Իր հին ընկեր՝ Առնոլդ Շվարցենեգերին փոքր հարցազրույցում «Ավատարի» սիքվելների մասին նորություններով է կիսվել Ջեյմս Քեմերոնը: Հայտնի ռեժիսորի խոսքով՝ երկրորդ ֆիլմի նկարահանումներն ամբողջությամբ ավարտված են: Մոտ 95% ավարտված է «Ավատար 3» աշխատանքը:
Ջեյմս Քեմերոնը բացատրել է, որ կորոնավիրուսի համաճարակի պատճառով կորցրել են նկարահանող գործընթացի չորս ու կես ամիս: Դա հանգեցրել է «Ավատար 2» պրեմիերայի մեկ տարով հետաձգմանը: 2021 թվականի դեկտեմբերի փոխարեն ֆանտաստիկ բլոկբաստերն այժմ էկրան կբարձրանա 2022 թվականի դեկտեմբերի 16-ին: Երրորդ, չորրորդ և հինգերորդ ֆիլմերի պրեմիերաներն այժմ նշանակված են 2024-ի, 2026-ի եւ 2028-ի դեկտեմբերին:
Ջեյմս Քեմերոնը գովաբանել է համաճարակը հաջողությամբ հաղթահարած Նոր Զելանդիայի իշխանություններին: Նրա խոսքով՝ սա կորոնավիրուսի դեմ պայքարի աշխարհի լավագույն երկրներից մեկն է: Արդեն հունիսին Նոր Զելանդիան իրեն կորոնավիրուսից ազատ է հայտարարել:
Պրոդյուսեր Ջոն Լանդաուի հետ Ջեյմս Քեմերոնը Նոր Զելանդիա է վերադարձել հունիսին: Երկիր մուտք գործելու հատուկ թույլտվություն է տրվել նկարահանող խմբի 55 անդամների: Այդ ժամանակից ի վեր նկարահանումները վերսկսվել են ավելի կամ պակաս նորմալ ռեժիմով: Ռեժիսորը կտրականապես հրաժարվել է պարզաբանել ապագա ֆիլմերի սյուժեի մասին որեւէ բան: Այդպես ավելի լավ կլինի հանդիսատեսի համար, կարծում է Ջեյմս Քեմերոնը:
