Connect with us

Նորություններ

DC-ի ղեկավարությունը չէր հասկանում «Ջոկեր» ֆիլմի նախագիծը

Հրապարակվել է

DC ընկերության ղեկավարությունը չի հասկացել «Ջոկեր» նախագծի էությունը, եւ Թոդ Ֆիլիփսը ստիպված է եղել զգալի ջանք գործադրել, որպեսզի համոզի աջակցել արտադրությանը: Այս մասին բեմադրիչը հայտնել է հայտնի վավերագրող Մայքլ Մուրին տված հարցազրույցում:

Երբ Warner Bros.-ում փոխվեց ռեժիմը, այնց փոխվեց նաև DC-ում: Նրանք DC-ում գլխավորն են նշանակել Ուոլթեր Համադաին, որը ղեկավարում էր Newline փոքրիկ հորրոր ստուդիան: Նա, իհարկե, չուներ ազդեցություն պարզապես դադարեցնել գործընթացը: Ես չեմ ասում, որ նա դա կաներ եթե կարողանար, բայց նա պարզապես չէր հասկանում մեր նախագիծը: Քանի որ թղթի վրա դա նման էր խելագարության: Իսկ նա պարզապես ստացել է նոր աշխատանք եւ պատճառաբանել է հետեւյալ կերպ՝ «Մենք «Շազամ» նկարեցինք, թողարկեցին «Հրաշք Կինը», ամեն ինչ լավ է: Միթե՞ մենք իսկապես ցանկանում ենք փչացնել հաջողության բանաձևը:»: Բայց ինչ-որ իմաստով ես ունեի բավական քաշ (թեեւ նրանք ցանկացած պահի հեշտությամբ կարող էին ասել «ոչ»), եվ մենք պարզապես սեղմում էին «գազի» վրա, և ճռճռացող անիվը սկսեց կամաց-կամաց շրջվել: Բյուջեն այնքան փոքր էր ի համեմատություն կոմիքսների այլ ֆիլմերի: Ի վերջո, մենք նկարահանել ենք ֆիլմ 60 միլիոն դոլարով, ուստի Warner Bros.-ում, կամ DC-ում այն ավելի շուտ ընկալում էին որպես անկախ նախագիծ», — ասաց Ֆիլիփսը:

Հիշեցնենք, որ արդյունքում «Ջոկերը» վարձույթում վաստակել է ավելի քան մեկ միլիարդ դոլար:

Շարունակել ընթերցումը
Գովազդ
Մեկնաբանություններ

Կինոիրադարձություններ

Կանն 2020. Հայտնի են Կաննի 73-րդ փառատոնի ֆիլմերը

Պաշտոնական ընտրության մեջ են` հայկական ֆիլմն ու Ուես Անդերսոնի նոր ֆիլմը

Հրապարակվել է

Հունիսի 3-ի երեկոյան Canal+ հեռուստաալիքի ուղիղ եթերում Կաննի կինոփառատոնի նախագահ Պիեռ Լեսկյուրը եւ ստուգատեսի տնօրեն Թիերի Ֆրեմոն հայտարարել են Կաննի 73-րդ կինոփառատոնի հիմնական ծրագիրը, ինչպիսին այն կլիներ, եթե այս տարի ստուգատեսը այնուամենայնիվ տեղի ունենար:

Նորա Մարտիրոսյանի «Եթե քամին վրա հասնի» ֆիլմն, Ուես Անդերսոնի «Ֆրանսիացի դիսպետչերը», Ֆրանսուա Օզոնի «85-ի ամառը», Վիգգո Մորտենսենի «Անկում» ռեժիսորական դեբյուտը, Սթիվ Մաքքուինի երկու ֆիլմերը՝ «Սիրեկանների լեռը» եւ «Մանգլենի ծառը», ինչպես նաեւ Յյեն Սան-Հոյի «Թերակղզին»` «Գնացք դեպի Բուսան» զոմբի թրիլլերի շարունակությունը, եւ պաշտոնական ընտրության մեջ հայտնված մյուս ֆիլմերը կինոթատրոններում թողարկելիս եւ այլ փառատոներում ցուցադրվելիս կնշվեն «Կանն 2020» որակի նշանով:

«Ընդհանուր առմամբ ընտրվել է 56 ֆիլմ: Նրանք ընտրվել են այս տարի ստացված 2067 հայտերից: Համեմատության համար նշենք, որ 2019 թ.-ին մենք դիտեցինք 1845 ֆիլմ, 1916 ֆիլմ 2018 թ.-ին եւ 1885 2017 թ.-ին, կամ, եթե վերցնենք ավելի հեռավոր թիվ 1665 նկար 2010 թ.-ին: Սա առաջին դեպքն է, երբ ֆիլմերի թիվը գերազանցել է 2000-ը: Այսպիսով, ճգնաժամը եւ հետպրոդակշենի դանդաղումը ոչ մի կերպ չեն ազդել ընտրության ուղարկված ֆիլմերի քանակի վրա», — նշել է Թիերի Ֆրեմոն:

Այս տարի պաշտոնական ընտրության մեջ է հայտնվել 15 դեբյուտային ֆիլմ (ընդհանուր թվի 26,7%-ը)՝ 2019թ.-ի 10-ի համեմատ (17%): «Մենք երբեք չենք ունեցել նման քանակությամբ դեբյուտային ֆիլմ: Դա ապացուցում է կինեմատոգրաֆի կենսունակությունը, եւ մենք հավատում ենք նրա պայծառ ապագային», — ավելացնում է նա:

Լայնափի մեծ մասն այս տարի ներկայացված է ֆրանսիացի կինեմատոգրաֆիստների աշխատանքներով, նաեւ ցանկում են ֆիլմերը ԱՄՆ-ից, Չինաստանից, Հարավային Կորեայից, Վրաստանից, Ճապոնիայից, Գերմանիայից եւ այլ երկրներից: Այս տարի ծրագրի մաս է դարձել Հայաստանը Նորա Մարտիրոսյանի «Եթե քամին վրա հասնի» համատեղ արտադրությունով:

Ֆիլմը համատեղ կինոարտադրություն է Հայաստանի, Բելգիայի և Ֆրանսիայի հետ։ Ֆիլմի վրա աշխատել են երեք երկրների պրոդյուսերական ընկերությունները․ հայկական՝ «անԷվա պրոդաքշն» (anEva production), ֆրանսիական՝ «Սիսթր պրոդաքշն» (Sister productions), բելգիական՝ «Կվասսա Ֆիլմս»՝ (Kwassa Films)։ Ֆիլմի նկարահանումների գերակշիռ մասը արվել է Հայաստանում և Արցախում: Ֆիլմի միջազգային վաճառքով զբաղվում է Indie Sales Company ընկերությունը:

Ֆիլմը պատմում է Ալենի՝ ազգությամբ ֆրանսիացի օդանավակայանների աուդիտորի մասին, որը ժամանում է Արցախի Հանրապետության բոլորովին նոր կառուցված օդանավակայան: Ինքնահռչակված, թշնամի պետություններով շրջապատված և ոչ հաստատուն սահմաններ ունեցող այս երկիրը փորձում է ոտքի կանգնել անկախության համար մղված պատերազմից հետո: Ալենը պետք է ուսումնասիրի, թե արդյոք վերացբացվելու համար այս օդանավակայանը համապատասխանում է միջազգային նորմերին: Օդանավակայանի աշխատակիցների հետ հարցազրույցների ընթացքում Ալենը հետզհետե հայտնաբերում է մի երկիր, որը որոշ քարտեզների վրա նույնիսկ նշված չէ, բայց որը իրականում գոյություն ունի իր բնակիչներով, իր կառավարությամբ, իր համակարգերով, իր մշակութային դաշտով:

Ֆիլմի ստեղծման գործընկերներն են՝ Eurimages, Հայաստանի Ազգային Կինոկենտրոն, CNC Avance sur recettes, CNC Aide à la musique, Région Nouvelle-Aquitaine, Région Occitanie, TV5 Monde, Procirep, Fonds Wallonie-Bruxelles, Hubert Bals Fund, Cineventure 3, Atelier Cinéfondation: Prix ARTE:

«Կանն 2020» պաշտոնական ընտրության ֆիլմերի ցանկ

Վստահության արժանի (The Faithful)

«Ֆրանսիացի դիսպետչերը» / «The French Dispatch» (ԱՄՆ), ռեժիսոր՝ Ուես Անդերսոն

«85-ի ամառը» / «ÉTÉ 85» (Ֆրանսիա), ռեժիսոր՝ Ֆրանսուա Օզոն

«Իրական մայրեր» / «Asa Ga Kuru» («True Mothers») (Ճապոնիա), ռեժիսոր՝ Նաոմի Կավասե

«Սիրեկանների լեռը» / «Lovers Rock» (Մեծ Բրիտանիա), ռեժիսոր՝ Սթիվ Մաքքուին

«Մանգլենի ծառը» / «Mangrove» (Մեծ Բրիտանիա), ռեժիսոր՝ Սթիվ Մաքքուին

«Եվս մեկ անգամ» / «Druk» («Another Round») (Դանիա), ռեժիսոր՝ Թոմաս Վինթերբերգ

«ADN» (Ալժիր, Ֆրանսիա), ռեժիսոր՝ Մայվենն Լը Բեսկո 

«Վերջին խոսքեր» / «Last Words» (ԱՄՆ), ռեժիսոր՝ Ջոնաթան Նոսսիթեր

«Դրախտ: Դեպի երժանկության երկիր» / «Heaven: To The Land Of Happiness» (Հարավային Կորեա), ռեժիսոր՝ Լիմ Սան Սու

«Մենք կմոռացվենք» / «El Olvido Que Seremos» («Forgotten we’ll be») (Իսպանիա), ռեժիսոր՝ Ֆերնարդո Տրուեբա

«Թերակղզի» / «Peninsula» (Հարավային Կորեա), ռեժիսոր՝ Յյեն Սան-Հո

«Մթնշաղում» / «In The Dusk» (Լիտվա), ռեժիսոր՝ Շարունաս Բարտաս 

«Տնային ճակատ» / «Des Hommes» («Home Front») (Բելգիա), ռեժիսոր՝ Լուկա Բելվո

«Արտակարգ բան» / «The Real Thing» (Ճապոնիա), ռեժիսոր՝ Քոդզի Ֆուկադա

Նորեկներ (The Newcomers)

«Սովորական կիրք» / «Passion Simple» (Լիբանան), ռեժիսոր՝ Դանիել Արբիդ

«Լավ մարդ» / «A Good Man» (Ֆրանսիա), ռեժիսոր՝ Մարի Կաստիլ Մենսյոն-Շաար

«Այն, ինչ մենք ասում ենք, եւ այն, ինչ մենք անում ենք» / «Les Choses Qu’on Dit, Les Choses Qu’on Fait» (Ֆրանսիա), ռեժիսոր՝ Էմանուել Մուրե

«Սուադ» / «Souad» (Եգիպտոս), ռեժիսոր՝ Այտեն Ամին

«Limbo» (Մեծ Բրիտանիա), ռեժիսոր՝ Բեն Շարրոկ

«Կարմիր» / «Rouge» (Ֆրանսիա), ռեժիսոր՝ Ֆարիդ Բենտոումի

«Քրտինք» / «Sweat» (Շվեդիա), ռեժիսոր՝ Մագնուս ֆոն Հորն

«Teddy» (Ֆրանսիա), ռեժիսոր՝ Լյուդվիկ և Զորան Բուկերմա

 «Փետրվար» / «February» (Բուլղարիա), ռեժիսոր՝ Կամեն Կալեվ  

«Ամմոնիտ» / «Ammonite» (Մեծ Բրիտանիա), ռեժիսոր՝ Ֆրենսիս Լի 

«Գիշերային բժիշկ» / «Un Médecin De Nuit» (Ֆրանսիա), ռեժիսոր՝ Էլի Վաժեման

«Դժվարություն» / «Enfant Terrible» (Գերմանիա), ռեժիսոր՝ Օսկար Ռելեր

«Նադյա, թիթեռ» / «Nadia, Butterfly» (Կանադա), ռեժիսոր՝ Պասկալ Պլանտ

«Ահա և մենք» / «Here We Are» (Իսրայել), ռեժիսոր՝ Նիր Բերգման

Фильм-альманах (An Omnibus Film)

«Սեպտետ: Հոնկոնգի պատմություն» / «Septet: The Story Of Hong Kong», ռեժիսոր՝ Էն Հուեյ, Ջոնի Տո, Ցույ Հարք, Սամմո Հուն, Ուեն Վու-Պին, Պատրիկ Թամ  

Դեբյուտային ֆիլմեր (The First Features)

«Անկում» / «Falling» (ԱՄՆ), ռեժիսոր՝ Վիգգո Մորտենսեն

«Հաճույք» / «Pleasure» (Շվեդիա), ռեժիսոր՝ Նինյա Թյուբերգ

«Սլալոմ» / «Slalom» (Ֆրանսիա), ռեժիսոր՝ Շարլեն Ֆավյե

«Հիշողության տուն» / «Casa De Antiguidades» («Memory House») (Բրազիլիա), ռեժիսոր՝ Ժոաու Պաուլու Միրանդա Մարիա  

«Կոտրված բանալիներ» / «Broken Keys» (Լիբանան), ռեժիսոր՝ Ջիմի Քեյրուզ

«Իբրահիմ» / «Ibrahim» (Ֆրանսիա), ռեժիսոր՝ Սամիր Գեսմի

«Սկիզբ» / «Beginning» («Au commencement») (Վրաստան), ռեժիսոր՝ Դեա Կուլումբեգաշվիլի

«Գագարին» / «Gagarine» (Ֆրանսիա), ռեժիսոր՝ Ֆաննի Լիաթարդ եւ Ջերեմի Տրուիլ

«16 Printemps» (Ֆրանսիա), ռեժիսոր՝ Սյուզաննա Լինդոն

«Վորիեն» / «Vaurien» (Ֆրանսիա), ռեժիսոր՝  Պիտեր Դուրունցիս

«Լաթ տղա» / «Garçon Chiffon» (Ֆրանսիա), ռեժիսոր՝ Նիկոլաս Մաուրի

«Երբ որ քամին հանդարտվի» / «Si Le Vent Tombe» («Should the Wind Fall») (Հայաստան), ռեժիսոր՝ Նորա Մարտիրոսյան

«Ջոնը և փչակը» / «John And The Hole» (ԱՄՆ), ռեժիսոր՝ Պասկալ Սիստո

«Քայլելով դեպի քամին» / «Striding Into The Wind» («Courir au gré du vent») (Չինաստան), ռեժիսոր՝ Վեյ Շուձյուն

«The Death Of Cinema And My Father Too», (Իսրայել), ռեժիսոր՝ Դանի Ռոզենբերգ

Վավերագրական ֆիլմեր

«Միլիարդների ճանապարհին» / «En Route Pour Le Milliard» («The Billion Road») (Կոնգոյի Դեմոկրատական Հանրապետություն), ռեժիսոր՝ Դիեդո Համադի

«Տրյուֆելների որսորդները» / «The Truffle Hunters» (ԱՄՆ), ռեժիսոր՝ Մայքլ Դվեկ եւ Գրեգորի Կերշոու

«9 օր Ռաքքայում» / «9 Jours À Raqqa» (Ֆրանսիա), ռեժիսոր՝ Քսավյե դե Լոզան

Կատակերգություն

«Անտուանետան Սևենում» / «Antoinette Dans Les Cévènnes» (Ֆրանսիա), ռեժիսոր՝ Քերոլայն Վինյալ

«Երկու Ալֆրեդ» / «Les Deux Alfred» (Ֆրանսիա), ռեժիսոր՝ Բրունո Պոդալիդես

«Հաղթանակ» / «Un Triomphe» (Ֆրանսիա), ռեժիսոր՝ Էմանուել Կուրկոլ

«Աշխարհի ծագումը» / «L’origine Du Monde» (Ֆրանսիա), ռեժիսոր՝ Լորան Լաֆիտտ

«Բանավեճ» / «Le Discours» (Ֆրանսիա), ռեժիսոր՝ Լորան Տիրար

Անիմացիոն ֆիլմեր

«Իրվիգը և կախարդը» / «Earwig and the Witch» (Ճապոնիա), ռեժիսոր՝ Գորո Միյաձակի

«Անհետացում» / «Flee» (Դանիա), ռեժիսոր՝ Յոնաս Ռասմուսեն

«Josep» (Ֆրանսիա), ռեժիսոր՝ Աուրել

«Հոգին» / «Soul» (ԱՄՆ), ռեժիսոր՝ Փիտ Դոքթեր

Շարունակել ընթերցումը

Նորություններ

«Կապույտ ծովում, սպիտակ փրփուրի մեջ…». մահացել է Յարոսլավա Տուրիլյովան

Հայ հանդիսատեսին նա հայտնի է Ռոբերտ Սահակյանցի մի շարք մուլտֆիլմերով

Հրապարակվել է

Մայիսի 30-ին 87 տարեկան հասակում կյանքից հեռացել է խորհրդային եւ ռուս դերասանուհի եւ կրկնօրինակման ռեժիսոր Յարոսլավա Տուրիլյովան:

Տուրիլեւայի ձայնով խոսում են բազում հերոսներ, իսկ հայ հանդիսատեսնի նա ծանոթ է Ռոբերտ Սահայկանցի «Կապույտ ծովում, սպիտակ փրփուրի մեջ…», «Բարեկենդանը», «Ով էնպիսի սուտ ասի…» և «Խոսող ձուկը» անիմացիոն գործերով:

10 տարի առաջ Յարոսլավա Գեորգիևնան prodisney.ru կայքի հարցազրույցի ժամանակ պատմել է Ռոբերտ Սահակյանցի հետ աշխատելու իր փորձի մասին:

«Միանգամից ասեմ, որ այդ մուլտֆիլմերի վրա աշխատելը հոգու իսկական տոն էր: Սակայն այդ անիմացիոն ֆիլմերի մասին խոսել հնարավոր չէ՝ չհիշատակելով ռեժիսոր Ռոբերտ Սահակյանցին: Դա աներեւակայելի տաղանդավոր մարդ էր: Նա ինքն էր գրում իր մուլտֆիլմերի սցենարները, էսքիզներ էր նկարում որպես նկարիչ, վերահսկում ամբողջ աշխատանքը: Միակ բանը, որ նա վստահել է ուրիշներին, դա երաժշտություն գրելն է: Իհարկե, նման դժվարին գործում նրան շատ էր օգնում կինը, իսկ հետո միացան նաեւ որդիները: Մենք նրա հետ պետք է սկսեինք աշխատել նրա նոր նախագծի վրա, որը կոչվում էր «Դա Վինչի կատուն»: Նա ինձ հինգ րոպե էր ուղարկել՝ նյութին ծանոթանալու համար եւ շուտով պետք է ինքն էլ գար: Տեսնելով նյութը, ես հասկացա, որ դա կլինի մի հրաշալի բան: Բայց, ցավոք, նա հանկարծամահ է եղել: Այս կորուստը ես սգում եմ դառը արցունքներով: Նա այն եզակի տաղանդավոր մարդկանցից էր, ով կարող էր բերել մեր անիմացիան բոլորովին նոր մակարդակի: Ես ասում եմ ՄԵՐ մուլտիպլիկացիան, որովհետեւ նա ինձ համար խորհրդային մարդ է մնացել: Նա կնպաստեր նկարված անիմացիայի վերածնմանը, որից ջերմություն է գալիս, որում զգացվում է նկարչի Տաղանդը, հոգին եւ սիրտը»

Յարոսլավա Գեորգիի Տուրիլեւան (նախքան ամուսնանալը՝ Գրոմովա) ծնվել է 1932 թվականի սեպտեմբերի 2: Մանկուց եղել է «կադրից դուրս»: Նրա հայրը վաղ է մահացել, եւ մայրը, ով դերասանուհի էր աշխատում, մենակ է մնացել երեք դուստրերի հետ: Այնպես որ, աղջիկը գնաց «Մոսֆիլմ» երեխաներին կրկնօրինակելու համար: Այնուհետեւ նա ընդունվել է Բորիս Շչուկինի անվան թատերական ինստիտուտ և 1960-ին ավարտել Լեոնիդ Շիխմատովի եւ Վերա Լվովայի վարպետանոցը: Բայց երբ թատերական կարիերանց չստացվեց նա վերադարձավ կրկնօրինակմանը:

Երկար ժամանակ աշխատելով որպես կրկնօրինակման դերասանուհի՝ Յարոսլավ Գեորգիեւնան սկսել է անմիջականորեն ղեկավարել գործընթացը՝ դարձել է «Մոսֆիլմի» կրկնօրինակման ռեժիսոր:

Նրա հաշվին շուրջ 600 աշխատանք կա, ինչպիսիք են «Շինդլերի ցուցակը», «Ջեյմս Բոնդի» մի քանի ֆիլմ, «Փախուստ հավաբնից», «Շրեկ», «Մատրիցա», «Ջոբս», «Ուոլ Սթրիթի գայլը», «Մինիոններ», «1917», «Անտեսանելի մարդը» եւ բազմաթիվ այլ կինոժապավեններ:

Շարունակել ընթերցումը

Ինտերնետ

Ուիլ Ֆերելը եւ Ռեյչել ՄաքԱդամսը «Եվրատեսիլի» հայտ են ներկայացրել

Հրապարակվել է

Netfix-ը շարունակում է իր մտադրությունների լրջությունը ցուցադրել առաջիկա «Եվրատեսիլ» կատակերգության՝ երգի միակ մրցույթի նկատմամբ, որը տեղի կունենա այս տարի: Նախօրեին հայտնվել է սանուդտրեքի առաջին ստեղծագործությունը, որը ձայնագրել է Ռեյչել ՄաքԱդամսի և Ուիլ Ֆերելի դուետը, ում իր ձայնն է նվիրել շվեդ երգչուհի Մոլլի Սանդենը:

Եվ ահա պաշտոնական տեսանյութ, որից հետո դուք չեք կարող հրաժարվել այս ֆիլմի դիտումից: Ֆիլմը հնարավոր կլինի դիտել հոսքային ծառայությունում արդեն հունիսի 26-ին:

Շարունակել ընթերցումը

Միացեք մեզ

Գովազդ
Գովազդ

Հարցում

Թրենդային

Copyright © 2019-2020 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: