Connect with us

Կինոարտադրություն

«Տիեզերական ջեմ 2» ֆիլմը կզարմացնի հանդիսատեսին նոր հայտնի կերպարներով

Փենիվայզը, Վոլան դե Մորտը եւ Ջոկերը կհայտնվեն «Տիեզերական ջեմի» սիքվելում:

Հրապարակվել է

Համացանցում հայտնվել է «Տիեզերական ջեմ 2« կատակերգության՝ 1996 թվականի ֆիլմի սիքվելի նկարահանումների պրոմո հոլովակը: Հոլովակում նկարահանող խմբի տարբեր անդամներ ցուցադրում են մատի վրա բասկետբոլի գնդակի հավասարակշռման վարպետությունը, եւ նրանց հետ միասին էկրանին հայտնվում են Ջոկերը, Ջիմ Քերիի Դիմակը, «Օզ երկրի հրաշագործը» ֆիլմի Չար Վհուկը, Վոլան դե Մորտը եւ «Այն» ֆիլմի ծաղրածու Փենիվայզը: Ենթադրվում է, որ այդ կերպարները կունենան կամեո սիքվելում:

Ավելի վաղ համացանցում հայտնվել էին սքրիներ, սակայն շատերը կասկածում էին դրանց իսկությանը:

Կորոնավիրուսի պանդեմիան զվարճանքների ինդուստրիային անդրադարձել է այնպես, որ այն կարելի է բնութագրել միայն որպես աննախադեպ: Ֆիլմերի եւ հեռուստատեսային շոուների արտադրությունը փակվել է, դերասանները մեկուսացել են, իսկ ֆիլմերի թողարկման ժամկետները հետ են մղվել: Բայց Լեբրոն Ջեյմսը, կարծես, համոզված է, որ իր առաջիկա «Տիեզերական ջեմ 2» ֆիլմը կպահպանի իր թողարկման ամսաթիվը:

Վերջերս Road Trippin-ի պոդքասթի հարցազրույցում Լեբրոն Ջեյմսը քննարկել է կորոնավիրուսը եւ նրա ազդեցությունը սիքվելի վրա: Նա վստահ էր, որ նախագիծը դեռ կթողարկվի 2021 թվականի հուլիսին, սակայն խոստովանել է, որ արտադրությունը դանդաղել է:

Շարունակության սյուժեն չի բացահայտվում: Ընդ որում, Warner ստուդիան պլանավորում է ընդլայնել «Տիեզերական ջեմի» աշխարհը եւ շարունակության մեջ ներառել այլ նախագծերի հերոսներին, ինչպիսիք են «Դիմակը» եւ DC կոմիքսների կերպարները:

Ֆիլմի հայկական պրեմիերան նախատեսված է 2021 թվականի հուլիսի 14-ին է:

Շարունակել ընթերցումը
Գովազդ
Մեկնաբանություններ

Կինոարտադրություն

«Տրանսֆորմերներ» ֆրանշիզայի նոր ֆիլմը կթողարկվի 2022 թվականի ամռանը

Հրապարակվել է

Հայտնի է դարձել Paramount Pictures ստուդիայի «Տրանսֆորմերներ» ֆրանշիզայի նոր ֆիլմի պրեմիերայի ամսաթիվը: Առայժմ պաշտոնական անուն չունեցող բլոկբաստերը կթողարկվի 2022 թվականի հունիսի 24-ին:

Այս պահին մշակման մեջ են գտնվում տրանսֆորմատորների մասին միանգամից երեք նախագիծ: Նրանցից մեկը անիմացիոն փրիքվել է: Ռեժիսորի պաշտոնը կստանձնի «Խաղալիքների պատմություն 4» նկարահանած Ջոշ Կուլին: Սցենարը գրում են Էնդրյու Բարերը և Գաբրիել Ֆերարին։ Նախկինում այս դուետը աշխատել է Մրջյուն մարդու մասին ֆիլմերի վրա: Ենթադրվում է, որ մուլտֆիլմում պատմվելու է Մեգաթրոնի ծագման եւ Ավտոբոտների եւ Դեսեպտիկոնների միջեւ հակամարտության ծագման պատմությունը:

Անկախ աշխատանք է տարվում նաեւ երկու խաղարկային ֆիլմերի վրա, որոնցից մեկը կթողարկվի 2022 թվականի հունիսի 24-ին: Առաջին նախագծի ղեկավարն է «Ջոն Ուիք 3» մարտաֆիլմի գործադիր պրոդյուսեր եւ Զակ Սնայդերի «Մեռյալների բանակը» ֆիլմի սցենարիստ Ջոբի Հարոլդը: Երկրորդի վրա աշխատում է «Խորհրդավոր սպանություն» դետեկտիվ կատակերգության սցենարիստ եւ պրոդյուսեր Ջեյմս Վանդերբիլտը: Ենթադրվում է, որ դա կլինի սպին-օֆֆ՝ անցյալում հայտնի «Գազանների մարտեր» անիմացիոն սերիալի հիման վրա:

Paramount Pictures կինոստուդիան մի փոքր շտկեց «Չիկագոյի յոթնյակի գործը» («The Trial of the Chicago 7») դրամայի թողարկման ռազմավարությունը: Աարոն Սորկինի ֆիլմը սահմանափակ վարձույթ դուրս կգա սեպտեմբերի 25-ին եւ հոկտեմբերի 16-ին: Սյուժեի կենտրոնում 7 մարդու պատմություն է, որոնք դաշնային կառավարության կողմից մեղադրվում են 1968 թվականին դեմոկրատական կուսակցության կոնվենցիայի ժամանակ Չիկագոյում զանգվածային անկարգություններ կազմակերպելու մեջ:

Շարունակել ընթերցումը

Ինտերնետ

«Գնացք դեպի Բուսան» ֆիլմի ռեժիսորը ֆանտաստիկ սերիալ կնկարահանի Netflix-ի համար

Հրապարակվել է

Յոնգ Սանգ Հոն, որը հայտնի է «Գնացք դեպի Բուսան» զոմբի-հորորով, Netflix-ի հետ կաշխատի նոր սերիալի վրա, որը ստացել է Hellbound անվանումը: Որպես հիմք կընկնի կորեական «Դժոխք» վեբտունը: Դեռեւս հայտնի չէ, թե արդյոք նախագիծը կթողարկվի անիմացիոն կամ խաղային ձեւաչափով:

«Դժոխքը» պատմում է սոցիալական քաոսի մասին, որում մարդկությունն հայտնվել է այն բանից հետո, երբ գերբնական էակների մի խումբ մարդկանց դատաստան է կազմակերպում եւ սկսում նրանց ուղարկել դժոխք:

Ռեժիսորը ծրագրում է աշխատանքի ներգրավել նկարազարդող Չվե Գյու Սոկին, որն ավելի վաղ էկրանին կոմիքսներ է ադապտացրել: Արտադրության համար պատասխանատու է կորեական Lezhin ստուդիան, որը հայտնի է վեբտունների էկրանավորմամբ:

Շարունակել ընթերցումը

Կինոարտադրություն

Daft Punk դուետը երաժշտություն կգրի Դարիո Արջենտոյի նոր ֆիլմի համար

Հրապարակվել է

Daft Punk երաժշտական դուետը «ԹՐՈՆ. Ժառանգություն»-ի թողարկումից 10 տարի անց պատրաստ է վերադառնալ կինոերաժշտությանը: Այս անգամ բախտը բերել է իտալացի լեգենդար ռեժիսոր Դարիո Արջենտոյին, ով պատրաստվում է նկարահանել Black Glasses ժապավենը:

Գլխավոր բեմադրիչի խոսքով՝ Daft Punk-ը նրա ստեղծագործության մեծ երկրպագուներ են, եւ հենց որ լսեցին իրենց ֆրանսիացի բարեկամներից նոր նախագծի մասին, անմիջապես կապի մեջ մտան համատեղ աշխատանքի առաջարկով:

Daft Punk-ն արդեն սկսել է գրել թրեքերը եւ այն բանից հետո, երբ տեղաշարժման սահմանափակումները կհանվեն, անմիջապես կժամանեն Հռոմ՝ ռեժիսորի հետ զրուցելու համար:

Black Glasses-ը կդառնա Արջենտոյի վերադարձը քրեական թրիլերի ժանր. գլխավոր հերոսները՝ չինացի աղջիկն ու երեխան, փախչում են գիշերային Հռոմի արկածներից: Սյուժեի մանրամասները չեն բացահայտում, բայց սցենարն արդեն գրված է: Նկարահանումները նախատեսվում է սկսել սեպտեմբերին:

Շարունակել ընթերցումը

Միացեք մեզ

Գովազդ
Գովազդ

Հարցում

Թրենդային

Copyright © 2019-2020 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: