Connect with us

Ընտրացանկ

5 ֆիլմ պոռնիկների մասին. մաս 1

Հրապարակվել է

Եկեք այսօր խոսենք եւ դիտենք պոռնիկների մասին ֆիլմերը: Մենք հավաքել ենք մարմնավաճառների եւ պոռնիկների մասին ամենավառ ֆիլմերի ցանկը: Ցուցակը կիսել ենք մի քանի մասի, որ ամեն ինչ լինի չափի մեջ: Հարկ է նշել, որ հաճախ սիրո քրմուհիների դերերը դառնում էին շատ վառ և լիարժեքորեն հանդիսատեսին տալիս էին հստակ զգացողություն, թե ինչ է մարմնավաճառ լինելը:

Մենք արդեն սկսել ենք էրոտիկ ֆիլմերի ցանկը, առանձին ցանկով ներկայացրել ենք ֆիլմեր պոռնոյի մասին և հիմա կներկայացնենք ֆիլմեր, որոնց գլխավոր հերոսներին Հայաստանում անվանում են երեք տառով:

«Մուլեն Ռուժ» / Moulin Rouge! (2001)

Այս դժվարին թեման սկսենք մելոդրամայից: «Մուլեն Ռուժը» իրավի կարելի համարել աշխարհի ամենառոմանտիկ ֆիլմերից մեկը: Փարիզյան հայտնի կաբարե ակումբում տեղի ունեցող գործողությունները պատմում են մի երիտասարդի մասին, ով աշխատում է սեփական ուժերով կայանալ այս դժվարին կյանքում: Նա գրող է, հարևանները բոհեմի ներկայացուցիչներ: Միասին այցելում են Մուլեն Ռուժ և տղան սիրահարվում է…

«Սպիտակ հասթլերը» / Hustler White (1996)

Մարմնավաճառ աղջիկները արդեն մի տեսակ իրեն սպառած թեմա է: Շատ է խոսվում: Տղամարդկան մարմնավաճառության մասին համարյա երբեք չի խոսվում…

Ռիկ Կաստրոյի եւ Բրյուս Լաբրյուսի սադրիչ ֆիլմը Թոնի Ուորդի հետ, որը նկարահանվել է Լոս Անջելեսի հասթլերների, վաճառվող սիրո եւ անբարոյական աշխարհի մասին: Ավանգարդ կինոյի եւ իրական պոռնոյի կոկտեյլ:

Նատալի / Nathalie… (2003)

«Նատալի» ֆիլմի սյուժեն հիշեցնում է կլասիկ հարաբերություններ, երբ աղջիկը ընկերոջ հավատարմությունը ստուգելու համար ընկերուհուն «քսի» է տալիս ընկերոջ վրա: Ամուսնու գործուղումներից մեկից հետո Կատրինը իր ինքնապատասխանիչի վրա հայտնաբերում է կողմնակի կնոջ հաղորդագրության ձայնագրությունը, որը պարունակում է բավականին ինտիմ մանրամասներ: Նա որոշում է հասարակաց տան աղջիկ վարձել իր ամուսնուն հետևելու համար:

«Ինտերաղջիկը» / Интердевочка (1989)

«Ինտերաղջիկը» պատմում է մի մարմնավաճառուհու մասին, ով ուզում է ամուսնանալ արտասահմանցու հետ, գնալ արտասահման, տուն ունենալ, իսկ վերջում հասկանում է, որ իրեն ինչ-որ բան պակասում է` երջանկությունը:

101 վարձու տղա / 101 Rent Boys (2000)

Սա վավերագրական ֆիլմ է: Ռեժիսորը վճարում է վարձու տղաներին և զրուցում է նրանց հետ: Նրանք պատմում են անձնական պատմություններ:

Լոս Անջելեսի Սանտա Մոնիկա բուլվարն աշխարհի ամենահայտնի վայրերից մեկն է, որտեղ աշխատում են մարմնավաճառ տղաները: Այնտեղի յուրաքանչյուր քար, եթե կարողանար խոսել, կարող էր այնպիսի պատմություններ պատմել…

Այսօրվա համար այսքանը, սպասեք շարունակությանը: Իսկ վաղը յուրահատուկ օր է մեր երկրի համար: Հատուկ նոր ֆիլմացանկով հանդես կգանք:

Ընտրացանկ

5 ֆիլմ մերօրյա հերոսների մասին

Հրապարակվել է

Հուսով ենք, որ դուք հավանեցիք մեր վերջին թեմատիկ ցուցակները և պատրաստ եք ավելի լուրջ թեմաներին: Վաղուց ծրագրել էինք կազմել նման ցուցակ: Իհարկե, այսօր մեր հերոսները բժիշկներ են: Այդ մարդիկ օր ու գիշեր ծառայության մեջ են, որպեսզի մեր երկրի բնակչությանը զերծ պահեն տխուր ելքից: Այս ցանկը կարող է ներառել «Վարակ» ֆիլմը, բայց դրա մասին մենք արդեն գրել ենք առանձին հոդվածում եւ նվիրվել ենք մի ամբողջ տեսանյութ:

Այս ցուցակում մենք հավաքել ենք տարբեր ուղղությունների բժիշկների մասին ֆիլմեր: Բժիշկները նույն մարդիկ են: Հիվանդի եւ բժշկի միջեւ պետք է փոխադարձ հարգանք լինի: Ինչպես նախկինում, եկեք սկսենք այս ցանկը թեթև կատակերգությունով:

«Երկնքի եւ երկրի միջեւ» / Just Like Heaven (2005)

Դևիդը Սան-Ֆրանցիսկոյում վարձով նոր բնակարան է վերցնում։ Այն կարգի բերելով Դևիդը իր նոր բնակարանում հանդիպում է մի հիասքանչ երիտասարդ աղջկա՝ Էլիզաբեթին։ Էլիզաբեթը հավաստիացնում է, որ հենց ինքն է բնակարանի տերը։ Երբ Դևիդը այն եզրահանգման է գալիս, որ ինչ-որ արտառոց բան է տեղի ունեցել, աղջիկն ինչպես որ առեղծվածային կերպով հայտնվել էր, այդպես էլ անհետացավ։ Նույնիկս կողպեքների փոխելն արգելք չի հանդիսանում գեղեցկուհու համար։ Նա անընդհատ հայտնվում է և անհետանում, իսկ այդ ամենը սկսում է գժվեցնել Դևիդին։

«Սովորական սիրտ» / The Normal Heart (2014)

Ֆիլմը, որը պատմում է սուր սոցիալական եւ շատ կարեւոր խնդիրների մասին, կամ գերազանց է, կամ ձախողված, միջանկյալ տարբերակ գոյություն չունի: Մեր երկրում դեռ շարունակում են շատ զգույշ վերաբերվել ՁԻԱՀ-ի թեմային: Շրջանցել այն: Սյուժեի կենտրոնում ոչ միայն հիվանդներն են, այլեւ անձնուրաց բժիշկ, որը ձգտում է ճշմարտությունը հասցնել մարդկանց:

Կինոնկարում ներգրավված են Հոլիվուդի հետևյալ աստղերը՝ Մարկ Ռուֆալոն, Մեթ Բոմերը, Ջիմ Փարսոնսը, Ջուլիա Ռոբերտսը, Ջո Մանտելոն եւ Ալֆրեդ Մոլինան: Ֆիլմը Լարրի Կռամեռի կյանքի հիման վրա է նկարահանված: Գլխավոր դերակատարն է Մարկ Ռուֆալոն, ով մարմնավորում է գրող Նեդ Ուիքսսին:

Ֆիլմի գործողությունը տեղի է ունենում 1980-ականների առաջին կեսին և պատմում է Նյու Յորքի մի քանի բնակիչների մասին, որոնք փորձում են իշխանությունների եւ հասարակության ուշադրությունը հրավիրել ՁԻԱՀ-ի սկսվող համաճարակի վրա:

Ֆիլմը ստացել է «Ոսկե Գլոբուսի» երեք նոմինացիա և արժանացել է մեկ արձանիկի:

«Առիթմիա» / Аритмия (2017)

«Առիթմիան» նոր ռուսական կինոյի լավագույն նմուշներից է: Նկարը շատ կենսականորեն փոխանցում է շտապօգնության աշխատանքի մթնոլորտը` մի կողմից, հիվանդները, որոնք ապրում են կյանքի եւ մահվան եզրին, ինչ-որ մեկը տառապում է իր բթամտության եւ ապրելակերպի պատճառով, մյուս կողմից, առանց ընդմիջման կանչ կանչի հետևից սպասարկող բժիշկները: Միևնույն ժամանակ բժիշկները ունեն անձնական կյանք:

«Զարթոնք» / Awakenings (1990)

Ֆիլմի հիմքում է Օլիվեր Սաքսի 1973 թ. հիշողությունների գիրքը: Սաքսը 1969-1970 թ.թ. մեծ ձեռքբերումների հասավ իր փորձերի մեջ, ինչի մասին նա գրել է իր գրքում: Իսկապես կյանքը մեծ նվեր է, բայց շատերը դա, ցավոք, չեն հասկանում:

Բժիշկ Մալքոլմ Սեյերը՝ ամաչկոտ բժիշկ և գիտնական, օգտագործում է փորձարարական թմրանյութեր է՝ հազվագյուտ հիվանդությամբ տառապողներին «արթնացնելու» համար։ Լեոնարդը առաջին հիվանդն էր, ով ստացել էր այս չփորձված բուժումը: Նրա զարթոնքը, որը լի է ակնածանքով, վախով ու խանդավառությամբ, բերում է ինչպես նրա, այնպես էլ Սեյերի երկրորդ ծնունդին, երբ հիվանդը բացահայտում է իր և բժշկի համար կյանքի պարզ ուրախությունները։ Ներշնչված Լեոնարդի հրաշալի ապաքինմամբ՝ Սեյերը դեղամիջոց է տալիս մյուս հիվանդներին

«Սիբիլ» / Sibyl (2019)

«Սիբիլը» հավակնում էր Կաննի «Ոսկե արմավենու ճյուղին»: Իհարկե այն պարտվեց «Մակաբույծին»: Բայց այն, որ այս ֆիլմը դրել էին «Մակաբույծի», «Ատլանտիկայի», «Մաթիաս և Մաքսիմը», «Մի անգամ Հոլիվուդում» և այլ հայտնի ֆիլմերի կողքին նշանակում է, որ արժե ուշադրություն դարձնել:

Սիբիլը փորձառու եւ հաջողակ կին հոգեթերապեւտ է, որը ցանկանում է հրաժարվել պրակտիկայից, որպեսզի իրագործի գիրք գրելու վաղեմի ցանկությունը: Հերոսուհին լուրջ որոշում է կայացնում և կրճատում է հիվանդների թիվը, սակայն նրանցից մեկը՝ Մարգոն շատ է խնդրում Սիբիլին օգնել նրան և վերջինս չի կարողանում մերժել նրան: Մեկ «այո»-ն կարող է մեկընդմիշտ փոխել կյանքը, այնպես չէ՞:

Շարունակել ընթերցումը

Ընտրացանկ

5 հայկական ֆիլմ, որոնք նկարագրում են հետխորհրդային կյանքը

Հրապարակվել է

Խորհրդային Հայաստանի կինեմատոգրաֆը հարուստ էր իրականության մասին ֆիլմերով: Բնականաբար, այդ կինոնկարները ներծծված էին գաղափարախոսությունով, բայց որ դրանք պատմում են կյանքի մասին՝ կասկած չկա:

ԽՍՀՄ-ի փլուզումից հետո հայկական կինոն ապրում է ոչ կայուն կյանքով: Տարվա մեջ կարող է թողարկվել 5 ֆիլմ, կարող է թողարկվել մեկ կինոնկար: Բացի այդ, կինոարտադրության խնդիրներից են ֆիլմերի թեմաները և դրանց մատուցումը: Կինոթատրոնների բացակայությանը և կինոցուցադրության վիճակին չանդրադառնանք:

Այս ցուցակում հավաքել ենք հայկական ֆիլմեր, որոնք պատկերում են Հայաստանի ժողովրդի կյանքը և ապրելակերպը առավելագույն ճշգրիտ: Այս ֆիլմերը ձեզ կհիշեցնեն ինչպես լավ և ուրախ, այնպես էլ տխուր և մութ ժամանակները:

«Անիծվածները» (1991)

1991 թվականին «Հայֆիլմ» կինոստուդիայի կողմից նկարահանված քրեական դրամա ժանրի գեղարվեստական ֆիլմի բեմադրող ռեժիսորն է Դմիտրի Կեսայանցը։ Ֆիլմը պատմում է գաղութային կյանքի, այնտեղի բարքերի և գողական հասկացությունների (պանյատ) մասին։ Ֆիլմի դեպքերը զարգանում են Խորհրդային միության վերջալույսին և Արցախյան շարժմանը զուգընթաց։

Կինոնկարում ներկայացված ենթամշակույթը մեծ տարածում և ազդեցություն ունեցավ երիտասարդ սերնդի վրա: Իրավապահ մարմիններն ունեն իրենց «պլանը», որն անհրաժեշտ է կատարել: Արդյունքում բանտում է հայտնվում անմեղ մի երիտասարդ: Ֆիլմը նրա ողբերգական ճակատագրի մասին է:

«Բարի լույս» (2016)

Ժապավենը մեր ներկայի և անցյալի մասին է: Մենք միշտ 90-ը հիշում ենք որպես ցուրտ և մութ տարիներ, բայց այդ ցուրտը և մթությունը մի այնպիսի ազգային տաքության մթնոլորտ էին ստեղծում, որ նույնիսկ երբ հիշում ես դժվարին օրերը կամա թե ակամա ժպտում ես:

Ֆիլմը պատմում է հեռուստաընկերության ղեկավարության հետ մասնագիտական բախման մեջ մտած լրագրողի մասին: Հայրական տան ճանապարհին մանկության հուշերը նրան տանում են 90-ականների դժվարին ժամանակներ: Անցյալի հետ հանդիպումը օգնում է կրկին վերագտնել իրեն և կայացնել ճիշտ որոշում:

«140 դրամ» (2012)

«140 դրամ» կարճամետրաժ ֆիլմը մշտապես հիշեցնում է մեր երկրի խոցելի ընտանիքների մասին: Փոքրիկ Էդոն առաջին անգամ գնում է խանութ: Պետք է քրոջ համար կաթ առնի: Մայրը նրան տալիս է տան վերջին փողը`140 դրամ:

Այս ֆիլմը այն յուրահատուկ դեպքերից է, երբ կինոն նկարահանվում է ոչ պետական գումարով: Գումարը հավաքվել է «Քիքսթարթեր» օնլայն դրամահավաք հարթակում:

«Արմատներ» (2016)

Շարմ Փիքչրզը նկարահանում է ոչ միայն կատակերգություններ, այլ նաև հեղինակային կինո: Ֆիլմը պատմում է Բոստոնում բնակվող մի հայ տղայի՝ Արամի մասին, որը Հայոց ցեղասպանության 100-րդ տարելիցին որոշում է մեկնել Հայաստան: Արամը մասնագիտությամբ բլոգեր է և որոշում է իր բլոգում լուսաբանել այդ ընթացքը:

«Մեր երազանքների ճանապարհը» (2017)

«Մեր երազանքների ճանապարհը» նույնպես հանդիսանում է Շարմ Փիքչրզի նախագիծ: Կինոալմանախը միավորում է Հայաստանի բնակիչների ճակատագրերը: Պատմում է սիրո, պատերազմի, համերաշխության, ընտանիքի, ընկերների, հայրենիքի հանդեպ պարտքի մասին: Ժապավենը արտացոլում է Հայաստանի անկախության 26 տարիները:

Ֆիլմը բաղկացած է 7 մասերից, որոնցից յուրաքանչյուրը ունեն հատուկ պատմություն և ռեժիսոր: Ֆիլմից առանձնացվել էր «Սիմոնի Ճամփան» կարճամետրաժ ֆիլմը, որը պատմում է մեր աբսուրդ իրականության մասին:

Շարունակել ընթերցումը

Ընտրացանկ

5 լավագույն ֆիլմ պոռնոյի մասին

Հրապարակվել է

Մեծահասակների համար նախատեսված արդյունաբերությունը տեխնիկայի զարգացման հետ միայն թափ է հավաքում: Հրապուրելու արհեստը, ինչպես միշտ, պահանջված է: Շատերին է հետաքրքրում թե ինչ է տեղի ունենում պոռնոֆիլմերի «կուլիսներում»:

Մեր հանրությունը ապրում է պղպջակի մեջ, կարծելով, որ «եթե չի խոսվում՝ ուրեմն չկա»: Իրականում մեր երկիրը մի քանի անգամ հայտնվել է որոշ պոռնովարկանիշային ցուցակների առաջին տողում: Գուգլից օգտվում են հիմնականում նմանատիպ պարունակություն որոնելու համար:

Կինեմատոգրաֆը նույնպես բազմիցս փորձել է պատմել իր ամենավիճելի կողմերի մեկի մասին: Այս ցուցակում մենք հավաքել ենք տարբեր ժանրերի ամենահաջողված ֆիլմերը, որոնք այս կամ այն կերպ ներկայացնում են պոռնոգրաֆիայի թեման:

«Հարեւանուհի» / The Girl Next Door (2004)

Սկսենք մի փոքր անլուրջ և զվարճալի պատմությունից, որ թեթեվ մարսվի: Ուսանողական խորհրդի նախագահ, ակտիվիստ, գերազանցիկ ավագ դպրոցի աշակերտ Մեթյուն ամեն ինչ անում է, որպեսզի դառնա հաջողակ: Նա երազում է քաղաքական գործչի կարիերայի մասին, սակայն Դենիելը արագորեն ներխուժում է նրա կյանք: Նոր հարեւանուհին կուրացրել է նրան իր գեղեցկությամբ: Եվ շատ շուտով նա համոզվեց, որ գտել է իր կյանքի կնոջը:

Ինչ էր նրա զարմանքը, երբ նա իմացավ, որ աղջիկը նախկին պոռնոաստղ է: Եւ նրան պահելու համար, նա այժմ պետք է ռիսկի տակ դնի սենատորի աթոռը եւ անցնի քննություն, որին նա պատրաստ չէր:

«Արքայական կոբրա» / King Cobra (2016)

Ինչի՞ց սկսել «Արքայական կոբրայի» մասին: Այս գեյ-պոռնոդերասան Բրենթ Կորրիգանի կենսագրական ֆիլմը (ում կյանքը ֆիլմը «այլասերել է», — Կորրիգանի խոսքով) ունի բավական բարձրագոչ սեքսուալ տեսարաններ, որոնցով կարելի է լրացնել այս ամբողջ ցուցակը:

Ճշմարիտ պատմություն Բրենթ Կորրիգանի համար պոռնո պրոդյուսերների կատաղի մրցակցության մասին: Երբ երիտասարդ սիրունիկ գեյը սկսում է Cobra Video ստուդիային ահռելի շահույթ բերել, հայտնվում են որսորդներ, ովքեր ցանկանում են դերասանին ստանալ ցանկացած ձեւով, նույնիսկ արյունոտ:

«Լավլեյս» / Lovelace (2013)

Ֆիլմը հիմնված է իրական իրադարձությունների վրա եւ պատմում է ամենահայտնի պոռնոդերասանուհու կյանքի պատմությունը: Լինդա Բորմանը հանդիպում է Չակին երեկույթի ժամանակ: Չակը գերժամանակակից տղա է ապագայի վիթխարի ծրագրերով: Նա Լինդային համոզում է նկարահանվել «Խորը կոկորդը» պոռնոֆիլմում:

Ֆիլմը դառնում է սենսացիա, այն ցուցադրվում է բոլոր կինոթատրոններում: Լինդան եւ Չակը պարուրվում են փառքի ճառագայթներով, բայց հոնորարը այնքան մեծ չէր, որքան ցանկանում էին, եւ փողը կրկին անհրաժեշտություն է դառնում: Սեռական ստրկության մեջ ընկնելուց հետո Լինդան դառնում է ամբողջովին կախված իր ամուսնուց եւ դատապարտված է իր բոլոր քմահաճույքների եւ ցանկությունների կատարմանը:

«Ժողովուրդն ընդդեմ Լարրի Ֆլինթի» / The People vs. Larry Flynt (1996)

Ֆիլմը պատմում է սկանդալային հայտնի գործարար եւ ամերիկյան հայտնի պոռնոգրաֆիական «Հասթլեր» ամսագրի հրատարակչի մասին: Լարրի Ֆլինթը դարձել է 70-ականների, սեռական հեղափոխության, թմրանյութերի եւ մշակութային կատակլիզմների հերոս՝ փոխելով հասարակ ամերիկացիների կյանքը:

Լարին հայտնվել է տասնյակում, նա հստակ գիտեր, թե ինչն է պակասում մարդկանց: Իր ամսագրով նա միլիոններ է հավաքել, բայց դրանից նրա կյանքը չի դարձել անհոգ: Հասարակությունը նման ամսագիրը գնահատել է որպես մարտահրավեր, որը բազմաթիվ դատական հայցեր է հրահրել:

«Գիշերները բուգի ոճով» / Boogie Nights (1997)

«Գիշերները բուգի ոճով» չպետք է մոլորեցնի ձեզ իր անունով: Ֆիլմը դիսկո դարաշրջանի մասին չէ: Ֆիլմը պատմում է թե ինչպես է գլխավոր հերոս՝ Դիրկ Դիգերը դառնում պոռնոարդյունաբերության աստղ:

Պոռնոֆիլմերի ռեժիսորի հետ պատահական հանդիպումը Դիգերին ապահովել է վառ երեկույթներ, բարձր երաժշտություն եւ նկարահանման հրապարակում գրավիչ գործընկեր: Ռեժիսորի կնոջ և կոկաինային գեղեցկուհու դերը կատարում է Ջուլիան Մուրը:

Շարունակել ընթերցումը

Միացեք մեզ

Գովազդ
Գովազդ

Հարցում

Թրենդային

Copyright © 2019-2020 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: