Connect with us

Նորություններ

Վրաստանի ազգային կինոկենտրոնը գտել է «Օսկարի» հավակնորդին

Հրապարակվել է

Ինչպես տեղեկացնում է Վրաստանի ազգային կինոկենտրոնը, հուլիսի 31-ին ընտրվել է «Օսկարի» հավակնորդ ֆիլմը: Դիթո Ցինցաձեի «Շինդիսի» ֆիլմը Վրաստանից ներկայացված կլինի Ամերիկյան կինոակադեմիայի «Օսկար» մրցանակի «Լավագույն միջազգային խաղարկային ֆիլմ» անվանակարգում:

Ընտրությունը ավանդաբար արվել է գաղտնի քվեարկության պայմաններում՝ «Շինդիսիի» օգտին քվեարկել է ընտրական հանձնաժողովի 12 անդամներից 10-ը: Բացի «Շինդիսի»-ից, «Օսկարի» էին հավակնում ևս չորս ֆիլմեր՝ «Շքերթը» (Նինո Ժվանիա), «Մինչև հայրիկի վերադառնալը» (Մարի Գուլբիանի), «Հարևանները» (Գիգիշա Աբաշիձե) և «Ներշնչիր-արտաշնչիր» ֆիլմը (Դիթո Ցինցաձե):

Հանձնաժողովի կազմում են կինոկենտրոնի տնօրեն Գագա Չխեիձեն, Թբիլիսիի միջազգային փառատոնի Նինո Անջապարիձեն, կրթության, գիտության, մշակույթի եւ սպորտի նախարարության Նանա Դոլիձեն, ինչպես նաեւ «Վրաց ֆիլմ» կինոստուդիայի Գեորգի Խարեբավան ներկայացուցիչները: Ժյուրիի անդամներն են նաեւ պրոդյուսեր Սուլհան Տուրմանիձեն, ռեժիսորներ Զուրաբ Ինաշվիլին, Գեորգի Մասխարաշվիլին եւ Թեմուր Չխեիձեն, կինոքննադատներ Սալոմե Կիկալեիշվիլին եւ Արչիլ Շուբաշվիլին, բեմադիր-նկարիչ Անկա Կալատոզիշվիլին եւ դերասանուհի Նատա Մուրվանիձեն:

«Շինդիսի» ֆիլը պատմում է վրացական գյուղի մասին, որը պատերազմ է ապրել 20-րդ դարում: Սցենարը հիմնված է 2008 թվականի օգոստոսին Վրաստանի եւ Ռուսաստանի միջեւ պատերազմի հերոս դարձած գյուղացիների եւ զինվորների անձնազոհության իրական իրադարձությունների եւ պատմությունների վրա:

Վրաստանի ազգային կինոկենտրոնը մրցույթի հայտերն ընդունել է հուլիսի 2-ից հուլիսի 26-ը: Մրցույթի պայմանների համաձայն «Օսկարին» հավակնող կինոնկարները չպետք է ցուցադրվեին համացանցում կամ հեռուստատեսությամբ մինչեւ պրեմիերան, իսկ նկարահանող խումբը հիմնականում պետք է կազմված լինի Վրաստանի քաղաքացիներից կամ ռեզիդենտներից:

«Օսկար» 92-րդ մրցանակաբաշխությունը տեղի կունենա 2020 թվականի փետրվարի 9-ին:

Շարունակել ընթերցումը
Գովազդ
Մեկնաբանություններ

Ինտերնետ

Ուիլ Ֆերելը եւ Ռեյչել ՄաքԱդամսը «Եվրատեսիլի» հայտ են ներկայացրել

Հրապարակվել է

Netfix-ը շարունակում է իր մտադրությունների լրջությունը ցուցադրել առաջիկա «Եվրատեսիլ» կատակերգության՝ երգի միակ մրցույթի նկատմամբ, որը տեղի կունենա այս տարի: Նախօրեին հայտնվել է սանուդտրեքի առաջին ստեղծագործությունը, որը ձայնագրել է Ռեյչել ՄաքԱդամսի և Ուիլ Ֆերելի դուետը, ում իր ձայնն է նվիրել շվեդ երգչուհի Մոլլի Սանդենը:

Եվ ահա պաշտոնական տեսանյութ, որից հետո դուք չեք կարող հրաժարվել այս ֆիլմի դիտումից: Ֆիլմը հնարավոր կլինի դիտել հոսքային ծառայությունում արդեն հունիսի 26-ին:

Շարունակել ընթերցումը

Կինոիրադարձություններ

Կաննի փառատոնը չեղյալ է հայտարարվել կորոնավիրուսի պատճառով

Հրապարակվել է

Կաննի միջազգային կինոփառատոնը կորոնավիրուսի պատճառով չի անցկացվի 2020 թվականին: Այս մասին հայտնում են փառատոնի կազմակերպիչները:

Կազմակերպիչները հունիսի սկզբին ցանկանում են ներկայացնել այն ֆիլմերի ցանկը, որոնք պետք է հայտնվեին ստուգատեսում: Ցուցակը կկոչվի «Կանն-2020»: Ֆիլմերն աշնանը կցուցադրվեն Տորոնտոյի, Սան Սեբաստիանի, Անգուլեմի, Վենետիկի, Նյու Յորքի, Դովիլի, Պուսանի եւ Լիոնի կինոփառատոններում:

Variety պարբերականը հավելելում է, որ Վենետիկի կինոփառատոնն այս տարի անցկացնելու մասին որոշումը կկայացվի մայիսի վերջին:

Կաննի 74-րդ կինոփառատոնին ֆիլմերի ընտրությանը կարող են մասնակցել այն ֆիլմերը, որոնք մտել են նախորդ ստուգատեսի ծրագիրը, սակայն հետաձգվել են 2021 թվականին:

Ավելի վաղ հաղորդվում էր, որ Կաննի կինոփառատոնը չի կայանա մայիսին Ֆրանսիայում կորոնավիրուսի տարածման պատճառով:

Շարունակել ընթերցումը

Կինովարձույթ

«Ջոն Ուիք 4» պրեմիերան հետաձգվել է մեկ տարով

Հրապարակվել է

Պանդեմիայի պատճառով Lionsgate ստուդիան ճշգրտել է իր նախագծերի թողարկման ժամանակացույցը: Այսպես «Ջոն Ուիք» մարտաֆիլմի չորրորդ մասը՝ Կիանու Ռիվզի մասնակցությամբ, մեծ էկրաններին կհայտնվի 2022 թվականի մայիսին:

Ի սկզբանե ֆիլմը պետք է թողարկվեր 2021 թվականի մայիսի 21-ին, մեկ շաբաթում՝ չորրորդ «Մատրիցա»-ի հետ (որտեղ նույնպես զբաղված է Ռիվզը): Այժմ այդ օրը զբաղեցրել է «Սղոցի» վերագործարկումը Քրիս Ռոքի մասնակցությամբ: Բացի այդ, Lionsgate-ը «Մարդասպանի թիկնապահի» սիքվելն հետաձգել է մինչեւ 2021 թվականի օգոստոսի 28-ը:

Ստուդիայի պատրաստվող նախագծերը նույնպես ստացել են այս տարվա թողարկման ամսաթիվը` «Անտեբելում» sci-fi թրիլլեր՝ 2020 թվականի օգոստոսի 21, «Fatale» թրիլլեր՝ հոկտեմբերի 30-ին, «Ճանապարհորդներ» Քոլին Ֆարելի եւ Լիլի Ռոուզ-Դեփի մասնակցությամբ՝ նոյեմբերի 25-ին:

«Մարդասպան» մարտաֆիլմը Մայքլ Քիթոնի հետ, «Բարբ եւ Սթար գնում են Վիստա Դել Մար» կատակերգությունը պլանավորված է 2021 թվականի ապրիլ եւ հուլիս ամիսներին համապատասխանաբար:

Շարունակել ընթերցումը

Միացեք մեզ

Գովազդ
Գովազդ

Հարցում

Թրենդային

Copyright © 2019-2020 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: