Connect with us

Նորություններ

Յուսուպ Ռազիկովի «Սուսերով պարը» ընդգրկվել է Շանհայի կինոփառատոնի մրցույթում

Հրապարակվել է

Հունիսի 15-ից 24-ը Չինաստանում տեղի կունենա Շանհայի 22-րդ միջազգային կինոփառատոնը, որտեղ տեղի կունենա ռեժիսոր եւ սցենարի հեղինակ Յուսուպ Ռազիկովի «Սուսերով պարը» ֆիլմի համաշխարհային պրեմիերան: Ֆիլմը ներառվել է Միջազգային համայնապատկեր մրցութային ծրագրում:

«Սուսերով պարը» աշխարհի ամենակատարվող ստեղծագործություններից մեկի ստեղծման պատմությունն է, որը Արամ Խաչատրյանը գրել է ընդամենը ութ ժամում: Ֆիլմի իրադարձությունները տեղի են ունենում 1942 թվականին՝ Մոլոտով քաղաքում (Պերմ), որտեղ կոմպոզիտորը տարհանման մեջ է գտնվում Կիրովի անվան Լենինգրադի օպերայի եւ բալետի ակադեմիական թատրոնի հետ (Մարինյան թատրոն):

«Ես մանկուց հետաքրքրվել եմ Արամ Խաչատրյանի ստեղծագործությամբ: Նրա ստեղծագործություններում անհավանական հզորություն, ուժ և մեծություն կա: Սուսերով պարը՝ աշխարհի ամենակատարվող ստեղծագործություններից մեկն է, 20-րդ դարի յուրատեսակ ռինգտոն էր, ընդ որում ոչ միայն ժողովրդականությամբ, այլեւ բովանդակությամբ: Ուրախ ենք, որ չինացի հանդիսատեսը ևս հնարավորություն կունենա գնահատելու մեր աշխատանքը և ընկղմվելու բալետի և երաժշտության աշխարհում։ Չինական հանդիսատեսը ինձ համար հանելուկ է, շատ հետաքրքիր է, թե ինչպես նրանք կարձագանքեն ֆիլմին: Չէ որ հեղինակի ստեղծագործության վրա պետության ազդեցության թեման այս կինոնկարի կենտրոնում է: Այս հարցը միշտ եղել է եւ այժմ արդիական է ինչպես Ռուսաստանում, այնպես էլ Չինաստանում: Այս ֆիլմը փորձ է հասկանալ հանճարեղ ստեղծագործությունների ծննդի ֆենոմենը՝ ստեղծագործողի եւ պետության միջեւ բարդ հարաբերությունների ռեժիմում», — ասում է Յուսուպ Ռազիկովը:

Ֆիլմում գլխավոր դերը կատարել է Պյոտր Ֆոմենկոյի արվեստանոցի դերասան Համբարձում Կաբանյանը: Ֆիլմում ներգրավված են նաեւ Ալեքսանդր Կուզնեցովը, Ալեքսանդր Իլյին-կրտսերը, Սերգեյ Յուշկեւիչը, Վերոնիկա Կուզնեցովան, Իննա Ստեպանովան, Իվան Ռիժիկովը, Վադիմ Սկվիրսկին: Ֆիլմի նկարահանումներն անցկացվել են Հայաստանում և Ռուսաստանում, այդ թվում Ա. Սպենդիարյանի անվան օպերայի և բալետի ազգային ակադեմիական թատրոնում և Խոր Վիրապում:

Միացեք մեր Telegram ալիքին և առաջինը ստացեք մեր նորությունները
Շարունակել ընթերցումը
Գովազդ
Մեկնաբանություններ

Նորություններ

Սգում է ամբողջ Հոլիվուդը՝ մահացել է բասկետբոլիստ Կոբի Բրայանտը

ԱՄՆ-ում կործանվել է Կոբի Բրայանտի ուղղաթիռը ՝ ԲԱԱ-ի ամենահայտնի բասկետբոլիստներից մեկը: Նա ոչ միայն ականավոր մարզիկ էր, այլեւ «Օսկարի» դափնեկիր:

Հրապարակվել է

Ամերիկացի բասկետբոլիստ Կոբի Բրայանտը մահացել է հունվարի 26-ին: Մասնավոր ուղղաթիռը, որով նա թռչում էր 13-ամյա դստեր՝ Ջաննայի հետ, կործանվել է Լոս Անջելեսից ոչ հեռու: Բրայանտների հետ օդանավում եղել է եւս յոթ մարդ: Բոլորը զոհվել են: Նախնական տվյալներով՝ ուղղաթիռի կործանման պատճառ կարող էր դառնալ խիտ մառախուղը: 41-ամյա Բրայանտը ամենահայտնի պրոֆեսիոնալ բասկետբոլիստներից մեկն էր: Նա խաղացել է Բասկետբոլի ազգային ասոցիացիայի «Լոս Անջելես Լեյքերս» թիմում: Մարզիկը երկու անգամ օլիմպիական չեմպիոն է դարձել ԱՄՆ-ի բասկետբոլի հավաքականի կազմում (2007 եւ 2012 թվականներին):

2018 թվականին Բրայանտը Օսկար է ստացել «Թանկագին բասկետբոլ» անիմացիոն կարճամետրաժ ֆիլմի համար: Այս ֆիլմը բասկետբոլիստի համանուն բանաստեղծության էկրանավորումն է, որում նա հրաժեշտ է տվել սպորտին (Կոբին իր կարիերան ավարտել է 2016 թվականին): Նա նաեւ գրել է սցենարը, հնչեցրել գլխավոր հերոսին եւ հանդես եկել որպես ֆիլմի գործադիր պրոդյուսեր: Բացի Օսկարից, ֆիլմն արժանացել է Annie Award մրցանակի, գլխավոր մուլտիպլիկացիոն մրցանակին: «Անիմացիան կարող է մարդկային հույզերն ավելի համոզիչ եւ ավելի հետաքրքիր տեսողական ձեւով ցույց տալ, քան խաղարկային նկարները», — բասկետբոլիստն իր հետաքրքրությունը բացատրում էր անիմացիոն ֆիլմերի նկատմամբ:

Բրայանտի համար սգում է ոչ միայն մարզական համայնքը, այլեւ երաժշտական եւ կինոարդյունաբերական: Բրայանտի մասին իրենց հիշողությունները կիսեցին շատ ռեժիսորներ ու դերասաններ՝ Էդգար Ռայթը, Ջեֆրի Ռայթը, Շերը, Բոբ Այգերը, Սեֆդի եղբայրները, Թրեւոր Նոան, Էլեն Դեջեներիսը, Քիմ Քարդաշյանը, Բեն Սթիլերը, Բեն Աֆլեքը, Սամուել Լ. Ջեքսոնը, Ռիզ Ուիզերսփունը եւ ուրիշներ: Մարզիկի մասին խոսքերով սկսվել է «Գրեմմի» 62-րդ երաժշտական մրցանակաբաշխությունը, որը տեղի է ունեցել «Լոս Անջելես Լեյքերս» մարզադաշտում: Երգչուհի Ալիշիա Քիսը կատարել է “It’s So Hard to Say Goodbye” երգը ի հիշատակ Բրայանտի:

Շարունակել ընթերցումը

Կինոիրադարձություններ

Ամերիկյան կինոակադեմիան Լոս Անջելեսում հայտարարել է Օսկարի շաբաթ

Հրապարակվել է

«Օսկար» 92-րդ մրցանակաբաշխությանը նախորդող շաբաթ Կինեմատոգրաֆիական արվեստների և գիտությունների ակադեմիան կներկայացնի հանրային ծրագրերի շարք՝ նվիրված այս տարվա անվանակարգորդներին Անիմացիոն գեղարվեստական ֆիլմի, Վավերագրական գեղարվեստական ֆիլմի, Վավերագրական կարճամետրաժ ֆիլմի, Միջազգային գեղարվեստական ֆիլմի, Դիմահարդարման և սանրվածքի, ինչպես նաև Անիմացիոն և Խաղարկային կարճամետրաժ ֆիլմերի անվանակարգորդներին: Բոլոր միջոցառումները տեղի կունենան Բեվերլի Հիլզի Սեմյուել Գոլդվինի ակադեմիական թատրոնում:

Օսկարի շաբաթվա ժամանակացույցը հետեւյալն է՝

OSCAR WEEK: ՎԱՎԵՐԱԳՐԱԿԱՆ

Երեքշաբթի, փետրվարի 4, 19.00
Սեմյուել Գոլդվինի Թատրոն

OSCAR WEEK: ԿԱՐՃԱՄԵՏՐԱԺ

Չորեքշաբթի, փետրվարի 5, 19.00
Սեմյուել Գոլդվինի Թատրոն

OSCAR WEEK: ՄԻԺԱԶԳԱՅԻՆ ԳԵՂԱՐՎԵՍՏԱԿԱՆ ՖԻԼՄ

Հինգշաբթի, փետրվարի 6, 19.00
Սեմյուել Գոլդվինի Թատրոն

OSCAR WEEK: ԱՆԻՄԱՑԻԱ

Շաբաթ, փետրվարի 8, 10.00
Սեմյուել Գոլդվինի Թատրոն

OSCAR WEEK: ԴԻՄԱՀԱՐԴԱՐՄԱՆ և ՍԱՆՐՎԱԾՔԻ ՍԻՄՊՈԶԻՈՒՄ

Շաբաթ, փետրվարի 8, 15.00
Սեմյուել Գոլդվինի Թատրոն

Samuel Goldwyn Theater
8949 Wilshire Blvd.
Beverly Hills, CA 90211

Շարունակել ընթերցումը

Հեռուստատեսություն

Մկրտիչ Արզումանյանի մասնակցությամբ «Գոշա» սերիալը մեկնարկում է ռուսական հեռուստաալիքի եթերում

Մկրտիչ Արզումանյանը մարմնավորելու է ռուսական Միսթեր Բինին:

Հրապարակվել է

Հունվարի 25-ից ռուսական «Սուպեր» հեռուստաալիքով եթեր կհեռարձակվի «Գոշա» սուպեր նախագիծը՝ ռուսական Միսթր Բինի մասին: Սերիալի ռեժիսորն է Միխայիլ Միրոնովը, իսկ պրոդյուսերների աթոռներն են զբաղեցրել Ալեքսեյ Տրոցյուկը, Էդուարդ Իլոյանը, Միխայիլ Տկաչենկոն եւ Ռեզո Գիգինեիշվիլին: Սցենարը գրել է Սարգիս Մնոյանը, ում սցենարով նկարահանվել էր «Ուրիշի Փոխարեն» և հայ-ղազախական «Քայլ Ձիյով» կինոնկարները: Ամաչկոտ ժպիտով անշուք տղայի գլխավոր դերը բաժին է հասել Մկրտիչ Արզումանյանին:

(ավելին …)

Շարունակել ընթերցումը
Գովազդ
Գովազդ

Հարցում

Հունվարի ո՞ր ֆիլմն եք սպասում:

View Results

Loading ... Loading ...

Թրենդային