Connect with us

Կինոարտադրություն

Պատրաստվում է ֆիլմ «Արարատի» լեգենդար հաղթանակի մասին

Հրապարակվել է

«AP Cinemа» ընկերության պրոդյուսեր Վալերի Սահարյանը Radio Van-ի հետ զրուցել է սպասվող ֆիլմի մասին, որի արտադրական անվանում է «Ոսկե դուբլ»: Ֆիլմը պատմելու է 1973 թվականին ԽՍՀՄ գավաթի եզրափակիչում «Արարատի» լեգենդար հաղթանակի մասին: Ինչպես նշում է պրոդյուսերը ֆիլմը դեռ զարգացման փուլում է:

Սահարյանի խոսքով «Արարատ» ֆուտբոլային ակումբի անդամները մասնակցում են ֆիլմի արտադրության մեջ, նրանք ներգրավված են որպես խորհրդատուներ: Ֆիլմի զարգացման համար նկարահանվել է ավելի քան 50 ժամ հարցազրույց:

Կինոնկարը լինելու է հայ-ռուսական համատեղ արտադրություն: Ռեժիսորը դեռ ընտրված չէ, սակայն հայտնի է որ ֆիլմի հանդեպ հետաքրքրվածություն ունեն երկու ռուս կինոգործիչ: Սցենարը արդեն պատրաստ է՝ հեղինակներն են Էդուարդ Այանյանը, ով գրել է «Ֆա» ֆիլմի սցենարը, որը կազմում է «Մեր երազանքի ճանապարհը» ֆիլմի մաս և Ռաֆֆի Զաքարյանը:

Նկարահանումները տեղի են ունենալու Ռուսաստանում՝ «Լուժնիկի» մարզադաշտում և Հայաստանում՝ «Հրազդան» մարզադաշտում: Քասթինգը անցկացվելու է Հայաստանում, Ուկրաինայում և Ռուսաստանում: Նկարահանումների մեկնարկը նախատեսված է 2020 թվականի ամռանը: Թողարկումը ամենալավ կանխատեսումներով կինոնկարը լույս կտեսնի 2022 թվականին, ամենաուշը 2023 թվականի աշնանը:

Ֆիլմի բյուջեն կազմում է մոտ 9 միլիոն դոլար:

Իրական իրադարձությունների վրա հիմնված ֆիլմը թույլ կտա հանդիսատեսին ընկղմվել 1970-ականների մթնոլորտի մեջ, հետևել անզիջում ֆուտբոլային պայքարի վայրիվերումներին, ծանոթանալ խորհրդային սպորտի ստվերային կողմին, դրամատիկ պահեր ապրել հերոսների՝ ֆուտբոլային կուռքեր Նիկիտա Սիմոնյանի, Արկադի Անդրեասյանի, Լևոն Իշտոյանի և մյուսների հետ։

Դժվար է գտնել մի հայի, որը լսած չլինի «Արարատի» մասին: 45 տարիների ընթացքում այս թիմին շարունակել են սիրել, հպարտանալ 1973 թվականին մեծ հաղթանակները կերտած ֆուտբոլիստներով: Հենց նրանք են, որ ֆուտբոլը Հայաստանում և ԽՍՀՄ-ում բարձրացրին մի նոր մակարդակի վրա ու հավերժացան «Արարատ-73» անունով:

Միացեք մեր Telegram ալիքին և առաջինը ստացեք մեր նորությունները
Շարունակել ընթերցումը
Գովազդ
Մեկնաբանություններ

Կինոարտադրություն

Պարզ են 2020 թվականի պետական ֆինանսավորման առաջին մրցույթում հաստատված ֆիլմերի նախագծերը

Հրապարակվել է

Հայաստանի Ազգային Կինոկենտրոնը հրապարակել է 2020 թվականի պետական ֆինանսավորման առաջին մրցույթում հաստատված լիամետրաժ և կարճամետրաժ ֆիլմերի ցանկը:

2020 թվականի առաջին մրցույթի Վերջնական գնահատման փուլի արդյունքում ֆինանսավորում հատկացվել է 10 լիամետրաժ նախագծի, այդ թվում՝ Զարգացման փուլի՝ 3, Արտադրական փուլի՝ 4 (որից համաձայնագիր՝ 4), Հետարտադրական փուլի՝ 2, Տարածման փուլի՝ 1:

Այսպիսով ակնկալվում է, որ 2020 թվականին հայկական վարձույթում կներկայացվի Արման Նշանյանի «Սողոմոնի երգերը» խաղարկային ֆիլմը:

Կարճամետրաժ նախագծերից հաստատվել է 5 ֆիլմի նախագիծ, այդթվում՝ խաղարկային՝ 2, անիմացիոն՝ 3: Հարկ է նշել, որ 3D-ն տվյալ պարագայում ենթադրում է անիմացիոն տեխնոլոգիա, այլ ոչ թե ցուցադրման ձևաչափ:

Ընդհանուր հաշվով Կինոկենտրոնը հատկացրել է 72 074 000 դրամի պետական աջակցություն, որից 24 149 000 դրամ լիամետրաժ կինոյի համար և 47 925 000 դրամ կարճամետրաժ կինոյի համար:

Շարունակել ընթերցումը

Կինոարտադրություն

Կինոկենտրոնը ներկայացրել է 2019-2020 թթ. ֆիլմերի շոուրիլը. բացառիկ կադրեր «Զուլալի» և «Չնչիկ» ֆիլմերից

Հրապարակվել է

Հայաստանի Ազգային Կինոկենտրոնը մասնակցում է Բեռլինի միջազգային կինոփառատոնի շրջանակներում գործող Եվրոպական կինոշուկայում, որի համար պատրաստել է հատուկ շոուրիլ: Տեսանյութում կարող եք տեսնել արդադրության շրջանում գտնվող ֆիլմերի բացառիկ կադրեր:

Ինչպես տեղեկացրել է Կինոկենտրոնը՝ Եվրոպական կինոշուկայում կներկայացվի հայկական արտադրության 50 կինոնկար: Տեսահոլովակում ներկայացվում են Նարինե Աբգարյանի «Զուլալի» համանուն վեպի էկրանավորման, Արամ Շահբազյանի «Չնչիկ» ֆիլմի արտադրական կադրերը:

Հայաստանն առաջին անգամ իր առանձին տաղավարով փետրվարի 20-27-ը պաշտոնապես  կներկայանա Բեռլինի միջազգային կինոփառատոնի շրջանակում գործող Եվրոպական կինոշուկայում (EFM – European Film Market):

Շարունակել ընթերցումը

Կինոարտադրություն

Բրեդլի Քուփերը կխաղա Bee Gees խմբի մասին բայոպիկում

Հրապարակվել է

«Օսկար» մրցանակի թեկնածու Բրեդլի Քուփերը պատրաստվում է մարմնավորել Bee Gees խմբի մենակատար Բարրի Գիբբին: Կենսագրական ժապավենի պրոդյուսերական կազմում է նաև Սթիվեն Սփիլբերգը:

Նախագիծը ղեկավարում է «Օսկարի» դափնեկիր Գրեմ Քինգը («Բոհեմական ռապսոդիա»): Սցենարը կգրի Էնթոնի Մաքքարթենը:

Ֆիլմը կպատմի երեք եղբայրների՝ Բարիի, Մորիսի և Էնդի Գիբբերի պատմությունը, որոնք ձևավորել են Bee Gees խումբը: Միասին նրանք ձայնագրել են պատմության մեջ ամենավաճառվող ալբոմ-սաունդթրեքը՝ Saturday Night Fever-ը, և իրենց գլխավոր երգերից մեկը՝ Stayin Alive-ը:

Վերջերս Քուփերը խաղացել է «Աստղը ծնվել է» երաժշտական դրամայի ռիմեյքում: Զուգահեռաբար դերասանը պատրաստվում է կոմպոզիտոր Լեոնարդ Բերնշտեյնի դերին բայոպիկում, որը նա ինքն է բեմադրում:

Շարունակել ընթերցումը
Գովազդ
Գովազդ

Հարցում

Հունվարի ո՞ր ֆիլմն եք սպասում:

View Results

Loading ... Loading ...

Թրենդային

Copyright © 2019-2020 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: