ամն , ,

«Ոսկե ծիրանն» բացահայտել է փոփոխված լոգոն

«Ոսկե ծիրան» 16-րդ միջազգային փառատոնն այս տարի կմեկնարկի հուլիսի 7-ին եւ կտեւի մինչեւ հուլիսի 14-ը եւ կինոսերներին կներկայանա նորովի: Սերնդափոխությունն իր հետ բերել է մի շարք փոփոխություններ: Այսօր` մայիսի 10-ին կայացած ասուլիսի ժամանակ փառատոնի կազմը ներկայացրեց այս տարվա «Ոսկե ծիրանի» տարբերանշանը, որը զգալի փոփոխություն էր կրել:

Նոր տարբերանշանի հեղինակն է դիզայներ Վիլիամ Կարապետյանը: «Նոր տարբերանշանը խորհրդանշում է հայերեն «Ծ» տառը: Ցանկացել ենք ստանալ մինիմալիստական լուծումներով մի բան: Չնայած ծիրանը պատկերվում է օվալաձև, նույնացնելով տեսախցիկի օբյեկտիվի հետ, մենք տվեցինք իդեալական կլորի ձև»,- տեսաձայնային կապի միջոցով մեկնաբանեց դրա կոնցեպտն ու նշանակությունը դիզայները:

«Ոսկե ծիրան» փառատոնի տնօրեն Հասմիկ Հովհաննիսյանն էլ նշեց, որ անակնկալներն այս տարի շատ են, սակայն դրանք դեռ չեն բացահայտի. «Կունենանք միջազգային լիամետրաժ ֆիլմերի մրցույթ, կարճամետրաժ ֆիլմերի տարածաշրջանային մրցույթ եւ արտամրցութային` ռեգիոնալ համայնապատկեր ծրագիր:

Այս տարի փառատոնի շրջանակում կունենանք նաեւ կրթական ծրագրեր, ընտրել ենք 15 նախագիծ, որոնք 4-օրյա դասընթացների շրջանակում կներկայացվեն: Զարգացման գործըթացին կմասնակցեն հրավիրված մասնագետներ»: Փառատոնի հայտագրումն արդեն մեկնարկել է: Կազմակերպիչների խոսքով` մինչ օրս ստացել են 740 եւ ավելի ֆիլմ, որոնց մի մասը տեղ կգտնեն փառատոնի շրջանակում:

Ինչ վերաբերում է «Ոսկե ծիրան»-ի հիմնադիր-տնօրեն Հարություն Խաչատրյանին՝ Հովհաննիսյանի խոսքով՝ թե նա, թե փառտոնի մյուս կազմը շարունակում են աշխատել կինոփառատոնի շրջանակում եւ աջակցել իրենց խորհուրդներով:

Ի՞նչ եք կարծում

0 points
Upvote Downvote

Հեղինակ՝ Սերգեյ Հովսեփյան

Գլխավոր խմբագիր: 2017 թվականին ավարտել եմ Սլավոնական համալսարանի ռեժիսուրայի բաժինը: Նույն ժամանակ ընդունվել եմ ՎԳԻԿ-ի պրոդյուսերական ֆակուլտետ: Աշխատել եմ «Նաիրի» կինոթատրոնում և տարբեր ռուսական կնոփառատոններում:

Դիտարկումները

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Բեռնել եւ hellip;

Բեռնել եւ hellip;

0

Comments

0 comments

Marvel-ը պլանավորում է «Նովա» տիեզերական բլոկբաստերը

Սթենլի Կուբրիկի չիրացված սցենարով մինի-սերիալ կնկարահանվի