Connect with us

Նորություններ

Քերրի Ֆիշերը պետք է ջեդայ դառնար «Աստղային պատերազմների» 9 դրվագում

Հրապարակվել է

«Աստղային պատերազմներ» սագայի իններորդ էպիզոդում հեղինակները պատրաստվում էին արժանապատվորեն ավարտել Լեյա Օրգանայի սյուժետային գիծը, սակայն դերասանուհու մահվան պատճառով 2016-ի դեկտեմբերին նրա մասնակցությամբ նոր տեսարաններ նկարահանելն արդեն չի հաջողվել. Ջեյ Ջեյ Աբրամսը ֆիլմում օգտագործում է «Ուժի զարթոնքի» սեւագիր նյութերը:

Yahoo-ին տված հարցազրույցում Քերրի Ֆիշերի եղբայրը՝ Թոդ Ֆիշերը պատմել է, որ սցենարիստները մեծ պլաններ են կազմել Լեյայի վերաբերյալ. հենց նա պետք է դառնար Վերջին ջեդայը «Star Wars: The Rise of Skywalker»-ում, եւ իր ունակությունների հղումը 8 դրվագում պատահական չէր: Ավելին, Քերրի Ֆիշերի լեգենդար հերոսուհուն նույնիսկ ցանկանում էին տալ իր լուսային սուրը:

«Նա վերջին ֆիլմի հանգուցալուծման կարևոր մասն էր: Նա պետք է դառնար վերջին ջեդայը, այսպես ասած: Թույն, չէ՞: Ինձ անընդհատ հարցնում էին՝ «Ինչո՞ւ Քերրին չի վերցնում լուսային սուրը և ոչնչացնում վատ տղաներին:» Օբի-Վանը ուժերի ծաղկման մեջ էր, երբ նա այնքան տարեկան էր, որքան Քերրին:»

Ի սկզբանե ենթադրվում էր, որ Լեյան ամենեւին չի հայտնվի իններորդ էպիզոդում, բայց հետո դերասանուհու մտերիմները (նրա դուստրը՝ Բիլլի Լուրդն ու ինքը՝ Թոդ Ֆիշերը) Ջեյ Ջեյ Աբրամսին թույլ են տվել օգտվել այն կադրերից, որոնք նկարահանվել են դեռեւս «Ուժի զարթոնքի» համար: Ընդհանուր առմամբ, Ֆիշերի խոսքով, տևողությունը կազմել է ութ րոպե, որոնք ամբողջությամբ կընդգրկվեն առաջիկա ֆիլմում:

«Նրանք վերցրել են այդ 8 րոպեանոց նյութերից յուրաքանչյուր կադր, վերլուծել են և պատշաճ կերպով ընդգրկել են պատմության մեջ: Դա մի տեսակ կախարդանք է:»

Սյուժեի մանրամասները դեռ գաղտնի են պահվում: Հայտնի է միայն, որ մեզ սպասում է մեկ տարի առաջ անցկացվելիք ժամանակային թռիչք: Բացի այդ, ֆիլմում կվերադառնա կայսր Պալպատինը Իէն Մակդայարմիդի կատարմամբ, ընդ որում, ռեժիսոր Ջեյ Ջեյ Աբրամսի խոսքով, նա առանցքային դեր կխաղա ամբողջ պատմության համար: Հեղինակները խոստանում են Սքայուոկերների լեգենդար սագայի եզրափակիչը հիրավի վիթխարի դարձնել եւ երկրպագուներին հուզող հարցերին պատասխաններ տալ:

«Rise of Skywalker»-ը հայկական կինոթատրոնների էկրաններին կհայտնվեն 2019 թվականի դեկտեմբերի 19-ին:

Միացեք մեր Telegram ալիքին և առաջինը ստացեք մեր նորությունները
Շարունակել ընթերցումը
Գովազդ
Մեկնաբանություններ

Նորություններ

Սգում է ամբողջ Հոլիվուդը՝ մահացել է բասկետբոլիստ Կոբի Բրայանտը

ԱՄՆ-ում կործանվել է Կոբի Բրայանտի ուղղաթիռը ՝ ԲԱԱ-ի ամենահայտնի բասկետբոլիստներից մեկը: Նա ոչ միայն ականավոր մարզիկ էր, այլեւ «Օսկարի» դափնեկիր:

Հրապարակվել է

Ամերիկացի բասկետբոլիստ Կոբի Բրայանտը մահացել է հունվարի 26-ին: Մասնավոր ուղղաթիռը, որով նա թռչում էր 13-ամյա դստեր՝ Ջաննայի հետ, կործանվել է Լոս Անջելեսից ոչ հեռու: Բրայանտների հետ օդանավում եղել է եւս յոթ մարդ: Բոլորը զոհվել են: Նախնական տվյալներով՝ ուղղաթիռի կործանման պատճառ կարող էր դառնալ խիտ մառախուղը: 41-ամյա Բրայանտը ամենահայտնի պրոֆեսիոնալ բասկետբոլիստներից մեկն էր: Նա խաղացել է Բասկետբոլի ազգային ասոցիացիայի «Լոս Անջելես Լեյքերս» թիմում: Մարզիկը երկու անգամ օլիմպիական չեմպիոն է դարձել ԱՄՆ-ի բասկետբոլի հավաքականի կազմում (2007 եւ 2012 թվականներին):

2018 թվականին Բրայանտը Օսկար է ստացել «Թանկագին բասկետբոլ» անիմացիոն կարճամետրաժ ֆիլմի համար: Այս ֆիլմը բասկետբոլիստի համանուն բանաստեղծության էկրանավորումն է, որում նա հրաժեշտ է տվել սպորտին (Կոբին իր կարիերան ավարտել է 2016 թվականին): Նա նաեւ գրել է սցենարը, հնչեցրել գլխավոր հերոսին եւ հանդես եկել որպես ֆիլմի գործադիր պրոդյուսեր: Բացի Օսկարից, ֆիլմն արժանացել է Annie Award մրցանակի, գլխավոր մուլտիպլիկացիոն մրցանակին: «Անիմացիան կարող է մարդկային հույզերն ավելի համոզիչ եւ ավելի հետաքրքիր տեսողական ձեւով ցույց տալ, քան խաղարկային նկարները», — բասկետբոլիստն իր հետաքրքրությունը բացատրում էր անիմացիոն ֆիլմերի նկատմամբ:

Բրայանտի համար սգում է ոչ միայն մարզական համայնքը, այլեւ երաժշտական եւ կինոարդյունաբերական: Բրայանտի մասին իրենց հիշողությունները կիսեցին շատ ռեժիսորներ ու դերասաններ՝ Էդգար Ռայթը, Ջեֆրի Ռայթը, Շերը, Բոբ Այգերը, Սեֆդի եղբայրները, Թրեւոր Նոան, Էլեն Դեջեներիսը, Քիմ Քարդաշյանը, Բեն Սթիլերը, Բեն Աֆլեքը, Սամուել Լ. Ջեքսոնը, Ռիզ Ուիզերսփունը եւ ուրիշներ: Մարզիկի մասին խոսքերով սկսվել է «Գրեմմի» 62-րդ երաժշտական մրցանակաբաշխությունը, որը տեղի է ունեցել «Լոս Անջելես Լեյքերս» մարզադաշտում: Երգչուհի Ալիշիա Քիսը կատարել է “It’s So Hard to Say Goodbye” երգը ի հիշատակ Բրայանտի:

Շարունակել ընթերցումը

Կինոիրադարձություններ

Ամերիկյան կինոակադեմիան Լոս Անջելեսում հայտարարել է Օսկարի շաբաթ

Հրապարակվել է

«Օսկար» 92-րդ մրցանակաբաշխությանը նախորդող շաբաթ Կինեմատոգրաֆիական արվեստների և գիտությունների ակադեմիան կներկայացնի հանրային ծրագրերի շարք՝ նվիրված այս տարվա անվանակարգորդներին Անիմացիոն գեղարվեստական ֆիլմի, Վավերագրական գեղարվեստական ֆիլմի, Վավերագրական կարճամետրաժ ֆիլմի, Միջազգային գեղարվեստական ֆիլմի, Դիմահարդարման և սանրվածքի, ինչպես նաև Անիմացիոն և Խաղարկային կարճամետրաժ ֆիլմերի անվանակարգորդներին: Բոլոր միջոցառումները տեղի կունենան Բեվերլի Հիլզի Սեմյուել Գոլդվինի ակադեմիական թատրոնում:

Օսկարի շաբաթվա ժամանակացույցը հետեւյալն է՝

OSCAR WEEK: ՎԱՎԵՐԱԳՐԱԿԱՆ

Երեքշաբթի, փետրվարի 4, 19.00
Սեմյուել Գոլդվինի Թատրոն

OSCAR WEEK: ԿԱՐՃԱՄԵՏՐԱԺ

Չորեքշաբթի, փետրվարի 5, 19.00
Սեմյուել Գոլդվինի Թատրոն

OSCAR WEEK: ՄԻԺԱԶԳԱՅԻՆ ԳԵՂԱՐՎԵՍՏԱԿԱՆ ՖԻԼՄ

Հինգշաբթի, փետրվարի 6, 19.00
Սեմյուել Գոլդվինի Թատրոն

OSCAR WEEK: ԱՆԻՄԱՑԻԱ

Շաբաթ, փետրվարի 8, 10.00
Սեմյուել Գոլդվինի Թատրոն

OSCAR WEEK: ԴԻՄԱՀԱՐԴԱՐՄԱՆ և ՍԱՆՐՎԱԾՔԻ ՍԻՄՊՈԶԻՈՒՄ

Շաբաթ, փետրվարի 8, 15.00
Սեմյուել Գոլդվինի Թատրոն

Samuel Goldwyn Theater
8949 Wilshire Blvd.
Beverly Hills, CA 90211

Շարունակել ընթերցումը

Հեռուստատեսություն

Մկրտիչ Արզումանյանի մասնակցությամբ «Գոշա» սերիալը մեկնարկում է ռուսական հեռուստաալիքի եթերում

Մկրտիչ Արզումանյանը մարմնավորելու է ռուսական Միսթեր Բինին:

Հրապարակվել է

Հունվարի 25-ից ռուսական «Սուպեր» հեռուստաալիքով եթեր կհեռարձակվի «Գոշա» սուպեր նախագիծը՝ ռուսական Միսթր Բինի մասին: Սերիալի ռեժիսորն է Միխայիլ Միրոնովը, իսկ պրոդյուսերների աթոռներն են զբաղեցրել Ալեքսեյ Տրոցյուկը, Էդուարդ Իլոյանը, Միխայիլ Տկաչենկոն եւ Ռեզո Գիգինեիշվիլին: Սցենարը գրել է Սարգիս Մնոյանը, ում սցենարով նկարահանվել էր «Ուրիշի Փոխարեն» և հայ-ղազախական «Քայլ Ձիյով» կինոնկարները: Ամաչկոտ ժպիտով անշուք տղայի գլխավոր դերը բաժին է հասել Մկրտիչ Արզումանյանին:

(ավելին …)

Շարունակել ընթերցումը
Գովազդ
Գովազդ

Հարցում

Հունվարի ո՞ր ֆիլմն եք սպասում:

View Results

Loading ... Loading ...

Թրենդային