Connect with us

Նորություններ

ՎԳԻԿում կկայանա պրոդյուսերական ֆակուլտետի շրջանավարտների հանդիպումը

Հրապարակվել է

Սեպտեմբերի 13-ին ՎԳԻԿ-ի նոր մասնաշենքում տեղի կունենա ՎԳԻԿ-ի տնտեսագիտական (ներկայում՝ պրոդյուսերական) ֆակուլտետի շրջանավարտների, ուսանողների եւ դասախոսների հանդիպումը՝ նվիրված ինստիտուտի հիմնադրման 100-ամյակին: Բոլոր հյուրերն այս երեկո կկարողանան շփվել իրենց նախկին համակուրսեցիների, դասախոսների և ապագա գործընկերների հետ և ծանոթանալ ֆակուլտետի այսօրվա կյանքին:

ՎԳԻԿ-ի պրոդյուսերական ֆակուլտետը բացվել է 1943 թվականին։ 76 տարի շարունակ այն մասնագետներ է պատրաստում կազմակերպման, տնտեսության և կառավարման ոլորտներում՝ կինոընկերությունների և մեդիաինդուստրիայի հետ կապված այլ կազմակերպությունների համար։ Գոյության բոլոր տարիների ընթացքում ֆակուլտետը ավարտել են ավելի քան 3000 մասնագետ, որոնք պահանջված են ռուսական և արտասահմանյան շուկայում: Գրեթե բոլորն էլ ՎԳԻԿը ավարտելուց հետո աշխատում են ըստ մասնագիտության: Դա վկայում է այն մասին, որ ինստիտուտը, ի տարբերություն այլ բարձրագույն ուսումնական հաստատությունների, կինոյի եւ հեռուստաինդուստրիայի համար պրոդյուսերների պատրաստման եզակի հնարավորություններ ունի:

Ուսուցման հենց սկզբից ապագա պրոդյուսերները մյուս ֆակուլտետների ուսանողների հետ համատեղ ուսումնական աշխատանքների նկարահանման ժամանակ ստեղծում են էկրանային արվեստի բարդ աշխարհ եւ մշակում են կոլեկտիվ աշխատանքի հմտություններ:

Հյուրերի հավաքը տեղի կունենա սեպտեմբերի 13-ին, ժամը 17.00-ին, ՎԳԻԿ-ի նոր մասնաշենքի հանդիսությունների դահլիճում: Միջոցառմանը մասնակցել ցանկացողներին անհրաժեշտ է այդ մասին տեղեկացնել հետևյալ հասցեով՝ econom-vgik@vgik.info

Միացեք մեր Telegram ալիքին և առաջինը ստացեք մեր նորությունները
Շարունակել ընթերցումը
Գովազդ
Մեկնաբանություններ

Նորություններ

Բիլի Այլիշը կկատարի Ջեյմս Բոնդի մասին 25-րդ ֆիլմի գլխավոր երգը

Հրապարակվել է

18-ամյա Բիլի Այլիշը եղբոր՝ Ֆիննեասի հետ միասին երգ է գրել «Մահանալու ժամանակը չէ» Ջեյմս Բոնդի մասին 25-րդ ֆիլմի համար: Այլիշը կդառնա բրիտանացի լրտեսի մասին սերիայի պատմության մեջ գլխավոր երգի ամենաերիտասարդ կատարողը: Երգչուհու մասնակցության մասին հայտնի է դարձել ֆրանշիզայի պաշտոնական Twitter-էջից:

«Բոլոր առումներով շատ տարօրինակ է դառնալ սրա մի մասը, — ասում է Այլիշը: Ֆիլմի գլխավոր երգը գրելու հնարավորությունը, որը նման լեգենդար շարքի մի մասն է, մեծ պատիվ է: Ջեյմս Բոնդը երբևէ գոյություն ունեցող բոլոր ֆրանշիզներից ամենաթեժն է: Ես դեռ շոկի մեջ եմ»:

Գլխավոր երգը ֆրանշիզայի ավանդույթն է եւ Բոնդի մասին ֆիլմերի ամենաճանաչված տարրերից մեկը: Նախորդ երկու կոմպոզիցիաները՝ “Skyfall-ը՝ Ադելի եւ “Writing’s on The Wall”-ը՝ Սեմ Սմիթի կատարմամբ «Օսկարի» դափնեկիրներ են դարձել «Լավագույն երգ» անվանակարգում:

«Մահանալու ժամանակը չէ» ֆիլմում Ջեյմս Բոնդը ժամանակավորապես լքել է ծառայությունը եւ ուղեւորվել է Ճամայկա: Արձակուրդն ընդհատվում է կղզու վրա ԿՀՎ-ի հին ծանոթ Ֆելիքս Լեյտերի հայտնվելուց հետո, որը 007 գործակալից օգնություն է խնդրում: Առեւանգված գիտնականին փրկելու առաքելությունն ավելի վտանգավոր է, քան ենթադրվում էր ի սկզբանե, եւ Բոնդը Սաֆին անունով խորհրդավոր չարագործի թակարդն է ընկնում:

Շարունակել ընթերցումը

Հայաստան

Շանթը մեկնարկում է հայալեզու «Շանթ Քիդս» մանկական հեռուստաալիքը

Հրապարակվել է

«Շանթ Kids»-ը հանդիսանում է առաջին հայալեզու շուրջօրյա մանկական հեռուստաալիքը, որը հնարավորություն է ընձեռում դիտելու բոլոր ժամանակների լավագույն մուլտֆիլմերն ու հեքիաթները միմիայն հայերեն թարգմանությամբ։ Այն սպասված հեռուստաալիք է՝ գունեղ, տպավորիչ, ապահով, ուսուցողական բովանդակությամբ:

«Շանթ Kids» հեռուստաալիքով հեռարձակվելու են՝

  • հայկական սիրված մուլտֆիլմեր,
  • մրցութային հեռուստաշոուներ,
  • մանկապատանեկան գեղարվեստական ֆիլմեր,
  • հանրահայտ լիամետրաժ և կարճամետրաժ մուլտֆիլմեր,
  • Սոյուզմուլտֆիլմի ողջ տեսադարանը։

Այսպիսով, «Շանթ Kids» հեռուստաալիքի շնորհիվ հին ու բարի հեքիաթային հերոսները մանուկների հետ հեռուստաէկրանից կխոսեն հայերեն լեզվով։ Հեռուստաալիքը հասանելի է «Ռոստելեկոմ»-ի բոլոր փաթեթային առաջարկներում։

Շարունակել ընթերցումը

Նորություններ

Netflix-ում հայտնվել է կապիկի հարցաքննության մասին Դեւիդ Լինչի կարճամետրաժ ֆիլմը

Հրապարակվել է

Դևվիդ Լինչի ծննդյան օրը Netflix սթրիմ ծառայությունը թողարկել է ռեժիսորի «Ի՞նչ է արել Ջեքը» (What Did Jack Do?) կարճամետրաժ ֆիլմը: 17-րոպեանոց սեւ-սպիտակ կարճամետրաժը Լինչն առաջին անգամ ներկայացրել է 2017 թվականին, սակայն մինչ այդ օրինական հնարավորություն չի եղել այն դիտել համացանցում:

Լինչը խաղում է դետեկտիվի, որը հարցաքննում է Ջեկ Քրուզի կապիկ-կապուցինին, որը կասկածվում է Թութաբոն անունով հավի սպանության մեջ: Դետեկտիվը եւ կապիկը քննարկում են, թե ինչ է տեղի ունեցել, եւ ինչպես:

Ֆիլմը հասանելի է Netflix-ում:

Շարունակել ընթերցումը
Գովազդ

Թրենդային

Գովազդ

Հարցում

Հունվարի ո՞ր ֆիլմն եք սպասում:

View Results

Loading ... Loading ...

Թրենդային

Copyright © 2019 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: