Connect with us

Կինոարտադրություն

«Associated Television International»-ը և «Academy Films»-ը ֆիլմարտադրությամբ հետաքրքրվողների հետ քննարկել է տուրիզմի զարգացման հայաստանյան հեռանկարները

«Associated Television International»-ի նախագահը պատրաստ է Հայաստանի տուրիստական վայրերի մասին տեսանյութեր ներկայացնել ԱՄՆ-ում եւ Կանադայում

Հրապարակվել է

Տեղի է ունեցել «Տուրիզմը և ֆիլմարտադրությունը» թեմայով քննարկում, որին մասնակցել են տուրօպերատորներ ու ամերիկյան հայտնի ֆիլմարտադրողներ: Առաջիկա ամիսներին ամերիկյան Associated Television International հեռուստաարտադրող ընկերությունը մոտ 3,5 միլիոն դոլար կտրամադրի Հայաստանի զբոսաշրջային գրավչությունը ներկայացնող ֆիլմերի և տեսանյութերի արտադրության համար:

«Տուրիզմը և ֆիլմարտադրությունը. համագործակցության հեռանկարներ» խորագրով հանդիպում-քննարկում Լուսանկարները` Մխիթար Խաչատրյանի © Արմենպրես

«Ամերիկացի տուրիսներին հետաքրքիր է, թե ինչ կա Հայաստանում։ Անձամբ ինձ համար շատ դժվար էր գտնել ինֆորմացիա։ Հայկական սփյուռքի համար Հայաստանը շատ գրավիչ է, բայց կարծում եմ, որ պետք է ավելի շատ տեղեկատվություն տրամադրել»,- «Academy Films» հիմնադրամի կազմակերպած հանդիպում-քննարկման ժամանակ հայտնեց լրագրող, «Laura McKenzie’s Traveler» հաղորդաշարի հեղինակ Լորա ՄկՔենզին։ Հեռուստահաղորդավարուհին ամուսնու՝ Դեյվիդ ՄկՔենզիի հետ Երեւան էր եկել ներկայացնելու ֆիլմարտադրության եւ տուրիզմի ոլորտում իրենց փորձը եւ տուրիզմով ու ֆիլմարտադրությամբ հետաքրքրվողների հետ քննարկելու այդ ուղղությամբ հայաստանյան հեռանկարները։

Դավիթ ՄկՔենզին, որը «Associated Television International» հեռուստաարտադրող ընկերության նախագահն է, իր ելույթում հայտնեց, որ Հայաստանն ունի լայն հեռանկարներ տուրիստական երկիր լինելու համար. «Մենք ընտրել ենք երկրներ, որոնց մասին քչերը գիտեն, մենք ընտրում ենք այդ տարածքները եւ փորձում դրանք դարձնել հաջողակ»։

«Տուրիզմը և ֆիլմարտադրությունը. համագործակցության հեռանկարներ» խորագրով հանդիպում-քննարկում Լուսանկարները` Մխիթար Խաչատրյանի © Արմենպրես

Ւր փորձի մասին խոսելիս նա նշեց, որ Ավստրալիայում իրենց կատարած աշխատանքից հետո տուրիստների մեծ հոսք է եղել այդ երկիր, որից հետո որոշել է փորձը կրկնել Հայաստանում՝ հաշվի առնելով նաեւ այն, որ իր հայրը հայ է: «Շատ երկար այդ որոշումը կայացրինք ընտանիքիս հետ, բայց եկանք Հայաստան եւ սիրահարվեցինք»,- նշեց Դեյվիդ ՄկՔենզին` հավելելով, որ իրենք Հայոց Ցեղասպանության մասին ֆիլմ են նկարահանել եւ տարածել ամբողջ աշխարհում, սակայն դրանով չեն ցանկացել սահմանափակվել։

«Ես գիտակցեցի, որ ամենակարեւոր բանը, որ ես կարող եմ անել Հայաստանի համար, տնտեսության եւ տուրիզմի զարգացումն է։ Հասկացա՝ ինչքան կարեւոր է զարգացնել տուրիզմը, որով Հայաստանը կունենա հզոր սկիզբ եւ այնքան տուրիստ, որքան կարող է»,-ավելացրեց Դ. ՄկՔենզին։

ՄկՔենզին հայտնեց, որ տուրիզմով հետաքրքրվողները կարող են իրենց պատմությունը ներկայացնել, որոնց հիման վրա նրանք անվճար ֆիլմեր կնկարահանեն եւ կներկայացնեն ԱՄՆ-ում եւ Կանադայում։

Հեռուստահաղորդավարուհի Լորա ՄկՔենզին ասում է, որ տուրիզմի զարգացման համար կարեւոր է տեղեկատվության պարզությունը։ Ըստ նրա՝ Հայաստանն ունի այն բոլոր ճյուղերը, որոնք կարող են տուրիստների մեծ հոսք ապահովել. «Երբ ես իմացա, որ պետք է Հայաստան գամ, մտածում էի՝ ինչ պետք է անեմ այստեղ։ Ես փորձեցի տեսնել, թե ինչ ինֆորմացիա կա Հայաստանի մասին, սակայն տեղեկությունը շատ քիչ էր։ Երբ եկա, տեսա, որ Հայաստանը շատ լավ շուկա ունի էքստրեմալ տուրիզմի համար, քրիստոնեական տուրիզմի համար, Հայաստանում նաեւ շատ համեղ ուտելիքներ կան։ Աշխատեք միասին, որպեսզի հեշտ լինի։ Ամեն ինչ արեք ՝ աշխատանքն ավելի պարզ դարձնելու համար, որպեսզի մարդիկ հեշտությամբ գտնեն ձեզ»,-խոսքը եզրափակեց լրագրողը։

«Տուրիզմը և ֆիլմարտադրությունը. համագործակցության հեռանկարներ» խորագրով հանդիպում-քննարկում Լուսանկարները` Մխիթար Խաչատրյանի © Արմենպրես

Հանդիպման վերջում «Academy Films» ընկերության տնօրեն Արամ Թորոսյանը հայտնեց, որ հանդիպում-քննարկումը շարունակական է լինելու եւ նպատակ ունի ստեղծել մի օղակ, որը կբարձրացնի ոլորտի խնդիրները։ «Academy Films»-ը, ըստ Թորոսյանի, համագործակցում է Կառավարության հետ։ «Ես երկար ժամանակ էքսկուրսավար եմ եղել եւ հասկանում եմ, որ տուրիզմը շատ մեծ դեր ունի մեր տնտեսության համար եւ շատ մարդիկ ներգրավվում են ոլորտում։ Աշխարհում մեծ մրցակցություն է, պետք է բոլոր կողմերով աշխատել»,-ասաց Ա. Թորոսյանը։

Աղբյուրներ՝ Հետք, Առաջին ալիք, Արմենպրես

Միացեք մեր Telegram ալիքին և առաջինը ստացեք մեր նորությունները
Շարունակել ընթերցումը
Գովազդ
Մեկնաբանություններ

Կինոարտադրություն

Academy Films-ը աջակցում է ուսանողական նախագծերին. մանրամասներ

Հրապարակվել է

Academy Films («Աքեդեմի Ֆիլմզ») ֆիլմարտադրող ընկերությունը «Դեպի կինո» երիտասարդական ծրագրի շրջանակում ընդունում է Երեվանի Թատրոնի եվ Կինոյի Պետական Ինստիտուտի ուսանողների կողմից իրականացվող խաղարկային եւ վավերագրական նախագծերի գաղափարներ։

Ընտրված նախագծերի հեղինակներին ընկերությունն աջակցում է դրամաշնորհների միջոցով ֆինանսավորում գտնելու գործընթացում։

Նախագծերն ընտրվելու են հետևյալ փուլերով՝

  1. -ին փուլի համար հետաքրքրված ուսանողները ինքնակենսագրականը եւ նախագծի կարճ նկարագրությունն ուղարկել info@academyfilms.tv հասցեին,
  2. -րդ փուլում ընտրված մասնակիցներն աշխատելու ֆիլմ փաթեթի զարգացման վրա,
  3. -րդ փուլում ներկայացնելու են նախագծերը փիթչինգի տեսքով,
  4. -րդ փուլում դիմելու են համապատասխան դրամաշնորհի:

Դիմելու վերջնաժամկետն է փետրվարի 20-ը: Հիշեցնենցք, որ Academy Films-ը մեկնարկում է կինոդրամատուրգիայի դասերի շարք, որը կվարի սցենարիստ, պրոդյուսեր Արմեն Գրիգորյանը։

Շարունակել ընթերցումը

Կինոարտադրություն

Warner Bros. պատրաստում է անիմացիոն «Մահացու պայքար»

Հրապարակվել է

Warner Bros. ստուդիա հայտարարել է «Մահացու պայքար. Կարիճի վրեժը» (Mortal Kombat: Scorpion’s Revenge) մուլտֆիլմը: Էկրաններին նախագծի թողարկումը սպասվում է տարվա առաջին կեսին (մինչև հունիսի վերջ):

Հնչունավորմանը մասնակցել են դերասաններ Ջոել ՄըքՀեյլը, Ջենիֆեր Քարփենթերը, Պատրիկ Զայցը եւ այլոք:

2021 թվականի գարնանը նախատեսվում է թողարկել «Մահացու պայքարի» լիամետրաժ խաղարկային ռիմեյքը: Նրա նկարահանումներն ավարտվել են դեկտեմբերին: Հայաստանում ֆիլմը կթողարկվի 2021 թվականի հունվարի 14-ին:

Շարունակել ընթերցումը

Կինոարտադրություն

Sony-ն գործարկել է «Վատ տղաների 4» զարգացումը

Հրապարակվել է

Sony ստուդիան աշխատում է «Վատ տղաների» չորրորդ մասի վրա: Նորությունը եկել է երրորդ ֆիլմի թողարկումից անմիջապես հետո, որը հաջողությամբ ցուցադրել է իրեն համաշխարհային վարձույթում:

Ուիլ Սմիթի եւ Մարտին Լոուրենսի հետ ֆրանշիզան մեծ էկրաններին մեկնարկել է 1995 թվականին, որից հետո 2003 թվականին հետեւել է սիքվելը: Երրորդ մասը երկրպագուները ստիպված էին եղել սպասել 17 տարի:

Սմիթն ու Լոուրենսը պետք է վերադառնան ոստիկանական ընկերների դերերին: Սցենարը կգրի երրորդ մասի հեղինակ Քրիս Բրեմները: Թողարկման ճշգրիտ ամսաթիվը դեռ որոշված չէ: Արդյոք Մայքլ Բեյը կրկին հանդես կգա որպես ֆիլմի պրոդյուսեր՝ չի հաղորդվում: «Ընդմիշտ վատ տղաները» Հայաստանում դուրս կգա հունվարի 23-ին:

Շարունակել ընթերցումը
Գովազդ

Թրենդային

Գովազդ

Հարցում

Հունվարի ո՞ր ֆիլմն եք սպասում:

View Results

Loading ... Loading ...

Թրենդային

Copyright © 2019 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: