Connect with us

Կինոարտադրություն

Ռեժիսորներն ընդդեմ Կինոկենտրոնի. Ֆիլմարտադրողների Համահայկական Ֆեդերացիայի հայտարարությունը

Ֆիլմարտադրողների Համահայկական Ֆեդերացիան (ՖԱՀՖ) անընդունելի է համարում Ազգային կինոկենտրոնի կողմից հերթական «ժամանակավոր» կանոնակարգի հապճեպ ընդունման փորձը։

Հրապարակվել է

«Կինոարտադրողների ֆեդերացիա» նախաձեռնությունը, դժգոհելով Ազգային կինոկնետրոնի գործունեությունից, առաջարկում է կառավարությանը կից Կինեմատոգրաֆիայի գործակալություն հիմնել: Դժգոհ են կառավարման հին մոդելից, առաջարկում են նորը:

© Առաջին ալիք

2017թ-ի հուլիսին ՀՀ Մշակույթի նախարար Լ․ Մակունցի «Ֆիլմի նախագծերի Մրցույթների անցկացման և ֆինանսավորման մասնագիտական հանձնաժողով ստեղծելու և դրա անհատական կազմը հաստատելու մասին» հրամանով մշակված Կանոնակարգը, պետական հանձնաժողովի կազմն ու աշխատանքը կինեմատոգրաֆիական շրջանակներում դժգոհության մեծ ալիք բարձրացրեցին։ ՖԱՀՖ-ը տարածեց Հայտարարություն, որում անվստահություն հայտնեց հանձնաժողովին։ Հետագայում մշակույթի նախարարի հրավիրված միջգերատեսչական հանձնաժողովը արձանագրեց, որ կանոնակարգի կետերից մեկը, որով հանձնաժողովը մերժել էր վեց կինոնախագծեր, չէր կարող տարածվել այդ Հայտերի վրա։

Ազգային կինոկենտրոնը, չսպասելով հանձնաժողովի աշխատանքների ավարտին, նախաձեռնեց նոր կանոնակարգի մշակման գործընթաց և հրավիրեց կինոոլորտի փորձագետների, այդ թվում ՖԱՀՖ-ը ներկայացնող փորձագետի։ Չնայած փորձագետների կողմից կատարված մեծածավալ աշխատանքի, կանոնակարգի մշակված տարբերակը, ցավոք, դեռևս թերի է և անընդունելի՝ մի շարք չհստակեցված, վիճահարույց կետերի առկայության պատճառով։ Այդուհանդերձ, կինոկետրոնը, հիմք ընդունելով 2018թ-ի վերջին օրերին կինոհամայնքի փոքր մասի հետ հապճեպ անցկացված երկու հանդիպումները, դեկտեմբերի 28-ին փորձագետներին է ուղարկել կանոնակարգը՝ որպես քննարկումների արդյունքում ստեղծված տարբերակ։

ՖԱՀՖ-ը, որպես Կանոնակարգի ստեղծման վրա մեծ ծավալի աշխատանք կատարած կառույց, համարում է կինոկենտրոնի նոր կանոնակարգի մի շարք կետեր անընդունելի և վտանգավոր։

ՖԱՀՖ-ը մտահոգիչ է համարում, որ Կանոնակարգը կինոկենտրոնի տնօրենին տալիս է ձայնի իրավունքով անկախ փորձագետների հետ կինոնախագծերի հայտերը գնահատելու գործընթացին մասնակցելու, նրանց որոշումների վրա ազդելու կամ ուղղորդելու հնարավորություն։

ՖԱՀՖ-ը վստահ է, որ կանոնակարգի այս «հերթական» տարբերակը չի նպաստելու լավագույն կինոնախագծերի թափանցիկ ընտրությանը և հնարավորություն է տալու կինոկենտրոնին օգտագործել կանոնակարգը որպես գործիք՝ անցանկալի կինոարտադրողների նախագծերը արգելափակելու համար, ինչի հիմքերը Կանոնակարգում առկա են, իսկ նախադեպերը հայտնի։

ՖԱՀՖ-ը ափսոսանք է հայտնում, որ Կանոնակարգի վիճահարույց կետերի հանդեպ մեր փորձագետի հնչեցրած անհամաձայնությունը և առաջարկները անտեսվել են։

ՖԱՖՀ-ը համոզված է, որ Պետական բյուջեով կինեմատոգրաֆին հատկացող գումարի փոքր մասին՝ Ֆիլմերի ֆինանսավորման 274 մլն դրամին անդրադարձող այս Կանոնակարգը, ընդամենը շղարշ է՝ կինոյի կառավարումը երկու ՊՈԱԿ-ների, կամայական ՀԿ-ների, ՍՊԸ-ների միջոցով իրականացնելու արատավոր համակարգի գոյությունը ևս մեկ տարի երկարաձգելու համար։

ՖԱՀՖ-ը պնդում է, որ կառուցվածքային փոփոխությունների և պետական կառավարման օպտիմալիզացման այս շրջանում, նոր կանոնակարգի ընդունումը միայն դանդաղեցնելու է կինոյի կառավարման բարեփոխումների ընթացքը, արհեստակնորեն երկարաձգելու է հին համակարգի գոյությունը և կոչ է անում կինոհամայնքին՝ չնպաստել կանոնակարգի ընդունմանը։

ՖԱՀՖ-ը կոչ է անում ՀՀ Կառավարությանը օր առաջ ձեռնմուխ լինել կինոյի կառավարման մոդելի պարզեցմանը։ Մասնավորապես՝ Կինոյի պետական կառավարումը միևնույն գործառույթներն ունեցող մշակույթի նախարարության, երկու ՊՈԱԿ-ների, այլ կառույցների միջոցով իրականացնելու փոխարեն ստեղծել կառավարությանը առընթեր մեկ պետական կառույց՝ կինոյի ազգային գործակալություն կամ Կինոյի հիմնադրամ, ինչի դրական փորձը առկա է նախկին խորհրդային և Արևելյան եվրոպայի բազմաթիվ երկրներում, և ինչի շնորհիվ այդ երկրները կինոյի ոլորտում էական առաջընթաց են գրանցել։

ՖԱՀՖ-ը անելու է առավելագույնը, որպեսզի Հայաստանում տեղի ունեցող բարեփոխումները հասնեն կինոարտադրության ոլորտ և պատրաստ է ցուցաբերել փորձագիտական, տեղեկատվական, մասնագետների տրամադրման և այլ աջակցություն՝ Հայաստանում արդյունավետ, մրցունակ և շահութաբեր կինոարտադրության հիմքեր ստեղծելու համար։

Հայտարարությունը ընդունված է ՖԱՀՖ բոլոր անդամների կողմից։

Միացեք մեր Telegram ալիքին և առաջինը ստացեք մեր նորությունները
Շարունակել ընթերցումը
Գովազդ
Մեկնաբանություններ

Կինոարտադրություն

Academy Films-ը աջակցում է ուսանողական նախագծերին. մանրամասներ

Հրապարակվել է

Academy Films («Աքեդեմի Ֆիլմզ») ֆիլմարտադրող ընկերությունը «Դեպի կինո» երիտասարդական ծրագրի շրջանակում ընդունում է Երեվանի Թատրոնի եվ Կինոյի Պետական Ինստիտուտի ուսանողների կողմից իրականացվող խաղարկային եւ վավերագրական նախագծերի գաղափարներ։

Ընտրված նախագծերի հեղինակներին ընկերությունն աջակցում է դրամաշնորհների միջոցով ֆինանսավորում գտնելու գործընթացում։

Նախագծերն ընտրվելու են հետևյալ փուլերով՝

  1. -ին փուլի համար հետաքրքրված ուսանողները ինքնակենսագրականը եւ նախագծի կարճ նկարագրությունն ուղարկել info@academyfilms.tv հասցեին,
  2. -րդ փուլում ընտրված մասնակիցներն աշխատելու ֆիլմ փաթեթի զարգացման վրա,
  3. -րդ փուլում ներկայացնելու են նախագծերը փիթչինգի տեսքով,
  4. -րդ փուլում դիմելու են համապատասխան դրամաշնորհի:

Դիմելու վերջնաժամկետն է փետրվարի 20-ը: Հիշեցնենցք, որ Academy Films-ը մեկնարկում է կինոդրամատուրգիայի դասերի շարք, որը կվարի սցենարիստ, պրոդյուսեր Արմեն Գրիգորյանը։

Շարունակել ընթերցումը

Կինոարտադրություն

Warner Bros. պատրաստում է անիմացիոն «Մահացու պայքար»

Հրապարակվել է

Warner Bros. ստուդիա հայտարարել է «Մահացու պայքար. Կարիճի վրեժը» (Mortal Kombat: Scorpion’s Revenge) մուլտֆիլմը: Էկրաններին նախագծի թողարկումը սպասվում է տարվա առաջին կեսին (մինչև հունիսի վերջ):

Հնչունավորմանը մասնակցել են դերասաններ Ջոել ՄըքՀեյլը, Ջենիֆեր Քարփենթերը, Պատրիկ Զայցը եւ այլոք:

2021 թվականի գարնանը նախատեսվում է թողարկել «Մահացու պայքարի» լիամետրաժ խաղարկային ռիմեյքը: Նրա նկարահանումներն ավարտվել են դեկտեմբերին: Հայաստանում ֆիլմը կթողարկվի 2021 թվականի հունվարի 14-ին:

Շարունակել ընթերցումը

Կինոարտադրություն

Sony-ն գործարկել է «Վատ տղաների 4» զարգացումը

Հրապարակվել է

Sony ստուդիան աշխատում է «Վատ տղաների» չորրորդ մասի վրա: Նորությունը եկել է երրորդ ֆիլմի թողարկումից անմիջապես հետո, որը հաջողությամբ ցուցադրել է իրեն համաշխարհային վարձույթում:

Ուիլ Սմիթի եւ Մարտին Լոուրենսի հետ ֆրանշիզան մեծ էկրաններին մեկնարկել է 1995 թվականին, որից հետո 2003 թվականին հետեւել է սիքվելը: Երրորդ մասը երկրպագուները ստիպված էին եղել սպասել 17 տարի:

Սմիթն ու Լոուրենսը պետք է վերադառնան ոստիկանական ընկերների դերերին: Սցենարը կգրի երրորդ մասի հեղինակ Քրիս Բրեմները: Թողարկման ճշգրիտ ամսաթիվը դեռ որոշված չէ: Արդյոք Մայքլ Բեյը կրկին հանդես կգա որպես ֆիլմի պրոդյուսեր՝ չի հաղորդվում: «Ընդմիշտ վատ տղաները» Հայաստանում դուրս կգա հունվարի 23-ին:

Շարունակել ընթերցումը
Գովազդ

Թրենդային

Գովազդ

Հարցում

Հունվարի ո՞ր ֆիլմն եք սպասում:

View Results

Loading ... Loading ...

Թրենդային

Copyright © 2019 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: