Connect with us

Նորություններ

Ցածր գինը չի օգնի Apple TV+ մրցակցել Disney+ հետ

Հրապարակվել է

Նոյեմբերի 1-ից 100 երկրներում, ներառյալ Հայաստանը, կսկսի գործել Apple TV+ հոսքային ծառայությունը: Apple-ի արտադրանքի բոլոր օգտատերերը բացառիկ ֆիլմերի եւ սերիալների հասանելիություն կստանան: Նոր ծառայության բաժանորդագրության արժեքն ավելի ցածր կլինի, քան այն հարթակները, որոնք կգործարկվեն մոտ ժամանակներս, եւ ամսական կկազմի 4,99 դոլար: Բացի այդ, Apple TV+ -ն ընտանեկան բաժանորդագրություն կառաջարկի: Այնուամենայնիվ, մեկնարկի իր փաթեթում ունենալով համեմատաբար փոքր քանակությամբ նախագծեր, ամենայն հավանականությամբ Apple TV+ -ն ոչ մի կերպ չի խանգարի Disney+ -ի գործարկմանը եւ չի կարողանա լրջորեն մրցակցել Netflix-ի հետ, — նշում է Film Take-ը:

Քանի որ Apple TV+ -ի բաժանորդագրությունը մեկ տարվա ընթացքում անվճար կլինի iPhone-ի, iPad-ի կամ Mac-ի գնման ժամանակ, ընկերությունը հուսով է, որ Apple-ի տեխնիկայի գնորդների թիվը կավելանա, որոնք չեն չեղարկի բաժանորդագրությունը անվճար առաջարկի ժամկետի ավարտից հետո: Ավելի վաղ Apple-ն արդեն հաջողությամբ իրականացրել էր այդ ռազմավարությունը, երբ գործարկել էր հոսքային երաժշտության ծառայությունը, որը ներառում էր վեցամսյա անվճար փորձնական տարբերակը: Apple Music-ն արագորեն դարձել է աշխարհում իր ժողովրդականությամբ երկրորդ երաժշտական ծառայությունը՝ զիջելով միայն Spotify-ին:

Apple TV+ -ի գործարկումից անմիջապես հետո հանդիսատեսը կարող է տեսնել “The Morning Show” սերիալը Ջենիֆեր Էնիսթոնի եւ Ռիզ Ուիզերսփունի հետ գլխավոր դերերում: Սպասվող նախագծերի թվում է նաեւ”See” -ն՝ դրամա Ջեյսոն Մոմոայի եւ Ալֆրե Վուդարդի մասնակցությամբ, որի գործողությունը ծավալվում է մարդկությանը ոչնչացնելուց 600 տարի անց; եվ “For all Mankind” սերիալը տիեզերական մրցավազքի մասին: Այդ նախագծերի արտադրության վրա Apple-ը չի խնայել: “See”-ի յուրաքանչյուր սերիայի արժեքը գերազանցել է 15 մլն դոլարը, իսկ երկսեզոնային “The Morning Show” -ի բյուջեն կազմել է 300 մլն դոլար:

Մոտ ժամանակներս Apple TV+ կատալոգը գործարկվելուց հետո կավելանան եւս մի քանի նախագծեր, այդ թվում “Helpsters”, “The Elephant King”, երեք մանկական շոու, այդ թվում ՝ “Sesame Street”, “Ghostwriter” սփին-օֆֆները եւ “Snoopy in Space” անիմացիոն սերիալը, Դեմյեն Շազելի, Սթիվեն Սփիլբերգի, Մ. Նայթ Սյամալանի եւ այլոց ֆիլմերը:

Դեռեւս մարտին Apple-ը հայտարարել էր, որ HBO-ից եւ Showtime-ից նախագծերի փաթեթ կառաջարկի: Սակայն, ըստ աղբյուրի, այս պահին ոչ մի նշան չկա, որ գործարքները կնքվել են: Բացի այդ, Netflix-ի գործադիր տնօրենը վերջերս հաստատել է, որ ընկերությունը չի տրամադրի Apple-ին բովանդակություն: Netflix-ը նաեւ վերջերս չեղյալ է հայտարարել բաժանորդագրությունը Apple App Store-ի միջոցով, ինչը Apple-ին զրկել է եկամտի զգալի մասնաբաժնից: Ի լրումն Netflix-ին, Hulu-ն նույնպես այլեւս չի օգտագործում Apple-ի բովանդակությունը:

Apple-ը վաղուց էր ցանկանում ստեղծել մի ընկերություն, որը կարող էր շրջանցել Netflix-ին: 2015 թվականին Apple-ը փորձել է Walt Disney-ին ներգրավել որպես հոսքային ծառայություն ստեղծելու գործընկեր, սակայն բանակցություններն ապարդյուն են եղել: Այս անհաջող փորձից հետո Apple-ը մտածում էր Disney-ի կամ Netflix-ի գնման եւ հոլիվուդյան նոր ստուդիայի ստեղծման մասին:

Քանի որ այս փուլում քիչ հավանական է, որ Apple-ը կգնի Netflix-ին, ընկերությանը պետք է Հոլիվուդում ավելի ամուր կապեր հաստատել պրեմիում բովանդակության առաջխաղացման համար: Դա կարելի է անել, գնելով մեկ փոքր ստուդիա:

Հավանաբար, Apple-ը վատագույն ժամանակն է ընտրել հոսքային վիդեո ծառայության գործարկման համար: Apple-ի գլխավոր տնօրենը պնդում է, որ ծառայության օրիգինալ բովանդակությունը պետք է լինի ընտանեկան եւ հարմար ցանցային մանրածախ խանութներում ցուցադրվելու համար: Մի քանի ընտանեկան նախագծեր կարող են ներգրավել լայն լսարան: Միեւնույն ժամանակ ստուդիան համագործակցում է այնպիսի ռեժիսորների հետ, ինչպիսիք են Սթիվեն Սփիլբերգը, Ջեյ Ջեյ Աբրամսը եւ Մ. Նայթ Շյամալանը, ում ավանդական աշխատանքները հիմնականում չեն համապատասխանում այդ պահանջներին: Աղբյուրը նշում է, որ հոսքային հեռարձակման շուկայում Apple-ի քաղաքականության հետ զուգակցումը ազդանշան է տալիս ընկերության ոչ ադեկվատ նկրտումների մասին:

Շարունակել ընթերցումը
Գովազդ
Մեկնաբանություններ

Կինովարձույթ

Ամերիկյան խոշորագույն կինոցանցերը դատի են տվել Նյու Ջերսի նահանգին

Նրանք հստակություն են պահանջում տարածաշրջանում կինոթատրոնների բացման հարցով:

Հրապարակվել է

Երեքշաբթի Կինոթատրոնների սեփականատերերի ազգային ասոցիացիան (NATO), ինչպես նաև AMC և Regal խոշոր ցանցերը հայց են ներկայացրել Նյու Ջերսիի նահանգին և նահանգապետ Ֆիլիպ Մերֆիին: Նրանք իշխանություններին մեղադրել են խտրականության մեջ այն պատճառով, որ նահանգը թույլատրել է եկեղեցիների բացումը, իսկ կինոթատրոններին մինչեւ հիմա արգելվում է աշխատել:

Նյու Ջերսի նահանգը կինոթատրոնների կողմից պատահական ընտրված չէ: Սա կարևոր մաս է երկրի դրամարկղային քարտեզի վրա՝ դրա շուրջ 100 կինոթատրոններ բերում են ԱՄՆ-ի ընդհանուր դրամարկղի մոտ 2,5 տոկոսը, սակայն, միևնույն ժամանակ, այն աշխարհագրորեն և ենթակառուցվածքային կապ ունի վարձույթի համար ամենախոշոր և շահութաբեր տարածաշրջանի՝ Նյու Յորք քաղաքի հետ: Բացի այդ, ասում են, որ տեղի նահանգապետն ավելի ճկուն է, քան Նյու Յորքի իշխանությունները:

ԱՄՆ-ի կինովարձույթի շուկայի շատ խաղացողներ վիրավորված են առողջապահության համակարգի իշխանություններից և պաշտոնյաներից, քանի որ կարծում են, որ արդյունաբերությանը անարդար են վերաբերվում: AMC-ն ու Regal-ը բազմիցս հայտարարել են, որ իրենք ունեն աշխատանքի վերականգնման մտածված սխեմաներ, որոնցում ամրագրված են սանիտարական-համաճարակաբանական բոլոր նորմերն ու կանոնները պահպանելու պարտավորությունները: Սակայն աշխատանքի թույլտվություններ կան ոչ բոլոր նահանգներում:

Եթե կինոթատրոնները կարողանան շահել այդ գործը, այն նախադեպ կստեղծի եւ կնպաստի այլ հինգ նահանգների իշխանությունների կողմից կինոթատրոնների վերաբերյալ որոշումների կայացմանը: Խտրականության տակ ներկայացվող աշխատելու արգելքը ամենաակնհայտ քայլը չէ, բայց ամերիկյան իրավունքի համար այդ «իրավաբանորեն ճշմարտանման փաստարկը» կարող է աշխատել: Սակայն առայժմ ԱՄՆ-ում կինովարձույթի համար հիմնական վտանգ են ներկայացնում ոչ թե իշխանությունների որոշումները, այլ COVID-19 հիվանդացության նվազող ժամանակացույցը: Եթե իրավիճակը չհաջողվի կոտրել, ապա օգոստոսի կեսերին երկրի կինոթատրոնների զանգվածային բացման մասին խոսք լինել չի կարող:

Շարունակել ընթերցումը

Նորություններ

Կանադական Cineplex-ը դատի է տվել աշխարհի մեծությամբ երկրորդ կինոցանցին

Այն բանի համար, որ նա հրաժարվել է Cineplex-ին կլանելու գործարքից:

Հրապարակվել է

Կանադական Cineplex կինոցանցը դատական վարույթ է նախաձեռնել աշխարհի երկրորդ խոշորագույն Cineworld կինոցանցի դեմ, ավելի ճիշտ՝ նրա մայր Cineworld Group ընկերության դեմ: Հայցը կապված է վերջինիս կողմից Cineplex-ի ձեռքբերման գործարքն ավարտելու մերժման հետ: Cineworld-ը հայտարարել էր կանադական կինոցանցի կլանման մասին հունիսի 12-ին: Գործարքի առժեքը կազմում էր 1,6 մլրդ դոլար, սակայն համաձայնեցման վերջին փուլում հրաժարվել է գործարքից:

Cineplex-ի կարծիքով, Cineworld-ի գործողությունները խախտում են ընկերությունների միջև պայմանավորվածությունները և չեն համապատասխանում գործարար էթիկային: Cineworld-ը հրաժարվել է գործարքից՝ վկայակոչելով նաև պանդեմիայի հետ կապված անբարենպաստ պայմանները: Կանադացիները վստահ են, որ այդ պատճառները թերի են, իսկ իրական պատճառները կապված են գնորդի կասկածների հետ, ինչը հակասում է նրա հետ նախկինում կնքված մտադրությունների մասին համաձայնագրերին:

«Մինչ Cineplex-ը կատարել է իր բոլոր պարտավորությունները Համաձայնագրի վերաբերյալ, Cineworld-ը դա չի արել», — նշվում է կանադական կինոցանցի հայտարարության մեջ: Ավելին, առանձին նշվում է, որ համաձայնագրում գրված է եղել, որ անմիջականորեն պանդեմիան չի կարող պատճառ հանդիսանալ գործարքից հրաժարվելու համար:

Cineplex-ի հայցը հայտնվել է ուրբաթ՝ հուլիսի 3-ին, իսկ արդեն երկուշաբթի՝ հուլիսի 6-ին, Cineworld-ը հրապարակել է հակընդդեմ հայտարարություն, որում հաղորդվում էր, որ համաձայն չէ պայմանավորվածությունների խախտման մեղադրանքներին: Cineworld-ը պնդում է, որ դադարեցրել է գործարքը, քանի որ Cineplex-ը խախտել է մտադրությունների համաձայնագրում նկարագրված մի շարք պայմանավորվածություններ: Թե ինչի մասին է խոսքը, չի հստակեցվում:

«Cineplex-ը չի ուղղել այդ խախտումները, երբ նրանց հնարավորություն է տրվել դա անել», — ասվում է Cineworld-ի հայտարարության մեջ: Այժմ աշխարհի երկրորդ խոշորագույն կինոցանցը իրեն իրավունք է վերապահում կանադական ցանցից բռնագանձել բոլոր վնասները, ինչպես նաև այն վնասները, որոնք կրել են չկայացած կլանման պատճառով, ներառյալ ֆինանսավորման ծախսերը, խորհրդատվական ծառայությունների վճարումը եւ այլ կրած ծախսերը: Ամենայն հավանականությամբ, շուտով կհայտնվի հակընդդեմ հայց նրանից:

Շարունակել ընթերցումը

Նորություններ

Փարիզում կբացվի լողացող կինոթատրոն

Ի նշանավորումն Paris Plages քաղաքային լողափի վերադարձի՝ քաղաքում լողացող կինոթատրոն կհայտնվի:

Հրապարակվել է

Փարիզում` Սենի ափին բացվում է լողացող կինոթատրոն, որտեղ մարդիկ նստած կլինեն նավակներում, պահպանելով սոցիալական հեռավորությունը:

«Cinéma sur l’Eau» կամ ֆիլմ ջրի վրա տեղի կունենա հուլիսի 18-ին և կազդարարի Paris Plages-ի բացումը՝ ամենամյա քաղաքային ծրագրի, որը ամռանը Ֆրանսիայի մայրաքաղաքում ստեղծում է ժամանակավոր լողափ:

Կինոասերները կկարողանան վայելել անվճար դիտումները 38 հարմարավետ էլեկտրական նավակներում, որոնք կարող են տեղավորել երկուսից վեց մարդ, պահպանելով սոցիալական հեռավորությունը: Փարիզցիները կարող են մասնակցել այդ տեղերի խաղարկությանը երեքշաբթի՝ հուլիսի 15-ն:

Եվս 150 մարդ ֆիլմը դիտելու է ցամաքում գտնվող տախտակամածներից՝ կենդանի հերթով:

Մեծ էկրանին կցուցադրվեն երկու ֆիլմեր, այդ թվում «Թագի պատմությունը», կարճամետրաժ ֆիլմ, որը հաղթող է ճանաչվել Mk2 կինոթատրոնների ցանցի կողմից կազմակեպված մրցույթում, որը նաև հանդիսանում է ջրային ցուցադրություն համանախաձեռնող:

Երկրորդ ֆիլմը՝ «Le Grand Bain», 2018 թվականի ֆրանսիական կատակերգությունը տղամարդկանց խմբի մասին է, որոնք սինխրոն լողի թիմ են հիմնում:

Ֆրանսիայի կինոթատրոններին անցյալ ամսվա վերջին թույլատրել են կրկին բացվել պանդեմիայի պատճառով փակվելուց հետո: Դահլիճը պետք է լցված լինի ոչ ավելի, քան 50 տոկոսով:

Շարունակել ընթերցումը

Միացեք մեզ

Գովազդ

ԿինոՊրես Telegram

Գովազդ

Հարցում

Թրենդային

Copyright © 2019-2020 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: