Connect with us

Նորություններ

Սաուդյան Արաբիա. քայլ առ քայլ դեպի կինո

Հրապարակվել է

Վերջերս ստեղծված Սաուդյան Արաբիայի մշակույթի նախարարությունը հայտարարել է արվեստի բնագավառում մի շարք նախաձեռնությունների մասին, որոնք ուղղված են տեղական կինոարտադրության զարգացմանը: Էր Ռիադում կայացած արարողության ժամանակ արքայազն Բադր բեն Աբդալլահ բեն Ֆարհանը, որին անցյալ տարի նշանակել էին երկրի մշակույթի առաջին նախարար, ներկայացրել է մի փաստաթուղթ, որը կոչվում է «Մեր մշակույթը, մեր ինքնությունը»: Դրանում շարադրված էին արվեստի տեղական հատվածի գործարկման առաջարկները: Առաջին հերթին Սաուդյան Արաբիայում առաջին կինոփառատոնն է: Այն կոչվելու է Red Sea International Film Festival եւ տեղի կունենա Ջիդդայի պատմական թաղամասում, որը ՅՈՒՆԵՍԿՕ-ի համաշխարհային ժառանգության օբյեկտն է: Փառատոնի նախագահ է դարձել սաուդցի երիտասարդ ռեժիսոր Մահմուդ Սաբբաղը, որը հայտնի է իր «Բարաքը հանդիպում է Բարաքին» (Barakah Meets Barakah) եւ «Ամրան և երկրորդ ամուսնությանը» (Amra and the Second Marriage) կատակերգություններով: Առաջին փառատոնը տեղի կունենա 2020 թվականին:

Բացի այդ, երկրում կստեղծվեն կինոֆոնդ եւ համատեղ կինոարտադրության համակարգ: Ճիշտ է, առայժմ բոլոր այդ նախաձեռնությունները սաղմնային փուլում են, սակայն դրանց առկայությունն ազդարարում է երկրի զարգացման նոր ազդակ՝ 2017 թվականի դեկտեմբերին կինոթատրոնների վրա 35-ամյա արգելքի հանումից հետո: Սաուդյան առաջին մուլտիպլեքսը բացվել է 2018 թվականի ապրիլին՝ VOX Cinemas մերձավորարեւելյան օպերատորի կողմից, որն այժմ պատրաստվում է Սաուդյան Արաբիայում եւս 110 սրահ գործարկել այս տարվա վերջին: Բացի կինոթատրոնների կառուցումից, երկիրը որոշել է իր տարածք գրավել կինոարտադրողներին: 2018-ին Կաննում հայտարարվել է Սաուդյան Արաբիայի պետական ռիբեյտների ծրագրի մասին, սակայն այս պահին նրանք դեռ քչերին են գրավել:

Միացեք մեր Telegram ալիքին և առաջինը ստացեք մեր նորությունները
Շարունակել ընթերցումը
Գովազդ
Մեկնաբանություններ

Նորություններ

Սգում է ամբողջ Հոլիվուդը՝ մահացել է բասկետբոլիստ Կոբի Բրայանտը

ԱՄՆ-ում կործանվել է Կոբի Բրայանտի ուղղաթիռը ՝ ԲԱԱ-ի ամենահայտնի բասկետբոլիստներից մեկը: Նա ոչ միայն ականավոր մարզիկ էր, այլեւ «Օսկարի» դափնեկիր:

Հրապարակվել է

Ամերիկացի բասկետբոլիստ Կոբի Բրայանտը մահացել է հունվարի 26-ին: Մասնավոր ուղղաթիռը, որով նա թռչում էր 13-ամյա դստեր՝ Ջաննայի հետ, կործանվել է Լոս Անջելեսից ոչ հեռու: Բրայանտների հետ օդանավում եղել է եւս յոթ մարդ: Բոլորը զոհվել են: Նախնական տվյալներով՝ ուղղաթիռի կործանման պատճառ կարող էր դառնալ խիտ մառախուղը: 41-ամյա Բրայանտը ամենահայտնի պրոֆեսիոնալ բասկետբոլիստներից մեկն էր: Նա խաղացել է Բասկետբոլի ազգային ասոցիացիայի «Լոս Անջելես Լեյքերս» թիմում: Մարզիկը երկու անգամ օլիմպիական չեմպիոն է դարձել ԱՄՆ-ի բասկետբոլի հավաքականի կազմում (2007 եւ 2012 թվականներին):

2018 թվականին Բրայանտը Օսկար է ստացել «Թանկագին բասկետբոլ» անիմացիոն կարճամետրաժ ֆիլմի համար: Այս ֆիլմը բասկետբոլիստի համանուն բանաստեղծության էկրանավորումն է, որում նա հրաժեշտ է տվել սպորտին (Կոբին իր կարիերան ավարտել է 2016 թվականին): Նա նաեւ գրել է սցենարը, հնչեցրել գլխավոր հերոսին եւ հանդես եկել որպես ֆիլմի գործադիր պրոդյուսեր: Բացի Օսկարից, ֆիլմն արժանացել է Annie Award մրցանակի, գլխավոր մուլտիպլիկացիոն մրցանակին: «Անիմացիան կարող է մարդկային հույզերն ավելի համոզիչ եւ ավելի հետաքրքիր տեսողական ձեւով ցույց տալ, քան խաղարկային նկարները», — բասկետբոլիստն իր հետաքրքրությունը բացատրում էր անիմացիոն ֆիլմերի նկատմամբ:

Բրայանտի համար սգում է ոչ միայն մարզական համայնքը, այլեւ երաժշտական եւ կինոարդյունաբերական: Բրայանտի մասին իրենց հիշողությունները կիսեցին շատ ռեժիսորներ ու դերասաններ՝ Էդգար Ռայթը, Ջեֆրի Ռայթը, Շերը, Բոբ Այգերը, Սեֆդի եղբայրները, Թրեւոր Նոան, Էլեն Դեջեներիսը, Քիմ Քարդաշյանը, Բեն Սթիլերը, Բեն Աֆլեքը, Սամուել Լ. Ջեքսոնը, Ռիզ Ուիզերսփունը եւ ուրիշներ: Մարզիկի մասին խոսքերով սկսվել է «Գրեմմի» 62-րդ երաժշտական մրցանակաբաշխությունը, որը տեղի է ունեցել «Լոս Անջելես Լեյքերս» մարզադաշտում: Երգչուհի Ալիշիա Քիսը կատարել է “It’s So Hard to Say Goodbye” երգը ի հիշատակ Բրայանտի:

Շարունակել ընթերցումը

Կինոիրադարձություններ

Ամերիկյան կինոակադեմիան Լոս Անջելեսում հայտարարել է Օսկարի շաբաթ

Հրապարակվել է

«Օսկար» 92-րդ մրցանակաբաշխությանը նախորդող շաբաթ Կինեմատոգրաֆիական արվեստների և գիտությունների ակադեմիան կներկայացնի հանրային ծրագրերի շարք՝ նվիրված այս տարվա անվանակարգորդներին Անիմացիոն գեղարվեստական ֆիլմի, Վավերագրական գեղարվեստական ֆիլմի, Վավերագրական կարճամետրաժ ֆիլմի, Միջազգային գեղարվեստական ֆիլմի, Դիմահարդարման և սանրվածքի, ինչպես նաև Անիմացիոն և Խաղարկային կարճամետրաժ ֆիլմերի անվանակարգորդներին: Բոլոր միջոցառումները տեղի կունենան Բեվերլի Հիլզի Սեմյուել Գոլդվինի ակադեմիական թատրոնում:

Օսկարի շաբաթվա ժամանակացույցը հետեւյալն է՝

OSCAR WEEK: ՎԱՎԵՐԱԳՐԱԿԱՆ

Երեքշաբթի, փետրվարի 4, 19.00
Սեմյուել Գոլդվինի Թատրոն

OSCAR WEEK: ԿԱՐՃԱՄԵՏՐԱԺ

Չորեքշաբթի, փետրվարի 5, 19.00
Սեմյուել Գոլդվինի Թատրոն

OSCAR WEEK: ՄԻԺԱԶԳԱՅԻՆ ԳԵՂԱՐՎԵՍՏԱԿԱՆ ՖԻԼՄ

Հինգշաբթի, փետրվարի 6, 19.00
Սեմյուել Գոլդվինի Թատրոն

OSCAR WEEK: ԱՆԻՄԱՑԻԱ

Շաբաթ, փետրվարի 8, 10.00
Սեմյուել Գոլդվինի Թատրոն

OSCAR WEEK: ԴԻՄԱՀԱՐԴԱՐՄԱՆ և ՍԱՆՐՎԱԾՔԻ ՍԻՄՊՈԶԻՈՒՄ

Շաբաթ, փետրվարի 8, 15.00
Սեմյուել Գոլդվինի Թատրոն

Samuel Goldwyn Theater
8949 Wilshire Blvd.
Beverly Hills, CA 90211

Շարունակել ընթերցումը

Հեռուստատեսություն

Մկրտիչ Արզումանյանի մասնակցությամբ «Գոշա» սերիալը մեկնարկում է ռուսական հեռուստաալիքի եթերում

Մկրտիչ Արզումանյանը մարմնավորելու է ռուսական Միսթեր Բինին:

Հրապարակվել է

Հունվարի 25-ից ռուսական «Սուպեր» հեռուստաալիքով եթեր կհեռարձակվի «Գոշա» սուպեր նախագիծը՝ ռուսական Միսթր Բինի մասին: Սերիալի ռեժիսորն է Միխայիլ Միրոնովը, իսկ պրոդյուսերների աթոռներն են զբաղեցրել Ալեքսեյ Տրոցյուկը, Էդուարդ Իլոյանը, Միխայիլ Տկաչենկոն եւ Ռեզո Գիգինեիշվիլին: Սցենարը գրել է Սարգիս Մնոյանը, ում սցենարով նկարահանվել էր «Ուրիշի Փոխարեն» և հայ-ղազախական «Քայլ Ձիյով» կինոնկարները: Ամաչկոտ ժպիտով անշուք տղայի գլխավոր դերը բաժին է հասել Մկրտիչ Արզումանյանին:

(ավելին …)

Շարունակել ընթերցումը
Գովազդ
Գովազդ

Հարցում

Հունվարի ո՞ր ֆիլմն եք սպասում:

View Results

Loading ... Loading ...

Թրենդային