Connect with us

Կինոարտադրություն

Sony Pictures-ը ստացել է Մայքլ Բեյին

Ստուդիան նրա հետ ստորագրեց first-look deal:

Հրապարակվել է

Sony Pictures-ը պայմանագիր է կնքել Մայքլ Բեյի եւ նրա Bay Films պրոդյուսերական ընկերության հետ: Կողմերը ստորագրել են, այսպես կոչված, first-look deal համաձայնագիր, որով ստուդիան առավելություն իրավունք է ստանում մասնակցելու ռեժիսորի եւ պրոդյուսերի նոր նախագծերին: Հետաքրքիր է, որ գործարքը ներառում է ինչպես կինոնախագծեր, այնպես էլ հեռուստաֆիլմեր եւ սերիալներ:

Բեյը բավականին հաջողակ բեմադրիչ եւ պրոդյուսեր: Նրա ռեժիսորական դեբյուտը լիամետրաժ կինոյում կայացել է 1995 թվականին Sony-ի «Վատ տղաներ» ֆիլմով: Ռեժիսորի կարիերայի ամենահաջողվածներից մեկը դարձել է «Տրանսֆորմերներ» ֆրանշիզան: Բացի այդ, Բեյը բազմաթիվ նախագծերի, այդ թվում՝ «Տեխասյան սպանդ բենզասղոցով» եւ «Ուրբաթ, 13», օրիգինալ «Լուռ վայրի», «Բամբլբի» ֆիլմի, «Դատաստանի օրը» ֆիլմի հիման վրա նկարահանված սերիալի, «Սեւ առագաստներ» սերիալի եւ այլ նախագծերի պրոդյուսերն էր:

Որպես ռեժիսոր Բեյը վերջերս Netflix-ի համար նկարահանել է «6 Underground» էքշն-նախագիծը, իսկ այժմ աշխատում է «Black 5» ֆիլմի վրա, որի սյուժեն գաղտնի է պահվում, բայց, դատելով արտահոսքից, այդ կինոն կպատմի էլիտար ռազմական ստորաբաժանման մարտիկների մասին:

Կինոարտադրություն

Պեդրո Ալմոդովարը պանդեմիայի ընթացքում նոր ֆիլմի սցենար է գրել

Հրապարակվել է

Հուլիսի 2-ին հայտնի է դարձել, որ իսպանացի ռեժիսոր Պեդրո Ալմոդովարը, գտնվելով մեկուսացման մեջ, պանդեմիայի հետ կապված սցենար է գրել նոր ֆիլմի համար, որի գլխավոր դերը կկատարի Պենելոպե Կրուսը: Ալմոդովարի խոսքով՝ ինքն ավարտել է սցենարը երեք ամսում, իսկ նկարի վրա աշխատանքը կսկսվի արդեն այս տարվա հոկտեմբերին:

Ալմոդովարը հիվանդացել է կորոնավիրուսով եւ հիվանդությունից հետո կենտրոնացել սցենարի վրա: «Ես վերապրեցի կորոնավիրուսը, որպես ևս մեկ գրիպ», — ասել է ռեժիսորը Efe-ին տված հարցազրույցում:

Նոր ֆիլմը կստանա «Զուգահեռ մայրեր» / «Madres paralelas» անվանումը, և դրանում կրկին կքննարկի ռեժիսորի սիրած թեման՝ մայրությունը՝

Սյուժեն կպատմի երկու կանանց մասին, որոնք ծննդաբերում են մեկ օրում, և նրանց կյանքը սկսում է զարգանալ «զուգահեռ հետագծով»:

Այս տարվա փետրվարին Պեդրո Ալմոդովարը հայտարարել էր, որ պլանավորում է կարճամետրաժ ֆիլմ նկարահանել Ժան Կոկտոյի «Մարդկային ձայնը» պիեսի մոտիվներով, որտեղ գլխավոր դերը կկատարի Թիլդա Սուինթոնը:

Շարունակել ընթերցումը

Կինոարտադրություն

Ֆիլմը դեռ չկա, բայց այրդեն վաճառած է. Ո՞վ է ներկայացնելու արքայադուստր Դիանայի մասին ֆիլմը Հայաստանում

Արքայադուստր Դիանայի մասին պատմող «Սփենսեր» ֆիլմը վաճառվել է ամբողջ աշխարհում

Հրապարակվել է

Նկարահանումներից շատ առաջ արքայադուստր Դիանայի մասին ֆիլմը Քրիստեն Ստյուարտի մասնակցությամբ վաճառվել է ամբողջ աշխարհում:

Արքայադուստր Դիանայի մասին չիլիացի ռեժիսոր Պաբլո Լարաինի ֆիլմի նկարահանումները կսկսվեն 2021 թվականի առաջին ամսից ոչ շուտ, իսկ «Սփենսեր» անվանումով Կաննի կինոշուկայում մեծ հետաքրքրություն առաջացրած նախագիծն արդեն վաճառվել է աշխարհի գրեթե բոլոր երկրներ:

Ամերիկյան FilmNation ընկերությունը գրեթե ամբողջությամբ վաճառել է նախագիծը՝ գործարքներ կնքելով Մեծ Բրիտանիայի, Ֆրանսիայի, Իտալիայի եւ Բենիլյուքի (STX Entertainment), Գերմանիայի եւ Շվեյցարիայի (DCM), Ավստրալիայի / Նոր Զելանդիայի (Roadshow), Լատինական Ամերիկայի, Իսպանիայի եւ Պորտուգալիայի (Sun), Հարավային Կորեայի (Green Narae) եւ Ճապոնիայի (Tohokushina) հետ:

Բացի այդ ֆիլմը վաճառվել է Սկանդինավիա (Scanbox), Կանադայում (Elevation), ԱՊՀ եւ Բալթյան երկրներում (Ցենտրալ Փարթներշիփ), Արեւելյան Եվրոպայում (Forum), Մերձավոր Արեւելքի (Italia), Պան Ասիա Pay TV (Disney), Սինգապուր (Sho), Հունաստան/Կիպրոս (Spentzos), Hong Kong (Golden Scene), Հնդկաստան/Պակիստան (Impact Films India), Իսրայելը (Lev), Թուրքիան (FilmArti), Հարավային Աֆրիկյան Հանրապետություն (Empire), Թայվան (Moviecloud) եւ Թայլանդ (M Pictures):

ԱՊՀ երկրների համար իրավունքները ձեռք է բերել «Ցենտրալ Փարթներշիփ» կինոընկերությունը, Հայաստանում այն ներկայացված է «Շարմ Փիքչերզի» կողմից, ԱՄՆ-ում ֆիլմը կթողարկեն Neon եւ Topic Studios կինոընկերությունները: Բոլոր խոշոր շուկաներից դեռեւս դիստրիբյուտոր չկա միայն Չինաստանում:

Նկարը ցույց կտա արքայադուստր Դիանայի կյանքը նրա համար վերջին Սուրբ Ծննդյան տոնը թագավորական ընտանիքի հետ հայտնի Սադրինգեմի կալվածքում: Գլխավոր դերը կխաղա Քրիստեն Ստյուարտը, սցենարը գրել է Սթիվեն Նայթը: Որպես պրոդյուսերներ հանդես են եկել Պաբլո Լարաինը, Խուան դե Դիոս Լարաինը, Յոնաս Դորնբախը, Յանինա Յակովսկին եւ Փոլ Ուեբսթերը:

Շարունակել ընթերցումը

Կինոարտադրություն

Վավերագրական ֆիլմի պատրաստման մրցույթ

«Ընդդեմ կանանց նկատմամբ բռնության կոալիցիան» հայտարարում է վավերագրական ֆիլմերի մրցույթ:

Հրապարակվել է

Ֆիլմի ստեղծման նպատակն է ամփոփել Ընդդեմ կանանց նկատմամբ բռնության կոալիցիայի ստեղծման և տասնամյա գործունեության պատմությունը՝ հանրությանը ներկայացնելով 2010-2020 թթ․ ընթացքում Կոալիցիայի ջանքերի շնորհիվ արձանագրված փոփոխություններն ու ձեռքբերումները` գենդերային բռնության կանխարգելման և կանանց իրավունքների պաշտպանության ոլորտում։

Վավերագրական ֆիլմը կընդգրկի կադրեր Կոալիցիայի հանրային միջոցառումներից, ցույցերից և ակցիաներից, կներառի հարցազրույցներ Կոալիցիայի անդամների, համակիրների և շահառուների հետ, կտեղադրվի կազմակերպության YouTube-յան էջում և կցուցադրվի տարբեր հարթակներում։

Պահանջվող որակավորումը և փորձը

  • Ֆիլմարտադրության կամ թվային արտադրության աշխատանքային փորձ
  • Սցենար գրելու հմտություններ
  • Վիդեո մոնտաժի հմտություններ
  • Մուլտիմեդիա ժուռնալիստիկայի, ռեժիսուրայի  կամ հարակից ոլորտում բարձրագույն կրթություն
  • Գենդերազգայունություն և կանանց հիմնահարցերի առանձնահատկություններին տիրապետելու համապատասխան փորձ։

Տևողությունը

Աշխատանքի տևողությունը երեք ամիս է։ Այն պետք է կատարվի 2020թ․ հուլիսից հոկտեմբեր ընկած ժամանակահատվածում։

Ֆիլմի պահանջները

  1. Տևողությունը՝ մինչև 50 րոպե
  2. Լեզուն՝ հայերեն՝ անգլերեն ենթագրերով
  3. Թեման՝ Ընդդեմ կանանց նկատմամբ բռնության կոալիցիայի տասնամյա գործունեության ամփոփումը

Հայտի/դիմումի պահանջները
Հայտը պետք է ներառի՝

  1. Դիմողի կամ կազմակերպության անունը և հասցեն
  2. Դիմողի/կազմակերպության ինքնակենսագրությունը
  3. Դիմողի/կազմակերպության պորտֆոլիոն
  4. Երկու երաշխավոր անձանց կոնտակտային տվյալներ
  5. Առաջարկվող բյուջե։

Դիմելու կարգը

Խնդրում ենք ձեր հայտն ուղարկել info@coalitionagainstviolence.org էլեկտրոնային հասցերին՝ նամակի վերնագրում նշելով «Վավերագրական ֆիլմի մրցույթի հայտ»։ Դիմումների վերջնաժամկետը՝ հուլիսի 8, 2020թ.։

Շարունակել ընթերցումը

Միացեք մեզ

Գովազդ

ԿինոՊրես Telegram

Գովազդ

Հարցում

Թրենդային

Copyright © 2019-2020 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: