Connect with us

Կրթություն

Academy Films-ը մեկնարկում է կինոդրամատուրգիայի դասերի շարք

Հրապարակվել է

Academy Films-ը մեկնարկում է կինոդրամատուրգիայի դասերի շարք, որը կվարի սցենարիստ, պրոդյուսեր Արմեն Գրիգորյանը։

Արմեն Գրիգորյանը սցենարիստ է և պրոդյուսեր։ Նա «Ռոբ Սահակյանց․ վարդագույն քաղաքի վերջին հիփին» վավերագրականի գլխավոր պրոդյուսերն է։ Որպես գործադիր պրոդյուսեր հանդես է եկել «Ես մնում եմ» լիամետրաժում, «Անավարտ թռիչք» ֆիլմում, «Տոմս դեպի Vegas» կատակերգությունում, ինչպես նաև մի շարք հեռուստասերիալներում՝ թե հայաստանյան, թե ռուսաստանյան հեռուստատեսության համար։

Մասնակցության համար տարիքային սահմանափակումներ չկան։ Մասնակիցներն ընտրվելու են հարցազրույցի միջոցով։

ԻՆՉՊԵ՞Ս ԴԻՄԵԼ

Գրանցվելու համար, անհրաժեշտ է մինչեւ սյուն թվականի հունվարի 25-ը ուղարկել ձեր մասին հակիրճ տեղեկատվություն եւ կոնտակտային տվյալներ info@academyfilms.tv էլ. հասցեին։

ԸՆԴՀԱՆՈՒՐ ՏԵՂԵԿՈՒԹՅՈՒՆ

  • Դասընթացի սկիզբը` փետրվարի 3,
  • Տևողությունը` 3 ամիս,
  • Լեզուն՝ հայերեն,
  • Արժեք՝ անվճար
  • Հաճախականությունը` շաբաթական 2 օր:

Միացեք մեր Telegram ալիքին և առաջինը ստացեք մեր նորությունները
Շարունակել ընթերցումը
Գովազդ
Մեկնաբանություններ

Կրթություն

«Ինչպես ես վաճառեցի իմ վեբ սերիալը Netflix-ին»: «Իստսայդերների» ռեժիսորի հինգ կանոնները

Սցենարիստ, ռեժիսոր եւ դերասան Կիտ Ուիլյամսոնը 4 տարի նկարահանել է «Իստսայդերներ» վեբ-սերիալը եւ տարբեր ալիքներ է փնտրել նրա առաջխաղացման համար, մինչեւ վերջապես նրան չի հաջողվել գործարք կնքել Netflix խոշորագույն հոսքային ծառայության հետ: Ուիլյամսոնը Indiewire պորտալի համար հոդված է գրել, որում պատմել է, թե ինչ սկզբունքներով է առաջնորդվել իր աշխատանքում:

Հրապարակվել է

2016 թվականի հուլիսի 1-ին իմ անկախ ԼԳԲՏ սերիալը՝ «Իստսայդերները» շուտք գորըց Netflix։ Իր գոյության չորս տարիների ընթացքում առաջին անգամ այն միջազգային մակարդակով հասանելի կդառնա ավելի քան տասը լեզուներով: Մենք երկար ճանապարհ ենք անցել YouTube-ից մինչեւ Netflix, եւ ես կարող եմ նշել մի քանի հիմնական լուծումներ, որոնք օգնեցին մեր շոուին առանձնանալ այնպիսի խիտ բնակեցված վեբ տարածքում:

Ես ուզում եմ ասել, որ այս ամենը կանխատեսվում էր ինձ համար, որ դա ինչ-որ պլանի մի մասն էր, բայց ճշմարտությունն այն է, որ ես նույնիսկ պատկերացում չունեի այն մասին, որ սերիալը կարող է այդքան կենդանի լինել: Ես ուզում էի գրել եւ հանել նախագիծ, ինչպես նաեւ խաղալ այն եւ այն ավարտին հասցնել, քանի որ մինչ այդ ես մասնակցել եմ բազմաթիվ միկրոբյուջեթային նախագծերում, որոնք այդպես էլ չեն իրականացվել: Ես նաև ուզում էի ԼԳԲՏ սերիալ ստեղծել, որի ստեղծումից հրաժարվում են հեռուստաալիքներ, սերիալ, որտեղ գլխավոր հերոսները կլինեն ոչ միայն միասեռական, այլև թերի, բարդ անհատներ, որոնք փորձում են իրենց անկանոն կյանքը կառավարել այնպես, ինչպես իրենց հետերոսեքսուալ ընկերները: Երբ ես մտածում եմ, թե ինչ մեծ ճանապարհ ենք անցել YouTube-ում առաջին երկու դրվագների թողարկումից հետո 2012 դեկտեմբերին, ես կարող եմ ազնվորեն ասել, որ այս շոուի ստեղծումը փոխեց իմ կարիերայի եւ իմ կյանքի հետագիծը:

Երբ առաջին երկու դրվագը հայտնի դարձան, մենք սկսեցինք Kickstarter-ի քարոզարշավը, որպեսզի գումար հավաքենք առաջին սեզոնի մնացած դրվագների ֆինանսավորման համար: Այնուհետեւ մեզ վրա դուրս եկավ Viacom Logo կաբելային ԼԳԲՏ ալիքը: Նա առաջարկել է նոր դրվագների պրեմիերան անցկացնել իր թվային հարթակում: Logo-ի դեբյուտից կարճ ժամանակ անց WolfeVideo անկախ ԼԳԲՏ ֆիլմերի դիստրիբյուտորը թողարկել է սերիալի DVD-ին եւ VOD տարբերակը, իսկ Logo-ն ամբողջ սեզոնը հեռարձակել է որպես հեռուստատեսային ֆիլմ: Մենք վերադարձանք Kickstarter, որպեսզի երկրորդ սեզոնի նկարահանումների համար հավաքենք ավելի քան 153 հազար ԱՄՆ դոլար։ Մենք կարողացանք գործարքներ կնքել TVOD-ի համար (Transactional Video On Demand) երկու եթերաշրջանների համար, ներառյալ բացառիկ Video On Demand-ի ցուցադրությունը եւ SVOD (Subscription Video On Demand) առաջին սեզոնի համար: Վերջապես, ես ուրախ եմ, որ երկրորդ սեզոնը բացառիկ հասանելի կլինի Netflix-ում, աշխարհի խոշորագույն SVOD ծառայության հարթակում:

Այս ընթացքում ես շատ բան սովորեցի սերիալների գնման գործընթացի մասին եւ պատրաստ եմ կիսել իմ խորհուրդները նրանց հետ, ովքեր ցանկանում են վաճառել իրենց նախագիծը այդ հարթակներին:

1. Գտեք ճկուն ձեւաչափ

Թեեւ շատերը կարող են հստակ կարծիք ունենալ այս հարցի վերաբերյալ, միեւնույն է, չկա միասնական աշխատող հեռուստասերիալային ձեւաչափ: Մի կրճատեք ձեր բովանդակությունը առանց հատուկ կարիքի, պարզապես այն պատճառով, որ պատրաստվում եք այն թողարկել YouTube-ում: Մտածեք, թե արդյոք դա հարմար է պատմության համար, ինչպես նաեւ, թե արդյոք դուք կարող եք գտնել տարբեր կառույցներ մեկ պատմության համար, միաժամանակ տարբեր ձեւերով տարածելու համար:

«Իստսայդերների» առաջին սեզոնը գրվել է ինչպես 10-ից մինչեւ 20 րոպե տեւողությամբ ինը սերիայի, այնպես էլ լիամետրաժ գեղարվեստական ֆիլմի ձևաչափով, եւ տարածվել է երկու ձեւաչափերով: Երկրորդ սեզոնի ստեղծման ժամանակ ես դեռ չունեի դիստրիբյուտոր, այնպես որ ես ուզում էի, որ շարքը հնարավորինս ճկուն լինի եւ գրեցի միանգամից վեց կես ժամանոց եւ 12 սերիա 10-15 րոպե ձևաչափով: Ես նաեւ հաշվի եմ առել, որ որոշ հեռուստադիտողներ դիտում են սերիալները միանգամից և ամբողջությամբ, այնպես որ ես նկարել եմ երկու կողմնակի սյուժետային գծեր, որոնք զարգացել են սերիայից սերիա: Ես կարող եմ կտրել նրանց, եթե մենք չկարողացանք վաճառել շոուն SVOD տարբերակով:

Նախքան երկրորդ եթերաղրջանի վրա աշխատեսլը ես նկատեցի, որ SVOD-ի գործընկերների մեծ մասը նախընտրում է ավելի երկար տեւողությամբ բովանդակություն, ինչպիսիք են ֆիլմերը եւ կես ժամանոց դրվագները, բայց դա այնքան էլ ճիշտ չէ յուրաքանչյուր կոնկրետ հարթակի դեպքում: Մեծամասնությունը, օրինակ, Fullscreen-ը եւ YouTube Red-ը, ընտրում են տարբեր տեւողության բովանդակություն:

2. Հետաքրքրեք նեղ շրջանակի սպառողներին

Կասկած չկա, որ «Իստսայդերների» հաջողությունը մեծամասամբ տեղի է ունեցել ԼԳԲՏ հանդիսատեսի ուշադրության շնորհիվ՝ քանի որ հեռուստատեսությունը չունի ԼԳԲՏ կերպարներով որակյալ բովանդակություն: «Իստսայդերները» հեռուստադիտողների շրջանում համացանցային սերիալի տեսքով հայտնի են դարձել հենց այն պատճառով, որ նրանք չէին կարող վաճառվել որպես հեռուստատեսային շոու:

Սկզբում շատերը շոուն դիտում էին Վեն Հանսիսի մասնակցության պատճառով, որը շատ հավատարիմ երկրպագուներ ունի «Ինչպես է պտտվում աշխարհը» սերիալի Լյուկ Սնայդերի կերպարի շնորհիվ: Մեր սերիալը հայտնի է դարձել մամուլում նրա հաջողության լուսաբանման, ինչպես նաեւ այն փաստի շնորհիվ, որ շատ կանայք հետաքրքրվում են ԼԳԲՏ պատմություններով: Իսկ երկրորդ սեզոնի համար մենք ներգրավեցինք այլ կարևոր ԼԳԲՏ անձանց, ինչպիսիք են դերասան Սթիվեն Գուարինոն, դրեգ սենսացիաներ Վիլլամ Բելլային և Մանիլա Լուզոնին և «Queer Eye»-ի աստղ Ջեյ Ռոդրիգեսը:

3. Ֆոլովերներ — մամուլ — ճանաչում

Սա, անկասկած, հաջող շարքի գործարկման ամենակարեւոր տարրն է: Ես խորհուրդ եմ տալիս բովանդակության բոլոր ստեղծողներին գրել մամլո հաղորդագրություն, նախքան արտադրության մեկնարկը: Եթե դուք չեք հորինել, թե ինչպես հետաքրքիր է ներկայացնել ձեր նախագիծը ԶԼՄ-ներում, լինի դա իր թեման կամ կենտրոնացվածությունը դերասանների եւ թիմի վրա, որոնց հետ աշխատում եք, ապա ռիսկ կա որոշ ժամանակ անց ամեն ինչ սկսել զրոյից:

YouTube-ի սերիալները կարող են հաջող լինել առանց լրատվամիջոցների, դրանց «վիրուսայնության» փաստը կարող է արժանի ինֆոառիթ լինել, բայց վեբ-սերիալների մեծ մասը, որոնք հասել են դիստրիբյուցիայի շրջան եւ հետո վերածվել են հեռուստանախագծերի, մամուլի ուշադրությունը գրավել են արդեն այն ժամանակ, երբ առաջին անգամ թողարկվել են: Բովանդակության գնորդները եւ հեռուստաբոսերը հեղինակներին գտնում են լրատվամիջոցների հրապարակումների շնորհիվ: Ես գիտեմ, որ Logo-ն դուրս է եկել մեզ վրա, շնորհիվ այն ուշադրության, որը մենք ստացել ենք ԼԳԲՏ մամուլից Kickstarter-ի քարոզարշավի ժամանակ: Մենք նաեւ փորձել ենք ստանալ մրցանակներ եւ փառատոնային փառք, որը կարող է լինել ծախսատար, բայց հաստատ կօգնի սերիալները առանձնանալ ամբոխից: Մենք առաջադրվել ենք Daytime Emmy Award, Satellite Award երկու կատեգորիաներում եւ փառատոնների ժամանակ շահել ենք մի քանի մրցանակ, The Indie Series Awards եւ LA Weekly Awards:

4. Պահպանեք բովանդակությունը, մինչեւ այն վաճառեք:

Այս կետը առավել բարդ է: Հանդիսատեսը կարող է բարկանալ ձեզ վրա, հատկապես այլ երկրների երկրպագուները: Logo Online-ը արգելափակվել է Միացյալ Նահանգներից դուրս, եւ միջազգային հոսքային գործընկերոջ որոնման համար ավելի շատ ժամանակ է պահանջվել, քան մենք ակնկալում էինք: Մենք նաեւ չկարողացանք շարունակել նկարահանել շոուն, քանի որ դեռեւս չենք ստացել DVD-ի թողարկման եւ VOD-ի վաճառքի եկամուտը: Երբ մեր լիցենզիոն համաձայնագրերի ժամկետը լրացել է, և մենք սպասում էինք SVOD-ի հետ բացառիկ պայմանագրի կնքմանը, շատերը չէին կարողանում հասկանալ, թե ինչու մենք ետ չվերադարձանք YouTube: Սակայն փաստն այն է, որ SVOD հարթակները պահանջում են, որ վաճառված բովանդակությունը լինի բացառիկ կամ գոնե մասամբ մատչելի անվճար առցանց դիտելու համար: Եթե մենք մի ամբողջ սեզոն տեղադրեինք YouTube-ում, ապա երբեք չէինք կարողանա վաճառել այն Netflix-ում:

5. Շարունակեք զարգացնել եւ վերակառուցել նախագիծը

Երկրորդ սեզոնում ես ուզում էի ընդլայնել աշխարհը եւ դերասանական կազմը, մասամբ այն պատճառով, որ ես նկատեցի, որ շատ անձնական ԼԳԲՏ սերիալներ սկսեցին հայտնվել հարաբերությունների թեմայով: Որպեսզի մեր նախագիծը առանձնանա մի շարք այլ նախագծերից, ես երկու անգամ ավելացրեցի դրվագների տեւողությունը եւ ընդգրկեցի երեք սյուժետային գիծ։ Ես նաեւ շեշտը դրելցի պատմության կատակերգական տարրերի մեջ: Սերիան միշտ սեւ կատակերգություն էր, բայց երկրորդ սեզոնում կլինեն սեռական ճանապարհով փոխանցվող հիվանդություններ, դրեգ-հերոսներ եւ սեքս խաղալիքներ աղջիշնիկի ժամանակ:

Ես կազմին ավելացրեցի մի քանի հայտնի դերասաններ՝ Բրիաննա Բրաունին, Սաթյա Բաբաին, Լիթա Բերքին եւ Լենոն Պարհեմին, եւ համոզվեցի, որ նա բազմազան է ստացվել — որ կան հետերոսեքսուալ կերպարներ, եւ լեսբուհիներ, եւ տրանսգենդերներ, ինչպես նաեւ տարբեր ցեղերի ներկայացուցիչներ:

Վերջում կարեւոր է հիշեցնել, որ թվային տարածքը մշտապես փոխվում է: Ավելի ու ավելի շատ ընկերություններ գումար են ներդնում SVOD հարթակներում եւ հավելվածներում, ուստի կարեւոր է ամբողջ ժամանակ հետեւել այս ոլորտում հայտնվող նոր հնարավորություններին: Ամեն տարի ավելի ու ավելի շատ վեբ-սերիալների փառատոներ են սկսվում, եւ նրանցից ոմանք սկսում են գրավել արդյունաբերության ուշադրությունը:

2015 թվականին ես դարձա Brooklyn Web Fest-ի և Content Creator Conference-ի հիմնադիրներից մեկը, և առաջին տարում մենք կարողացանք կազմել նախագծերի հրաշալի ծրագիր։ Մեր կոլեգիան այժմ ներառում է IFC-ի, Maker Studios-ի, Fullscreen-Ի, Video-ի, Above Average-ի, Seriously.TV, Black & Sexy TV, Open TV, KollideTV, Tubi TV, Wolfe Video, Scalelab եւ շատ այլ ընկերությունների ղեկավարները, որոնք ցանկանում են գտնել անկախ բովանդակության ստեղծողներին: Ավանդական փառատոները նույնպես սկսել են վեբ-սերիալներ ցուցադրել։ Եթե դուք կարող եք ստիպել հանդիսատեսին եւ արդյունաբերությանը համակրել ձեր պատմությունը, դուք կունենաք ավելի շատ հնարավորություններ, քան երբեւէ վաճառել նախագիծը: Վերջապես, ամենակարեւոր խորհուրդը, որը ես կարող եմ տալ՝ մտածեք, թե ինչպես պետք է սկսել ձեր նախագիծը, որպեսզի այն դառնա ավելի քան մեկ անգամյա իրադարձություն, փնտրեք տարածման ուղիներ, եւ դուք կհասնեց նշանակետին:

Շարունակել ընթերցումը

Կինոարտադրություն

Academy Films-ը աջակցում է ուսանողական նախագծերին. մանրամասներ

Հրապարակվել է

Academy Films («Աքեդեմի Ֆիլմզ») ֆիլմարտադրող ընկերությունը «Դեպի կինո» երիտասարդական ծրագրի շրջանակում ընդունում է Երեվանի Թատրոնի եվ Կինոյի Պետական Ինստիտուտի ուսանողների կողմից իրականացվող խաղարկային եւ վավերագրական նախագծերի գաղափարներ։

Ընտրված նախագծերի հեղինակներին ընկերությունն աջակցում է դրամաշնորհների միջոցով ֆինանսավորում գտնելու գործընթացում։

Նախագծերն ընտրվելու են հետևյալ փուլերով՝

  1. -ին փուլի համար հետաքրքրված ուսանողները ինքնակենսագրականը եւ նախագծի կարճ նկարագրությունն ուղարկել info@academyfilms.tv հասցեին,
  2. -րդ փուլում ընտրված մասնակիցներն աշխատելու ֆիլմ փաթեթի զարգացման վրա,
  3. -րդ փուլում ներկայացնելու են նախագծերը փիթչինգի տեսքով,
  4. -րդ փուլում դիմելու են համապատասխան դրամաշնորհի:

Դիմելու վերջնաժամկետն է փետրվարի 20-ը: Հիշեցնենցք, որ Academy Films-ը մեկնարկում է կինոդրամատուրգիայի դասերի շարք, որը կվարի սցենարիստ, պրոդյուսեր Արմեն Գրիգորյանը։

Շարունակել ընթերցումը

Կրթություն

10 ծրագիր սցենարիստների համար

Ծրագրերի ընտրացանկ ենք կազմել, որոնք կհեշտացնեն տեքստի հետ աշխատանքը եւ կօգնեն գրել ձեր լավագույն սցենարը

Հրապարակվել է

Կա ծրագրերի առանձին կատեգորիա «Screenwriting software»՝ մասնագիտացված ծրագրեր, որոնք հեշտացնում են սցենարների խմբագրման և ֆորմատավորման գործընթացը: Դրանք չեն սովորեցնի ձեզ լավ գրել, ձեզ հանճարեղ սցենարիստ չեն անի, բայց ինչպես ցանկացած մասնագիտացված ծրագիր կարող են խնայել ձեր ժամանակը:

Դասակարգումը ըստ տեսակների

  • Templates՝ կաղապարներ տեքստային պրոցեսորների համար, ինչպիսիք են Microsoft Word-ը եւ Apple Pages-ը, հեշտացննում են ֆորմատավորումը:
  • Script formatting tools՝ ծրագրեր, որոնք հեշտացնում են ֆորմատավորումը, բայց չեն հանդիսանում տեքստային պրոցեսորների հավելում: Կարող են լինել ինչպես standalone-հավելվածներ, այնպես էլ web-based (բրաուզերում աշխատող):
  • Story-development/dramatic development՝ տվյալների համակարգման և սցենարների կառուցվածքի, կերպարների, փլոթ-լայնի և սկրին-լայնի վրա աշխատանքի ծրագրեր: Նման ծրագրերում հաճախ օգտագործվում են կառուցվածքի կաղապարներ (ըստ Քեմփբելի, Սնայդերի, Վոգլերի, եւ ուրիշների:):

Ամենատարածված ձեւաչափերը

  • .fountain,.txt,.spmd-ն օգտագործում են «Fountain»-ի գծանշման կանոնները:
  • .fdx (Final Draft)
  • .trelby-ն օգտագործվում է Trelby խմբագրի կողմից, հայտնի է *nix ծրագրերում
  • .html CeltX ձեւաչափում

«Հոլիվուդյան» ստանդարտով տեքստի ֆորմատավորման համար այժմ հսկայական քանակությամբ անվճար եւ վճարովի լուծումներ կան: Սցենարի նկարագրվող ձեւաչափը բնորոշ է Հոլիվուդին, Հայաստանում հստակ չափանիշներ չկան, եւ յուրաքանչյուր ալիք/ստուդիա ներկայացնում է ձևավորման իր պահանջները:

01. Final Draft

Հոլիվուդում կինեմատոգրաֆիստների համար ամենահայտնի ծրագրերից մեկը: Ջեյ Ջեյ Աբրամսը, Ռոբերտ Զեմեկիսը, Ջեյմս Քեմերոնը եւ Սոֆիա Կոպոլան կհաստատեն: Ծրագիրը ավտոմատ կերպով ֆորմատավորում է սցենարը, այն կարող է կարդալ ձեզ բարձրաձայն եւ օգնել առցանց համահեղինակների հետ աշխատելու համար: Այն նույնիսկ ունի ներկառուցված կաղապարներ այնպիսի հայտնի հեռուսսերիալների, ինչպիսիք են «Գահերի խաղը» և «Սիմփսոնները»:

02. Fade In

Վերջերս շուկայում հայտնվելով, այս ծրագիրը հասցրել է գրավել սցենարիստների ուշադրությունը: Դրանով օգտվում են Ռայան Ջոնսոնը, Գարի Ուիթտան, Քեն Լեւինը, Քրեյգ Մազինը: Եթե դուք սցենարիստ եք, որը աշխատում է Linux օպերացիոն համակարգի վրա, ապա սա մի քանի ծրագրերից մեկն է, որը հարմար է ձեր համակարգչի համար:

03. Movie Magic Screenwriter

Թեեւ Movie Magic Screenwriter ծրագիրը աշխատում է Windows օպերացիոն համակարգի վրա, այն հաստատ ստեղծվել է Mac-ի երկրպագուների համար: Սա ամենաթանկ ծրագրերից մեկն է ($250): Այն ունի ավելի քան 100 կաղապարներ եւ PDF ֆայլերի ներմուծման հնարավորություն, ինչպես նաեւ դրանց ձեւաչափումը:

04. Celtx

Celtx-ը գրեթե անվճար ծրագիր է: Եթե ձեր նպատակն է պարզապես գրել սցենար, ապա դուք կարող եք օգտվել Celtx անվճար: Սակայն, եթե ձեզ անհրաժեշտ է մասնագիտական առանձնահատկությունների ամբողջական շարքը, ինչպիսիք են սերիական սցենարներ գրել, ստեղծել storyboard եւ ծախսերի հաշվետվությունները, ապա ծրագրի համար պետք է վճարել:

05. Amazon storywriter

Պարզապես անհրաժեշտ է ունենալ Amazon հաշիվ: Հավելվածում դուք կարող եք միանգամից զբաղվել մի քանի նախագծերով: Ծրագիրը ավտոմատ կերպով ֆորմատավորելու տեսարանները եւ նիշերը:

06. Page 2 Stage

Սա ազատ ծրագրիր է լիովին բաց կոդով, ինչը նշանակում է, որ, եթե ցանկանում եք, դուք կարող եք փորձել կրկին ծրագրավորել այն ինքներդ: Page 2 Stage աջակցվում է 30 լեզուներով:

07. Montage

Montage-ը ստեշծված է Mac օպերացիոն համակարգի համար: Ծրագիրը հարմար է ֆիլմերի, սերիալների, տեսախաղերի կամ գրաֆիկական վեպերի համար սցենարներ գրելու համար: Այն թույլ է տալիս ձեզ արտահանել ձեր սցենարը PDF ֆայլով կամ Final Draft:

08. Scrivener

Scrivener-ը ստեղծվել է ոչ միայն սցենարներ գրելու համար: Սա շատ հեշտ ծրագիր է՝ պարունակում է կաղապարներ սցենարի համար, ավտոմատ ֆորմատավորում է, օգտակար ստեղնաշարի դյուրանցումներ ունի, ինչպես նաեւ հատուկ քարտերի համակարգ, որը կօգնի վերահսկել տեսարանների հերթականությունը:

09. КИТ Сценарист

Ռուս ծրագրավորողի կողմից ստեղծված ցրագիրը հասանելի ինչպես անվճար, այդպես էլ վճարովի տարբերակով: Կան ավտոմատ գծանշման գործառույթներ, տեքստի բաժինների միջեւ անցում, նախկինում մուտքագրված տվյալների ավտոմատ տեղադրում (կերպարների անուններ, վայրեր եւ այլն): Կարելի է վերահսկել սցենարի տևողությունը ժամանակաչափերի միջոցով, ընդ որում՝ հնարավոր է օգտագործել հաշվառման տարբեր համակարգեր՝ հաշվել ըստ էջերի, ըստ սիմվոլների կամ օգտագործելով ճկուն հաշվարկ:

10. WriterDuet

Վճարովի սցենարային ծրագրերի մեծ մասը նախատեսված է համատեղ աշխատանքի համար, եւ WriterDuet-ը ներառում է այս գործընթացը բոլոր փուլերում: Ծրագիրը պահպանում է փաստաթուղթը ամեն անգամ, երբ սցենարիստը կատարում է խմբագրումները, թույլ է տալիս զտել նյութը ըստ հեղինակի: Մինչ ծրագրի հիմնական տարբերակը անվճար է, համահեղինակների հետ աշխատելու առանձնահատկությունները կարժենան մոտ $150:

Շարունակել ընթերցումը
Գովազդ
Գովազդ

Հարցում

Հունվարի ո՞ր ֆիլմն եք սպասում:

View Results

Loading ... Loading ...

Թրենդային

Copyright © 2019-2020 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: