Connect with us

Նորություններ

Մահացել է դերասան Մաքս ֆոն Սյուդովը

Շվեդ դերասանը մահացել է Մարտի 8-ին Ֆրանսիայում 91 տարեկան հասակում:

Հրապարակվել է

Շվեդ դերասան Մաքս ֆոն Սյուդովը մահացել է 90 տարեկանում։ Այս մասին հայտնում է Paris Match-ը՝ վկայակոչելով նրա կնոջը՝ Կատրին ֆոն Սյուդովին։

Դերասանը մահացել է կիրակի՝ մարտի 8-ին: «Սրտաբեկ, անսահման տխրությամբ, անտանելի ցավով տեղեկացնում ենք, որ Մաքս ֆոն Սյուդովը կյանքից հեռացել է 2020 թվականի մարտի 8-ին», — ասել է դերասանի կինը:

Մաքս ֆոն Սյուդովը ծնվել է 1929 թվականի ապրիլի 10-ին: Նրա դեբյուտը կինոյում տեղի է ունեցել 1949 թվականին, երբ նա խաղացել է ռեժիսոր Ալֆ Շեբերգի «Միայն մայրը» ֆիլմում: Ֆոն Սյուդովին ճանաչում են բերել ռեժիսոր Ինգմար Բերգմանի ֆիլմերում կատարած դերերը: Շվեդ ռեժիսորի առաջին ֆիլմը, որում նկարահանվել է ֆոն Սյուդովը, դարձել է «Յոթերորդ կնիք» ֆիլմը (1957 թվական):

Մաքս ֆոն Սյուդովը երկու անգամ դարձել է «Օսկար» մրցանակի թեկնածու: Բացի այդ, ֆոն Սյուդովը «Աստղային պատերազմներ. Ուժի զարթոնքը» (2015 թվական) ֆիլմում կատարել է Լոր Սան Թեքքի դերը, ինչպես նաեւ Եռաչքանի ագռավին է խաղացել «Գահերի խաղը» սերիալում:

Շարունակել ընթերցումը
Գովազդ
Մեկնաբանություններ

Ինտերնետ

Ուիլ Ֆերելը եւ Ռեյչել ՄաքԱդամսը «Եվրատեսիլի» հայտ են ներկայացրել

Հրապարակվել է

Netfix-ը շարունակում է իր մտադրությունների լրջությունը ցուցադրել առաջիկա «Եվրատեսիլ» կատակերգության՝ երգի միակ մրցույթի նկատմամբ, որը տեղի կունենա այս տարի: Նախօրեին հայտնվել է սանուդտրեքի առաջին ստեղծագործությունը, որը ձայնագրել է Ռեյչել ՄաքԱդամսի և Ուիլ Ֆերելի դուետը, ում իր ձայնն է նվիրել շվեդ երգչուհի Մոլլի Սանդենը:

Եվ ահա պաշտոնական տեսանյութ, որից հետո դուք չեք կարող հրաժարվել այս ֆիլմի դիտումից: Ֆիլմը հնարավոր կլինի դիտել հոսքային ծառայությունում արդեն հունիսի 26-ին:

Շարունակել ընթերցումը

Կինոիրադարձություններ

Կաննի փառատոնը չեղյալ է հայտարարվել կորոնավիրուսի պատճառով

Հրապարակվել է

Կաննի միջազգային կինոփառատոնը կորոնավիրուսի պատճառով չի անցկացվի 2020 թվականին: Այս մասին հայտնում են փառատոնի կազմակերպիչները:

Կազմակերպիչները հունիսի սկզբին ցանկանում են ներկայացնել այն ֆիլմերի ցանկը, որոնք պետք է հայտնվեին ստուգատեսում: Ցուցակը կկոչվի «Կանն-2020»: Ֆիլմերն աշնանը կցուցադրվեն Տորոնտոյի, Սան Սեբաստիանի, Անգուլեմի, Վենետիկի, Նյու Յորքի, Դովիլի, Պուսանի եւ Լիոնի կինոփառատոններում:

Variety պարբերականը հավելելում է, որ Վենետիկի կինոփառատոնն այս տարի անցկացնելու մասին որոշումը կկայացվի մայիսի վերջին:

Կաննի 74-րդ կինոփառատոնին ֆիլմերի ընտրությանը կարող են մասնակցել այն ֆիլմերը, որոնք մտել են նախորդ ստուգատեսի ծրագիրը, սակայն հետաձգվել են 2021 թվականին:

Ավելի վաղ հաղորդվում էր, որ Կաննի կինոփառատոնը չի կայանա մայիսին Ֆրանսիայում կորոնավիրուսի տարածման պատճառով:

Շարունակել ընթերցումը

Կինովարձույթ

«Ջոն Ուիք 4» պրեմիերան հետաձգվել է մեկ տարով

Հրապարակվել է

Պանդեմիայի պատճառով Lionsgate ստուդիան ճշգրտել է իր նախագծերի թողարկման ժամանակացույցը: Այսպես «Ջոն Ուիք» մարտաֆիլմի չորրորդ մասը՝ Կիանու Ռիվզի մասնակցությամբ, մեծ էկրաններին կհայտնվի 2022 թվականի մայիսին:

Ի սկզբանե ֆիլմը պետք է թողարկվեր 2021 թվականի մայիսի 21-ին, մեկ շաբաթում՝ չորրորդ «Մատրիցա»-ի հետ (որտեղ նույնպես զբաղված է Ռիվզը): Այժմ այդ օրը զբաղեցրել է «Սղոցի» վերագործարկումը Քրիս Ռոքի մասնակցությամբ: Բացի այդ, Lionsgate-ը «Մարդասպանի թիկնապահի» սիքվելն հետաձգել է մինչեւ 2021 թվականի օգոստոսի 28-ը:

Ստուդիայի պատրաստվող նախագծերը նույնպես ստացել են այս տարվա թողարկման ամսաթիվը` «Անտեբելում» sci-fi թրիլլեր՝ 2020 թվականի օգոստոսի 21, «Fatale» թրիլլեր՝ հոկտեմբերի 30-ին, «Ճանապարհորդներ» Քոլին Ֆարելի եւ Լիլի Ռոուզ-Դեփի մասնակցությամբ՝ նոյեմբերի 25-ին:

«Մարդասպան» մարտաֆիլմը Մայքլ Քիթոնի հետ, «Բարբ եւ Սթար գնում են Վիստա Դել Մար» կատակերգությունը պլանավորված է 2021 թվականի ապրիլ եւ հուլիս ամիսներին համապատասխանաբար:

Շարունակել ընթերցումը

Միացեք մեզ

Գովազդ
Գովազդ

Հարցում

Թրենդային

Copyright © 2019-2020 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: