Connect with us

Հեռուստատեսություն

Մկրտիչ Արզումանյանի մասնակցությամբ «Գոշա» սերիալը մեկնարկում է ռուսական հեռուստաալիքի եթերում

Մկրտիչ Արզումանյանը մարմնավորելու է ռուսական Միսթեր Բինին:

Հրապարակվել է

Հունվարի 25-ից ռուսական «Սուպեր» հեռուստաալիքով եթեր կհեռարձակվի «Գոշա» սուպեր նախագիծը՝ ռուսական Միսթր Բինի մասին: Սերիալի ռեժիսորն է Միխայիլ Միրոնովը, իսկ պրոդյուսերների աթոռներն են զբաղեցրել Ալեքսեյ Տրոցյուկը, Էդուարդ Իլոյանը, Միխայիլ Տկաչենկոն եւ Ռեզո Գիգինեիշվիլին: Սցենարը գրել է Սարգիս Մնոյանը, ում սցենարով նկարահանվել էր «Ուրիշի Փոխարեն» և հայ-ղազախական «Քայլ Ձիյով» կինոնկարները: Ամաչկոտ ժպիտով անշուք տղայի գլխավոր դերը բաժին է հասել Մկրտիչ Արզումանյանին:

Սա Մկրտիչ Արզումանյանի առաջին համագործակցությունն է ռուսական START հոսքային համակարգի և «Սուպեր» հեռուստաընկերության հետ: «Ամենաբարդ և ամենասիրելի նախագծերից մեկը, որը երբևէ ունեցել եմ», — այսպես է մեկնաբանել Մկրտիչ Արզումանյանը իր գալիք ռուսաստանյան մեծ նախագծի թողարկումը:

Նշենք, որ պրեմիերային չորս սերիաները արդեն հասանելի են START հոսքային ծառայությունում:

Շարունակել ընթերցումը
Գովազդ
Մեկնաբանություններ

Հայաստան

Մարգարիտա Գրիգորյանը թողնում է Հ1-ի տնօրենի պաշտոնը

Հանրային հեռուստաընկերություն գործադիր տնօրեն Մարգարիտա Գրիգորյանը հայտնել է պաշտոնից հեռանալու մասին:

Հրապարակվել է

Հանրային հեռուստաընկերությունը հայտարարություն է տարածել, որում ասվում է, որ գործադիր տնօրեն Մարգարիտա Գրիգորյանը աշխատանքից ազատման դիմում է ներկայացրել:

«Սիրելի հայրենակիցներ, գործընկերներ ու հեռուստադիտողներԻնձ համար անընդունելի է ՀՀ վարչապետի՝ եթերից առաջ տեսագրված կադրերի հրապարակումը և անկեղծորեն վրդովված եմ գործընկերային, էթիկական սկզբունքների խախտման էժանագին այս քայլից։ Ինքս տարիներ շարունակ ենթարկվել եմ նմանօրինակ մեդիա գրոհների և հասկանում եմ, թե ինչ է նշանակում թիկունքին հասցրած հարվածը։ Ցավում եմ կատարվածի համար։ Երկրի համար կարևորագույն այս շրջանում, Հանրային հեռուստաընկերության զարգացման այս փուլում աններելի է նմանատիպ մեդիա վանդալիզմը։ Ինքս եմ պատասխանատու եղել տվյալ շրջանում իրականացված բազմաթիվ հանրային միջոցառումների, տոնակատարությունների, արտակարգ միացումների համար, կիսել եմ իմ աշխատակիցների հետ շնորհակալության և գովեստի խոսքերը։ Հիմա էլ կիսում եմ կատարվածի պատասխանատվությունը՝ ներկայացնելով աշխատանքից ազատման իմ դիմումը։

Իմ ղեկավարության տարիներին Հանրային հեռուստաընկերությունում աննախադեպ փոփոխություններ են եղել․ եթերում սեփական արտադրանքի բազմակի ավելացում, վարկանիշի շարունակական բարձրացում՝ հատկապես վերջին երկու տարվա ընթացքում, գերժամանակակից թվային արխիվի հիմնում, տարածքների կապիտալ վերանորոգում ու բարեկարգում, հասարակական, կրթական, մշակութային ծրագրերի հանրահռչակում, հարյուրավոր հեռուստաֆիլմերի, տասնյակ նոր և նմանը չունեցող, գրական գործերի հիման վրա նկարահանված հեռուստասերիալների և հաղորդումների պատրաստում։ Դրանց վերաբերյալ բազմաթիվ դրական արձագանքներ ենք ստացել պետական ու հասարակական կառույցներից, հանրային ու քաղաքական գործիչներից։

Իմ աշխատանքի գլխավոր արդյունքը իմ և Հանրայինի գործընկերներն են՝ ներսում և դրսում։ Հանրային հեռուստաընկերության աշխատակիցները հենց այս օրերին ապացուցեցին, որ մասնագիտական որակները, անկախ տեխնիկական թերություններից, գլխավորն են։ Ես շնորհակալություն եմ հայտնում Հանրայինի բոլոր աշխատակիցներին, իմ գործընկերներին՝ եթերին նվիրվելու համար։ Գիտեմ, որ այստեղ մնում են մարդիկ, որոնք անխափան իրագործելու են ծրագրերն ու նպատակները։ Այս յոթ տարիների ընթացքում մենք միասին բազմաթիվ ծրագրեր ենք իրականացրել և վստահ եմ, որ եթերից հետևելու եմ, թե ինչպես են իմ գործընկերները շարունակում հայկական հեռուստատեսության լավագույն ավանդույթները և ձևավորում նորերը:

Շնորհակալություն եմ հայտնում Հայաստանում գործող բոլոր լրատվամիջոցներին, ՀԿ-ներին, պետական ու միջազգային կազմակերպություններին համատեղ աշխատանքի համար, ինչպես նաև Հանրայինի աշխատանքի առողջ քննադատության համար։ Այս օրերին ես համոզվեցի, որ հեռուստատեսային իրական պրոֆեսիոնալների կարծիքներն ու տեսակետները համընկնում են իմ անձնական կարծիքի հետ:

Շնորհակալություն եմ հայտնում իմ անմիջական ղեկավարներին՝ դժվար օրերին օգնելու և խորհուրդներ տալու համար։ Իմ ողջ աշխատանքային գործունեության ընթացքում կարևորել եմ կայունությունը, սեփական կարծիք ունենալու և արտահայտելու իրավունքը, նախընտրել եմ քիչ խոսել ու շատ աշխատել։ Այս սկզբունքներն ինձ կուղեկցեն հաջորդիվ՝ նոր աշխատանքում նոր նախագծեր իրականացնելիս։ Առողջություն բոլորիս, կտեսնվենք»:

Հիշեցնենք, որ օրեր առաջ, ապրիլի 17-ին տեղի էր ունեցել արտահոսք: ՀՀ վարչապետի ուղիղ եթերի ժամանակ արված տեխնիկական փորձերի կադրերը լայն տարածում էին գտել համացանցում և դարձել ծաղրանքի առարկա: ՀՀ Կառավարության հորդորով՝ Հանրային հեռուստաընկերությունն ապահովել էր բաց կապուղի, որից օգտվել են նշված հեռուստաընկերությունները` Արմենիա ԹիՎի, Շանթ, Միր, Հ2, ԱՐ, Կենտրոն, Երկիր Մեդիա 5-րդ ալիքը:

Շարունակել ընթերցումը

Հեռուստատեսություն

Հայտնի է դարձել՝ երբ լույս կտեսնի «Գահերի խաղի» պրիքվելը

Հրապարակվել է

«Գահերի խաղը» սերիալի House of the Dragon անվանումով պրիքվելը հայտարարվեց նախորդ տարվա ավարտին: Վերջին անգամ այս նախագծի մասին խոսվել է 2020 թվականի հունվարին: Television Critics Association-ի մամլո շրջագայության ժամանակ HBO ծրագրավորման նախագահ Քեյսի Բլոյսը Deadline պարբերականին տված հարցազրույցում ասել է, թե երբ երկրպագուները կարող են սպասել սերիալը:

Քոնդալի կողմից Մարտինի «Կրակ եւ արյուն» գրքի մոտիվներով գրված «Վիշապի տունը» ծավալվում է «Գահերի խաղի» իրադարձություններից 300 տարի առաջ եւ պատմում է Թարգարիենների տան՝ Դեյեներիսի նախնիների պատմությունը:

«Ակնհայտ է, որ սա մեծ, բարդ շոու է», — ասել է Բլոյսը, հավելելով, որ դերասանական կազմի մասին նորություններ դեռեւս չկան:

«Վիշապի տունը» HBO-ի աշխատանքի չորս սփին-օֆներից մեկն էր: Մյուսները սպասման ռեժիմում են, որը կարող է անորոշ լինել կամ ժամանակավոր:

«Ես կարծում եմ, որ 2022-ին», — ասաց նա սերիալի պրեմիերայի մասին՝ ընդգծելով, որ դեռ շատ վաղ է խոսել ավելի կոնկրետ: «Նրանք արդեն սկսում են գրել», — նշեց Բլոյզը Ջորջ Ռ. Ռ. Մարտինի եւ Ռայան Կոնդալի նախագծի մասին:

Քանի որ սերիալը գտնվում է նախնական փուլում՝ դրա աշխատանքները անխափան շարունակվում են և կա հույս, որ սերիալը կտեսնենք մոտակա երկու տարվա ընթացքում:

Շարունակել ընթերցումը

Հեռուստատեսություն

HBO սերիալների նկարահանումները հետաձգվել են կորոնավիրուսի պատճառով

Հրապարակվել է

«Ժառանգները» եւ «Բարրի» սերիալները տուժել են համաճարակից: HBO հեռուստաալիքի ղեկավարությունը ժամանակավորապես սառեցրել է նախագծերը: Հաջորդ եթերաշրջանների պրեմիերաների ամսաթվերը դեռ հարցականի տակ են:

Թե «Ջառանգները, թե «Բարրին» իրենց երրորդ եթերաշրջանների նախնական փուլում էին: Ավելի վաղ դադարեցվել էր «Էյֆորիա» երիտասարդական հիթի շարունակության աշխատանքը:

Կորոնավիրուսը ճշգրտումներ է մտցրել ԱՄՆ-ի տարածքում գրեթե յուրաքանչյուր նախագծի, ֆիլմի եւ սերիալի մեջ: Չեղյալ հայտարարվածների ցուցակում են հայտնվել նույնիսկ նրանք, որոնց պրեմիերան պետք է տեղի ունենային արդեն ապրիլին, օրինակ՝ «Ֆարգոն», «Քայլող մեռյալների» սփին-օֆֆը եւ այլն:

Շարունակել ընթերցումը

Միացեք մեզ

Գովազդ
Գովազդ

Հարցում

Թրենդային

Copyright © 2019-2020 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: