ամն ,

«Մակաբույծները». Այնքան փոխաբերական է

Ինչպես Կաննում, ռեժիսորը խնդրել էր չբացահայտել սյուժեն, այնպես էլ մոսկովյան մամուլի ցուցադրության ժամանակ մեզ փոխանցեցին նրա խոսքերը: Դե, ես էլ սփոձլերների կողմնակից չեմ: Հաճախ են հարցնում «ինչպե՞ս ես ընտրում ֆիլմերը դիտման համար»: Պատասխանը պարզ է՝ զգում եմ: Ես չեմ կարդում նկարագրությունը, թրեյլերներից մաքսիմալ հեռու եմ աշխատում մնալ և զգում եմ, որ «այս ֆիլմը պետք է տեսնեմ»: «Մակաբույծների» դեպքում ես գիտեի մենակ որ Կաննի մասնակից է, հաղթող է և որ կորեական ֆիլմ է: Ցուցադրությունից մի քանի օր հետո դիտեցի թրեյլերը և հասկացա, որ էդպիսի թրեյլերով էս ֆիլմը չեի ցանկանա տեսնել:

Կաննում «Մակաբույծները» արժանացել են 20 րոպեանոց ծափահարությունների եւ արժանիորեն ստացել Արմավենու ոսկե ճյուղ: Պոն Ջուն Հոն վաղուց արդեն յուրացրել է կինոյի համապարփակ լեզուն, եւ բոլորովին կարեւոր չէ, թե ինչ դեկորացիաներում է տեղի ունենում նրա ֆիլմերի գործողությունը: Ի վերջո, նա նկարահանում է ոչ թե պատմություններ, այլ պատմում է մարդկանց մասին:

«Մակաբույծերի» ֆաբուլան շատ պարզ է: Չորս հոգուց բաղկացած աղքատ ընտանիքը պիցցայի տուփեր ծալելով գրոշներ է վաստակում: Նրանք ստիպված են օգտվել հարևանների անվճար Wi-Fi, գիշերներով հետևել թե ինչպես են հարբածները միզում իրենց պատուհանի առջև: Մի օր հերոսներից մեկը հարուստ ընտանիքում աշխատելու առաջարկ է ստանում, եւ նրա մտքում պլան է ծագում:

Պոն Ջուն Հոն հմտորեն աշխատում է հակադրությունների վրա, ցույց տալով անպարկեշտ հարուստ եւ առավել աղքատ մարդկանց: Ֆիլմում չկան դրական եւ բացասական կերպարներ: Այստեղ ամեն ինչ կենտրոնացած է սոցիալական անդունդի վրա, որը բաժանում է հակառակ շերտերի ներկայացուցիչներին:

Ռեժիսորն ընդգծում է բաժանումը նրանով, որ երկու ընտանիքները միմյանց չեն հասկանում շփման ոչ մի մակարդակով: Եվ ամենից կարեւորն այն է, որ նա չի տեսնում շփման եզրեր:

Երեկվա մամուլի ասուլիսի ժամանակ «Ոսկե Ծիրանը» գախտնազերծեց, որ «Մակաբույծները» ցուցադրվելու են «Երևանյան պրեմիերա» ծրագրի շուրջ, այնպես որ ուշադիր հետևեք, ֆիլմը շատ շուտով կցուցադրվի հայ հանդիսատեսին:

Ի՞նչ եք կարծում

0 points
Upvote Downvote

Հեղինակ՝ Սերգեյ Հովսեփյան

Գլխավոր խմբագիր: 2017 թվականին ավարտել եմ Սլավոնական համալսարանի ռեժիսուրայի բաժինը: Նույն ժամանակ ընդունվել եմ ՎԳԻԿ-ի պրոդյուսերական ֆակուլտետ: Աշխատել եմ «Նաիրի» կինոթատրոնում և տարբեր ռուսական կնոփառատոններում:

Դիտարկումները

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Բեռնել եւ hellip;

Բեռնել եւ hellip;

0

Comments

0 comments

Ներկայացվեց «Ոսկե ծիրան»-ի մրցութային և արտամրցութային ֆիլմերը և հայտարավեց ժյուրիի կազմը

Disney եւ Yandex.Տաքսին նոր սակագին են գործարկում «Խաղալիքների պատմություն 4»-ի էկրան բարձրանալու կապակցությամբ