Connect with us

Նորություններ

Ռոման Պոլանսկին դատի է տալիս Կինոակադեմիային

Հրապարակվել է

Լեհ ռեժիսոր և «Ռոզմարիի երեխան» և «Չինական թաղամաս» անմահ դասականի հեղինակ Ռոման Պոլանսկին որոշել է դատի տալ Ամերիկյան կինոակադեմիային: Մեկ տարի առաջ Ակադեմիայի տնօրենների խորհուրդը որոշեց Պոլանսկուն հանել իր անդամների ցուցակից: Պատճառը անչափահաս աղջկա բռնաբարության գործն է: 1978 թվականին ԱՄՆ դատարանը Պոլանսկուն մեղավոր էր ճանաչե:

85-ամյա Պոլանսկու դատական դիմումի մեջ (ուղարկվել է Լոս Անդեժլեսի դատարան) գրված է. «ակադեմիան կանխակալ կերպով չարաշահել է իր լիազորությունները, որ չի կարողացել գործել օրենքին համապատասխան եւ եզրակացություններ եւ ապացույցներ չի ներկայացրել, որպեսզի բացառի ինձ… առանց ծանուցման եւ լսվելու հնարավորության»:

Ակադեմիան դեռ չի մեկնաբանել կատարվածը: 2018 թվականին կազմից հեռացվել են Պոլանսկին և կատակերգու Բիլ Կոսբին, իսկ մեկ տարի առաջ՝ պրոդյուսեր Հարվի Վայնշտեյնը: Կազմակերպությունը դա բացատրել է էթիկական նորմերը չպահպանելով:

40 տարի առաջ Պոլանսկին ԱՄՆ-ից հեռացել էր բռնաբարության մեջ մեղադրվելուց հետո եւ այլևս երկիր չի վերադառցել: Այժմ նա գտնվում է ֆրանսիական իշխանությունների պաշտպանության ներքո: Ընդ որում Պոլանսկին շարունակում է ֆիլմ նկարահանել. նրա վերջին «Հիմնված է իրական իրադարձությունների վրա» Ֆիլմը թողարկվել է 2018 թվականին: Գլխավոր դերերը կատարել են Եվա Գրինը և Պոլանսկու կինը՝ Էմանուել Սենեն։ Անցյալ տարվա հուլիսին նա հրաժարվեց ընդունվել ակադեմիա եւ աջակցեց իր ամուսնուն:

Պոլանսկին «Օսկար» Է ստացել միայն մեկ անգամ՝ «Դաշնակահարի» ռեժիսուրայի համար 2003 թվականին: Նա մրցանակի է առաջադրվել վեց անգամ։ 2019 թվականին Պոլանսկին որպես կերպար կհայտնվի Քվենտին Տարանտինոյի «Մի անգամ Հոլիվուդում» ֆիլմում: Էկրանի վրա այն մարմնավորելու Է լեհ Ռաֆալ Զավերուխան:

Աղբյուր՝ Deadline

Միացեք մեր Telegram ալիքին և առաջինը ստացեք մեր նորությունները
Շարունակել ընթերցումը
Գովազդ
Մեկնաբանություններ

Կինոարտադրություն

Warner Bros. պատրաստում է անիմացիոն «Մահացու պայքար»

Հրապարակվել է

Warner Bros. ստուդիա հայտարարել է «Մահացու պայքար. Կարիճի վրեժը» (Mortal Kombat: Scorpion’s Revenge) մուլտֆիլմը: Էկրաններին նախագծի թողարկումը սպասվում է տարվա առաջին կեսին (մինչև հունիսի վերջ):

Հնչունավորմանը մասնակցել են դերասաններ Ջոել ՄըքՀեյլը, Ջենիֆեր Քարփենթերը, Պատրիկ Զայցը եւ այլոք:

2021 թվականի գարնանը նախատեսվում է թողարկել «Մահացու պայքարի» լիամետրաժ խաղարկային ռիմեյքը: Նրա նկարահանումներն ավարտվել են դեկտեմբերին: Հայաստանում ֆիլմը կթողարկվի 2021 թվականի հունվարի 14-ին:

Շարունակել ընթերցումը

Կինոիրադարձություններ

ԱՄՆ պրոդյուսերների գիլդիան պարգեւատրել է «1917»

Հրապարակվել է

«Օսկարի» գլխավոր կանխատեսողներից մեկը՝ պրոդյուսերների գիլդիան (PGA) հայտնել է ամենամյա մրցանակի դափնեկիրներին: Գեղարվեստական ֆիլմի պրոդյուսերական նվաճումների համար հաղթող է դարձել «1917» ռազմական դրաման:

Մրցանակներն ստացել են ֆիլմի ռեժիսոր (եւ միաժամանակ պրոդյուսեր) Սեմ Մենդեսը, Պիպա Հարիսը, Ջեյն էն-Թեգգրենը եւ Քալում ՄըքԴուգալը: «1917»-ի մրցակիցներն էին «Մակաբույծները», «Իռլանդացին», «Մի անգամ Հոլիվուդում», «Փոքրիկ կանայք», «Ջոկերը», «Ջոջո Ճագարը», «Ամուսնական պատմություն», «Ford ընդդեմ Ferrari» և «Դանակները դուրս»:

Հաղթողի օգտին քվեարկելիս պրոդյուսերների գիլդիայի անդամներն օգտագործում են այսպես կոչված նախապատվությունների համակարգը՝ ձայների մշակման մեթոդը, որում լավագույնը դառնում է այն ֆիլմը, որը հավաքել է նախապատվությունների ավելի քան 50 տոկոսը: Իսկ եթե ոչ մի թեկնածու չի կարողանում հասնել այդ շեմին, ապա ձայները բաշխվում են մյուսների միջեւ, քանի դեռ հաղթողը 50 տոկոս + մեկ ձայն չի ունեցել:

Նույն համակարգն օգտագործվում է «Օսկարի» «Լավագույն ֆիլմ» անվանակարգի համար: Անցյալ տարի գիլդիան տվեց «Կանաչ գրքին» գլխավոր մրցանակը, որը հետագայում նվաճեց նաեւ ոսկե արձանիկը: PGA մրցանակի գոյության 31 տարիների ընթացքում 21 համընկնում է եղել:

Ավելի վաղ «1917»-ը ստացել էր «Ոսկե Գլոբուս» մրցանակը՝ որպես լավագույն դրամա եւ «Օսկարի» տասը անվանակարգ: Ֆիլմը հայկական վարձույթում կհայտնվի հունվարի 30-ին:

Շարունակել ընթերցումը

Կինոիրադարձություններ

Սփայք Լին կգլխավորի Կաննի 73-րդ կինոփառատոնի ժյուրին

Հրապարակվել է

Մայիսի 12-23-ը Ֆրանսիայում տեղի կունենա Կաննի 73-րդ կինոփառատոնը, որի ժյուրիի նախագահ կդառնա ամերիկացի կինոռեժիսոր Սփայք Լին: Այս մասին հայտնում է փառատոնի պաշտոնական կայքը։ Սփայք Լին նաեւ կպարգեւատրվի Ոսկե արմավենու ճյուղով՝ կինոփառատոնի փակման ժամանակ կյանքի նվաճումների համար:

«Իմ կյանքի բոլոր ամենաերջանիկ և օրհնված պահերը անսպասելի էին: Երբ ինձ զանգահարեցին եւ առաջարկեցին 2020 թվականին Կաննի փառատոնի ժյուրիի նախագահ դառնալ, ես ցնցված էի, երջանիկ, զարմացած եւ հպարտ միաժամանակ», — ասում է Լին:

62-ամյա կինոռեժիսոր, սցենարիստ, դերասան, խմբագիր, պրոդյուսեր Սփայք Լին նկարահանել է բազմաթիվ ֆիլմեր, որոնք դարձել են հանրության համար սիրելի ու պաշտելի։ Սփայք Լին կարողացավ ժամանկակից խնդիրներն ու հարցերը բերել կինոթատրոն։ Կաննում տարբեր ժամանակներում, սկսած 1986-ից, ներկայացվել են նրա յոթ աշխատանքները. 1986-ին «Նրան դա անհրաժեշտ է» դեբյուտային կինոնկարը ստացել է երիտասարդական ժյուրիի մրցանակը, այնուհետեւ հիմնական մրցույթում հայտնվել են նրա մի շարք այլ ֆիլմեր:

«Ինձ համար Կաննի փառատոնը (բացի նրանից, որ աշխարհի ամենակարեւոր կինոփառատոնն է, չեմ ցանկանում ոչ ոքի նեղացնել, բայց այպես է) մեծ ազդեցություն է ունեցել ռեժիսորի իմ կարիերայի վրա։ Կարելի է ասել, որ Կանն ինձ դարձրել է այնպիսի, ինչպիսին եմ ես այսօր կինոարտադրության ոլորտում»,- հայտարարել է կինեմատոգրաֆիստը։

Փառատոնի ժյուրիի ամբողջական կազմը կհայտարարվի ապրիլի կեսերին։ Նախորդ Կաննի կինոփառատոնի ժյուրիի նախագահն էր մեքսիկացի ռեժիսոր Ալեխանդրո Գոնսալես Ինյարիտուն:

Շարունակել ընթերցումը
Գովազդ

Թրենդային

Գովազդ

Հարցում

Հունվարի ո՞ր ֆիլմն եք սպասում:

View Results

Loading ... Loading ...

Թրենդային

Copyright © 2019 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: