Connect with us

Կինոիրադարձություններ

Տորոնտո-2019. Փակման արարողության չեղարկում և հաղթողներ

Հրապարակվել է

Սեպտեմբերի 12-ին Տորոնտոյի 44-րդ միջազգային փառատոնի կազմակերպիչները, որն անցկացվում է սեպտեմբերի 5-15-ը, հայտարարել են պարգեւատրման հանդիսավոր արարողությունը չեղյալ հայտարարելու եւ մրցանակակիրներին մամուլի հաղորդագրություններում եւ սոցցանցերում հայտարարելու որոշման մասին: Նման միջոցներ են ձեռնարկվել այն պատճառով, որ փառատոնի ավարտին կինեմատոգրաֆիստներից շատերն արդեն լքել էին քաղաքը:

Եվ ահա, ժողովուրդը և ժյուրին խոսեց: Ներկայացնում ենք 2019 թվականի Տորոնտոյի միջազգային կինոփառատոնի հաղթողներին:

Grolsch People’s Choice Awards

Տորոնտոյի կինոփառատոնում մի քանի մրցանակներով եւ անվանակարգերով պարգևատրման արարողություն չկա: Կա միայն մեկ մրցանակ՝ հանդիսատեսի համակրանքի մրցանակ, որի հաղթողը ընտրվում է քվեարկության միջոցով: Այս տարի հաղթանակ է տարել Տայկա Վայտիտիի հակապատերազմական երգիծական՝ «Ջոջո ճագարը», որտեղ գլխավոր հերոսներից մեկը երևակայական Հիտլերն է:

Երկրորդ տեղն է զբաղեցրել «Ամուսնական պատմությունը» Սքարլեթ Յոհանսոնի և Ադամ Դրայվերի մասնակցությամբ:

Երրորդ տեղն է զբաղեցրել կորեական «Մակաբույծները», որը հաղթել է Կաննում:

Մրցանակը ենթադրում է 15 հազար դոլարի չափով դրամական մրցանակ եւ Grolsch-ի հատուկ մրցանակ:

The Grolsch People’s Choice Midnight Madness Award

Հաղթող՝ The Platform
Ռեժիսոր՝ Galder Gaztelu-Urrutia

Երկրորդ տեղ՝ The Vast of Night
Ռեժիսոր՝ Andrew Patterson

Երրորդ տեղ՝ Blood Quantum
Ռեժիսոր՝ Jeff Barnaby

The Grolsch People’s Choice Documentary Award

Հաղթող՝ The Cave
Ռեժիսոր՝ Feras Fayyad

Երկրորդ տեղ՝ Ես մենակ չեմ / I Am Not Alone
Ռեժիսոր՝ Կարին Հովհաննիսյան / Garin Hovannisian

Երրորդ տեղ՝ Dads
Ռեժիսոր՝ Bryce Dallas Howard

Լավագույն կանադական կարճամետրաժ ֆիլմ անվանակարգում հաղթողին է ընտել ժյուրին, որի կազմում ընդգրկվել են Չելսի Մաքմալանը, Լեո Սոեզանտոն եւ Անդրեա Ռոան: Մրցանակը ստացել է Քլոի Ռոբիշոյին «Delphine» ֆիլմի համար: Ռեժիսորը 10 հազար դոլարի չափով դրամական մրցանակ կստանա: Պատվավոր հիշատակման է արժանացել Թեոդոր Ուշևի «The Physics of Sorrow» նկարը:

Լավագույն կարճամետրաժ ֆիլմի համար մրցանակը շնորհվել է Լասսե Լինդերին «All Cats Are Grey in the Dark» ֆիլմի համար: Մրցանակը ենթադրում է 10 հազար դոլարի չափով դրամական մրցանակ: Հիշատակման է արժանացել Ֆեդերիկո Լուիս Տաչելիի «The Nap» ժապավենը:

Կանադական մրցույթի դափնեկիրներին ընտրել է ժյուրին, որի կազմում ընդգրկվել են Մագալի Սիմարդը, Դեվյանի Զալցմանը եւ Ալիսիա Էլիոթը:

The City of Toronto Award-ը կանադական լավագույն խաղարկային լիամետրաժ դեբյուտի համար շնորհել է Մեթյու Ռանկինի «The Twentieth Century» ֆիլմին: Որպես մրցանակ ռեժիսորը կստանա 15 հազար դոլար: The Canada Goose Award-ը կանադական լավագույն խաղարկային լիամետրաժ ֆիլմի համար բաժին է հասել Սոֆի Դերասպին, որը նկարահանել է «Antigone» նկարը: Ռեժիսորի մրցանակը՝ 30 հազար դոլար: Պատվավոր հիշատակման են արժանացել Մայա Յակոբսը եւ Քեթլին Հերբերնը «The Body Remembers When the World Broke Open» ֆիլմի համար:

NETPAC մրցանակը ստացել է Oualid Mouaness-ը «1982» նկարի համար:

Միացեք մեր Telegram ալիքին և առաջինը ստացեք մեր նորությունները
Շարունակել ընթերցումը
Գովազդ
Մեկնաբանություններ

Կինոիրադարձություններ

ԱՄՆ պրոդյուսերների գիլդիան պարգեւատրել է «1917»

Հրապարակվել է

«Օսկարի» գլխավոր կանխատեսողներից մեկը՝ պրոդյուսերների գիլդիան (PGA) հայտնել է ամենամյա մրցանակի դափնեկիրներին: Գեղարվեստական ֆիլմի պրոդյուսերական նվաճումների համար հաղթող է դարձել «1917» ռազմական դրաման:

Մրցանակներն ստացել են ֆիլմի ռեժիսոր (եւ միաժամանակ պրոդյուսեր) Սեմ Մենդեսը, Պիպա Հարիսը, Ջեյն էն-Թեգգրենը եւ Քալում ՄըքԴուգալը: «1917»-ի մրցակիցներն էին «Մակաբույծները», «Իռլանդացին», «Մի անգամ Հոլիվուդում», «Փոքրիկ կանայք», «Ջոկերը», «Ջոջո Ճագարը», «Ամուսնական պատմություն», «Ford ընդդեմ Ferrari» և «Դանակները դուրս»:

Հաղթողի օգտին քվեարկելիս պրոդյուսերների գիլդիայի անդամներն օգտագործում են այսպես կոչված նախապատվությունների համակարգը՝ ձայների մշակման մեթոդը, որում լավագույնը դառնում է այն ֆիլմը, որը հավաքել է նախապատվությունների ավելի քան 50 տոկոսը: Իսկ եթե ոչ մի թեկնածու չի կարողանում հասնել այդ շեմին, ապա ձայները բաշխվում են մյուսների միջեւ, քանի դեռ հաղթողը 50 տոկոս + մեկ ձայն չի ունեցել:

Նույն համակարգն օգտագործվում է «Օսկարի» «Լավագույն ֆիլմ» անվանակարգի համար: Անցյալ տարի գիլդիան տվեց «Կանաչ գրքին» գլխավոր մրցանակը, որը հետագայում նվաճեց նաեւ ոսկե արձանիկը: PGA մրցանակի գոյության 31 տարիների ընթացքում 21 համընկնում է եղել:

Ավելի վաղ «1917»-ը ստացել էր «Ոսկե Գլոբուս» մրցանակը՝ որպես լավագույն դրամա եւ «Օսկարի» տասը անվանակարգ: Ֆիլմը հայկական վարձույթում կհայտնվի հունվարի 30-ին:

Շարունակել ընթերցումը

Կինոիրադարձություններ

Սփայք Լին կգլխավորի Կաննի 73-րդ կինոփառատոնի ժյուրին

Հրապարակվել է

Մայիսի 12-23-ը Ֆրանսիայում տեղի կունենա Կաննի 73-րդ կինոփառատոնը, որի ժյուրիի նախագահ կդառնա ամերիկացի կինոռեժիսոր Սփայք Լին: Այս մասին հայտնում է փառատոնի պաշտոնական կայքը։ Սփայք Լին նաեւ կպարգեւատրվի Ոսկե արմավենու ճյուղով՝ կինոփառատոնի փակման ժամանակ կյանքի նվաճումների համար:

«Իմ կյանքի բոլոր ամենաերջանիկ և օրհնված պահերը անսպասելի էին: Երբ ինձ զանգահարեցին եւ առաջարկեցին 2020 թվականին Կաննի փառատոնի ժյուրիի նախագահ դառնալ, ես ցնցված էի, երջանիկ, զարմացած եւ հպարտ միաժամանակ», — ասում է Լին:

62-ամյա կինոռեժիսոր, սցենարիստ, դերասան, խմբագիր, պրոդյուսեր Սփայք Լին նկարահանել է բազմաթիվ ֆիլմեր, որոնք դարձել են հանրության համար սիրելի ու պաշտելի։ Սփայք Լին կարողացավ ժամանկակից խնդիրներն ու հարցերը բերել կինոթատրոն։ Կաննում տարբեր ժամանակներում, սկսած 1986-ից, ներկայացվել են նրա յոթ աշխատանքները. 1986-ին «Նրան դա անհրաժեշտ է» դեբյուտային կինոնկարը ստացել է երիտասարդական ժյուրիի մրցանակը, այնուհետեւ հիմնական մրցույթում հայտնվել են նրա մի շարք այլ ֆիլմեր:

«Ինձ համար Կաննի փառատոնը (բացի նրանից, որ աշխարհի ամենակարեւոր կինոփառատոնն է, չեմ ցանկանում ոչ ոքի նեղացնել, բայց այպես է) մեծ ազդեցություն է ունեցել ռեժիսորի իմ կարիերայի վրա։ Կարելի է ասել, որ Կանն ինձ դարձրել է այնպիսի, ինչպիսին եմ ես այսօր կինոարտադրության ոլորտում»,- հայտարարել է կինեմատոգրաֆիստը։

Փառատոնի ժյուրիի ամբողջական կազմը կհայտարարվի ապրիլի կեսերին։ Նախորդ Կաննի կինոփառատոնի ժյուրիի նախագահն էր մեքսիկացի ռեժիսոր Ալեխանդրո Գոնսալես Ինյարիտուն:

Շարունակել ընթերցումը

Կինոիրադարձություններ

Քեյթ Բլանշետը կգլխավորի Վենետիկի 77-րդ կինոփառատոնի ժյուրին

Հրապարակվել է

Սեպտեմբերի 2-12-ը Իտալիայում տեղի կունենա Վենետիկի 77-րդ կինոփառատոնը, որի միջազգային ժյուրին կգլխավորի ավստրալացի դերասանուհի եւ պրոդյուսեր Քեյթ Բլանշետը, հաղորդվում է փառատոնի կայքում: Նա կդառնա չորս տարվա ընթացքում երրորդ կինը, որը գլխավորում է ստուգատեսի հիմնական մրցույթի մրցանակների բաշխումը: Ժյուրիի նախագահն անցյալ տարի եղել է արգենտինացի ռեժիսոր եւ պրոդյուսեր Լուկրեսիա Մարտելը, իսկ 2017-ին՝ ամերիկացի դերասանուհի Աննեթ Բենինգը:

«Քեյթ Բլանշետը ոչ միայն ժամանակակից կինոյի վառ աստղ է, որն աշխատում է վերջին քսան տարիների մեծագույն ռեժիսորների հետ, եւ որին պաշտում են ամբողջ աշխարհում: Նրա նվիրվածությունը արվեստին, բարեգործությանը, շրջակա միջավայրի պաշտպանությանը եւ կինեմատոգրաֆիայում կանանց ազատմանը նպաստելը, որը դեռեւս չի կարող ազատվել տղամարդկանց նախապաշարմունքներից, Բլանշետին ոգեշնչման աղբյուր են դարձրել ընդհանուր հասարակության համար», — նշել է փառատոնի տնօրեն Ալբերտո Բարբերան:

Բլանշետը «Օսկարի» երկակի մրցանակակիր է՝ «Ավիատորը» և «Ժասմին» ֆիլմերի համար; «Ոսկե գլոբուսի» եռակի հաղթող, երեք անգամ արժանացել է Բրիտանական կինո ու հեռուստաակադեմիայի (BAFTA): Նրան մեծ հաջողություն են բերել «Եղիսաբեթ», «Մատանիների տիրակալը», «Ոսկե դար», «Քերոլ» եւ այլ ֆիլմեր։ 2018 թվականին Բլանշետը գլխավորել է Կաննի փառատոնի ժյուրին:

«Ամեն տարի ես ուշադիր ուսումնասիրում եմ Վենետիկի կինոփառատոնի ծրագիրը, եւ ամեն անգամ այն ինձ զարմացնում է իր ինքնատիպությամբ ու բազմազանությամբ: Սա աշխարհի ամենասադրիչ եւ ոգեշնչող փառատոնն է, որը ամբողջովին ներկայացնում է կինոյի էությունը: Ինձ համար մեծ պատիվ և հաճույք է այս տարի լինել ժյուրիի նախագահ», — մեկնաբանել է Բլանշետը:

Շարունակել ընթերցումը
Գովազդ

Թրենդային

Գովազդ

Հարցում

Հունվարի ո՞ր ֆիլմն եք սպասում:

View Results

Loading ... Loading ...

Թրենդային

Copyright © 2019 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: