Connect with us

Նորություններ

Հրապարակվել է Գայ Ռիչիի «Ալադին» ֆիլմի նոր թրեյլերը

Հրապարակվել է

Walt Disney Pictures ստուդիան ներկայացրել է «Ալադին» ֆիլմի լիարժեք թրեյլերը: Գայ Ռիչիի ֆիլմի հայկական պրեմիերան նախատեսված է մայիսի 23-ին:

Ալադին (Ես Մասուդ) անունով փողոցային գրպանահատը երազում է դառնալ արքայազն և ամուսնանալ արքայադուստր Ժասմինի հետ (Նաոմի Սքոթ): Մինչ Ալադինը մտածում է, թե ինչպես հասնել դրան, Ագրաբայի վեզիր Ջաֆարը (Մարվան Քենզարի) նախատեսում է գրավել քաղաքի իշխանությունը: Բայց դրա համար նա պետք է կախարդական լամպը, որը թաքցված է հրաշքների քարանձավում: Եվ միայն նա, ում անվանում են «չմշակված ադամանդ», կարող է ստանալ այդ լամպը: Նման «ադամանդ» է հայտնվում Ալադինը, ով նույնիսկ չի էլ կասկածում այդ մասին: Ջաֆարին մնում է միայն փողոցային գողին ստիպել ստանալ լամպը, սակայն ամեն ինչ դուրս է գալիս նրա վերահսկողությունից:

Ուիլ Սմիթը մարմնավորել է Ջինի կերպարը, դերերում նաև նշվում են Նազիմ Փեդրադը, Բիլլի Մագնուսենը, Նուման Աքարը և Մարիամ Սամարի Դահանը: Ռիչին ֆիլմ նկարահանել է Ջոն Օգաստի սցենարով («Չառլին և շոկոլադի գործարանը», «Խոշոր ձուկը», «Հարսնացուի դին»): Ֆիլմի իրադարձությունները կներկայացվեն ոչգծային պատմելաոճով:

Միացեք մեր Telegram ալիքին և առաջինը ստացեք մեր նորությունները
Շարունակել ընթերցումը
Գովազդ
Մեկնաբանություններ

Նորություններ

Մահացել է «Սատանա քշողը», «Փայլատակման» եւ «Թվին Փիքսի» երաժշտության հեղինակը

Հրապարակվել է

Մարտի 28-ին 86 տարեկան հասակում երկարատեւ հիվանդությունից հետո վախճանվել է լեհ կոմպոզիտոր Քշիշտոֆ Պենդերեցկին: Նրա երաժշտությունը հնչել է մի շարք ֆիլմերում եւ սերիալներում, այդ թվում՝ «Փայլատակում», «Սատանա քշողը», «Թվին Փիքսը»:

Պենդերեցկին ծնվել է 1933 թվականին եւ առաջին անգամ իր մասին հայտարարել 1960-ականներին: Նրա ստեղծագործության համար բնորոշ էին արմատական ոճաբանությունը, հավատարմությունը ինչպես ավանգարդին, այնպես էլ նեոկլասիցիզմին, փողային երաժշտությանը:

Հատուկ «Սատանա քշողը» և «Փայլատակում» սաունդթրեքների համար ադապտացվել են Պենդերեցկու մի քանի ստեղծագործություններ, որից հետո ռեժիսորները, այդ թվում Դևիդ Լինչը, Մարտին Սկորսեզեն և Ալֆոնսո Կուարոնը, նույնպես ակտիվորեն փոխառել են նրա ստեղծագործություններն իրենց նկարների համար: Հատուկ ժողովրդականություն էր վայելում «Լաց Հիրոսիմայի զոհերի համար» լարայինների համար շարադրանքը այն հնչում էր «Թվին Փիքսի» երրորդ սեզոնում եւ «Մարդկային զավակ» ֆանտաստիկ թրիլերում:

Պենդերեցկին հինգ «Գրեմմի» մրցանակի եւ ՅՈՒՆԵՍԿՕ-ի կոմպոզիտորների միության կողմից պատվավոր մրցանակի դափնեկիր է: Հայտնի է, որ կոմպոզիտորի նախնիների մեջ կան լեհեր, ուկրաինացիներ, գերմանացիներ և հայեր:

Շարունակել ընթերցումը

Կինոարտադրություն

Չնայած կարանտին, Marvel-ի «Հավերժների» աշխատանքները շարունակվում են

Հրապարակվել է

Ամենայն հավանականությամբ, Marvel-ի «Հավերժները»՝ չորրորդ փուլի առաջին լիամետրաժ բլոկբաստերը կդառնա այն քիչ կինոնախագծերից մեկը, որոնց վրա կորոնավիրուսային այս ճգնաժամը ամենաքիչը կազդի: Ֆիլմի նկարահանումները սկսվել են փետրվարի սկզբին, ինչը թույլ է տվել նախագծին ծրագրված ժամին անցնել հետարտադրման փուլ, եւ այն պահին, երբ կինոարտադրության աշխատանքը դադարեց, դրա վրա արդեն աշխատում էին հատուկ էֆեկտների մասնագետները:

Scanline VFX վիզուալ էֆեկտների ստուդիայի վերջին պաշտոնական հայտարարության մեջ նշվում է, որ բոլոր մասնագետները շարունակում են աշխատել ֆիլմի վրա հեռակա կարգով, ինչը թույլ է տալիս չվախենալ գրաֆիկից՝ անկախ բարդ օրերից: Բոլոր 650 աշխատակիցներն այժմ հաջողությամբ աշխատում են ամբողջ աշխարհում՝ Լոնդոնում, Լոս Անջելեսում, Մոնրեալում, Վանկուվերում եւ Սեուլում:

Գերհերոսական էպիկում, որը Հայաստանում լույս կտեսնի նոյեմբերի 5-ին նկարահանվել են Սալմա Հայեկը, Անջելինա Ջոլին, Ռիչարդ Մեդդենը, Բրայան Թայրի Հենրին, Լիա Մաքհյուն, Կումաիլ Նանջիանին, Լորեն Ռիդլոֆը եւ Դոն Լին:

Շարունակել ընթերցումը

Նորություններ

Էմբեր Հերդը դատարանում պարտվել է Ջոնի Դեփին

Հրապարակվել է

Էմբեր Հերդը Վիրջինիայի դատարանում պարտվել է զրպարտության հայցով, որն իր դեմ ներկայացրել է Ջոնի Դեփը: Դերասանն ունի 50 մլն դոլար փոխհատուցում ստանալու հնարավորություն:

Որոշումը կայացվել է The Washington Post թերթում (2018 թվականի դեկտեմբեր) Հերդի բաժնի հիման վրա: Նա փորձել է ապացուցել, որ ենթարկվել է տնային բռնության, սակայն դատարանը փաստարկները համարել ոչ բավականաչափ ուժեղ եւ Դեփին թույլ է տվել շարունակել պաշտպանել իր անվան պատիվը:

Զույգը ծանոթացել է 2011-ին «Ռոմային օրագրի» նկարահանումներին եւ բաժանվել 2016-ին: Ամուսնալուծությունից որոշ ժամանակ անց Հերդը Դեփին մեղադրել է ընտանեկան բռնության մեջ: Դեփը պնդում էր, որ Հերդի բոլոր խոսքերը միստիֆիկացիա են, որի պատճառով կործանվում էր իր կարիերան եւ «Կարիբյան ծովի ծովահենների» ֆրանշիզայում մասնակցության հնարավորությունը:

Վերջերս Դեփին պաշտպանել են նրա նախկին ընկերուհիներ Վայնոնա Ռայդերը եւ Վանեսա Պարադին, որոնք հերքել են Հերդի բոլոր հնարավոր փաստարկները բռնության մասին, նշելով Դեփի բացառիկ սիրալիրությունը ու հոգատարությունը հարաբերություններում:

Շարունակել ընթերցումը
Գովազդ
Գովազդ

Հարցում

Հունվարի ո՞ր ֆիլմն եք սպասում:

View Results

Loading ... Loading ...

Թրենդային

Copyright © 2019-2020 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: