Connect with us

Կինոիրադարձություններ

Հայտնի են Օսկար 2020-ի առաջին մրցանակակիրների անունները

Հրապարակվել է

Ամերիկյան կինոակադեմիան՝ ի դեմս նրա կառավարիչների խորհրդի, ներկայացրել է պատվավոր «Օսկար 2020»-ի դափնեկիրներին: Ինչպես հաղորդվում է պաշտոնական մամլո հաղորդագրության մեջ, դափնեկիրներ են դարձել հոլիվուդյան հայտնի դերասաններ Ջինա Դեւիսը եւ Ուես Ստադին, ռեժիսոր Դեւիդ Լինչը, ինչպես նաեւ սցենարիստ եւ ռեժիսոր Լինա Վերտմյուլերը:

«Ամեն տարի Ակադեմիայի կողմից շնորհվող Governors Awards այս պարգեւները ճանաչում են այն մարդկանց, ովքեր իրենց կյանքը նվիրել են գեղարվեստական նվաճումներին եւ նշանակալի ներդրում են ունեցել մեր արդյունաբերության եւ նրա սահմաններից դուրս», — ասել է Ակադեմիայի նախագահ Ջոն Բեյլին: «Մեծ հաճույքով ենք հայտարարում այս տարվա մրցանակակիրներին»:

Նշենք, որ Ջինա Դեւիսը երկու անգամ առաջադրվել է «Օսկարի» եւ 1989 թվականին ոսկե արձանիկ է ստացել «Ակամա զբոսաշրջիկ» դրամայի համար: Վերտմյուլերը դարձել է առաջին կին ռեժիսորը, որն արժանացել է Ամերիկյան կինոակադեմիայի մրցանակի: Դա տեղի է ունեցել 1976 թվականին: Դեւիդ Լինչը չորս անգամ հավակնում էր «Օսկարի», բայց այդպես էլ մրցանակի չի արժանացել:

Պատվավոր մրցանակների հանձնման արարողությունը տեղի կունենա 2019 թվականի հոկտեմբերի 27-ին: «Օսկար 2020»-ի հիմնական արարողություը նախատեսված է 2020 թվականի փետրվարին: Ամենայն հավանականությամբ, արարողությունը կրկին կանցնի առանց հաղորդավարի, ինչպես դա տեղի է ունեցել մեկ տարի առաջ:

Կինոիրադարձություններ

Վենետիկի կինոփառատոնը կկրճատի ծրագիրը կորոնավիրուսի պատճառով

Ստուգատեսը կընթանա հիբրիդային ձևաչափով՝ կենտրոնանալով օֆլայն ցուցադրությունների վրա:

Հրապարակվել է

Վենետիկի միջազգային կինոփառատոնը հաստատել է, որ պատրաստվում է նախանշված ցուցադրություններն ու միջոցառումները անցկացնել սեպտեմբերի 2-12-ը: Այս տարի ժյուրին կգլխավորի ավստրալացի դերասանուհի Քեյթ Բլանշետը:

Ընդ որում, կազմակերպիչները հայտարարում են, որ ստիպված կկրճատվի պաշտոնական ընտրության ֆիլմերի քանակը, ծրագրերի մի մասը կտեղափոխեն վիրտուալ տարածք կամ այլ հարթակներ: Մասնավորապես, «Վենետիկյան դասական» ծրագիրը, որի շրջանակներում սովորաբար տեղի է ունենում վերականգնված կինոժապավենի ցուցադրությունը, այս անգամ կանցկացվի Cineteca di Bologna կինոփառատոնի շրջանակներում օգոստոսի 25-31-ը Էմիլիան քաղաքում:

Փառատոնի գլխավոր մրցույթը, արտամրցութային ծրագիրը և «Հորիզոններ» ծրագիրը նախատեսվում են ավանդական ձևաչափով: Ցուցադրությունները տեղի կունենան կինոթատրոններում, որտեղ դրանք անցկացվել են նախորդ տարիներին: Իսկ ահա Վենեցիա Վիրտուալ իրականություն մրցութային ծրագիրը կանցնի առցանց: «Սկոֆինի» բաժինը (արտհաուս, փորձարարական և ժանրային կինո, սերիալներ) կչեղարկվի:

Կինոյի այն գործիչներին, ովքեր տեղաշարժման սահմանափակումների պատճառով չեն կարողանա անձամբ այցելել փառատոնը և նրա միջոցառումները, կատարվող իրադարձություններին կմիացնեն համացանցի միջոցով:

Շարունակել ընթերցումը

Կինոիրադարձություններ

Արտդոկֆեստը հայտարարել է դրամաշնորհների մասին իր փիթչինգի եզրափակիչի համար

Artdocfest / Riga 2020-ը չորրորդ անգամ տեղի կունենա Ռիգայում (Լատվիա):

Հրապարակվել է

Հունիսի 30-ին հայտնի դարձավ, որ Artdocfest / Riga IV փիթչինգը, որն անցնում է Baltic Sea Forum for Documentaries-ի հետ համագործակցությամբ, տեղի կունենա առցանց: Փիթչինգի ամսաթվերը մնում են անփոփոխ. նստաշրջանները կկայանան սեպտեմբերի 3-ից 4-ը: Նախկին ԽՍՀՄ երկրների հեղինակներից մինչեւ 10 նախագիծ է թույլատրվելու մասնակցել:

Եզրափակչի մասնակիցները կմասնակցեն Baltic Sea Forum for Documentaries առցանց միջոցառումներին, ինչպես նաև դրամաշնորհներ կստանան Մոսկվայում IDFF Artdocfest / Riga կամ Արտդոկֆեստի փառատոնին մասնակցելու համար:

Դրամաշնորհը կներառի

  • տրանսֆեր դեպի Մոսկվա կամ Ռիգա (կախված ֆինալիստի բնակության վայրից);
  • եռօրյա կացություն Մոսկվայում կամ Ռիգայում;
  • փառատոնի հավատարմագրում («մասնակից» կարգում);
  • հատուկ աջակցություն ընտրված նախագծերի հետ անմիջականորեն աշխատող տյուտորներին;

Փիթչինգի մասնակցության հայտերն ընդունվում են առցանց մինչև հուլիսի 15-ը: Ընտրության արդյունքները հանրությանը հայտնի կդառնան 2020 թվականի օգոստոսի 10-ին:

Լավագույն նախագիծը կպարգևատրվի Artdocfest / Riga դիպլոմով և դրամական մրցանակով:

Շարունակել ընթերցումը

Կինոիրադարձություններ

Կաննի փառատոնը ներկայացրել է Սինեֆոնդասիոն ծրագիրը

Հրապարակվել է

Հուլիսի 2-ին Կաննի փառատոնը ներկայացրեց Սինեֆոնդասիոն սեկցիայի ծրագիրը: Ավանդաբար ստուգատեսի այս մասը նվիրված է ուսանողական կինոյին եւ ներառում է կինոադպրոցի սովորողների նկարահանած ժապավենները:

Այս տարի ծրագրում ընդգրկվել է 17 ֆիլմ՝ 13 խաղարկային եւ 4 անիմացիոն՝ 14 երկրներից՝ Մեծ Բրիտանիայից, Իսրայելից, Արգենտինայից, Հունգարիայից, Ռումինիայից, Հնդկաստանից, Շվեյցարիայից, ԱՄՆ-ից, Հարավային Կորեայից, Ֆրանսիայից, Լեհաստանից, Պորտուգալիայից, Գերմանիայից եւ Սլովենիայից: Ցուցակում հայ մասնակիցներ չկան:

Սինեֆոնդասիոն 23 մրցույթը նվիրված է Դեյվիդ Քեսլերի հիշատակին (1959-2020), որը երկար տարիներ աջակցել է այս սեկցիային:

Սինեֆոնդասիոն բաժնի ծրագիր

«Neurim» (Իսրայել, Թել Ավիվի համալսարանի Կինոյի եւ հեռուստատեսության դպրոց), ռեժիսոր Shaylee Atary

«Pile» (Մեծ Բրիտանիա, արվեստի թագավորական քոլեջ), ռեժիսոր Toby Auberg

«Muralla China» / «Chinese Wall» (Արգենտինա, կինոյի համալսարան), ռեժիսոր Santiago Barzi

«Agape» (Հունգարիա, Բուդապեշտի քաղաքային համալսարան), ռեժիսոր Márk Beleznai

«Сontraindicatii» / «Contraindications» (Ռումինիա, թատրոնի և կինոյի ազգային համալսարան «Ի. Լ. Կարաջալե»), ռեժիսոր Lucia Chicos

«Tamou» (Իսրայել, Բեցալելի անվան արվեստի և դիզայնի ակադեմիա), ռեժիսոր Tzor Edery

«Catdog» (Հնդկաստան, Հնդկաստանի կինոյի եւ հեռուստատեսության ինստիտուտ), ռեժիսոր Ashmita Guha Neogi

«Le chant de l’oiseau» / «Bird’s Song» (Շվեյցարիա, Ժնեւի արվեստի եւ դիզայնի բարձրագույն դպրոց), ռեժիսոր Sarah Imsand

«Nihče ni rekel, da te moram imeti rad» / « Nobody Said I Have to Love You» (Սլովենիա, UL AGRFT), ռեժիսոր Matjaž Jamnik

«Taipei suicide story» (ԱՄՆ, Նյու Յորքի Տիշ արվեստի դպրոց), ռեժիսոր KEFF

«Seonginsik» / «Twenty» (Հարավային Կորեա, Soongsil համալսարան), ռեժիսոր Kim Min-Ju

«Carcass» (Ֆրանսիա, La Fémis), ռեժիսոր Timothée Maubrey

«Ja i moja gruba dupa» / «My Fat Arse and I» (Լեհաստան, Լոձի ազգային կինոդպրոց), ռեժիսոր Yelyzaveta Pysmak

«Corte» (Պորտուգալիա, թատրոնի և կինոյի բարձրագույն դպրոց), ռեժիսոր Afonso & Bernardo Rapazote

«I want to return return return» (Գերմանիա, DFFB), ռեժիսոր Elsa Rosengren

«En avant» / «When We Leave» (Ֆրանսիա, La Poudrière), ռեժիսոր Mitchelle Tamariz

«dou zeoi gu si» / «The Last Ferry from Grass Island» (ԱՄՆ, Նյու Յորքի Տիշ արվեստի դպրոց), ռեժիսոր Zhang Linhan

Շարունակել ընթերցումը

Միացեք մեզ

Գովազդ

ԿինոՊրես Telegram

Գովազդ

Հարցում

Թրենդային

Copyright © 2019-2020 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: