Connect with us

Հեռուստատեսություն

Հայտնի Է «Մեծ պայթյունի տեսության» վերջին սերիայի ցուցադրման ամսաթիվը

Հրապարակվել է

CBS հեռուստաալիքը, որը ցուցադրում Է «Մեծ պայթյունի տեսությունը» սերիալը, հայտնել Է սիթքոմի եզրափակիչ սերիայի հեռարձակման ամսաթիվը: Ինչպես հայտնում Է Deadline պորտալը, հղում անելով ալիքին, Էպիզոդը կցուցադրվի մայիսի 16-ին:

12-րդ եթերաշրջանի վերջին սերիան կտեւի մեկ ժամ, ճշտում Է հրատարակությունը:

Ինչպես հիշեցրել Է Deadline-ը, դերասան Ջիմ Փարսոնսը չի ցանկացել Շելդոն Քուփերի դերին վերադառնալ 13-րդ եթերաշրջանի նկարահանման դեպքում, ինչից հետո հայտարարվել Է սերիալը փակելու մասին: Ավելի վաղ սիթքոմի ստեղծողներից մեկը՝ Չաք Լորին, հայտարարել Էր, որ իր համար ուրախություն Էր սերիալում աշխատելը: «Շատ տխուր կլինի այն թողնելը»,-նշել Է Լորին:

«Մեծ պայթյունի տեսությունը» ամերիկյան սիթքոմ Է, որն ստեղծել են Չաք Լորին եւ Բիլ Փրեդին: Սերիալի պրեմիերան տեղի Է ունեցել 2007 թվականի սեպտեմբերի 24-ին: Սերիալի գլխավոր հերոսներն են՝ ֆիզիկոսներ Շելդոն Քուփերը եւ Լեոնարդ Հոֆսթեդթերը (նրան մարմնավորել Է Ջոնի Գալեքին), նրանց ընկերները՝ աստղաֆիզիկոս Ռաջեշ Քութրափալին եւ ինժեներ Հովարդ Վոլովիցը (Կունալ Նայյար եւ Սայմոն Հելբերգ), ինչպես նաեւ հարեւանուհին՝ Փեննին (Քեյլի Քուակո):

Միացեք մեր Telegram ալիքին և առաջինը ստացեք մեր նորությունները
Շարունակել ընթերցումը
Գովազդ
Մեկնաբանություններ

Հեռուստատեսություն

Մկրտիչ Արզումանյանի մասնակցությամբ «Գոշա» սերիալը մեկնարկում է ռուսական հեռուստաալիքի եթերում

Մկրտիչ Արզումանյանը մարմնավորելու է ռուսական Միսթեր Բինին:

Հրապարակվել է

Հունվարի 25-ից ռուսական «Սուպեր» հեռուստաալիքով եթեր կհեռարձակվի «Գոշա» սուպեր նախագիծը՝ ռուսական Միսթր Բինի մասին: Սերիալի ռեժիսորն է Միխայիլ Միրոնովը, իսկ պրոդյուսերների աթոռներն են զբաղեցրել Ալեքսեյ Տրոցյուկը, Էդուարդ Իլոյանը, Միխայիլ Տկաչենկոն եւ Ռեզո Գիգինեիշվիլին: Սցենարը գրել է Սարգիս Մնոյանը, ում սցենարով նկարահանվել էր «Ուրիշի Փոխարեն» և հայ-ղազախական «Քայլ Ձիյով» կինոնկարները: Ամաչկոտ ժպիտով անշուք տղայի գլխավոր դերը բաժին է հասել Մկրտիչ Արզումանյանին:

(ավելին …)

Շարունակել ընթերցումը

Հայաստան

Շանթը մեկնարկում է հայալեզու «Շանթ Քիդս» մանկական հեռուստաալիքը

Հրապարակվել է

«Շանթ Kids»-ը հանդիսանում է առաջին հայալեզու շուրջօրյա մանկական հեռուստաալիքը, որը հնարավորություն է ընձեռում դիտելու բոլոր ժամանակների լավագույն մուլտֆիլմերն ու հեքիաթները միմիայն հայերեն թարգմանությամբ։ Այն սպասված հեռուստաալիք է՝ գունեղ, տպավորիչ, ապահով, ուսուցողական բովանդակությամբ:

«Շանթ Kids» հեռուստաալիքով հեռարձակվելու են՝

  • հայկական սիրված մուլտֆիլմեր,
  • մրցութային հեռուստաշոուներ,
  • մանկապատանեկան գեղարվեստական ֆիլմեր,
  • հանրահայտ լիամետրաժ և կարճամետրաժ մուլտֆիլմեր,
  • Սոյուզմուլտֆիլմի ողջ տեսադարանը։

Այսպիսով, «Շանթ Kids» հեռուստաալիքի շնորհիվ հին ու բարի հեքիաթային հերոսները մանուկների հետ հեռուստաէկրանից կխոսեն հայերեն լեզվով։ Հեռուստաալիքը հասանելի է «Ռոստելեկոմ»-ի բոլոր փաթեթային առաջարկներում։

Շարունակել ընթերցումը

Հեռուստատեսություն

HBO Max-ը մրցակիցների դեմ պայքարի հաղթաթղթեր է բացահայտել

WarnerMedia կոնցեռնի հոսքային ծառայությունը գործարկվելու է 2020 թվականի մայիսին:

Հրապարակվել է

Լաս Վեգասում CES խորհրդաժողովում WarnerMedia-ի թոփ-մենեջերներ Ջերեմի Լեգը եւ Էնդի Ֆորսելը նոր մանրամասներ են պատմել HBO Max-ի մասին, հաղորդում է Deadline-ը: Warner ընկերության հոսքային առցանց ծառայությունը ամսական $15 բաժանորդագրության ենթադրյալ գնով (ամենաբարձրը շուկայում) նախատեսում է մեկնարկել մայիսին:

Գլխավոր տեխնիկական տնօրեն Ջերեմի Լեգը պատմել է, որ սպառողներին նոր փորձ ընձեռելու համար նոր վիդեո ծառայության ստեղծողների խնդիրներից մեկն էր բացառել այսպես կոչված «անվերջ սքրոլինգը»: Շատ հոսքային հարթակներ դրանով տառապում են՝ ձգտելով հաճախորդներին հնարավորինս շատ բովանդակության միավորներ առաջարկել: Այս սահմանափակմանը հնարավոր կլինի հասնել իրավասու տեխնիկական գործիքների և իրական օգտագործողների առաջարկությունների համադրությամբ: Նաև կօգտագործվեն մի քանի նորամուծություններ, որոնք հնարավորինս հեշտացնում են շարժական սարքերով տեսանյութերի դիտումը:

Բացի այդ, Լեգը խոստացավ մի քայլ դեպի ինտերակտիվություն, որը այժմ անում է նաև Netflix-ը: Այնուամենայնիվ, այդ պլանները կիրականացվեն աստիճանաբար: «Այժմ ես և Էնդին ուզում ենք, որ մեր ծառայությունը պարզապես վերջապես լույս տեսնի», — խոստովանեց Լեգը:

HBO Max-ի գործարկման ասպեկտներից մեկը, որը դեռեւս մնում է չլուծված, բաժանորդագրության տարբեր տեսակներ են: Disney+ նոյեմբերի մեկնարկից առաջ շատ օգնեց, որ սպառողներին միանգամից մի քանի փաթեթային տարբերակներ առաջարկվեցին՝ փակ բաժանորդագրությունը միայն Disney-ի ծառայություններին (Hulu-ի եւ ESPN+ հետ միասին) ենթադրում էր ամսական $13-ի գին, իսկ մյուսը իրականացվում էր Verizon-ի հետ համագործակցության միջոցով: Երկու տարբերակները միասին թույլ տվեցին Disney+ աներեւակայելի արագ հանդիսատես ձեռք բերել, հասնելով 10 մլն բաժանորդի առաջին օրը մեկնարկից հետո: Ֆորսելը հաստատել է, որ իրենք նախատեսում են նաեւ օգտվողներին առաջարկել բաժանորդագրության տարբեր փաթեթներ:

Ինչ վերաբերում է բաժանորդների ծավալին, ապա Ֆորսելը պատմել է, որ HBO Max-ը ձգտելու է առաջիկա հինգ տարում հասնել մինչեւ 50 միլիոն տնային տնտեսությունների, սակայն ծառայության կառավարման թիմը կկենտրոնանա ոչ միայն քանակական ցուցանիշների վրա: «Մեր աշխատանքը պահանջում է իմաստ, այնպես, որ գլոբալ առաքելությունը մեզ ավելի կարեւոր է», — ասել է նա: « Մենք աշխատում ենք աչքի առաջ ունենալով, թե քանի մարդ պատրաստ է վճարել ամեն ամիս մեր ծառայության համար, որի մեջ մեծ ներդրումներ են արվել: Դա մեզ վրա որոշակի պարտավորություններ է դնում: Մեր առաջարկը կարեւոր կլինի մարդկանց համար, եւ դա մեզ մեծապես խթանում է»:

Լեգը նշել է, որ HBO Max-ը պատրաստ կլինի այցելուների հնարավոր ուժեղ հոսքին մեկնարկի ժամանակ − նրանք արդեն նման ռիսկեր են մշակել «Գահերի խաղի» եզրափակչի՝ նախորդ գարնանը 4,7 մլն օգտատերերի համար միաժամանակյա հեռարձակման ժամանակ: Ակնհայտ է, որ WarnerMedia-ն չի պատրաստվում կրկնել Disney+ սխալը, երբ ծառայության հաջող մեկնարկը մթագնել է տեխնիկական խափանումները հենց առաջին օրը:

HBO Max ծառայությունը կդառնա հոսքային ծառայությունների՝ հենց հիմա ծավալվող մրցակցային պատերազմում վերջին խոշոր մասնակիցը, որտեղ Apple-ն ու Disney-ն արդեն բացահայտել են իրենց խաղաքարտերն այլ առանցքային խաղացողների, այդ թվում ՝ Netflix-ի առջեւ: Հիշեցնենք, որ NBCUniversal-ը իր Peacock ծառայությունը կներկայացնի ապրիլին:

Շարունակել ընթերցումը
Գովազդ
Գովազդ

Հարցում

Հունվարի ո՞ր ֆիլմն եք սպասում:

View Results

Loading ... Loading ...

Թրենդային