Connect with us

Նորություններ

Տալլինի միջազգային փառատոնում կցուցադրվի ռուսական «Աուտլո» ԼԳԲՏ դրաման

Հրապարակվել է

Ռեժիսոր Քսենյա Ռատուշնայի դեբյուտային ֆիլմը, որը Irony Production-ի և Chibis Production-ի համատեղ արտադրանքն է, կպատմի միասեռական դեռահաս Նիկիտայի (Վիկտոր Տարասենկոյի) պատմությունը, որը սիրահարված է դպրոցի ամենահայտնի տղային (Գլեբ Կալյուժնի): Այդ հարաբերությունների զարգացմանը հետեւում է միշտ անպատիժ մնացած Աուտլոն (Ելիզավետա Կաշինցեւա): Զուգահեռաբար 1985 թվականին ծավալվում է տրանսգենդեր պարուհի Նինայի (Եվգենի Շվարցման) եւ խորհրդային գեներալի (Վիտալի Կուդրյավցեւ) սիրո ողբերգական պատմությունը:

Տալլինի «Մութ գիշերներ» կինոփառատոնը Մերձբալթյան եւ Արեւելյան Եվրոպայի խոշորագույն կինոստուգատեսն է, որն Էստոնիայում անցկացվում է 1997 թվականից: 2014 թվականին FIAPF-ը Տալլինի կինոփառատոնի միջազգային մրցութային ծրագիրը հավաստագրել է աշխարհի կարեւորագույն 15 կինոփառատոների թվում: Rebels With a Cause մրցութային ծրագիրը նվիրված է անկախ եւ փորձարարական կինեմատոգրաֆին, ժյուրիի դերում հանդես կգա հանդիսատեսը:

«Աուտլո» ֆիլմի ցուցադրությունը լինելու է պրեմիերային: 2019 թվականին կինոփառատոնը տեղի կունենա նոյեմբերի 15-ից մինչեւ դեկտեմբերի 1-ը:

Միացեք մեր Telegram ալիքին և առաջինը ստացեք մեր նորությունները
Շարունակել ընթերցումը
Գովազդ
Մեկնաբանություններ

Նորություններ

Բիլի Այլիշը կկատարի Ջեյմս Բոնդի մասին 25-րդ ֆիլմի գլխավոր երգը

Հրապարակվել է

18-ամյա Բիլի Այլիշը եղբոր՝ Ֆիննեասի հետ միասին երգ է գրել «Մահանալու ժամանակը չէ» Ջեյմս Բոնդի մասին 25-րդ ֆիլմի համար: Այլիշը կդառնա բրիտանացի լրտեսի մասին սերիայի պատմության մեջ գլխավոր երգի ամենաերիտասարդ կատարողը: Երգչուհու մասնակցության մասին հայտնի է դարձել ֆրանշիզայի պաշտոնական Twitter-էջից:

«Բոլոր առումներով շատ տարօրինակ է դառնալ սրա մի մասը, — ասում է Այլիշը: Ֆիլմի գլխավոր երգը գրելու հնարավորությունը, որը նման լեգենդար շարքի մի մասն է, մեծ պատիվ է: Ջեյմս Բոնդը երբևէ գոյություն ունեցող բոլոր ֆրանշիզներից ամենաթեժն է: Ես դեռ շոկի մեջ եմ»:

Գլխավոր երգը ֆրանշիզայի ավանդույթն է եւ Բոնդի մասին ֆիլմերի ամենաճանաչված տարրերից մեկը: Նախորդ երկու կոմպոզիցիաները՝ “Skyfall-ը՝ Ադելի եւ “Writing’s on The Wall”-ը՝ Սեմ Սմիթի կատարմամբ «Օսկարի» դափնեկիրներ են դարձել «Լավագույն երգ» անվանակարգում:

«Մահանալու ժամանակը չէ» ֆիլմում Ջեյմս Բոնդը ժամանակավորապես լքել է ծառայությունը եւ ուղեւորվել է Ճամայկա: Արձակուրդն ընդհատվում է կղզու վրա ԿՀՎ-ի հին ծանոթ Ֆելիքս Լեյտերի հայտնվելուց հետո, որը 007 գործակալից օգնություն է խնդրում: Առեւանգված գիտնականին փրկելու առաքելությունն ավելի վտանգավոր է, քան ենթադրվում էր ի սկզբանե, եւ Բոնդը Սաֆին անունով խորհրդավոր չարագործի թակարդն է ընկնում:

Շարունակել ընթերցումը

Հայաստան

Շանթը մեկնարկում է հայալեզու «Շանթ Քիդս» մանկական հեռուստաալիքը

Հրապարակվել է

«Շանթ Kids»-ը հանդիսանում է առաջին հայալեզու շուրջօրյա մանկական հեռուստաալիքը, որը հնարավորություն է ընձեռում դիտելու բոլոր ժամանակների լավագույն մուլտֆիլմերն ու հեքիաթները միմիայն հայերեն թարգմանությամբ։ Այն սպասված հեռուստաալիք է՝ գունեղ, տպավորիչ, ապահով, ուսուցողական բովանդակությամբ:

«Շանթ Kids» հեռուստաալիքով հեռարձակվելու են՝

  • հայկական սիրված մուլտֆիլմեր,
  • մրցութային հեռուստաշոուներ,
  • մանկապատանեկան գեղարվեստական ֆիլմեր,
  • հանրահայտ լիամետրաժ և կարճամետրաժ մուլտֆիլմեր,
  • Սոյուզմուլտֆիլմի ողջ տեսադարանը։

Այսպիսով, «Շանթ Kids» հեռուստաալիքի շնորհիվ հին ու բարի հեքիաթային հերոսները մանուկների հետ հեռուստաէկրանից կխոսեն հայերեն լեզվով։ Հեռուստաալիքը հասանելի է «Ռոստելեկոմ»-ի բոլոր փաթեթային առաջարկներում։

Շարունակել ընթերցումը

Նորություններ

Netflix-ում հայտնվել է կապիկի հարցաքննության մասին Դեւիդ Լինչի կարճամետրաժ ֆիլմը

Հրապարակվել է

Դևվիդ Լինչի ծննդյան օրը Netflix սթրիմ ծառայությունը թողարկել է ռեժիսորի «Ի՞նչ է արել Ջեքը» (What Did Jack Do?) կարճամետրաժ ֆիլմը: 17-րոպեանոց սեւ-սպիտակ կարճամետրաժը Լինչն առաջին անգամ ներկայացրել է 2017 թվականին, սակայն մինչ այդ օրինական հնարավորություն չի եղել այն դիտել համացանցում:

Լինչը խաղում է դետեկտիվի, որը հարցաքննում է Ջեկ Քրուզի կապիկ-կապուցինին, որը կասկածվում է Թութաբոն անունով հավի սպանության մեջ: Դետեկտիվը եւ կապիկը քննարկում են, թե ինչ է տեղի ունեցել, եւ ինչպես:

Ֆիլմը հասանելի է Netflix-ում:

Շարունակել ընթերցումը
Գովազդ

Թրենդային

Գովազդ

Հարցում

Հունվարի ո՞ր ֆիլմն եք սպասում:

View Results

Loading ... Loading ...

Թրենդային

Copyright © 2019 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: