Connect with us

«Ծիրանի Ծառ» Ուջանի 6-րդ միջազգային կինոփառատոն

Հրապարակվել է

«Ծիրանի Ծառ» Ուջանի միջազգային կինոփառատոնը կամ պարզապես Ուջանի ՄԿՓ-ն տեղի է ունենում Ուջան գյուղում և Երևանում` յուրաքանչյուր տարվա աշնան մեկնարկին: Սա ոչ միայն զանազան մարդկանց, ժողովուրդների ու համայնքների զարկերակը պատկերող ազգագրական և մարդաբանական վավերագրական ֆիլմերի տոն է, այլև մի հարթակ, որտեղ աշխարհի տարբեր ծայրերից ժամանած կինոգործիչները ծանոթանում են, զրուցում ազատ մթնոլորտում, կիսվում գաղափարներով, կազմում ապագա համագործակցության ծրագրեր:

Փառատոնն առաջին անգամ անցկացվել է 2015 թվականին և այդ ժամանակ կրում էր «Ծիրանի ծառ» էթնոգրաֆիկ ֆիլմերի միջազգային փառատոն անունը: Այն նպատակ ունի շեշտելու արդի աշխարհում կինովավերագրության կարևորությունը՝ միաժամանակ ծանոթացնելով հանդիսատեսին մեծ ու փոքր ժողովուրդների բարքերին ու կենցաղին, արվեստին և արհեստին, ժամանակակից քաղաքացու և գյուղացու հոգեվիճակին և ոգևորել երիտասարդ կինոգործիչներին ազգագրական և մարդաբանական նյութով՝ խթանելով իրենց ստեղծագործական որոնումներն այդ ուղղությամբ:

Տարիների ընթացքում փառատոնն անցել է որոշակի փոխակերպումներով: Եթե 2015-ին փառատոնային ցուցադրումներն ու միջոցառումները սահմանափակվել էին միայն Երևանով, ապա արդեն 2016-ին «Ծիրանի ծառը», որն արդեն իրականացնում էր նորաստեղծ «ՖԻԼՄԱԴԱՐԱՆ» կինոմշակույթի զարգացման ՀԿ-ն, իր ճյուղերն ընդլայնեց մինչև Գյումրի և Երևանից 35 կմ հեռավորության վրա գտնվող Ուջան գյուղ:

Հաշվի առնելով, որ Հայաստանում մշակութային իրադարձությունների գերակշռող մեծամասնությունը կենտրոնացված է մայրաքաղաքում, որոշվեց 2017-ին փառատոնը տեղափոխել Ուջան՝ այսպիսով գյուղացիներին ևս մասնակից դարձնելով երկրի մշակութային կյանքին: Զանգվածային և անխուսափելի ուրբանիզացիայի ժամանակներում չափազանց կարևոր է հնարավորություն տալ գյուղական բնակչությանը ևս ճանաչել համաշխարհային մշակույթի և մասնավորապես ֆիլմարվեստի լավագույն նմուշները:

Ֆիլմերը ցուցադրվում են հայերեն ենթագրերով:

Events

Փառատոն
04.09.2020
00:00
Ուջան
Սպասվում է
Փառատոն
05.09.2020
00:01
Ուջան
Սպասվում է
Փառատոն
06.09.2020
00:01
Ուջան
Սպասվում է
Փառատոն
07.09.2020
00:01
Ուջան
Սպասվում է
Փառատոն
08.09.2020
00:01
Ուջան
Սպասվում է
Փառատոն
09.09.2020
00:01
Ուջան
Սպասվում է
Փառատոն
10.09.2020
00:01
Ուջան
Սպասվում է
Միացեք մեր Telegram ալիքին և առաջինը ստացեք մեր նորությունները
Շարունակել ընթերցումը
Գովազդ
Մեկնաբանություններ

Նորություններ

Գործակալները ձայնի իրավունք են ստացել Ամերիկյան կինոակադեմիայում

Ավելի վաղ Ակադեմիայում կինեմատոգրաֆիստների ընդգրկված ներկայացուցիչները ձայնի իրավունք չունեին:

Հրապարակվել է

Հունիսի 29-ին հայտնի է դարձել, որ Կինոարվեստի և գիտության ամերիկյան ակադեմիաի / The Academy of Motion Picture Arts and Sciences Board of Governors տնօրենների խորհուրդը որոշում է կայացրել փոխել կազմակերպության կազմում ընդգրկված գործակալների՝ դերասանների, ռեժիսորների եւ ստեղծագործական մասնագիտությունների այլ կինեմատոգրաֆիստների ներկայացուցիչների կարգավիճակը: Այժմ գործակալները կարող են քվեարկել, ինչպես Ակադեմիայի մնացած այլ ակտիվ անդամները:

Ավելի վաղ Ակադեմիայում կինեմատոգրաֆիստների ընդգրկված ներկայացուցիչները ձայնի իրավունք չունեին: Նրանք այժմ համարվում են կազմակերպության քվեարկող անդամ, որոնք չեն վերաբերում որեւէ գիլդիայի:

Գործակալների համայնքը տասնամյակներով պայքարել է ձայնի իրավունքի համար, սակայն բախվում էր որոշ անդամների դիմադրությանը: Կինեմատոգրաֆիստների շրջանում կարծիք կար, որ գործակալը կինոարտադրության գործընթացում ներգրավված անձ չէ: Կինեմատոգրաֆիստների ներկայացուցիչներն իրենց հերթին պաշտպանում էին այն դիրքորոշումը, որ հենց նրանք են կարեւոր դեր խաղում նախագծի արտադրության վաղ փուլերում: Արդյունքում նրանց տեսակետն ընդունվեց:

Շարունակել ընթերցումը

Կինոարտադրություն

Վավերագրական ֆիլմի պատրաստման մրցույթ

«Ընդդեմ կանանց նկատմամբ բռնության կոալիցիան» հայտարարում է վավերագրական ֆիլմերի մրցույթ:

Հրապարակվել է

Ֆիլմի ստեղծման նպատակն է ամփոփել Ընդդեմ կանանց նկատմամբ բռնության կոալիցիայի ստեղծման և տասնամյա գործունեության պատմությունը՝ հանրությանը ներկայացնելով 2010-2020 թթ․ ընթացքում Կոալիցիայի ջանքերի շնորհիվ արձանագրված փոփոխություններն ու ձեռքբերումները` գենդերային բռնության կանխարգելման և կանանց իրավունքների պաշտպանության ոլորտում։

Վավերագրական ֆիլմը կընդգրկի կադրեր Կոալիցիայի հանրային միջոցառումներից, ցույցերից և ակցիաներից, կներառի հարցազրույցներ Կոալիցիայի անդամների, համակիրների և շահառուների հետ, կտեղադրվի կազմակերպության YouTube-յան էջում և կցուցադրվի տարբեր հարթակներում։

Պահանջվող որակավորումը և փորձը

  • Ֆիլմարտադրության կամ թվային արտադրության աշխատանքային փորձ
  • Սցենար գրելու հմտություններ
  • Վիդեո մոնտաժի հմտություններ
  • Մուլտիմեդիա ժուռնալիստիկայի, ռեժիսուրայի  կամ հարակից ոլորտում բարձրագույն կրթություն
  • Գենդերազգայունություն և կանանց հիմնահարցերի առանձնահատկություններին տիրապետելու համապատասխան փորձ։

Տևողությունը

Աշխատանքի տևողությունը երեք ամիս է։ Այն պետք է կատարվի 2020թ․ հուլիսից հոկտեմբեր ընկած ժամանակահատվածում։

Ֆիլմի պահանջները

  1. Տևողությունը՝ մինչև 50 րոպե
  2. Լեզուն՝ հայերեն՝ անգլերեն ենթագրերով
  3. Թեման՝ Ընդդեմ կանանց նկատմամբ բռնության կոալիցիայի տասնամյա գործունեության ամփոփումը

Հայտի/դիմումի պահանջները
Հայտը պետք է ներառի՝

  1. Դիմողի կամ կազմակերպության անունը և հասցեն
  2. Դիմողի/կազմակերպության ինքնակենսագրությունը
  3. Դիմողի/կազմակերպության պորտֆոլիոն
  4. Երկու երաշխավոր անձանց կոնտակտային տվյալներ
  5. Առաջարկվող բյուջե։

Դիմելու կարգը

Խնդրում ենք ձեր հայտն ուղարկել info@coalitionagainstviolence.org էլեկտրոնային հասցերին՝ նամակի վերնագրում նշելով «Վավերագրական ֆիլմի մրցույթի հայտ»։ Դիմումների վերջնաժամկետը՝ հուլիսի 8, 2020թ.։

Շարունակել ընթերցումը

Կինովարձույթ

«Մուլանի» թողարկումը հետաձգվել է մինչև օգոստոս

Այժմ ամերիկյան կինոթատրոնների գրաֆիկում առաջին խոշոր թողարկումը կրկին Քրիստոֆեր Նոլանի «Սկզբունքն» է դարձել:

Հրապարակվել է

Հունիսի 26-ին հայտնի է դարձել, որ Disney-ի «Մուլան» բլոկբաստերի թողարկումը կրկին հետաձգվել է՝ հուլիսի 25-ից մինչեւ օգոստոսի 21-ը, հաղորդում է Deadline-ը: Այժմ ամերիկյան կինոթատրոնների գրաֆիկում առաջին խոշոր թողարկումը կրկին Քրիստոֆեր Նոլանի «Սկզբունքն» է դարձել: Անցած հինգշաբթի ժապավենի վարձույթի պլանավորված մեկնարկը հուլիսի 31-ից տեղափոխվել է օգոստոսի 12-ին: Հին ամսաթիվը Warner Bros. տեղափոխել են նույն ռեժիսորի «Սկզբի» կրկնակի վարձույթի գործարկումը: Ավելի վաղ այդ թողարկումը նախատեսված էր հուլիսի 17-ին:

Հիշեցնենք, որ ռելիզների ժամանակացույցում վերադասավորումների հերթական փուլը սկսվել է անցյալ շաբաթվա վերջին, երբ Նյու Յորքի նահանգապետ Էնդրյու Կուոմոն հայտարարել էր, որ կինոթատրոնները չեն բացվի սահմանափակումների վերացման չորրորդ փուլի ընթացքում:

Դրանից քիչ առաջ ամերիկյան կինոթատրոնները խստացրել են այցելուների պահանջները, իսկ ավելի ուշ սկսել են ճշգրտել սրահների բացման ժամանակացույցը՝ վերադառնալով բնականոն աշխատանքին օգոստոսի կեսին: Այսպես, Deadline-ի տվյալների համաձայն՝ AMC ցանցը կսկսի աշխատանքի վերականգնման առաջին փուլը ոչ թե հուլիսի կեսերին, ինչպես պլանավորվել էր ավելի վաղ, այլ հուլիսի 31-ին՝ օգոստոսի 7-ին եւ 12-ին բացման հետագա փուլերով:

Շարունակել ընթերցումը

Միացեք մեզ

Գովազդ

ԿինոՊրես Telegram

Գովազդ

Հարցում

Թրենդային

Copyright © 2019-2020 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: