Connect with us

Կինոիրադարձություններ

Մի անգամ Մոսկվայում… Տարանտինոն ներկայացրեց ֆիլմը և պատմեց տասերորդ ֆիլմի մասին

Հրապարակվել է

O2 Lounge ամառային ծածկապատշգամբում տեղի է ունեցել ֆոտոսեսիան եւ մամուլի ասուլիսը: Միջոցառմանը ներկա էին ֆիլմի ռեժիսոր Քվենտին Տարանտինոն և պրոդյուսերներ Շենոն ՄըքԻնտոշը և Դևիդ Հեյմանը («Հարրի Փոթեր» ֆիլմաշար):

Խոսելով իր նոր կինոնկարի մասին՝ Տարանտինոն նշել է, որ ֆիլմում առկա է հինգ կեղծ ֆիլմ, որոնց վրա ռեժիսորին հատկապես հետաքրքիր էր աշխատել: Նա նաեւ մեկնաբանել է Բրյուս Լիի կերպարի մասին հարցը՝ «Ես չեմ փորձել նրան վատ ներկայացնել: Ես, իհարկե, մի քիչ զվարճացա, ծաղրր կա: Բայց այն ժամանակ Բրյուս Լին իսկապես գոռոզ տղա էր: Այն, ինչ նա ասում է ֆիլմում, ես չեմ հորինել, ես իրականում լսել նրանից նման բաներ:»

Տարանտինոն պատմել է, որ «Մի անգամ Հոլիվուդում» նա ներդրել է այն ամենը, ինչ ուզում էր ասել, բայց արդեն տասերորդ ֆիլմի համար գաղափար ունի, որը պետք է դառնա նրա ռեժիսորական կարիերայի գագաթնակետը: Նա նշել է, որ իր ֆիլմերը կարելի է դիտարկել որպես գնացք, իսկ այն, ինչ արդեն նկարահանված է, վագոններ են, որոնց անհրաժեշտ է քարշակ: Հենց տասներորդ ֆիլմը պետք է դառնա այդ մեկը:

Ինձ ֆիլմ նկարելու համար մեծ աստղ հարկավոր չէ, քանի որ ես ինքս էլ աստղ եմ

Քվենտին Տարանտինոյի պատասխանը կինոքննադատ Անտոն Դոլինին
producer David Heyman, producer Shannon McIntosh and director Quentin Tarantino attend “Once Upon A Time… In Hollywood”

Հատուկ այս միջոցառման համար հուլիսի 29-ին մամուլի համար Sony-ն կազմակերպել էր ցուցադրություն, որին ներկա էր և լուսաբանել է նաև ԿինոՊրես-ը

«Մի անգամ Հոլիվուդում» համաշխարհային պրեմիերան տեղի է ունեցել Կաննի կինոփառատոնում, որտեղ ֆիլմն իսկական ֆուրոր է առաջացրել: Հայկական վարձույթ դիստրիբյուտոր WDSSPR-ը այն թողարկվում է այսօր՝ օգոստոսի 8-ին:

Շարունակել ընթերցումը
Գովազդ
Մեկնաբանություններ

Կինոիրադարձություններ

«ԿինոԷքսպոն» և «ՍՊԲՄԿՖ»-ն հաստատել են անցկացման ավելի վաղ հայտարարված ժամկետները

Ֆորումները տեղի կունենան սեպտեմբերի 22-25-ը:

Հրապարակվել է

«Կինո Էքսպո» XXII միջազգային ցուցահանդեսը, ինչպես նաև «Կոնենտ Էքսպո» ցուցահանդեսը տեղի կունենան Սանկտ Պետերբուրգում 2020 թվականի սեպտեմբերի 23-25-ը «Էքսպոֆորում» համալիրում, ինչպես և պլանավորված էր: Այս մասին հայտնել է միջոցառման կազմակերպիչ Դմիտրի Կազուտոն: Սեպտեմբերի 22-ին մեկնարկում է Սանկտ Պետերբուրգի միջազգային կոնտենտ Ֆորումը: Այսպիսով, ֆորումի և ցուցահանդեսի սկզբում հայտարարված ժամկետները դեռևս չեն փոխվում: Պատվիրակների մասնակցության հայտերի ընդունումը նախատեսվում է սկսել օգոստոսի 1-ից:

Դրա հետ մեկտեղ կազմակերպիչները ճշտում են, որ համաժողովի անցկացումը նշված ժամկետներում կախված կլինի երկրի տարածաշրջանների մեծ մասում կինովարձույթի վերսկսման ժամկետներից: «Ռոսպոտրեբնադզորը» պաշտոնապես հաստատել է ցուցահանդեսային և կոնգրեսային միջոցառումների համաճարակաբանորեն անվտանգ անցկացման մեթոդական հանձնարարականները, որոնք մշակվել են առևտրաարդյունաբերական պալատի նախաձեռնությամբ՝ ցուցահանդեսների և Տոնավաճառների ռուսական միության և Ռուսաստանում կոնգրեսա-ցուցահանդեսային ծառայությունների շուկայի խոշորագույն ներկայացուցիչների հետ համատեղ: Մասնավորապես, դրանք պարունակում են սոցիալական հեռավորության նորմեր, աշխատողների մուտքը ձեռնարկություններ, անվտանգ կառուցապատումը և միջոցառումների անցկացումը, ինչպես նաև կոնգրեսների և ցուցահանդեսների տարածքում այցելուների գտնվելու կանոնները:

Սանկտ Պետերբուրգի միջազգային կոնտենտ ֆորումը ԱՊՀ եւ Բալթյան երկրներում միակ ամենամյա կոնտենտ-ինդուստրիայի միջազգային համաժողովն է, որը միավորում է կինոթատրոնային վարձույթը, հեռուստատեսությունը եւ թվային մեդիան: Համաժողովի մասնակիցները դառնում են կինոթատրոնային ցանցերի եւ կինոթատրոնների, մեդիահոլդինգների եւ հեռուստաալիքների, թվային մեդիայի օպերատորների (առցանց վիդեոսերվիսներ և այլն), բոլոր հարթակների համար բովանդակության արտադրող և դիստրիբյուտորների, մշակույթի և զանգվածային հաղորդակցությունների բնագավառում իշխանության մարմինների, ԶԼՄ-ների ներկայացուցիչներ:

Շարունակել ընթերցումը

Կինոիրադարձություններ

Marvel Studios և Warner Bros. բաց կթողնեն վիրտուալ Comic-Con-ը

Հրապարակվել է

Marvel Studios եւ Warner Bros կինոստուդիաները կանտեսեն Comic-Con 2020 փառատոնը, որը առաջին անգամ կանցկացվի առցանց: Այս մասին հայտնում է Comic Book պարբերականը՝ վկայակոչելով իր աղբյուրները:

Ամենայն հավանականությամբ, ստուդիաները գերադասում են իրենց նոր նախագծերը ներկայացնել սեփական միջոցառումների ժամանակ: Ընկերությունների պաշտոնական ներկայացուցիչները դեռ չեն մեկնաբանել այդ տեղեկությունը:

Հիշեցնենք, որ Comic-Con 2020 փառատոնը պետք է կայանար հուլիսի վերջին, սակայն դրա կազմակերպիչները որոշել են այն չանցկացնել կորոնավիրուսի տարածման առկա սպառնալիքի պատճառով:

Շարունակել ընթերցումը

Կինոիրադարձություններ

Վենետիկի կինոփառատոնը կկրճատի ծրագիրը կորոնավիրուսի պատճառով

Ստուգատեսը կընթանա հիբրիդային ձևաչափով՝ կենտրոնանալով օֆլայն ցուցադրությունների վրա:

Հրապարակվել է

Վենետիկի միջազգային կինոփառատոնը հաստատել է, որ պատրաստվում է նախանշված ցուցադրություններն ու միջոցառումները անցկացնել սեպտեմբերի 2-12-ը: Այս տարի ժյուրին կգլխավորի ավստրալացի դերասանուհի Քեյթ Բլանշետը:

Ընդ որում, կազմակերպիչները հայտարարում են, որ ստիպված կկրճատվի պաշտոնական ընտրության ֆիլմերի քանակը, ծրագրերի մի մասը կտեղափոխեն վիրտուալ տարածք կամ այլ հարթակներ: Մասնավորապես, «Վենետիկյան դասական» ծրագիրը, որի շրջանակներում սովորաբար տեղի է ունենում վերականգնված կինոժապավենի ցուցադրությունը, այս անգամ կանցկացվի Cineteca di Bologna կինոփառատոնի շրջանակներում օգոստոսի 25-31-ը Էմիլիան քաղաքում:

Փառատոնի գլխավոր մրցույթը, արտամրցութային ծրագիրը և «Հորիզոններ» ծրագիրը նախատեսվում են ավանդական ձևաչափով: Ցուցադրությունները տեղի կունենան կինոթատրոններում, որտեղ դրանք անցկացվել են նախորդ տարիներին: Իսկ ահա Վենեցիա Վիրտուալ իրականություն մրցութային ծրագիրը կանցնի առցանց: «Սկոֆինի» բաժինը (արտհաուս, փորձարարական և ժանրային կինո, սերիալներ) կչեղարկվի:

Կինոյի այն գործիչներին, ովքեր տեղաշարժման սահմանափակումների պատճառով չեն կարողանա անձամբ այցելել փառատոնը և նրա միջոցառումները, կատարվող իրադարձություններին կմիացնեն համացանցի միջոցով:

Շարունակել ընթերցումը

Միացեք մեզ

Գովազդ

ԿինոՊրես Telegram

Գովազդ

Հարցում

Թրենդային

Copyright © 2019-2020 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: