Connect with us

Հեռուստատեսություն

HBO Max-ը մրցակիցների դեմ պայքարի հաղթաթղթեր է բացահայտել

WarnerMedia կոնցեռնի հոսքային ծառայությունը գործարկվելու է 2020 թվականի մայիսին:

Հրապարակվել է

Լաս Վեգասում CES խորհրդաժողովում WarnerMedia-ի թոփ-մենեջերներ Ջերեմի Լեգը եւ Էնդի Ֆորսելը նոր մանրամասներ են պատմել HBO Max-ի մասին, հաղորդում է Deadline-ը: Warner ընկերության հոսքային առցանց ծառայությունը ամսական $15 բաժանորդագրության ենթադրյալ գնով (ամենաբարձրը շուկայում) նախատեսում է մեկնարկել մայիսին:

Գլխավոր տեխնիկական տնօրեն Ջերեմի Լեգը պատմել է, որ սպառողներին նոր փորձ ընձեռելու համար նոր վիդեո ծառայության ստեղծողների խնդիրներից մեկն էր բացառել այսպես կոչված «անվերջ սքրոլինգը»: Շատ հոսքային հարթակներ դրանով տառապում են՝ ձգտելով հաճախորդներին հնարավորինս շատ բովանդակության միավորներ առաջարկել: Այս սահմանափակմանը հնարավոր կլինի հասնել իրավասու տեխնիկական գործիքների և իրական օգտագործողների առաջարկությունների համադրությամբ: Նաև կօգտագործվեն մի քանի նորամուծություններ, որոնք հնարավորինս հեշտացնում են շարժական սարքերով տեսանյութերի դիտումը:

Բացի այդ, Լեգը խոստացավ մի քայլ դեպի ինտերակտիվություն, որը այժմ անում է նաև Netflix-ը: Այնուամենայնիվ, այդ պլանները կիրականացվեն աստիճանաբար: «Այժմ ես և Էնդին ուզում ենք, որ մեր ծառայությունը պարզապես վերջապես լույս տեսնի», — խոստովանեց Լեգը:

HBO Max-ի գործարկման ասպեկտներից մեկը, որը դեռեւս մնում է չլուծված, բաժանորդագրության տարբեր տեսակներ են: Disney+ նոյեմբերի մեկնարկից առաջ շատ օգնեց, որ սպառողներին միանգամից մի քանի փաթեթային տարբերակներ առաջարկվեցին՝ փակ բաժանորդագրությունը միայն Disney-ի ծառայություններին (Hulu-ի եւ ESPN+ հետ միասին) ենթադրում էր ամսական $13-ի գին, իսկ մյուսը իրականացվում էր Verizon-ի հետ համագործակցության միջոցով: Երկու տարբերակները միասին թույլ տվեցին Disney+ աներեւակայելի արագ հանդիսատես ձեռք բերել, հասնելով 10 մլն բաժանորդի առաջին օրը մեկնարկից հետո: Ֆորսելը հաստատել է, որ իրենք նախատեսում են նաեւ օգտվողներին առաջարկել բաժանորդագրության տարբեր փաթեթներ:

Ինչ վերաբերում է բաժանորդների ծավալին, ապա Ֆորսելը պատմել է, որ HBO Max-ը ձգտելու է առաջիկա հինգ տարում հասնել մինչեւ 50 միլիոն տնային տնտեսությունների, սակայն ծառայության կառավարման թիմը կկենտրոնանա ոչ միայն քանակական ցուցանիշների վրա: «Մեր աշխատանքը պահանջում է իմաստ, այնպես, որ գլոբալ առաքելությունը մեզ ավելի կարեւոր է», — ասել է նա: « Մենք աշխատում ենք աչքի առաջ ունենալով, թե քանի մարդ պատրաստ է վճարել ամեն ամիս մեր ծառայության համար, որի մեջ մեծ ներդրումներ են արվել: Դա մեզ վրա որոշակի պարտավորություններ է դնում: Մեր առաջարկը կարեւոր կլինի մարդկանց համար, եւ դա մեզ մեծապես խթանում է»:

Լեգը նշել է, որ HBO Max-ը պատրաստ կլինի այցելուների հնարավոր ուժեղ հոսքին մեկնարկի ժամանակ − նրանք արդեն նման ռիսկեր են մշակել «Գահերի խաղի» եզրափակչի՝ նախորդ գարնանը 4,7 մլն օգտատերերի համար միաժամանակյա հեռարձակման ժամանակ: Ակնհայտ է, որ WarnerMedia-ն չի պատրաստվում կրկնել Disney+ սխալը, երբ ծառայության հաջող մեկնարկը մթագնել է տեխնիկական խափանումները հենց առաջին օրը:

HBO Max ծառայությունը կդառնա հոսքային ծառայությունների՝ հենց հիմա ծավալվող մրցակցային պատերազմում վերջին խոշոր մասնակիցը, որտեղ Apple-ն ու Disney-ն արդեն բացահայտել են իրենց խաղաքարտերն այլ առանցքային խաղացողների, այդ թվում ՝ Netflix-ի առջեւ: Հիշեցնենք, որ NBCUniversal-ը իր Peacock ծառայությունը կներկայացնի ապրիլին:

Միացեք մեր Telegram ալիքին և առաջինը ստացեք մեր նորությունները
Շարունակել ընթերցումը
Գովազդ
Մեկնաբանություններ

Հեռուստատեսություն

2-ից մինչեւ 13 սերիանոց եթերաշրջանի ձեւաչափը դարձել է առավել տարածված Եվրոպայում:

Հրապարակվել է

Մարտի 25-ին, Series Mania օնլայն ֆորումի մեկնարկին զուգահեռ, Եվրոպական աուդիովիզուալ օբսերվատորիան (European Audiovisual Observatory) հրապարակել է Եվրոպայում հեռուստատեսային եւ հոսքային ծառայությունների համար սերիալների եւ բազմասերիանոց ֆիլմերի արտադրության մասին տվյալներ: 2015-ից մինչեւ 2018 թվականը արտադրողները ավելացրել են սերիալների մասնաբաժինը, որոնց յուրաքանչյուր սեզոնը բաղկացած է 2-13 սերիայից, մեկ քառորդով, եւ նշված ժամանակաշրջանի ավարտին նրանք զբաղեցրել են մեդիա շուկայի այդ հատվածի կեսը:

2018 թվականին Եվրոպական միությունում արտադրվել է ավելի քան 1000 անուն կամ 13 000 ժամ սերիալներ և բազմասերիանոց ֆիլմեր:

Սերիալների մասնաբաժինը, որոնց յուրաքանչյուր եթերաշրջանը բաղկացած է 2-13 սերիայից, ավելացել է, իսկ հեռուստատեսային ֆիլմերի քանակը նվազել է:

2-ից մինչեւ 13 սերիա եթերաշրջանում. լավագույն 10 արտադրողները՝

Մեծ Բրիտանիան, Գերմանիան, Ֆրանսիան, Նիդեռլանդները, Իտալիան եւ Իսպանիան դարձել են սեզոնում 2-ից մինչեւ 13 սերիայի խոշորագույն արտադրողները: Իսկ Գերմանիան, անշուշտ, մնում է բազմասերիանոց ֆիլմերի խոշորագույն արտադրողը:

2-ից մինչեւ 13 սերիանոց հեռուստասերիալների քանակը մեդիա ընկերությունների հեռարձակման ցանցերում՝

Մասնավոր հեռարձակող ընկերությունները հեռուստատեսային կոնտենտ են պատվիրում բոլոր ձեւաչափերով՝ նախընտրելով, սակայն, ավելի տեւական հեռուստասերիալներ: Հանրային հեռարձակողները, իրենց հերթին, ավելի շատ եթերաշրջանում 2-ից մինչեւ 13 սերիայից բաղկացծ սերիալներ են հեռարձակում:

Շարունակել ընթերցումը

Հայաստան

Ազգային ժողովում քննարկվել է Հանրայինի առևտրային գովազդ հեռարձակելու հարցը

Հրապարակվել է

Այսօր Ազգային ժողովում առաջին ընթերցմամբ քննարկվել է «Հեռուստատեսության և ռադիոյի մասին» ՀՀ օրենքում փոփոխություն և լրացումներ կատարելու մասին» օրենքի նախագիծը: Նախագծով առաջարկվում է Հանրային հեռուստաընկերությանը վերապահել մեկ եթերային ժամվա ընթացքում մինչեւ 5 րոպե տևողութամբ առևտրային գովազդ հեռարձակելու իրավունք:

Հանրային հեռուստաընկերությունը պահպանելու է նաեւ մշակութային, ուսումնական, գիտակրթական եւ սպորտային հեռուստահաղորդումների ցուցադրման ժամանակ դրանց հովանավորների վերաբերյալ համառոտ տեղեկություններ հրապարակելու իրավունքը:

Առաջարկվում է կարգավորել նաեւ սոցիալական գովազդի ցուցադրման հետ կապված հարաբերությունները: Մասնավորապես` սոցիալական գովազդը, կախված եթերաժամից, կարող է հեռարձակվել վճարովի կամ անվճար հիմունքներով: Այս նպատակով սահմանվում են հստակ ժամեր:

Հարակից զեկույցում ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի անդամ Վահագն Թեւոսյանը խոսել է նախագծի դրական եւ խնդրահարույց կետերից` նշելով, որ վերապահումներ ունի գովազդի քանակի եւ բովանդակության մասով: Պատգամավորը, ներկայացնելով հանձնաժողովի դրական եզրակացությունը, կարծիք է հայտնել, որ հանրային հեռուստաընկերությանը կոմերցիոն գովազդ հեռարձակելու իրավունք տալը ներկա պայմաններում կարող է մի կողմից դժվարություններ ստեղծել մասնավոր հեռուստաընկերությունների համար, մյուս կողմից էլ կարող է նպաստել նույն մասնավորի շահերի եւ նրանց ֆինանսական դիրքերի ամրապնդմանը: Նա անդրադարձել է գնագոյացման եւ դաշտում մրցակցային պայմանների ապահովման խնդիրներին:

Աննա Կոստանյանն անդրադարձել է նախագծի վիճահարույց դրույթներին, փաստաթղթի ընդունման դեպքում կարեւորել պատշաճ վերահսկողությունը` ազատ մրցակցության ապահովման եւ դրա խաթարման դեմ փորձերը կանխելու նպատակով:

ԱԺ փոխնախագահ Ալեն Սիմոնյանի համոզմամբ` նախաձեռնությամբ ազատականացվում է գովազդի շուկան, հանրայինին վերադարձվում է կոմերցիոն գովազդ հեռարձակելու իրավունքը` վերապահելով հավասարակշռող դեր, իսկ մասնավորը հնարավորություն է ունենում ավելի ազատ աշխատել, գովազդ գնել ու վաճառել: Ըստ խորհրդարանի փոխնախագահի` կստեղծվի այլընտրանք մենաշնորհված դաշտում:

Հովհաննես Հովհաննիսյանի խոսքով` տարիներ շարունակ գովազդի շուկան, հեռուստաընկերությունները դիտվել են որպես քաղաքական ճնշման գործիք ընդդիմախոսների նկատմամբ: Նրա համոզմամբ` նախագիծը հնարավորություն կտա շուկան ազատելու մենաշնորհներից:

Օրենքի նախագիծն Ազգային ժողովում ընդունվել է առաջին ընթերցմամբ՝ ձայների 101 կողմ և 12 ձեռնպահ հարաբերակցությամբ:

Շարունակել ընթերցումը

Հեռուստատեսություն

Netflix-ը կորոնավիրուսի պատճառով Եվրոպայում կնվազեցնի ֆիլմերի հեռարձակման որակը

Հրապարակվել է

Ամերիկյան Netflix ընկերությունը հաջորդ ամսվա ընթացքում կնվազեցնի ֆիլմերի եւ սերիալների հեռարձակման որակը, ինչը թույլ կտա ցանցերը ազատել COVID-19 կորոնավիրուսի համաճարակի պատճառով բարձր ծանրաբեռնվածությունից: Այս մասին հայտնում է Bloomberg-ը՝ վկայակոչելով ընկերության հայտարարությունը։

«Netflix-ը որոշել է նվազեցնել տվյալների փոխանցման արագությունը Եվրոպայում մեր բոլոր հոսքերում: Մեր գնահատականներով, դա Եվրոպական ցանցերում Netflix-ի տրաֆիկը կկրճատի մոտ 25 տոկոսով, ինչպես նաեւ որակյալ ծառայություն կապահովի մեր մասնակիցների համար», — ասվում է ընկերության հայտարարության մեջ:

Մարտի 19-ին ֆիլմերի եւ սերիալների հեռարձակումն անջատելու խնդրանքով Netflix-ին դիմել էր ներքին շուկայի հարցերով Եվրահանձնակատար Թիերի Բրետոնը: Իր Twitter-ում նա հայտնել է, որ բանակցություններ է վարել սթրիմինգային ծառայությունների եւ տեխնոլոգիական ընկերությունների ներկայացուցիչների հետ:

Բրետոնը նշել է, որ կորոնավիրուսի պանդեմիային հաղթելու համար բնակչությունը պետք է մնա տանը, ինչը կարող է ենթակառուցվածքի ծանրաբեռնվածություն առաջացնել:

«Բոլորի համար ինտերնետ հասանելիությունը պահպանելու համար եկեք անցնենք ստանդարտ թույլատվության, երբ HD-ի կարիք չկա», — նշել է Եվրահանձնակատարը:

Շարունակել ընթերցումը
Գովազդ
Գովազդ

Հարցում

Հունվարի ո՞ր ֆիլմն եք սպասում:

View Results

Loading ... Loading ...

Թրենդային

Copyright © 2019-2020 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: