasz Kowalski (Poland)
Producers: Anna Mazerant, Łukasz Kowalski

Roma and the Camel ManIrakli Metreveli (Georgia)
Producer: Nodar Nozadze

Until the WeddingDaniel Stopa (Poland)
Producer: Małgorzata Staroń

Eurimages Lab Project Award

AtlantideYuri Ancarani (Italy/France)
Producer: Marco Alessi

BulaBoris Baum (Belgium/Brazil)
Producers: Boris Baum, Alexis Schmitz

BurialEmilija Škarnulytė (Lithuania/Norway)
Producer: Dagnė Vildžiūnaitė

Five Dreamers and a HorseVahagn Khachatryan, Aren Malakyan (Armenia/Germany)
Producers: Vahagn Khachatryan, Eva Blondiau

Hello My FriendBettina Blümner (Germany/Cuba)
Producer: Jamila Wenske

RootsTea Lukač (Serbia/Croatia)
Producer: Andrijana Sofranić Šućur

StepneMaryna Vroda (Ukraine/Germany/Poland)
Producer: Maryna Vroda

UtopiaJuri Rechinsky (Ukraine/Austria/Netherlands)
Producers: Thomas Herberth, Maxim Asadchiy, Kirsi Saivosalmy

Works in Development — Feature Launch

CRISSEA IVVladimir Dembinski (Romania)
Producer: Bogdan Crăciun

The Fragile Beauty of MasculinityAndrea Culková (Czech Republic/Slovakia)
Producers: Miroslav Novák, Katarína Krnáčová

Kyuka — Journeying to the Moon Through the Endless SeaKostis Charamountanis (Greece)
Producer: Danae Spathara

Neither VoiceEster Ivakič (Slovenia)
Producer: Andraž Jerič

The SanctuaryKaterina Borisova (Bulgaria)
Producer: Eleni Dekidis

Sara’s BungalowJulia Rogowska (Poland)
Producer: Krystyna Kantor

Two Times OneVladimir Petev (Bulgaria)
Producer: Vanya Rainova

UsudStefan Malešević (Serbia)
Producer: Andrijana Sofranić Šućur

VacuumYelizaveta Smith (Ukraine)
Producer: Aleksandra Kostina

Շարունակել ընթերցումը

Միացեք մեզ

Գովազդ

ԿինոՊրես Telegram

Գովազդ

Հարցում

Թրենդային

Copyright © 2019-2020 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: