Connect with us

Կինոիրադարձություններ

Նյու Յորքի կինոփառատնում կցուցադրվի Փարաջանովի ֆիլմը

Հրապարակվել է

Նյու Յորքի 57-րդ միջազգային կինոփառատոնի (NYFF, սեպտեմբերի 27-ից հոկտեմբերի 13-ը) «Վերածնունդ» ծրագրում կցուցադրվի Հայաստանի ազգային կինոկենտրոնի և Fixafilm լեհական ընկերության շնորհիվ վերականգնված Սերգեյ Փարաջանովի «Հակոբ Հովնաթանյան» (1967թ․,10 րոպե) կարճամետրաժ ֆիլմը:

Փարաջանովյան կինոյի սիրահարները նյույորքյան փառատոնում հնարվորություն կունենան դիտելու Վարպետի երեք վավերագրական կարճամետրաժները՝ «Եռաֆիլմ» խորագրով․ «Հակոբ Հովնաթանյան» (1967թ․,10 րոպե), «Կիևյան որմնանկարներ» (1966թ․,20 ր․) և («Արաբանախշեր Փիրոսմանիի թեմաներով» (1986թ․,25 ր․):

Ընդամենևը մեկ տարվա ընթացքում վերականգնված «Հակոբ Հովնաթանյանը» հաջողությամբ ներկայացվել է միջազգային կինոփառատոներում, ֆորումներում, ինչպես նաև աշխարհի հայտնի թանգարաններում և պատկերասրահներում՝

1․ Թելուրիդի միջազգային կինոփառատոն, ԱՄՆ, 2018
2. ICA կարճամետրաժ ֆիլմերի կինոփառատոն, Լոնդոն, 2018
3. BOZAR արվեստի կենտրոն, Բրյուսել, 2018
4. Ռոտերդամի միջազգային կինոփառատոն, Նիդերլանդներ,
2019
5. Pera թանգարան, Ստամբուլ, 2019
6. Ազգային պատկերասրահ, Լոնդոն, 2019
7. Close Up կենտրոն , Լոնդոն, 2019
8. Մոսկվայի Տարկովսկու անվան կինոփառատոն, 2019

Նշենք, որ ֆիլմի նկատմամբ հետաքրքրություն դեռևս մեծ է, ստացվել են բազմաթիվ այլ հրավերներ, որոնք դեռևս քննարկման փուլում են:

Միացեք մեր Telegram ալիքին և առաջինը ստացեք մեր նորությունները
Շարունակել ընթերցումը
Գովազդ
Մեկնաբանություններ

Կինոիրադարձություններ

Երևանում մեկնարկել է Բրիտանական ֆիլմերի փառատոնը

Հրապարակվել է

Բրիտանական ֆիլմերի փառատոնը վերադառնում է Հայաստան տասնվեցերորդ անգամ՝ ներկայացնելու Միացյալ Թագավորության կինոարտադրության նորույթները: Փետրվարի 15-ին «Մոսկվա» կինոթատրոնում կայացել է փառատոնի բացման արարողությունը: Բացման ֆիլմ էր «Հուշանվերը»: Ջոանա Հոգի հեղինակած այս վերջին աշխատանքը նախորդ տարի «Սանդանս» կինոփառատոնում արժանացավ ժյուրիի կողմից լավագույն միջազգային ֆիլմ մրցանակին:

Փառատոնը Բրիտանական խորհրդի ամենաճանաչված ամենամյա միջոցառումներից մեկն է, որի միջոցով հայ հանդիսատեսին ցանկանում ենք ներկայացնել Միացյալ Թագավորության մշակույթն ու կենսակերպը, արժեքները, ֆիլմարտադրության վերջին զարգացումները, ինչպես նաև բարձրացնել ժամանակակից Բրիտանիայում քննարկվող սոցիալական և մշակութային հարցերը:  

Փառատոնի շրջանակում հանդիսատեսը հնարավորություն կունենա դիտել ինչպես հայտնի, այնպես էլ նորահայտ ռեժիսորների աշխատանքները, որոնք ներառում են տարբեր ժանրերի ստեղծագործություններ` կատակերգությունից մինչև վավերագրություն և դրամա: 

Այս տարի փառատոնի հատուկ հյուրն է Միաթյալ Թագավորությոն կինոքննադատ և գրող Իեն Հեյդն Սմիթը: Կրթական և մշակութային կենտրոնների հետ համագործակցությամբ փորձագետը ՄԹ կինոարտադրության ժամանակակից միտումները թեմայով քննարկումներ կանցկացնի Երևանի թատրոնի և կինոյի պետական ինստիտուտի, Հայ-Ռուսական համալսարանի և Խաչատուր Աբովյանի անվան հայկական պետական մանկավարժական համալսարանի ուսանողների հետ:

Ներկայացվելու է Կինոյի և հեռուստատեսային արվեստի բրիտանական ակադեմիայի (ԲԱՖՏԱ)՝ EE ընկերության կողմից հովանավորվող ամենամյա մրցանակաբաշխության Բրիտանական կարճամետրաժ կինոնկարների և Բրիտանական կարճամետրաժ անիմացիոն ֆիլմերի անվանակարգերում առաջադրված ֆիլմերի ծրագիրը, որում հանդես են գալիս նորարարական և փորձարարական կարճամետրաժ գեղարվեստական և ոչ գեղարվեստական կինոֆիլմեր և անիմացիոն ֆիլմեր:

Այս ծրագրում ներառված են ԲԱՖՏԱ-ի մրցանակին արժանացած և թեկնածու բոլոր վերջին կարճամետրաժ ֆիլմերը: Դրանք ներկայացնում են պատմություններ, որոնց միջոցով երևան են հանվում բրիտանական հասարակության ընդգրկուն բազմազանությունն ու կինոտեխնիկայի համաշխարհային մակարդակի հմտությունները, ինչպես նաև պատկերում են մեր ամենաշնորհալի դերասաններին: Այս ծրագիրը հիանալի փաթեթ է, որը միջազգային լսարանին հնարավորություն է տալիս ի ցույց դնելու Միացյալ Թագավորության՝ համաշխարհային որակի կարճամետրաժ ֆիլմերի արտադրության շարունակական ավանդույթները:

Փառատոնի ծրագիրը ներկայացված է Բրիտանական խորհրդի կայքում: Ֆիլմերը մեծահասակների համար են։ Կինոփառատոնի ցուցադրությունները այնուհետև կշարունակվեն մինչև փետրվարի 21-ը: Հիմնական ծրագիրը ցուցադրվելու է բնօրինակով, ռուսերեն ենթագրերով: Կինոյի և հեռուստատեսային արվեստի բրիտանական ակադեմիայի (BAFTA) շրջիկ ծրագիրը ցուցադրվելու է բնօրինակով, հայերեն ենթագրերով Բոլոր ցուցադրությունների մուտքն ազատ է հանդիսատեսի համար, դահլիճները մատչելի են նաև սայլակ օգտագործողների համար։

Շարունակել ընթերցումը

Կինոիրադարձություններ

Երևանի կարճամետրաժ ֆիլմերի միջազգային կինոփառատոնը սկսել է հայտերի ընդունելությունը

Հրապարակվել է

«Հայկական կինոյի ինդուստրիալ զարգացման» մշակութային հիմնադրամի նախաձեռնությամբ հունիսի 19-23-ը կանցկացվի Երևանի կարճամետրաժ ֆիլմերի 3-րդ միջազգային կինոփառատոնը: Հայտերի ընդունման վերջնաժամկետը՝ ապրիլի 5: Հայտերը ընդունվում են FilmFreeway կայքի միջոցով:

Փառատոնի նպատակն է` նպաստել նոր կինոսերնդի ձևավորմանը, օժանդակել երիտասարդ ստեղծագործողներին գտնելու իրենց տեղը ժամանակակից կինոյում, ամրապնդել կապը Հայաստանի և օտարերկյա կինոգործիչների միջև, խթանել փորձի փոխանակմանը:

Փառատոնը բաղկացած է՝ միջազգային և ազգային ֆիլմերի մրցութային ծրագրերից, մրցանակներ կշնորհվի 10 անվանակարգերում: Երևանյան հանդիսատեսին հնարավորություն կընձեռվի դիտելու հեղինակավոր միջազգային կինոփառատոների մրցանակակիր կարճամետրաժ կինոնկարները:

Փառատոնի ֆիլմերի ցուցադրությունների և վարպետության դասերի մուտքն ազատ է:

Շարունակել ընթերցումը

Կինոիրադարձություններ

Սեզարը վտանգված է` ֆրանսիական կինոմրցանակի տնօրինությունը հրաժարական է տվել

Հրապարակվել է

Փետրվարի 13-ին հայտնի է դարձել, որ ֆրանսիական կինոմրցանակի ղեկավարությունը ողջ կազմով հրաժարական է տվել: Դա տեղի է ունեցել մրցանակի հանձնման արարողությունից երկու շաբաթ առաջ, որը պետք է տեղի ունենա փետրվարի 28-ին Փարիզում: Նման արմատական քայլի պատճառ են դարձել այն մեղադրանքները, որոնք ստացվել են Կինեմատոգրաֆի արվեստների եւ տեխնոլոգիաների ակադեմիայի կառավարման հասցեին, որը պարգեւ է շնորհում:

Le Monde թերթի կայքում հրապարակվել է 400 ակադեմիկոսների կողմից ստորագրված նամակը, որով նրանք քննադատում են ակադեմիայի ղեկավարությանը: Դժգոհություն է առաջացնում ակադեմիայի շարքային անդամների մոտ (մոտ 4,7 հազար մարդ) կարեւոր որոշումներ կայացնելիս ձայնի իրավունքի բացակայությունը, ինչպես նաեւ դրամական միջոցների ծախսման եւ Ֆիլմերի առաջխաղացման ասոցիացիային անդամակցելու համակարգի վերաբերյալ հարցեր կան:

Իրավիճակը նաեւ ակտիվացել է ֆեմինիստական կազմակերպությունների կողմից, որոնք վրդովված են, որ Ռոման Պոլանսկու «Սպան եւ լրտեսը» ֆիլմը առաջադրվում է Սեզարի 12 անվանակարգերում: Հայտնի ռեժիսորն արդեն վաղուց ֆեմինիստուհիների թիրախում է կանանց նկատմամբ բռնության մեղադրանքների պատճառով: Դեռ մինչեւ մրցանակաբաշխության տնօրինության հրաժարականը կոչեր էին հնչում՝ բոյկոտել արարողությունը:

«Որպեսզի հարգեն բոլոր նրանց, ովքեր ֆիլմ են պատրաստել 2019 թվականին, որպեսզի վերականգնեն հանգստությունը եւ այնպես անեն, որ կինոյի այս տոնը, այնուամենայնիվ, տոն մնա, վարչակազմը որոշում է կայացրել պաշտոնաթող լինել: Այս կոլեկտիվ հրաժարականը թույլ կտա իրականացնել ղեկավարության ամբողջական թարմացում», — նշվում է Սեզար մրցանակի տնօրինության հրապարակված հայտարարության մեջ:

Շարունակել ընթերցումը
Գովազդ
Գովազդ

Հարցում

Հունվարի ո՞ր ֆիլմն եք սպասում:

View Results

Loading ... Loading ...

Թրենդային

Copyright © 2019-2020 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: