Connect with us

Կինոիրադարձություններ

TIFF 2019. Filmmaker Lab և Talent Accelerator մասնակիցները

Հրապարակվել է

Սեպտեմբերի 5-15-ը Կանադայում տեղի կունենա Տորոնտոյի 44-րդ միջազգային կինոփառատոնը: Ստուգատեսի կազմակերպիչները հայտնել են 20 ռեժիսորների, որոնք կմասնակցեն TIFF Filmmaker Lab-ի՝ սեմինարների բացառիկ ծրագրին: Այս տարի առաջին անգամ իր աշխատանքն է սկսում TIFF Talent Accelerator-ը՝ կրթական ծրագիր կանադացի կանանց համար, որոնք կինոյում աշխատում են որպես ռեժիսորներ, պրոդյուսերներ եւ սցենարիստներ:

Filmmaker Lab-ին, որը կոչված է ոգեշնչելու հեղինակներին եւ օգնելու օրիգինալ նախագծերի ստեղծմանը, կմասնակցեն 9 ռեժիսոր Կանադայից եւ 11 այլ երկրներից, որոնք հնարավորություն կստանան չորս օրվա ընթացքում սովորել մենթորներից, որոնց թվում են պրոդյուսեր Կասիան Էլվիսը, սցենարիստ եւ ռեժիսոր Պատրիցիա Ռոզեմանը, դերասանական վարպետության մարզիչ Միրանդա Հարկորտը եւ ռեժիսոր Լուլու Վանգը:

«Աջակցել ռեժիսորներին եւ օգնել նրանց ձեռք բերել ձայնը եւ իրականացնել իրենց տեսլականը TIFF առաքելության մի մասն է, — ասաց TIFF բիզնես ծրագրի տնօրեն Ջեֆ Մաքնոթոնը: — TIFF Filmmaker Lab-ը այս առաքելության անբաժանելի մասն է, քանի որ այն հնարավորություն է տալիս հեղինակների հաջորդ սերնդին սովորել ոլորտի առաջնորդներից, ճանաչված ռեժիսորներից եւ նրանց գործընկերներից»:

TIFF Filmmaker Lab-ը կանցկացվի սեպտեմբերի 4-ից 7-ը: Մասնակիցներ՝ Ջոզեֆ Ամենտա (Կանադա), Սոֆիա Բոգդանովիչ (Կանադա), Կարեն Չապման (Կանադա), Էշլինգ Չին-Յի (Կանադա), Նիկոլ Դորսեյ (Կանադա), Մարտին Էդրալին (Կանադա), Դրյու Լինտ (Կանադա), Ջոֆ Ռեդնապ (Բրիտանական Կոլումբիա), Չարլի Թայրել (Կանադա), Abbesi Akhamie (ԱՄՆ), Սիրիլ Արիս (Լիբանան), Andreas Bøggild Monies (Դանիա), Չեմա Գարսիա Իբարրա (Իսպանիա), Beza Hailu Lemma (Եթովպիա), Ջենիֆեր Պիդոմ (Ավստրալիա), Ջոանա Պյուք (Նորվեգիա), Silvina Schnicer (Արգենտինա), Maya Vitkova-Kosev (Բուլղարիա), Չարլզ Ուիլյամս (Ավստրալիա), Սամանթա Պինեդա (Մեքսիկա):

TIFF Talent Accelerator-ի միջոցառումներին կմասնակցեն ռեժիսորներ Սոֆիա Բոգդանովիչը եւ Կարեն Չապմանը, պրոդյուսերներ Մելիսա Կոգլանը եւ Շաշա Նահային, Սցենարիստներ Լիզա Ջեքսոնը եւ Ջասմին Մոզաֆարին

Միացեք մեր Telegram ալիքին և առաջինը ստացեք մեր նորությունները

Կինոիրադարձություններ

ԱՄՆ պրոդյուսերների գիլդիան պարգեւատրել է «1917»

Հրապարակվել է

«Օսկարի» գլխավոր կանխատեսողներից մեկը՝ պրոդյուսերների գիլդիան (PGA) հայտնել է ամենամյա մրցանակի դափնեկիրներին: Գեղարվեստական ֆիլմի պրոդյուսերական նվաճումների համար հաղթող է դարձել «1917» ռազմական դրաման:

Մրցանակներն ստացել են ֆիլմի ռեժիսոր (եւ միաժամանակ պրոդյուսեր) Սեմ Մենդեսը, Պիպա Հարիսը, Ջեյն էն-Թեգգրենը եւ Քալում ՄըքԴուգալը: «1917»-ի մրցակիցներն էին «Մակաբույծները», «Իռլանդացին», «Մի անգամ Հոլիվուդում», «Փոքրիկ կանայք», «Ջոկերը», «Ջոջո Ճագարը», «Ամուսնական պատմություն», «Ford ընդդեմ Ferrari» և «Դանակները դուրս»:

Հաղթողի օգտին քվեարկելիս պրոդյուսերների գիլդիայի անդամներն օգտագործում են այսպես կոչված նախապատվությունների համակարգը՝ ձայների մշակման մեթոդը, որում լավագույնը դառնում է այն ֆիլմը, որը հավաքել է նախապատվությունների ավելի քան 50 տոկոսը: Իսկ եթե ոչ մի թեկնածու չի կարողանում հասնել այդ շեմին, ապա ձայները բաշխվում են մյուսների միջեւ, քանի դեռ հաղթողը 50 տոկոս + մեկ ձայն չի ունեցել:

Նույն համակարգն օգտագործվում է «Օսկարի» «Լավագույն ֆիլմ» անվանակարգի համար: Անցյալ տարի գիլդիան տվեց «Կանաչ գրքին» գլխավոր մրցանակը, որը հետագայում նվաճեց նաեւ ոսկե արձանիկը: PGA մրցանակի գոյության 31 տարիների ընթացքում 21 համընկնում է եղել:

Ավելի վաղ «1917»-ը ստացել էր «Ոսկե Գլոբուս» մրցանակը՝ որպես լավագույն դրամա եւ «Օսկարի» տասը անվանակարգ: Ֆիլմը հայկական վարձույթում կհայտնվի հունվարի 30-ին:

Շարունակել ընթերցումը

Կինոիրադարձություններ

Սփայք Լին կգլխավորի Կաննի 73-րդ կինոփառատոնի ժյուրին

Հրապարակվել է

Մայիսի 12-23-ը Ֆրանսիայում տեղի կունենա Կաննի 73-րդ կինոփառատոնը, որի ժյուրիի նախագահ կդառնա ամերիկացի կինոռեժիսոր Սփայք Լին: Այս մասին հայտնում է փառատոնի պաշտոնական կայքը։ Սփայք Լին նաեւ կպարգեւատրվի Ոսկե արմավենու ճյուղով՝ կինոփառատոնի փակման ժամանակ կյանքի նվաճումների համար:

«Իմ կյանքի բոլոր ամենաերջանիկ և օրհնված պահերը անսպասելի էին: Երբ ինձ զանգահարեցին եւ առաջարկեցին 2020 թվականին Կաննի փառատոնի ժյուրիի նախագահ դառնալ, ես ցնցված էի, երջանիկ, զարմացած եւ հպարտ միաժամանակ», — ասում է Լին:

62-ամյա կինոռեժիսոր, սցենարիստ, դերասան, խմբագիր, պրոդյուսեր Սփայք Լին նկարահանել է բազմաթիվ ֆիլմեր, որոնք դարձել են հանրության համար սիրելի ու պաշտելի։ Սփայք Լին կարողացավ ժամանկակից խնդիրներն ու հարցերը բերել կինոթատրոն։ Կաննում տարբեր ժամանակներում, սկսած 1986-ից, ներկայացվել են նրա յոթ աշխատանքները. 1986-ին «Նրան դա անհրաժեշտ է» դեբյուտային կինոնկարը ստացել է երիտասարդական ժյուրիի մրցանակը, այնուհետեւ հիմնական մրցույթում հայտնվել են նրա մի շարք այլ ֆիլմեր:

«Ինձ համար Կաննի փառատոնը (բացի նրանից, որ աշխարհի ամենակարեւոր կինոփառատոնն է, չեմ ցանկանում ոչ ոքի նեղացնել, բայց այպես է) մեծ ազդեցություն է ունեցել ռեժիսորի իմ կարիերայի վրա։ Կարելի է ասել, որ Կանն ինձ դարձրել է այնպիսի, ինչպիսին եմ ես այսօր կինոարտադրության ոլորտում»,- հայտարարել է կինեմատոգրաֆիստը։

Փառատոնի ժյուրիի ամբողջական կազմը կհայտարարվի ապրիլի կեսերին։ Նախորդ Կաննի կինոփառատոնի ժյուրիի նախագահն էր մեքսիկացի ռեժիսոր Ալեխանդրո Գոնսալես Ինյարիտուն:

Շարունակել ընթերցումը

Կինոիրադարձություններ

Քեյթ Բլանշետը կգլխավորի Վենետիկի 77-րդ կինոփառատոնի ժյուրին

Հրապարակվել է

Սեպտեմբերի 2-12-ը Իտալիայում տեղի կունենա Վենետիկի 77-րդ կինոփառատոնը, որի միջազգային ժյուրին կգլխավորի ավստրալացի դերասանուհի եւ պրոդյուսեր Քեյթ Բլանշետը, հաղորդվում է փառատոնի կայքում: Նա կդառնա չորս տարվա ընթացքում երրորդ կինը, որը գլխավորում է ստուգատեսի հիմնական մրցույթի մրցանակների բաշխումը: Ժյուրիի նախագահն անցյալ տարի եղել է արգենտինացի ռեժիսոր եւ պրոդյուսեր Լուկրեսիա Մարտելը, իսկ 2017-ին՝ ամերիկացի դերասանուհի Աննեթ Բենինգը:

«Քեյթ Բլանշետը ոչ միայն ժամանակակից կինոյի վառ աստղ է, որն աշխատում է վերջին քսան տարիների մեծագույն ռեժիսորների հետ, եւ որին պաշտում են ամբողջ աշխարհում: Նրա նվիրվածությունը արվեստին, բարեգործությանը, շրջակա միջավայրի պաշտպանությանը եւ կինեմատոգրաֆիայում կանանց ազատմանը նպաստելը, որը դեռեւս չի կարող ազատվել տղամարդկանց նախապաշարմունքներից, Բլանշետին ոգեշնչման աղբյուր են դարձրել ընդհանուր հասարակության համար», — նշել է փառատոնի տնօրեն Ալբերտո Բարբերան:

Բլանշետը «Օսկարի» երկակի մրցանակակիր է՝ «Ավիատորը» և «Ժասմին» ֆիլմերի համար; «Ոսկե գլոբուսի» եռակի հաղթող, երեք անգամ արժանացել է Բրիտանական կինո ու հեռուստաակադեմիայի (BAFTA): Նրան մեծ հաջողություն են բերել «Եղիսաբեթ», «Մատանիների տիրակալը», «Ոսկե դար», «Քերոլ» եւ այլ ֆիլմեր։ 2018 թվականին Բլանշետը գլխավորել է Կաննի փառատոնի ժյուրին:

«Ամեն տարի ես ուշադիր ուսումնասիրում եմ Վենետիկի կինոփառատոնի ծրագիրը, եւ ամեն անգամ այն ինձ զարմացնում է իր ինքնատիպությամբ ու բազմազանությամբ: Սա աշխարհի ամենասադրիչ եւ ոգեշնչող փառատոնն է, որը ամբողջովին ներկայացնում է կինոյի էությունը: Ինձ համար մեծ պատիվ և հաճույք է այս տարի լինել ժյուրիի նախագահ», — մեկնաբանել է Բլանշետը:

Շարունակել ընթերցումը
Գովազդ

Թրենդային

Գովազդ

Հարցում

Հունվարի ո՞ր ֆիլմն եք սպասում:

View Results

Loading ... Loading ...

Թրենդային

Copyright © 2019 ԿինոՊրես

Բոլոր իրավունքները պաշտպանված են ՀՀ օրենսդրությամբ:
Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: