Connect with us

Նորություններ

Հարվի Վայնշտեյնը դատապարտվել է 23 տարվա ազատազրկման

Դատավճիռը կայացվել է դատավոր Ջեյմս Բերքի կողմից՝ չորեքշաբթի առավոտյան, մեղադրական դատավճռի երկու հիմնական զոհերի զգացմունքային ցուցմունքներից հետո:

Հրապարակվել է

Գերագույն դատարանի դատավոր Ջեյմս Բերքի որոշմամբ Հարվի Վայնշտեյնը Նյու Յորքի նահանգի բանտում 23 տարի կանցկացնի: Վայնշտեյնը դատապարտվել էր փետրվարի 24-ին առաջին եւ երրորդ աստիճանի բռնաբարության ձեւով հանցավոր սեռական ակտ կատարելու մեղադրանքով:

Դատավճռի կայացումն ավարտում է Նյու Յորքում Վայնշտեյնի դատավարությունը, որը սկսվել է հունվարի 6-ին: Նրա թիմը հայտարարել է, որ կբողոքարկի երդվյալ ատենակալների որոշումը Վանշտեյնին առաջադրված հինգ մեղադրանքներից երկուսի վերաբերյալ մեղադրական դատավճիռ կայացնելու մասին:

Դատավոր Բերկը, նախքան իր դատավճիռը կայացնելը, Վայնշտեյնին ասել է, որ ինքը պաշտոնապես կգրանցվի որպես սեռական հանցագործ:

Առաջին աստիճանի հանցավոր սեռական ակտի մեղադրանքով իր դատապարտման համար Վայնշտեյնը դատապարտվել է 20 տարվա ազատազրկման: Երրորդ աստիճանի բռնաբարության մեղադրանքով նրան երեք տարվա ազատազրկման են դատապարտել:

Դատարանի դահլիճում իր հայտարարության մեջ Հարվի Վայնշտայնն ասել է, որ ցավում է կատարվածի համար, սակայն տուժածները հրաժարվում են դա զղջում համարել: Նա այդպես էլ չի ընդունել իր մեղքը: Դատավճռի հրապարակումից հետո Վայնշտեյնի փաստաբան Դոննա Ռոտուննոն դատարանին մեղադրել է կողմնակալության մեջ եւ անհամաչափ է անվանել «թիվը», այսինքն՝ ազատազրկման ժամկետը:

Հարվի Վայնշտայնի գործին շուտով ընթացք կտրվի Լոս Անջելեսում: Որպեսզի Վայնշտեյնը կանգնի Լոս Անջելեսի դատարանի առաջ, երկու նահանգները պետք է համաձայնության գան արտահանձնման շուրջ: Քալիֆորնիայի դատախազներն արդեն սկսել են ընթացակարգը: Գործընթացը կարող է տեւել որոշակի ժամանակ:

Միացեք մեր Telegram ալիքին և առաջինը ստացեք մեր նորությունները
Շարունակել ընթերցումը
Գովազդ
Մեկնաբանություններ

Ընտրացանկ

Ամենասեքսուալ 5 ֆիլմը՝ ըստ ԿինոՊրեսի. մաս 2

Հրապարակվել է

Բաց անկողնային տեսարանները ֆիլմի հաջողության երաշխիք չէն: Շատ պարզ կլիներ, հատկապես այն ժամանակ, երբ սեքսի թեման դադարել է վրդովմունք առաջացնել եւ դրա մասին սկսել են խոսել: Այժմ հայտնի ռեժիսորներն ավելի ու ավելի հաճախ են խախտում այս արդիական թեման իրենց աշխատանքներում՝ ապացուցելով, որ սեքսի մասին ֆիլմերը կարող են հետաքրքիր, խորը, փիլիսոփայական լինել: Սա այն մեխանիզմն է, որը թույլ է տալիս շատ խնդիրներ բարձրացնել, զույգերի հարաբերություններից մինչև հասարակության մեջ բացասական երեւույթներ: Մենք շարունակում ենք մեր ցուցակը:

«Նիմֆոմանուհի» (2013)

Այս ժապավենն շատ հայտնի է Հայաստանում: Այն միակ ֆիլմն է, որը ենթարկվել է գրաքննության հայկական կինոթատրոնների կողմից: Ֆիլմը այնքան ոչ ստանդարտ է, որ չի տեղավորվում ոչ փառատոնի, ոչ էլ վարձույթի ֆորմատի մեջ: Չէ որ բավականին դժվար է միանշանակ ընկալել այն ժապավենը, որում սեռական օրգանների, սեռական կեցվածքի, ինտիմ տեսարանների և պոռնոգրաֆիկ պատկերների միջոցով բացատրվում է աշխարհը:

Ջոն դեռ երիտասարդ տարիքում ինքն իրեն ախտորոշել է «հեշտամոլ» եւ սկսել է ապրել այնպես, որ համապատասխանի այդ ախտորոշմանը: Բազմաթիվ սեռական կապերը դարձել են նրա կյանքի մի մաս:

«Սեր» (2015)

Ինչ եք կարծում, եթե ներթափանցել պատհական մարդու ենթագիտակցության մեջ, ինչքա՞ն սեքս կարելի է այնտեղ գտնել: Եթե հավատանք Ֆրոյդ քեռուն, ապա սեքսով պարուրված է նրա գրեթե ամեն արարքը: Ոչ միայն պարուրված է այլև մոտիվացված է սեքսով: Այդպես է Գասպար Նոեի «Սեր» թերագնահատված ֆիլմի դեպքում:

Մեր առջև գլխավոր հերոսի ենթագիտակցության միջով արագ ճամփորդություն է, որի մեծ մասը նվիրված է աղջկա մասին հիշողություններին, ում նա սիրում էր եւ օգտագործում էր: Ափիոնի ազդեցության տակ դրանք ձեռք են բերում գրոտեսկային մասշտաբներ:

Այս ֆիլմի բարի մի մասը գրեթե ոչնչով չի տարբերվում պոռնոյից, բայց դա միայն ձեւ է, որի մեջ թաքնված են հավատարմության, ամուսնության, ստեղծագործության, հայրության, փոխըմբռնման հիմնարար կենսական հարցերը:

Ինն ու կես շաբաթ (1985)

Չնայած այն հանգամանքին, որ ֆիլմը դուրս է եկել հեռավոր 1985-ում եւ վարձույթում հավաքել սեփական բյուջեյի կեսից պակաս միջոց, այն դարձել է, թերեւս, առավել հայտնի իր ժանրի եւ իսկապես կուլտային: Դուրս գալուն պես Քիմ Բեսինջերին ամուր ամրագրվել է սեքսուալ զգայական գեղեցկուհու ամպլուան, իսկ Միքի Ռուրկը դարձել է բազմաթիվ կանանց երկրպագության առարկա:

Միայնակ գեղեցկուհին ծանոթանում է իր խորհրդավոր հարեւան հետ եւ նրանց միջեւ կիրք է բռնկվում: Նրանց հարաբերությունները, որոնք հիմնված են կրքի ու ցանկության վրա, շարունակվում են 9 ու կես շաբաթ:

Կապկպած աչքերով մերկապարի տեսարանները, ելակի և մեղրի հետ սեքսուալ խաղերը, անձրևի տակ սիրով զբաղվելը՝ այս բոլոր դրվագները ևս մեկ անգամ ֆիլմ դիտելու ցանկություն են առաջացնում: Մեծամասնությունը անգիր է հիշում այդ տեսարանները, նույնքան լավ, որքան Ջո Քոքերի “You Can Leave Your Hat On» երգը:

«Կուրիոսա» (2019)

Սա էն ֆիլմերից չէ, որ խորհուրդ կտաս լավ սյուժեի պատճառով: Որոշ չափով այն կարող է ծիծաղելի թվալ, բայց փաստը մնում է փաստ՝ ֆիլմը մտնոլորտային հրաշալի էրտոտիկ էքսպերիմենտալ աշխատանք է: Այն հագեցած է սեքսուալ երաժշտությամբ և տարբեր դիապազոնների տնքոցով:

Փարիզի 1890-ականների գաղտնի կյանքի մասին պատմող «Կուրիոսա» զգայական մելոդրաման նկարահանել է ֆրանսիացի ռեժիսոր Լու Ժենյեն՝ ոգեշնչվելով այդ ժամանակաշրջանի իրական նամակներով ու լուսանկարներով: Երկու տղամարդ սիրում են մի կնոջ: Նրանք խախտում են ցանկացած արգելք: Ոչ մի նոր բան:

«9 երգ» (2004)

Ֆիլմը հետաքրքիր է իր փորձարարական եւ սյուժեի ազատությամբ: Այն ոչ միայն անկեղծ է իր ֆիզիոլոգիական մանրամասներով, ոչ միայն սեքսի եւ մենակության դրամա է, այլեւ ինը շքեղ կոմպոզիցիաներ, որոնք հերոսները լսել են համերգի ժամանակ Լոնդոնում: Սա սիրո պատմություն է, որը պատմում են սեռական տեսարաններում եւ երաժշտական ստեղծագործություններում:

Ֆիլմի հերոսները չպետք է հանդիպեին, քանի որ նրանց միջև ոչ մի ընդհանուր բան չկա: Մեթը լուրջ գիտնական է, որին հետաքրքրում է Անտարկտիդան, իսկ Լիզան երիտասարդ անհոգ ուսանողուհի է: Բայց, այնուամենայնիվ, նրանց մերձեցնում է ռոքը: Նրանք հանդիպել են համերգի ժամանակ, իսկ հետո հայտնվել են Մեթի տանը: Այդպես էլ շարունակվեց՝ պատահական հանդիպումներ, համերգներ, սեքս:

Շարունակել ընթերցումը

Նորություններ

Disney-ն իր ԱՄՆ աշխատակիցներին կուղարկի չվճարվող արձակուրդի

Թե որքան մարդ ժամանակավորապես կմնա առանց աշխատանքի եւ որքան կտեւի նրանց հանգիստը, ընկերությունում չեն ճշտել

Հրապարակվել է

The Walt Disney Company ընկերությունը հինգշաբթի որոշում է կայացրել կորոնավիրուսի պատճառով ԱՄՆ-ի տարածքում իր բոլոր բաժանմունքների աշխատողներին առանց վճարի արձակուրդ ուղարկել: Այս մասին հայտնում է The Wall Street Journal-ը։

Պարբերականի տվյալներով՝ օժանդակ անձնակազմը կսկսի արձակուրդ մեկնել ապրիլի 19-ին: Չի հստակեցվում, թե որքան մարդ ժամանակավորապես կմնա առանց աշխատանքի եւ որքան կտեւի նրանց հանգիստը: Աշխատակիցները կկարողանան շարունակել օգտվել բժշկական ապահովագրությունից: Բացի այդ, նրանք հնարավորություն կունենան դիմել գործազրկության նպաստի համար:

Երկուշաբթի CNN հեռուստաընկերությունը տեղեկացրել է, որ The Walt Disney Company-ի ղեկավարներ Բոբ Այգերն ու Բոբ Չապեկը կրճատել են իրենց աշխատավարձերը: Ընկերության ղեկավարությանը վճարումների կրճատման մասին հայտնի է դարձել այն բանից հետո, երբ ընկերությունը հայտարարել է անորոշ ժամանակով կորոնավիրուսի տարածման պատճառով Կալիֆորնիա նահանգում իրեն պատկանող Disneyland զվարճանքի այգիների և Ֆլորիդա նահանգում Disney World Resort-ի աշխատանքի դադարեցման մասին: Ավելի վաղ ենթադրվում էր, որ այգիների աշխատանքը կդադարեցվի մինչեւ մարտի վերջը, սակայն անցած ուրբաթ որոշվել էր այն դեռ չվերսկսել: Այն բանից հետո, երբ այդ որոշման մասին հայտնի է դարձել, ընկերության բաժնետոմսերն ընկել են 8,5%:

Պանդեմիան ազդել է ոչ միայն Disney-ի այգիների աշխատանքի վրա: Ամբողջ աշխարհում կինոթատրոնների փակման պատճառով ընկերությունը ստիպված է եղել հետաձգել «Սեւ այրի» (Black Widow) եւ «Մուլան» (Mulan) ֆիլմերի պրեմիերաները: Ոստիկանության մամուլի ծառայությունից հայտնում են, որ նա մարմնական վնասվածքներով տեղափոխվել է հիվանդանոց

Շարունակել ընթերցումը

Նորություններ

Ջոան Ռոուլինգը գործարկել է «Հարրի Փոթերը տանը» կայքը կարանտինում գտնվող երեխաների համար

Հրապարակվել է

«Հարրի Փոթեր» վեպերի շարքի հեղինակ Ջոան Ք. Ռոուլինգը նոր կայք է գործարկել, որը կոչվում է Harry Potter at Home: Այն նախատեսված է կարանտինի մեջ հայտնված երեխաների, ինչպես նաեւ նրանց ծնողների եւ ուսուցիչների համար:

«Ծնողների, ուսուցիչների եւ խնամակալների, ովքեր աշխատում են զբաղեցնել մեկուսացման մեջ գտնվող երեխաների, կարող է օգնել հմայքի մի չափաբաժին, այնպես որ, ես ուրախ եմ գործարկել «Հարրի Փոթերը տանը» կայքը», — Ռոուլինգը գրել է Twitter-ի իր էջում

Պորտալում հասանելի է ֆրանշիզայի ժամանցային բովանդակությունը: Հարի Փոթերի մասին առաջին գիրքը հասանելի կլինի վեց տարբեր լեզուներով անվճար լսելու համար: OverDrive գրադարանների մշտական անդամները կկարողանան ընթերցել կամ լսել առաջին գիրքը 20 լեզուներով: Գրողը նաեւ ուսուցիչներին կոչ է արել կարդալ «Հարրի Փոթերը» իրենց աշակերտներին եւ համացանցում տեղադրել հոլովակներ՝ փակ հանալեիությունով ՝ հեղինակային իրավունքը չխախտելու համար:

Շարունակել ընթերցումը
Գովազդ
Գովազդ

Հարցում

Հունվարի ո՞ր ֆիլմն եք սպասում:

View Results

Loading ... Loading ...

Թրենդային

Copyright © 2019-2020 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: